بورتسودان تواجه أزمة مياه حادة
بورتسودان: محمود وداحمد: تعيش مدينة بورتسودان ازمة مياه حادة،ما ادى الى ارتفاع سعر (جوز الماء) في بعض الاحياء لثلاثة جنيهات.
وعزا مدير عام مياه ولاية البحر الاحمر، المهندس ناجي عز الدين محي الدين، الازمة الي شح الامداد القادم من خور اربعات الذي يغذي المدينة لانخفاض مناسيب المياه فيه، وقال ان ماتبقي من مخزون يجعل هنالك صعوبة في عملية السحب ما يضطر ادارة المياه اللجوء الي عملية توزيع المياه عبر طلمبات ضخ داخل السد، موضحاً ان نسبة المخزون المتبقي من المياه لا تتجاوز الـ 30% ،مشيرا الي مساعي ادارته الجاده لتشغيل كل محطات التحلية، بجانب ادخال عدد من الابار الارتوازية في الخدمة ما يؤدي الي رفع معدل المخزون الي 75% .
من ناحيته، كشف وكيل وزارة المالية الاتحادية، يوسف عبد الله الحسين، في تصريحات صحفية عن قرار صادر من وزارة المالية لبنك السودان لتحرير خطاب ضمان علي ثلاث مراحل للشروع في تنفيذ مشروع مد ولاية البحر الاحمر بمياه النيل، لتقوم بتنفيذه الشركة الصينية الام بدلا عن الفرعية التي تعاني من اشكالات ،وقال ان المبلغ المرصود للمشروع تم توفيره للشركة ويقدرب (470) مليون دولار.
الصحافة
يا ناس بورسودان الله يكون في عوتكم ؛ يظهر بدو يختو ليكم الحطب تحت الصاج؟؟؟؟؟؟؟؟
كضابين ،،، نحنا من متين بنسمع عن مد مدينة بورتسودان بمياه من النيل ،،، لو كان كل يوم بركبو ماسورة طولها 3 أمتار كن اليوم إنتهو من المشروع ده ،، بس من البتابع ؟ الوالي المشغول بالبزنس بتاعو وما يقدر ينوم لو مافي تحت سريرو أكتر من 2 مليار دخل اليوم الواحد ، والمشغول كمان في توزيع المشاريع علي حبايبو وقرايبو … ولا يتابعوها المساكين الشدهوهم بتكاليف المعيشة اليومية وتدبير لقمة العيش ؟ ولا ناس لحس الكوع ؟
تجدثت عنها من قبل مقال ولكن يظهر نحن ضد التيار واصدار القرار ….
دائما اسمع بالتطور في بورتسودان وكعادتي لا اؤمن باي تطور يحصل في ربوع السودان في ظل حكم الكيزان لان كل شيء يتم بطريقة عشوائية وطبيعية ولا يتم علي اساس تنمية الانسان وما فائدة ما تم من تطور في هذه المدينة و الانسان يعاني العطش في كل موسم فالحلول الجزئية ليست الحل
المجرم الكاذب الأسبوع الماضي ماكان في بورتسودان وألقي خطبة طويلة وعريضة وإتكلم عن وجود الماء العذب ..وكلام كتير ..كلوه كذب ..وجنبوه المنافق والي بورتسودان كيلا ..حبل الكذب يا البشر حدوه قصير ..تكذب عمرك كلوه ..لعنة الله عليك ياوقد ياقاتل.
ورد في حديث الدجال في مسلم ((……فينصرف الدجال عنهم ، فيصبحون ممحلين ، ينقطع الغيث عنهم ، وتيبس الأرض والكلأ ، ليس في أيديهم شيء من أموالهم ولا أنعامهم ، نسأل الله أن يثبتهم على دينهم…..))
