كتب الإعلامي السوداني الطيب عبدالماجد على صفحته بفيسبوك:
دولة الشعب ….!!
الدكتورة أماني الطويل الخبيرة ( الإستراتيجية ) في القاهرة وخالد الغرابلي المحلل في فرانس 24 أفضل من تحدث عن الوضع في السودان وتحليله بشكل (مذهل) مبتعدين بسنوات ضوئية عن محللينا ( الاستراتيجيين ) 😳😳😳😳 الذين بفضلهم تراجعنا كثيراً لدى المتلقي في كل مكان وانا لا ألومهم بالمناسبة فهذا هو سقف إمكانياتهم وحدود قراءتهم للواقع لكني أحمل المسؤوليه كامله لمن دفع بهم لهذه (المحرقة) وأراد بنا ذلك …..
التحليل ليس أن تكون (هجوانياً) …
التحليل علم ورؤية ومقدرة على الإستنتاج و الإستنباط والإستقراء ورسم المآلات وتوقع النتائج وفق شواهد ملموسة وقراءة عميقة للأحداث معرفة وقياس …..
واستراتيجي دي ما (موهبة) هي دراسة وتراكم خبرات واستعداد أكاديمي ومهني كمي وكيفي قبل كل شيئ…
بعدين قصة (قحت) وما أدراك ما (قحت) والمتاجرة بسوءاتها وجعل المعترك حرب بين ضلال قحت وضرورة تغيير دا كلام ساذج ساكت واستهلاك سياسي فطير وتوصيف سطحي …!!
هي (قحت) كان لقت ليها مناصرين قدر ديل يناصروها بهذا الحماس … من أين لهم بفرصة الانقلاب عليها ….!!
ليه بتختصرو الشعب دا كلو في قحت وأربعتها بهذا التبسيط المؤسف و الاختزال المخل ….!!
الناس دي بتتكلم عن السودااااااان ما نيابة عن اي حاجة تاني…!!
الشغل بتاع روابط الجامعات وثأرات الأحزاب والتعليقات ( المستنسخة ) في الفيس دا شغل ( جعان ) ساكت وما بودي قدام، بشترو المساكين بس …!!
ماحدث هو محاولة السيطرة على ( تطبيق ) السودان كلو ب ( الباسوورد ) بتاع ( قحت ) …..النتيجة الحتمية إنو
( ما حيفتح ) ….
( الآدمن ) هو الشعب السوداني و ( الباسوورد ) معاهو و( قحت ) مجرد قروب في التطبيق …
( ناسو كتار ناسو شويه… موثر غير موثر دا موضوع يخصهم ) ….
كان الأحرى تعملو ليكم ( قروب ) إنتو كمان تحشدوا له
منتسبين بالرضا والقبول ….!
مش ( تهكرو ) السودان كلو ….!!
المشكله إنو الشعب المعلم دا عارف الكلام دا كلو ……
وهو الوحيد المتفوق على ( الطويل ) و ( الغرابلي )
وسنظل نتحدث باسمه مجتهدين فهو إمامنا والمثل
فإن ( نجحنا ) لشرف .. وان ( جنحنا ) فتصويب
السودان داخل النفق ……لكنه سيخرج
سالم لا محالة ….🌹
مافي شعب بيهزم وينكسر …!!
التاريخ ما جاب لينا أي سيرة لأي كلام زي دا ….ولا باللفة !!
نقطة سطر ( مجيد ) …!!✌️
يطيب خاطرك يالطيب
عفيت منك يا ود عبد الماجد بشير الأحمدي
علم وفهم ووطنية
ما عليك زود
الاستاذ عبدالماجد التحية ( قحط – القحاطة) و (بني علمان) و و و تسميات بتذكرني سنين الابتدائي (ومكاواة) الشفع
انا حضرت تحليل الطويل والغرابلي تدل الناس البتفهم في السياسة موش زي ناس قريعتي راحت بتاعنا
دة هو التحليل المنطقي والوقعي المعاش ،،
الثورة دي ما ليها علاقة بفحت ولا غيرها ،، دي ثورة وعي خاصة بالشباب
لا احزاب ولا عملاء ولا غيرهم ،،
ثورة الشباب الواعي المالي الارض ،، يقوده الواعين من امثال حمدوك ووزير الري د ياسر
العساكر والاحزاب وغيرها لازم تفهم الحتة دي كويس ،، ديل ما ليهم علاقة بقحت ولا باي مكون
ديل مصممين يبنوا السودان ،، مصممين ينهوا سيطرة العسكر ،،، مافي واحد بيقدر يشتريهم او يشق صفوفهم ابدا
العساكر والاحزاب وعملاء الحركات ودول محور لازم يفهموا الحتة دي كويس
اما المجرمين البطلعوا في القنوات وعاملين فيها محللين وخبراء ديل اتفه من ظهر على الشاشات عقولهم خاوية كلها مليانة اجرام ومؤامرات لانهم عاشوا 30 سنة في جو المؤامرات والتخوين والخيانة
دي رسالة واضحة الثورة الفي الشوارع دي ثورة شعب وشباب واعي عايز يبني بلده ،، ويعيش في رفاهية ويستفيد من خيرات بلده البتسرقها مصر والامارات وغيرها عبر عملائها
دائماً موضوعي وبفهم .. يديك العافية أخونا الطيب إبن بلد أصيل ووطني حتى النخاع مافي كلام .. كثر الله من أمثالك والخزي والعار للأرزقية ..
الحصة وطن أى صحفى أو معارض يتكلم فى البلد ينفى ويجرد من الجنسية فرقوا بين البلد والحاكم تسلم ياالطيب الله يكثر من أمثالك .
فعلاً كان لقاء عالي الفهم متقدم مساااافة مش زي جماعتنا سايقين بالخلاء عنقالة بس ………. التحية لك الاستاذ القامة وجه مشرف للسودان وفي ذاكرة كل السودانيين .