«الهولندية» تقرر إيقاف رحلاتها للخرطوم اعتباراً من نهاية الشهر
أعلنت شركة الطيران الهولندية، كي إل إم، أنها ستوقف رحلاتها الجوية المباشرة بين أمستردام والخرطوم بسبب ارتفاع نفقات التشغيل اعتبارا من نهاية شهر مارس الجاري، لكن هيئة الطيران المدني نفت تلقيها اخطارا من الشركة، وقالت ان هذا الاتجاه برز اكثر من مرة لكنه لم ينفذ .
ونقلت سكاي نيوز العربية عن مدير الشركة الهولندية بالسودان ديك فان نيونهويزن قوله إن الرحلة من أمستردام إلى الخرطوم ثم أديس أبابا التي تنظم ثلاث مرات أسبوعيا ستتوقف اعتبارا من 31 مارس،وأوضح نيونهويزن أن «الخط لا يؤمن أي أرباح والنفقات تتزايد بسرعة أكبر من الإيرادات».
وقال المتحدث الرسمي باسم هيئة الطيران المدني اسماعيل عبد الحافظ لـ»الصحافة» ان هيئة الطيران المدني لم تتلق اخطارا رسميا من الشركة يفيد بتوقف رحلاتها من والى الخرطوم، وقال ان هذا الاتجاه برز اكثر من مرة لكنه لم ينفذ.
وباتت شركة الطيران الألمانية «لوفتهانزا» الناقل الوحيد الذي يؤمن رحلات مباشرة بين السودان والقارة الأوروبية، وذلك عقب إيقاف «كي إل إم» الهولندية رحلاتها بين أمسترادام والخرطوم بسبب ارتفاع نفقات التشغيل.
:الصحافة :
economic issues we according to the our expectation more are coming just wait and be cool
* الناساللى باعو خط هيثرو .. والقروش القبضوها اذا ماكملت او راحت شمار فى مرقه .. حقو يحصلو يشتروا خط امستردام ويقدموه هديه لسودان أير يدلا من خط هيثرو وبلاش محاكم وفضايح يمكن تجرجر ناس فوق زى حكاية الجداد المسرطن ولحم الكلاب ..هى الكلاب دى موش قالو بتاكل لحم الضان بينما الأسود تموت فى الغابات جوعا.
* بالله موش غرايب نفس الزول اللى قال فى التلفزيون “عبر التلفون” انواللواء اونور ما قال تصريحو عن مصانع الحوم والجداد بأسم الشرطه!!! بس قالو فى ندوه “ملكيه” ما عسكريه (يعنى يا جماعه الراجل كان بتونّس ساكت .. ما تبقو “سغلا” اعتبرو كلامو تخفيف دم .. قطيعه مع اخوان!!! ..نفس الصوت اللى جانا من التلفزيون عبر التافون بعد ثوانى واصل وقال لمقدم البرنامج : اللواء اونور “له التحيه” اتصل بى ( بالمتكلم) ونفى لى انّو قال الكلام دا !!!
نرجع لاصحاب بيعة هيثرو.. يبدو انهم كانو عارفين انو K L M حتوقف رحلاتها للخرطوم فى نهاية مارس (شهر الكوارس “ث” عام 2013 ” – رقم 13 دا موش برضو رقم متطيّر به) وزى ما سودان أير باعت خط هيثرو عندما اوقفت رحلاتها الى لندن ..برضو K L M شكلها كدا حتبيع خطها للخرطوم بعد ما طياراتها تبطل تطير للخرتوم..
قبل هذا النظام البئيس التعيس هذه هى الطائرات التى كانت تهبط وتقلع من مطار الخرطوم 1 الهولندية 2الالمانية 3البريطانية 4 الاسبانية 5 الروسية 6 السويسرية 7 الايطالية 8 الفرنسية 9 البلغارية 10 طيران الشرق الاوسط 11 الاثيوبية 12 الكينية 13 اليمنية 14 الكويتية 15 طيران الخليج 16 العراقية 17 المصرية 18 الليبية 19السعودية 20 الاردنية 21 التونسية صاحبة الاسم والقصة عند السودانيين .وماذا لدينا الان وكم طائرة اجنبية يستقبل مطار الخرطوم الذى اصبح قاعدة لقوات وموظفى الامم المتحدة ..وسيييييييييييييييييييييييييييييييييييييييييييييييييييييييييييييييييييييييييييييييييييييييريييرسييييييييييييييييييير يا البشير ودخلتها وصقيرا حام فعلا الله يغطس حجركم بقدر اذيتكم لشعب السودان.
بعد ماقرات الخبر صباحا فى الراكوبة رجعت لبريدى الالكترونى لانى لمحت قبل يومين رسالة من
ال KLM ,ولم اهتم بها فتحتها وجدت فيها ما يؤكد ماذكروه موجه لى كزبون عندى كرت عندهم مثل ال BLU SKY
كيف يصلنا كمسافرين ولا يصلهم كمسؤولين الغريب ان المسؤولين على مختلف المستويات يكذبون اى خبر او غير مهم
أمبارح الأربعاء ذهبت لمطار دالاس لأستقبل صديقى وزميلى الذى يعمل مديرا لأحدى الوكالات الضخمه بالخرطوم فى زيارته السنويه لى هو وعائلته وجميعهم يحملون الجنسيه الأمريكيه.
المهم بعد حمدالله على السلامه قال لى دى آخر مرة أركب فيها الهولنديه من الخرطوم لأنها حتتوقف آخر الشهر وهو الآن معى بالبيت ووريته ماقاله لى أمس.
إنتهى
إنتوا حكايتكم شنووووووو يا اسماعيل عبد الحافظ ما إتلقيتوا إخطار وأمبارح كمال أبوسن بقول ما إتلقى خطاب إيقاف…إنتوا نايمين فى كستبانه ولا شنو؟؟؟
عاد يكلموكم كيفن هم عاملين ليكم اعتبار اذا كان الدولة كلها مستباحة
خلاص يعني البلد عندها سيادة,,
ده اسرائيل يوم ضربة اليرموك عطلت رادار مطاركم
وانتو ما جايبين خبر بى وزارة دفاعكم
قال يكلمونا قال – ديل ما عندهم زمن للمحركة والمحنكة بتاعتكم دي
بالله قوموا لفوا كده