خنساء السودان والدة الشهيد علاءالجاك ترثي ولدها
عمر الفاروق عبد الله
هاهي خنساء السودان والدة الشهيد علاء الدين الجاك ترثي ولدها وتقدمه فدا للسودان
ونحن نقول لها دم ابنك ان شاء الله لن يضيع هدر بل هو مهر لسودان جديد بإذن الله سودان الحرية والعزة والعيش الكريم
والدة الشهيد علاء الدين الجاك : حبابو الحر ولدي ما احتار وقف بين بين اختار الشعب ابوه والشرفا والطيبين
والدة الشهيد علاء الدين الجاك ترثيه
يا حلال العقد
هداي هوام الليل
لحاق الضعيف
الحملو هدا الحيل
فراج الكرب
زاد حملي أضحى تقيل
وضاق واسع الفضاء
كتر اﻷسى والويل
جود بالجود والطف
الدم دفر زي السيل
جناااااااي?
كت داخراهو للعوجة والزمان الشين
وكت راجياه سند لي وضي العين
رضعتو السماح الزين جنا الزينين
وسقيتو الحنين ولدي الشفوق وحنين
وريتو الصح بي وين
ووين الكضب والشين
حبابو الحر ولدي
ما احتار وقف بين بين
اختار الشعب ابوه
والشرفا والطيبين
وليييييدي?.
ما سويت عوج وصدوك يا جنايا
وما اندسيت جريت اجابنت يا عشايا
وكت يوم شليق لقوك بعصايا
ولدا زين سمح ما احتجت لي وصايا
سرج خيلك مشيت للشمسو ضوايا
عافيالك جناي بلقاك في الجايا
حاكمنا?
الراعي اﻷمين بعرف هموم الناس
مليان بأساهم مو صنج عديم احساس
بحكم بالعدل مي قنبلة ورصاص
بعد السرقة ليش كتلت وﻻد الناس
يا ريس البلد حاكمنا في الجرتوم
ما ضاق فقد الجنا وجعوا البيحمي النوم
وﻻ حرقة حشا اﻷمات والمظلوم
لو كت بشر كت طلقتو حكما شوم
محتار الشعب فيك والحي والقيوم.
الله يرحمك يا ود امى اللهم تقبله شهيدا عندك هو ورفاقه مع الصالحين وربنا يصبرك ام الشهيد ويعوض صبرك خير . انا لله وانا اليه راجعون
الراعي اﻷمين بعرف هموم الناس
مليان بأساهم مو صنج عديم احساس
بحكم بالعدل مي قنبلة ورصاص
بعد السرقة ليش كتلت وﻻد الناس
يا ريس البلد حاكمنا في الجرتوم
ما ضاق فقد الجنا وجعوا البيحمي النوم
وﻻ حرقة حشا اﻷمات والمظلوم
لو كت بشر كت طلقتو حكما شوم
محتار الشعب فيك والحي والقيوم.
الله يصبرك يا امي,,, وولدك دا فدى السودان بدمو ,,,, دمو ما بروح هدر ,,,, النصر قريييب انساءالله
ماهو الوليد العاق لا خان ولا سراق والعسكري الساساق بين قلبك الواساق بيني عو البندم
الرحمة والمغفرة له والصبر لامه واهله والخزي والعار للبشير وزمرته الخونة علي عصمان المجرم الذي باع السودان مقابل محاولته الفاشلة لاغتيال حسني مبارك
نسال الله ان يتقبلع مع الشهداء وحسن اؤلئك رفيقا
حار الضنا الكان السبب يضوقو
أبشرى يا والدة علاء الدين الجاك. انشاء الله بعد زوال حكم هذا العقيم ستجدى كل أبناؤنا أبنائك باذن الله.
المشكلة انو ما حيضوق حرقة الحشا للاسف !!!!!!!!!!!!