أليس دجال السودان كان في بورتسودان يوم 1-3-2013 لذلك يمكن ان يكون ذلك بسببه
وكيف يدخلوا الموية لبورتسودان .. هم عارفين لو دخلوا الموية ثاني ما في زول بيديهم صوته في الانتخابات .. عشان كدة هم عاملين موضوع الموية دا كرت جوكر .. يعني كلما تجي الانتخابات يغشوا الناس (والحريم خاصة) بأنه السنة دي حندخل ليكم الموية عشان يدوهم صوتهم .. ولما يفوزوا يدوهم بعبوص .. ألا لعنة الله على الكاذبين وعلى المنافقين والدجالين .. أما الوالي المعفن الاسمه إيلا دا .. فعلاً صدق من سماك (والي شوارع) هو كل همه العمل في الشوارع وسفلتتها وعمل (إنترلوك) قدام البيوت .. عارفين انتو هو بيعمل كدة ليه .. لأنه مصنع الإنترلوك حقه .. يعني ضارب الميزانية براه .. وشغل خلق الله بمهرجان (الوساخة) بتاعه دا عشان يلهي الناس عن المطالبة بحقوقهم الأساسية ومن ضمنها الموية .. أول مرة في حياتي أشوف لي مهرجان سياحة يستمر أكثر من سبعة شهور .. وطبعاً جاب لينا الهوا بمهرجاناته دي وغلا علينا البلد .. وللأسف الشديد أصبح بعض الصعاليك في عهده من مليونيرات البلد وهم قبل سنتين كانوا بيشحدوا حق المخبازة من أولاد الحلة أمثال ….. وناس بورتسودان بيعرفوا أنا قاصد منو .. الله يجازي محنكم يا أوغاد.
قال البشير (والقول بدون فلوس) بورسودان ستكون شنغهاي الشرق واحسن من دبي !!!!!! الجخص خرف؟؟؟؟؟…. اما الوالي المنتفخ ( ايلا ظلط ) دا رواية تانية في الفساد والإفساد وحكاية مهرجان السياحة دي دخان لتغطية سرقات ِبالمليارات …. أنسان بورسودان ما زال يشرب الماء بالتناكر والكارو والبلد صحة البيئة فيها زيرو والبعوض والذباب يمرح ويسرح والحميات هلكت الشباب.. والميناء والمصانع والغرابيل واقفة والعمل الوحيد المتوفر هو السمسرة وإنتظار الفتات من أولاد الوالي!!!!
ومهرجان السياحه اللى كان يصيح ويصرخ فيه البشير قبل يومين … وكمان قال ولاية البحر الأحمر قدوة للولايات وشكر ومجّد الحرامى الكبير محمد طاهر إيلا ……….. والولاية عطشانه وفقرانه ومرضانه
ياكذاب مسيلمة بالنسبه ليك شريف يا نمرود الله يعينكم يا ناس برتسودان ادعو على القشير عشان يطير وان شاء الله نهايتو قربت هو وبراغيث الحمير( اتبنون بكل ربع اية تعبثون وتتخذون مصانع لعلكم تخلدون واذا بطشتم بطشتم جبارين )تبنو في الفنادق في ماليزبا وفي الامارات وداد بابكر اشترت قصر الامين الشيخ مصطفى الامين ابن رجل الاعمال المعروف ب 6 مليون وخمسمائة الف دولار صحيح المبلغ ما كثير بالنسة للمليارات النهبتوها من الشعب الغلبان الجيعان وما نظن في ودادامكن تكون ورثت من المرحم ابراهيم شمس الدين . يالقشير لاقرب الله دارك ولامزارك فما اكثر كلامك واقل افعالك
انا شايف يغسلوا انابيب البترول القاعدة ساي دي ويمدوا لينا بيها المويه
فعلا الله يكون فى عون اهل بورتسودان و هم يستمعون الى غناء الفنان على اللحو ويشاهدون رقص …
………. مع وعد بان تصبح بورتسودان شنغهاى افريقيا- ديل ناس عايزين شنق
بلد ما فيها مويه- لزوم الغناء و الرقص شنوا!!!!!!!!!
هاولاء المنافقين كلما تعطش الولايه شديد والناس تتضايق يحركو ملف توصيل موية النيل الليببقتززي قصة طريق الانقاذاالغربي طول عمر حكومة الانقاذ ال24 سسنه الفاتت عايزين يبدو توصيل المويه من النيل اول ما الازمه تخف شويه يجلو الفكره