شرطي مرور يتلقى (لكمات) من سائق أُممي أمام محكمة
تعرض أحد أفراد شرطة المرور لإصابة في عينه اليمنى بعد تلقيه عدة (لكمات) من سائق عربة يتبع لإحدى المنظمات الأجنبية.
وكان الشرطي قد قام بمطاردة السائق الذي يقود عربة تابعة لمنظمة الأمم المتحدة بعد تجاوزه للإشارة الحمراء عند تقاطع شارع الجيش مع البلدية، ولحق به أمام المحكمة الدستورية وطالبه بإخراج رخصة القيادة والنزول من العربة، ليدخل السائق والشرطي في نقاش بعد رفض الأول الإنصياع لرجل المرور، الذي وقف مانعاً له من قيادة سيارته، إثر ذلك دخل الإثنان في عراك بالإيدي انتهى عند تدخل عربة شرطة النجدة التي كانت قريبة من المكان، حيث كان شرطي المرور قد أصيب أسفل عينه اليمنى، وتلقى عدد من (اللكمات) من السائق، ومن ثم أُقتيد السائق إلى قسم الشرطة، بينما أُسعف شرطي المرور إلى المستشفى لتلقي الإسعافات اللازمة.
فيما ظلت العربة في مكانها أمام المحكمة الدستورية بالخرطوم.
الاسطورة
عااااااااااااااادي!!!
نتيجة طبيعية لإنبطاح الحكومة للمنظمات الأجنبية
وقبك كده سواق بريطاني ( طس ) حارس سوداني بمكاتب الأمم المتحدة وخلووه يسافر عادي دون محاكمة لأنو حرس دبلوماسي !
والحمد لله ناس ( النجدة ) كانوا قراب !
أها ده حيبقي برضو من ناس الحصانات وتروح دقة البوليس ببلاش ؟؟؟!!!
شرطي المرور تلقاهو قال الليله نطلع بالسميينه من بتاع u n
وما ظنيت بكون قطع الإشاره حمرا ناس الحركه ديل بتبلو علي الزول ساااااي
عمووما بتاع الحركه إستاااااااهل
ههههههههههه
عفيت منك يا بتاع الامم المتحده والله لي 7 سنه نفسي ادق بتاع مرور
تمام يابتاع الUN لو كمان لقيت فرصه لكمت الضابط المعاهو تكون ريحت مليون مواطن سائق شغالين بي عرقهم وبتاع المرور بكل سهوله يشيل اليوميه كلها وتاني يوم السواق يتسلف من بتاع الدكان عشان يدفع مصاريف المدرسه للحلوين عياله … الله يكتب ليك ثواب يت بتاع الUN
فى تصورى ان كل سائقى العربات آنذاك كانوا بيصفقوا لسواق الامم المتحدة زي ما بيصفقوا الناس لى ميسى لما يجيب قون
انا ماقلت ليكم البلد دى يضرب ويهان فيها الانسان الضعيف اما القوى الذى له ظهر يسنده فلا خوف عليه يفعل كما يشاء واعتذارى واسفى للنساء اللأئى جلدن وكن برفقة الصحفية لبنى ونجت لبنة من الجلد لأنها عندها سند وظهر يحميها فى تلك الظروف حكومة وسخة وعلمت العساكر بل ساعدتهم على ابتزاز المواطنين واكل اموالهم بالباطل بحجة ان رواتبهم ضعيفة – العذر الأقبح من الذنب بالله حكومة تساعد وتؤازر العساكر المجرمين على اكل اموال الناس ماذا نتوقع منها اعوذ بالله منها ومن عساكرها اللئام وهم دليل وعنوان حكومتهم المجرمة
صراحة ماقراته كان ردا جميلا من ذلك المواطن لان مايقوم به شرطى المرور فى بلدنا السودان ليس هدفهم سلامة وامن المواطن بل يهدف للجباية والمعروف قانون المرور دولى لاتكون فيه المجاملة بس نحن فى السودان اذا ارتدى الشرطى او الجيش هذه البدلة العسكرية اصبح فوق راس القانون المهم ماقام به المواطن منطقى ونصف وخمسة بس يقطع الاشارة غير منطقى بس يلكم الشرطى هذا اهم شئ وربنا يقدر الناس تتعامل مع المرور باصعب من ذلك لما يقومون به من مطاردة ونهب ممتلكات المواطن السودانى بما يسموه قانون الجباية الحر ليس يهدف ويخدم المواطن