يا والدة والله اقبل ارجللك ياعملاقة في زمن الاقزام طبعا تربتك جابت اسد في زمن النعاج
أبشري يما ياكي أمو وياهو ولدك
معطر برضاك ومجرتق بالعديل والزين
تربية شقا وكفاح وتعب وسهر ..ودمو ما رايح هدر
لو كنت بشر كت طلقتو حكما شوم محتار الشعب فيك والحي القيوم
أقسم بالله العظيم انني بكيت والقصيدة مؤثرة تنم عن مدي حرقة هذه الام المكلومة واتمنى ان يقرأ ذلك الجبان هذه القصيدة ويتذكر بأن هنالك رب منتقم جبار . والى متى يحتمي بنا من العدالة الدولية ويحتمي منا بكلاب أمنه والمنتعفين بوسخ الدنيا وارواح الشهداء سوف تطاردهم ليل نهار
وأبشري يا أماه الشعب السوداني كله أبنائك وأبنك عند رب رحيم مع الصديقيين والشهداء وعدالة السماء أتيه وغضب الشعب أتي وان غدا لناظره لقريب
الله يصبرك في الدنيا والاخرة ويعوضك خيرامنه.. صحيح فقد الجنا حار واقول الله يصبرك والله يصبرك والله ينتقم من هؤلاء القوم المجرمين الذين يطلقون الرصاص على المتظاهرين العزل الأبرياء وقلوبهم مليئة حقدا على الناس لا يعرفون حرمة الصغار او الكبار … كل همهم ان البقاء في كراسي الحكم خمسة وعشرين سنة في كرسي السلطة يتمرغون في الجاه والسلطان واخرة يكتلوا اولاد الناس بدم بارد ثم ينكروا افعالهم الشينة علماً بأن القتل وسفك الدماء لا يقوم به في السودان احداً غيركم
قتلتم مجدي محجوب محمد احمد في دولار ورثها وحقتهم قبل ان تأتوا الى الحكم؟ قتلتم 27 ضابط في رمضان بحجة انهم يخططون لأنقلاب ثم ها انتم تطلقون سراح قوش ورفاقه وتطلقون الحاج ادم ويعين نائب رئيس بعد ان كان مطلوبا القبض عليها عشان كدا اقول ان افعال القتل وسفك الدماء لا تشبه احد في السودان الا انتم تخرجون من حرب وتدخلون في اخرى وتسيطرون على الاعلام لتنشروا على الملأ اكاذبيكم بأنكم لم تفعلوا هذا او ان الذين تقاتلونهم هو خونة ومتمردين ويستهدفون الاسلام .. هذا محض افتراء على الناس ..
وهذه المكلومة ان الله سوف يصبرها لأنه هو الصبور وهو الشكور وهو الرحيم وهو الرحمن اما انتم جمعتم ما بين سفك الدماء والكذب والتجديف والافتراء على الاخرين لانكم تملكون السلطة افعل ولا تفعل وتملكون الاعلام . ويل ثم ويل ثم ويل للقاسية قلوبهم وويل وويل ثم ويل للمطفيين الذين اذا اكتالوا على الناس يستوفون واذا كالوهم او وزنوهم يخسرون …
الا تظنون انكم مبعوثون؟
ليوم عظيم ؟
يوم يقوم الناس لرب العالمين
اللهم ارنا في الظالمين عجائب قدرتك
اللهم ارنا في الكذابين عجائب قدرتك
اللهم ارنا في المستبدين القابضين على السلطة عجائب قدرتك
اللهم عليكم بهم فإنهم لا يعجزونك
اللهم انصر هذه المسكينة وصبرها وخذ بحقها وخذهم اخذ عزيز مقتدر
فإنهم ضغوا في البلاد واكثروا فيها الفساد فصب عليهم يا ربنا سوط عذاب
جناااااااااك جناااااااااانا وحرقة حشاك حرقت حشانا
