د. إبراهيم الكرسني في رثاء حميد
تقف الكلمات عاجزة عن التعبير من هول الصدمة، ووقع الفاجعة التى ألمت بنا بهذا الفقد الجلل. إن إستشهاد الشاعر الوطني الفذ، شاعر الغلابة و المساكين، المرحوم محمد الحسن سالم “حميد” يشكل علامة فارقة فى تاريخ الفن السوداني عموما، وفى تاريخ شعره وأشعاره على وجه الخصوص. وبإستشهاد هذا المناضل الوطني الغيور يكون بالفعل قد إستشهد السودان. أسأل الله الرحيم الغفور أن يجعل قبره روضة من رياض الجنة، وأن يحسن إليه بقدر ما قدم لوطنه من مآثر ستظل محفورة فى وجدان الشعب السوداني الى الأبد. آآآمين
د. إبراهيم الكرسني
دموع الدم
يوم حدت طرابيل نوري والبركل
علي حميد
حزنا لي فراقو شديد
هو راجلن مو هوين عاد
راجلن كان بيسوى جبل
…
جمل الشيل
قلبو يميل
يطربوا لى غناهو الكان
مشحون بي تمر ونخيل
وده التريان بى موية النيل
ويشلع زي بريقن شال
للمسكين يضوي الليل
…
قليبو يميل…
مع التربال.. والواسوق
مع العتاله.. جوا السوق
يكابس بالنهار والليل
كايس لي حصانو علوق
مع الأيتام….
يساسق الليل
نهارو يحوم
فشان فد حق
وخليك من تكون دي حقوق
…
هو كان ضكران
قدام الصفوف تلقاهو
ماهو جبان…
بى حب القلوب مزدان
هو كان فارس…
يمين من أشجع الفرسان
…
فارس الكلمة مافي كلام
يوم كان النضم ممنوع
يقيف فى الحلي…
وسط الحلي…
يقول آ ناس…
تعالوا هني…
خلونا النحارب الجوع
…
يمين بالله زي حميد
ما شفناهو فى الأزمان
من ترهاقا…
وكل جدودنا
ناس عبد الفضيل الماظ
يوم كان البلد ودران
…
فى صف النضال تلقاهو متقدم
دوام متصدي للكيزان
آ زينوبة ولدك كان
يمين من أشجع الفرسان
هو فارس الحوبة مافي كلام
يوم يتحرر السودان
…
فى دروب النضال مارق
يوم جانا الخبر حزنان
قام من نوري للخرتوم
فى صبحن دقش عجلان
مو عارف القدر راجيهو
قبال يدخل أم درمان
ما إستشهدت إنتا براك
يمين إستشهد السودان
…
جسمو هناك مع الميتين
جدودنا الكانوا حراس دين
هن فوق الجبال باينين
ود الكرسني المعروف
وداك ود حاج…
وحاج الماحي قام من قبرو
قال آ زول…
تعال بى جاي…
تعال إتوسط الزينين
…
وشيخ حميد قعد وسط أهلو
ماهو غريب…
نهارو مديح…
ليلو دليب…
…
هو من ولدوهو فى الخلوه
حافظ لى أصول الدين
مشايخ نوري والبركل
سارو السر…
طول الليل هو يتهجد
وينده ربو…
فى التلت الأخير لليل
فشان ما ينظلم مسكين
…
كلو منانا كان حميد
يحضر من جريف نوري
فشان الزفة فى أم درمان
يوم تتكامل الرايات
وكل زول بي هناك عجلان
يوم تتحرر الأوطان
يوم يتحرر السودان
يومت يسقطوا الكيزان
…
يمرقوا الناس كبار وصغار
رجال ونسوان
وكل زول ماشي يتلفت
يسأل نفسو وين حميد؟!
وينو الفارس المغوار؟!
وينو الدخري يا ربي؟!
البيعمر الأوطان
…
يوم داك الوطن يبكيك
يوم تمطر سما السودان
يوم تمطر عمارن أسودن بلحيل
بدل مويتن تفيض بالنيل
فشان حيرانا للألواح
تقوم وتشيل..