وليييييييييدك ولييييييييييدنا وفطرة كبيدك فطرة كبيدنا
والعليك وعلى اخياتك امهات الشهداء علينا ووجعتكن وجعة
وطن كامل تتفقدوهم داخل بيوتكن وبين شباب الحى ونتفقدهم
فى ربوع وطن كبير ولييييدك ووليييييداتنا ان شاء الله
عند عزيز مقتدر شاربين من الحوض مع المصفى الحبيب صلى
الله عليه وسلم ان شاء الله حبيبتنا وحبيباتنا امهات الشهداء
صبركن الله وصبرنا وصبر الوطن كافة على فقد الرجال والصغار
ولدوا كبار حملوا حمل الامة . غلبنى ما قدرت اواصل
التحية لكل ام ملكومة بفقد فلذة كبده وعزاءنا لهن انهم شهداء عند الله تعالى وهم اكرم منا جميعا
وان الصبح بات قريبا و ان البشير الظالم وعصابتة سينالوا عقابهم في الدنيا قبل الآخرة على هذة الارواح التى ازهقوها بدم بارد
وا حرقة حشاي … معاك يا أم علاء الدين
ولدك حرق كبدي … وبكت عليه العينين
بدموع من دم … وآهات ووجع وأنين
على زين الشباب … الماضاق عديل لا زين
كتلوه الكلاب …. الما بعرفوا وطن لا دين
قاتلين الرقاب … دائما للخراب مارقين
لكن أخوان علاء … شباب يملوا العين
بكرة يجيبوا تاره … حالفين تمام قاسمين
تقبل الله له الشهادة وجعلك من المشفوعين. لا غالي على الله في سبيل الوطن.
أبكتنى هذه الأم النائحة وأقول لك يا أم الشهيد كل أبناء هذا الوطن أبناءك ودم ولدك لن يضيع هدر أما البشير ذو القلب الحجرى الجبان الحاقد وفاقد الجنى فسوف نقتص منه قصاص لم يتذوقه أحدا غيره فى هذه الحياة من شدة بشاعته وهذا قسم غليظ من أبناءك والله يصبرك ويجعل أبنك الشهيد وكل شهداء بلادى فى الفردوس الأعلى ونحن فى طريقهم بكل عزيمة حتى نقتص من هؤلاء الكلاب.
الله يصبرك يا أمي وولدك شهيد انشاء الله.
حقا هذه خنساء السودان بلا منازع
اسال الله العلي القدير ان يجعله شفيعا لها يوم لاينفع مال ولا بنوت
لقد دمعت عيناي ياأماه ابشري ياأم الشهيد كلنا أبناؤك.
الله يرحمه ويغفر له انشاء الله
يا والدة أعفيلي .. وعدي
القطعتو معاك ..
إنو الكﻼم ممنوع .. في شلة
الحكام
يا والدة دمي بفور .. لما البلد
تغلي ..
لما العساكر ديل .. الشوهو
اﻹسﻼم
جايبين تفاهاتم .. سجنونا بإسم
الدين ..
حرقونا بإسم الدين .. حقرونا
بإسم الدين ..
كتلونا بإسم الدين .. الدين برئ
يمة ..
الدين بقول الزول .. إن خلى
حقو يموت .. بيخاوي في
شيطان ..
الدين بقول تمرق .. ما قال
نشيل ساطور ..
نمرق نقيف في الضد .. ونواجه
الحكام ..
الدين بقول الزول .. إن شاف
غلط منكر ..
ما ينكتم يسكت .. ببقى الغلط
ستين ..
كوز السجم بيغرف .. في خيرنا
ويتمتع ..
نحن السقينا النيل .. من دمنا
الفاير .. ما بننكتم
نسكت .. في وش عميل جاير ..
الخوف عديم الساس .. وأنا
جدي ترهاقا …. حبوبتي
كنداكة .. وعبد الفضيل الماظ
فراس بشيلو الراس .. عيشتنا
صبحت هم ..وأنا مشتهي
اﻷعراس
يمة الشباب بحيو .. وأنا
بالسكوت ميت ..
هزاع وسنهوري .. أيمن ولي
الدين ..
حازم وفاء أحمد .. ديل كلهم
حيين
أكرم صهيب أحمد .. ومحمد
الخاتم ..
مازن منى وعاصم .. ﻻبسين
حرير أخضر
.. سندس وإستبرق .. وأنا جلدي
بتفرّق
ساكت وبتفرج .. وأم در عروس
النيل ..
ﻻبسة الرحط والحق .. مليان
بخور ولبان ..
ويزغردن نسوان .. للكل يوم
عرسان
وانا يمة دمي بفور ..
ما بنكتم وأسكت .. إﻻ العسس
ده يغور ..
إن كان سجن يمة .. سجناً
يكوسو رجال ..
سجناً مﻼن ثوار .. ما قالوا فيو
سرّاق ..
ما أندس فيو خائن .. مافيهو
ولداً عاق ..
فيهو الشرف ذمة .. فيهو
الغباش دفاق ..
الضاق لهيب الشمس .. راح
يقهر الرقراق ..
وإن كنتي خايفة الموت .. يمة
الرجال أحرار
شن فايدة العيشة .. والروح
مولعة نار
الطلقة يمة جواز .. لي حقنا
المقلوع
الطلقة يمة خﻼص .. لي زول
خﻼص موجوع
الطلقة يمة طلوع .. من ذل
مهانة وجوع
في ظل مصير مجهول ..
الطلقة يمة غسول
الطلقة يمة ثمن .. لي كلمة
سمحة وقول
الطلقة يمة حياة .. لي زول
جريح مقتول
زي وخزة الشوكة .. أقصر كمان
في الطول
قال المناضل يوم .. الطلقة ما
بتحرق بيحرق سكات
الزول
ليس لدي اي إعتراض علي حكم الله ولا شماتة في خلق الله وانا خلقي وتربيتي وديني ومهنتي لا يسمح ابدا ان اشمت في احد
ولكن هنالك دراسات تثبت بان الذي لم يلد او لم يكن له ابناء لا يعرف قيمة الاطفال وهذا الرجل لم يعيش الابوة في حياته ولذا توقعوا منه اي شيء
واناتجربتي الشخصية قبل ان يكن لدي اطفال والان والحمد الله بعد ما انجبت الفرق واضح واصبحت انحني لاي طفل لانني اعرف عظمته عند والديه
مهات مكلومات تفطرت قلوبهن بالحزن والأسى والألم … فتيات في عمر الزهور يتم اختطافهن بواسطة ملبشيات أمن النظام بلا رقيب بحجة أنهن ناشطات سياسايات … دون علم أولياءهن … بل لا يعرفون حتى إلى أين اقتادوا هؤلاء الفتيات … أما التعذيب فحدث ولا حرج … أتكلم عن تعذيب فيتات ونساء وأطفال قصر …. يا للهول …. يا للهول … هل هذا هو الإسلام؟ هل يرضي ذلك الله سبحانه وتعالى ورسوله صلى الله عليه وسلم؟ يا للهول …. أعمال أدانتها حكومات الغرب ومنظام حقوق الإنسان الكافرة الملحدة كما يحاولون تصويرهم … رغم أنهم أرحم بنا من حكومتنا التي تدعي الإسلام والاسلام والمسلمين منها براء.
أمهات تصرخ من هول الفجائع والفظائع …. ولا مجيب …. يا معتصماه … يا معتصماه …. كوراك ضرب يا شباب السودان … يا أهل النخوة والمروءة … ماذا تنظرون وقد استباح هذا الفرعون دماءكم واستباح نساءكم … أتنتظرون أمريكا لتتدخل؟ أتنتظرون الجبهة الثورية لحمايتكم؟ أتنتظرون الصادق والميرغني والترابي لحماية أعراضكم؟ … أخرجو إلى الشارع …. ثوروا لكرامتكم … ثوروا لأعراضكم … ثوروا لأخواتكم …. لأمهاتكم …. ما قيمة الحياة وعازة تناديكم لنصرتها …. وامعتصماه … وامعتصماه … ألا لا نامت أعين الجبناء.