ويكتبوا بالعمار أشعار
كلامن جايي من حميد للشبان
أمسكوا شديد…
لا تفريط.. ولا تهديد
لا دبابة لا دوشكي
فشان يتعمر السودان
…
فشان تتعمر الأوطان
لى ناسن عزاز وحنان
ساكنين فى بلد منكوب
ساكنين فى بلد منهوب
هن فرسان يشقوا الصي
لكين أمرهم مغلوب
…
يا حميد…
يوم داك الوطن يبكيك
تبكيك النخيل والخيل
تبكيك الجروف والنيل
وشجرة المنقة تابا تشيل
تجري دموعا زي الدم
تخالت لي دموع قنديل
…
وشوف يا شيخنا ود سالم
مهما سالت الأحزان
وشقيش الدموع بتسيل
ما بتغسل وجع أوطان
وطن مفجوع…
وطنن كان…
رافع راسنا من أزمان
محل ما نمشي وسط الناس
نقيف ونقول…
شوفوا وطنا ده السودان
وطن شامخ…
وطن ود عز…
قبال يمسكوا الكيزان
وطن مفجوع…
وطنن كان…
رافع راسنا من أزمان
محل ما نمشي وسط الناس
نقيف ونقول…
شوفوا وطنا ده السودان
وطن شامخ…
وطن ود عز…
قبال يمسكوا الكيزان
بسم الله الرحمن الرحيم
أخى الحبيب الشفيف إبراهيم الكرسنى ألسلام عليكم ورحمة ألله
نعّى ألىّ د. ألضو آدم رحيل الشاعر الكبير محمد الحسن حميد عمود من أعمده الشعر السودانى وبفقده وغيابه فقدت الحركة الثقافية وخسرت شاعرًا عملاقاً ذاع سِيطه عبر ألبلد ولم يقتصر عليه فقط..
وتُعّدخسارته خسارة للشعر والأدب فى عموم الوطن كان عنواناً ثقافياً لكل من عرف (القلم والكتابة) وضعه البعض على لائحة أهم شعراء القرن العشرين في موسوعات الشعر ألسودانى فهو انسان صادق ويتمتع بذكاء متقد وعندما نستكتب عنه نكتب عن قطعة من قلبى ومن جسدى ..
وزعم آخرون أخ الكرسنى بأنه خريج مدرسة الكاتب الفرنسى جى دى موباسان فى سخريته عندما كتب شعره كان يروي قصة في قصيدته ان محتوى شعره انسانى يرصد الناس البسطاء التى تخرج من مجالسها ويصوغ قصة بقصيدته مثل قصيدة (عم عبدالرحيم) فالشاعر استفاد من الشاعر ابو العلاء المعري بسخريته الفلسفية .. كان من أشهر شعراء جيله على الاطلاق
مر خلال السنوات الاخيرة الماضية بفترات قاسية تضمنت صراعه الطويل مع ألنظام والمرض
وكأنه كان يعد ألعده لرحيله الامر الذي جعله يكثف من طاقته وغزارته الانتاجية الادبية لاسيما في السنوات الاخيرة من حياته ليترك لنا ارثاً شعريا كبيرا ..
استطاع في وقت مبكر من مسيرته الشعرية ان يتصدر قائمة المبدعين ليُصبح أحد اعمدة الشعر الشعبى .. فللفقيد مفرداته وادواته الخاصة التى جعلت منه (رمز) و كياناً ابداعياً قائما بحد ذاته
وعزاؤنا بما تركه من أرث ومن اسم وأعمال تبقى في ذاكرة الأجيال و عياً ودرسا يحكى عن الوطن وتاريخه وحكاياته ..
وفى الختام أللهم أرحم أخونا وحبيبنا محمد الحسن وأدخله الجنه من غير حساب ولا سابقة عذاب
اللهم انزله منزلاً مباركاً وانت خير المنزلين
الا رحم الله الفقيد والزمنا وآله الصبر والسلوان وحسن العزاء
* شُــكــراً للمكرم الكرسـنى ولجميع شعراء بلادى ونرفع العزاء لجميع زوار ورواد ( ألراكوبا)
** الجعلى البعدى يومو خنق
** من مدينة ودمدنى السُــنى ألطيب أهلها ,الراقِ زولا ..
التحية لك يا دكتور
وشعر جميل وقليل في حق حميد
وعزانا الدعاء له
بسم ألله الرحمن الرحـيم
صباحات الخير النديه أخى ودموســى
شُـــكـــراً لأخى ألحبيب عبدالعزيز موسـى وصلتنى اهداءه رائعه كصاحبها أتمنى لك اقامه طيبه فى انجلترا وعوده سالم غانم للبلد الكبير .. وتعظيم سلام لجميع السودانيين بدول المهجر والاغتراب والشتات السودانى فأنتم فينا لم تغادرونا قيد أنمله ..
شُـــكـــراً للمداخله وللمرور ..
دمتم .. ودامت الموده فى رحاب الراكوبا الوسيعه ..
الجعلى البعدى يومو خنق .. من ودمدنى السُـــنى ..
اجمل ما قرات عن الراحل المقيم
حِمْيّد دحين !!
قول … ماشي وين ؟
شايفك مسكْ دربْ الغياب
باريت خرير جدول بودّي علي النعيم
شايف هناك قصراً فخيم
فرشوهو سندس شان تقيم
يلاكا قوم… خش بي بشيش
مسرور ولا هاميكا شي
لابس عقاب سروال قديم
مهرود ملطّخ كلو طين
عراقي كان من كم زمن
يوماتي كان
دايماً بكفكف في دموع اهلي الحُنان
يازول دوام مليان حنان
بسعِد بقايا الكادحين
وداعـــــــــــا يــا عــــــشـــــم كــــل الـــغـــلابـــــه