الف رحمة ونور تزيل عليه نسال الله ان يتقبل شهادتة ويجعله شفيع لوالديه وسبعين من اهله في يوم لاظل الا ظله
يا والدة أعفيلي .. وعدي
القطعتو معاك ..
إنو الكﻼم ممنوع .. في شلة
الحكام
يا والدة دمي بفور .. لما البلد
تغلي ..
لما العساكر ديل .. الشوهو
اﻹسﻼم
جايبين تفاهاتم .. سجنونا بإسم
الدين ..
حرقونا بإسم الدين .. حقرونا
بإسم الدين ..
كتلونا بإسم الدين .. الدين برئ
يمة ..
الدين بقول الزول .. إن خلى
حقو يموت .. بيخاوي في
شيطان ..
الدين بقول تمرق .. ما قال
نشيل ساطور ..
نمرق نقيف في الضد .. ونواجه
الحكام ..
الدين بقول الزول .. إن شاف
غلط منكر ..
ما ينكتم يسكت .. ببقى الغلط
ستين ..
كوز السجم بيغرف .. في خيرنا
ويتمتع ..
نحن السقينا النيل .. من دمنا
الفاير .. ما بننكتم
نسكت .. في وش عميل جاير ..
الخوف عديم الساس .. وأنا
جدي ترهاقا …. حبوبتي
كنداكة .. وعبد الفضيل الماظ
فراس بشيلو الراس .. عيشتنا
صبحت هم ..وأنا مشتهي
اﻷعراس
يمة الشباب بحيو .. وأنا
بالسكوت ميت ..
هزاع وسنهوري .. أيمن ولي
الدين ..
حازم وفاء أحمد .. ديل كلهم
حيين
أكرم صهيب أحمد .. ومحمد
الخاتم ..
مازن منى وعاصم .. ﻻبسين
حرير أخضر
.. سندس وإستبرق .. وأنا جلدي
بتفرّق
ساكت وبتفرج .. وأم در عروس
النيل ..
ﻻبسة الرحط والحق .. مليان
بخور ولبان ..
ويزغردن نسوان .. للكل يوم
عرسان
وانا يمة دمي بفور ..
ما بنكتم وأسكت .. إﻻ العسس
ده يغور ..
إن كان سجن يمة .. سجناً
يكوسو رجال ..
سجناً مﻼن ثوار .. ما قالوا فيو
سرّاق ..
ما أندس فيو خائن .. مافيهو
ولداً عاق ..
فيهو الشرف ذمة .. فيهو
الغباش دفاق ..
الضاق لهيب الشمس .. راح
يقهر الرقراق ..
وإن كنتي خايفة الموت .. يمة
الرجال أحرار
شن فايدة العيشة .. والروح
مولعة نار
الطلقة يمة جواز .. لي حقنا
المقلوع
الطلقة يمة خﻼص .. لي زول
خﻼص موجوع
الطلقة يمة طلوع .. من ذل
مهانة وجوع
في ظل مصير مجهول ..
الطلقة يمة غسول
الطلقة يمة ثمن .. لي كلمة
سمحة وقول
الطلقة يمة حياة .. لي زول
جريح مقتول
زي وخزة الشوكة .. أقصر كمان
في الطول
قال المناضل يوم .. الطلقة ما
بتحرق بيحرق سكات
الزول
بدمانا السّالت راويه الساحة.
وحلفنا نسير ما نْضوق الراحة
شهرنا سيوف عِصيانّا المدني
وكانت وحدة صف يا وطني
إيد فى ايد حلفنا نقاوم
ما بنِترْاَجع وما بِنسَاوم
بينّا وبينك ثار يا ظالم
خُطانا تسير في درب النصر
هتافنا يدَوّى يهز القصر
كسرنا حواجز ..أزِلنا موانع
صفنا واحد
عامل.وطالب..زارع وصانع
وهزمنا الليل
هزمنا الليل
والنور في الآخر طل الدار
والعِّزة إتهادت للأحرار
يا ساحة القصر..يا حقل النور
ويا واحة بتَحَضن روح نَصّار
روينا ورودك دم ثوار
الف رحمه ونورعلى كل شهداء العزة والكرامة
دعوة لسحب الثقه من البشير ولأجراء انتخابات رئاسيه مبكره
دعوة لسحب الثقه من البشير ولأجراء انتخابات رئاسيه مبكره
10-03-2013 05:46 AM
كنا نخال أن في وجهه دم فيقوم من تلقاء نفسه بطرح نفسه علي الجماهير لأعادة الثقه في نفسه كرئيس للسودان في تحد قوى لمعارضيه وثقة في مؤيديه الذى يدعي زورا أنهم غالب أهل السودان بعد أن سمع بأذنيه ملايين السودانيين في كل ربوع السودان تهتف في وجهه أرحل أرحل أرحل يارقاص …جوعت الناس يارقاص … نحن مرقنا مرقنا مرقنا ضد الناس السرقو عرقنا وبعد أن أعترف قناصيه بحصدهم لأرواح شباب السودان اليافع الذى خرج مسالما عارى الصدر مطالبا بحقه في الحريه والعداله والعيش الكريم في وطنه علي اعتبار أن منح الثقه أو سحبها ممارسه ديموقراطيه وهو يدعي أن حكمه ديموقراطيا واعمالا لصحيح نظرية سيادة الشعب في ممارسة السلطه استخداما وممارسه وكل ذلك مكفول بنص الدستور.
وبما ان الحق الأكثر ثبوتا والذى يتغافل عنه بل وينكره البشير ونظامه هو أن الشعب مانح السلطات والسيد الأعلي في السودان يحتفظ لنفسه دوما بالحق في محاسبته ومحاسبة نظامه فأنني بالأصالة عن نفسي ونيابة عن كل نساء السودان طالما لم يأتي الأمر من الرجال أدعو كل الشعب السوداني الي سحب الثقه من البشير ونظامه وندعو في ذات الوقت لأنتخابات رئاسيه مبكره لأنقاذ البلد.
ولما كانت الجرائم التى ارتكبها البشير ونظامه منذ انقلابه المشؤم في حق كل السودانيين اصبحت مشهودة وقد شاهدها كل الشعب وكل شعوب وحكومات العالم وهو مايمنعه من طرح نفسه للثقه خوفا ورعبا من عواقب مهوله تنتظره وتنتظر نظامه فأنه يحق للملاين التي خرجت في كل اركان السودان تطالب برحيله مؤخرا هذه الملايين من حقها عزله ومحاسبته جنائيا بل يجوز لهذه الملايين اعمالا لنصوص قانون الاجراءات الجنائية القبض عليه وتقديمه للسلطات القائمة من اجل العدالة التى تشفى صدور الوطن والمواطنين ولكنها تعلم مدى سذاجة الفكره وهي تعلم أن القضاء قضاؤه والشرطه شرطته والجيش جيشه فكيف ستكون العداله غير ان هذه الجماهير الديموقراطيه بطبعها التي قطرت عليه وفي ممارسه ديموقراطيه قد اتفقوا علي سحب الثقه من البشير وتدعو لانتخابات رئاسيه مبكره انقاذا للبلد وتغاديا للمزيد من سفك الدماء السودانيه الزكيه علي ايادى زبانية البشير وتكوين حكومة قومية تشمل كل الوان الساسه والسياسيين في السودان دون عزل او استقصاء لأحد فالسودان لكل بنيه وبناته وتكوين لجنه لصياغة دستور يليق بالسودان وتطلعات السودانيين لمستقبل مشرق واعد خاليا من الخزعبلات والتخاريف والأوهام وياحبذا لو كان بدون كيزان.
سيقول قائل انه لم يمنح أحد من السودانيين ثقته للبشير الذى جاء أصلا بليل علي ظهر دبابه في انقلاب خائن خسيس علي النظام الديموقراطي المنتخب فكيف نسحبها منه وهو لم يمنحها أصلا في يوم من الأيام أقول اننا نمارس عملا وفعلا ديموقراطيا مع الأمر الواقع منذ أكثر من عقدين وصبرنا عليه مخدوعين بشعارات براقه كلها تدين وطهر وعفاف ثم أكتشفنا الأن أن من يحكمنا قد خدعنا واكتشفنا أنه قاتل ودجال ومتاجر ومحتال باسم الدين ومفرط في تراب السودان ومهين لكرامة وآدمية السودانيات قبل السودانيين بعد ان نهب ثرواتهم هو وزوجته واخوانه وباقي زمرته وجعلهم شحاتين يتسولون في بلاد الناس ثم يرقص طربا ببلاهة وغباء منقطعين النظير علي أشلاء الوطن…….فهل نسكت عليه وعلي زمرته مارأيكم يارجال السودان هل اقتراحي هذا نيابة عن نساء السودان ديموقراطي ام غير ديموقراطي؟ ولقانوني السودان الشرفاء وضع الآليه المناسبه لسحب الثقه من الرقاص ويتثني من ذلك قضاة البيض في المحكمتين العليا والدستوريه.
[email protected]
اختار الشعب ابوه
والشرفاء والطيبيبن
ولدك علاء فراقو حرقنا
ووجعنا والله وما بحين
قتلوه رفقاء الضلال
أوأباليس الانس والجن
لا بارك الله فيهم واللهم ارحمه وتقبله مع الشهداء والصديقين في جنات النعيم
ربنا يلزمكم الصبر والسلوان
يانافع وين تدس راسك
الشعب انتفض يفتش عن حراسك
هل اعددت لهذا اليوم
ام شاغلك جمع اموالك
يانافع كيف يكون الحال بعد يومين
وهل تذكرت خيال احلامك
يانافع لحس الكوع اقوالك
واليوم لاترحم ولن يرتاح بالك
اذا هبت ثورة الجياع
تدق الحصون وان احكمت اسوارك
يانافع لا ينفع وان امرت حراسك
نحن جيوش لا يخيفنا جلادك
يانافع هذا شعب تعلم من الماضي
وجني من اخطاء افعاك
هاهو شباب تقدم ارواحهم فدءا
ابي الظلم وقال لا للظلم ولك
ارحل اليوم وغدا بعيدا وان طالت
ولاتنسي من رحلوا قبالك
تذكر القذافي وابن علي
ومبارك قريب منك وجارك
يا والدة يا مريم ..
——–
ياعامرة حنية ..انا عندي زيك كم ..ياطيبة النية
بشتاق وما بندم..إتصبري شوية ..
ياوالدة يامريم
ماني الوليد العاق لا خنت لا سراق..
والعسكري الفرّاق بين قلبك الساساق وبيني هو البندم والدايرو ما بنتم..
يا والدة يامريم
عارف حنانك لي .. راجلا تلوليني دايمًا تقيلني وفي العين تشيليني .. القاهو عز الليل .. قلبك يدفيني
ضلك علي مشرور ..قيلت في سنيني انا لو تعرفي الفيني انا كم بحبك كم
والعسكري الفراق بين قلبك الساساق وبيني هو البندم والدايرو ما بنتّم
ياوالدة يامريم
طول النهار والليل في عيني شايلك شيل لكني شادي الحيل لا خوف علي لا هم ..
هاك قلبي ليك منديل .. الدمعة لما تسيل .. قشيها يا مريم
ما بركب السرجين وماني زول وشّين ياوالدة دينك كم
دين الوطن كمّين
ما شفتي ود الزين الكان وحيد امو
وماليها كان العين
قالولو ناسك كم ورينا ناسك وين؟ ورينا شان تسلم
العودو خاتي الشق
ما قال وحاتك طق تب ما وقف بين بين لي موتو يتقدم
انا ما بجيب الشين
انا ما بجيب الشين
انا لو سقوني الدم..
والعسكري الفراق بين قلبك الساساق وبيني هو البندم والدايرو ما بنّتم
ياوالدة يا مريم
كم من حبيبًا لي .. كان مالي بينا دروب
ما ودّع الحباّن ما وسدوه الطوب
حي .. حي قولي ما حي ووب
ما خلّى ساعة الموت
يمة السرج مقلوب
إتشتت الرصاص في جسمو إتقسم
لاقاهو يتبسم
والحولو حبلو وكان ريحة صباه بتنشم
زي التقول يوم داك يوم العرس يادوب
انا ما بجيب الشين انا مابخت الشين انا لو سقوني الدم
والعسكري الفراق بين قلبك الساساق وبيني هو البندم
ياوالدة يامريم
يُّمـة السجن مليان رجالّة ما بتنداس
الختّو قبلي الساس والشالو هّم الناس
والفات وليدًا ليه ما مسّكو الكراس
ما سمعو يتكلم
ما نحن عود الفاس فرسان حمى وحراس
في الحارة نتحزّم عشم القدر ما كاس مالاقي بيت يتلم
عشم الطواهو الجوع المُتعب المعدم
والعسكري الفراق بين قلبك الساساق وبين هو البندم .. والدايرو ما بنتّم
ياوالدة يامريم
ما تقولي شن سويت
ما تبكي ما سويت غير البطمّن ناس
بي همّهم حسيت
حارس مع الفرسان
حارس بلدنا البيت
إخواني علّو السور .. انا طوبة ما ختيت
ديل من زمان تاتيت لامن كتبت قريت
وعرقنا ياما يدر
يمّة اللبن والزيت
الكسرة والكراس
لي قشة الكبريت
وتقولي جيدًا جيت
راجع مع الفرسان
فايت الحدود واسيت
وتغني يا مريوم
لينا وتجرّي النّم
والعسكري الفراق بين قلبك الساساق وبيني هو البندم
والدايرو ما بنتّم
يا والدة يا مريم.
إنا لله وإنا إليه راجعون
ربنا يلزمك وزويه الصبر وحسن العزاء وربنا موجود,ومهما نقول ما نقدر نحس بالحاسا بيهو انتي ,لكن ربنا معاك والشعب معاك.وربنا على الظالم
ربنا يجعل ثواب صبرك الجنة
اللهم اغفر له وشفعه في امه واهله
يا ليت شرفاء الملحنين يتغنوا بهذه المرثية الشفيفة
في تحرك كل ساكن ادمعت قلوبنا قبل عيوننا
اين عقد الجﻻد .. اين انت يا مصطفي سيد احمد
رحم الله الشعب الفضل
البشير انسان عاقر وحاقد وقاتل يتلذذ بقتل الاطفال والشباب
تلك الكلمات المعبرات محولة لكابلي او ود اللمين بعد ان انتهي عصر المرثيات والغناء بعد انسدت الاذن بالغثيث والركيك من الغناء والمديح اماه كل شئ بثمنه ابنك حي حي حي حي نتاسف لفراق شاب كان يكون له مستقبل طبيب طيار عالم في زمن غير زمن القتلة وتعليمهم لكن الاقدار الشهيد وغيرة من الشهداء اختار الله لحكمة يعلمها هو تعالي نفسرها نحن بالرحيل الي الجنة لو كانوا بيننا لكانوا فاقد تربوي او عطالة لكن الحمدالله الله سبحانة وتعالي يعلم ويصطفي عبده ويضعوا بجواره ربح بيعك