الاخ تاج السر حسين دائما ما ينعت المريخ بنادى الحكومة!!!
وليه الف حق!!
لانه انجازات المريخ كلها جات بعد الانقاذ!!
بل اعتقد ان المريخ ذاته اتكون بعد الانقاذ عشان ينافس نادى الحركة الوطنية والديمقراطية فريق الهلال فريق المعارضة والحرية والديمقراطية!!!
عايزين امثلة؟؟
المريخ فاز على الهلال ثمانية مرات متوالية فى زمن الانقاذ!!
واخذ كاس اقوى دورى فى السودان بدون هزيمة وتعادل ومرة ثانية بتعادل واحد مع التحرير برضه فى زمن الانفاذ!!
وهزم الهلال فى او مطالعة خارجية فى افتتاح جامعة جوبا فى مدينة جوبا فى زمن الانقاذ!!
وكاس افتتاح استاد الخرطوم فى زمن الانقاذ!!! وكاس الدوق هرر برضه فى زمن الانقاذ!!!
وكاس سيكافا من تنزانيا فى زمن الانقاذ لاول مرة فى تاريخ السودان!!
وكاس نيلسون مانديلا فى زمن الانقاذ(بس صادفت المباراة الاخيرة ضد بندل يونايتد فى الشهور الاولى لنكبة الانقاذ وفى خارج السودان)
يعنى باختصار كل انجازات المريخ الما سبقه عليها اى ناد سودانى كلها فى زمن الانقاذ!!!
ما المريخ ذاته قبل الانقاذ ما كان اتكون ولا بيلعب كورة!!!
اعوذ بالله زى ما بيقول الاخ عثمان شبونة!!!
كسرة: وبما اننى بكره الانقاذ والكيزان فاننى منذ اليوم ح اشجع الهلال ولو كنت عارف ان المريخ عملوه الكيزان وناس الانقاذ ما كنت شجعته بتاتا لكنى عرفت الآن من كتابات تاج السر حسين ان المريخ هو صناعة كيزانية انقاذية مية فى المية حتى يكسر شوكة نادى الحركة الوطنية والمعارضة الهلال!!!!!
برضه اعوذ بالله!!!
كسرة اخيرة:لو لا مؤامرة الحكومة والمؤتمر الوطنى لفريقها المريخ المريخ ده اصلا ما كان ضاق اى بطولة لا محلية ولا خارجية طالما هلال المعارضة والديمقراطية فى الساحة وتبقى المتعة والوطنية والبطولات المحلية والخارجية هلالية زرقاء!!!!
معليش انا كررت هذا المقال لانى كلما يصف تاج السر المريخ بنادى الحكومة لا استطيع ان امنع نفسى من تكرار مثل تلك المفالات.
[email][email protected][/email]
فعلا هو نادي الحكومة ودي الحقيقة ولو كررت مقالك مليار مرة برضو اولاد الكيزان
يامدحت خليت الليبرالية بقيت تدافع عن مريخ الوالى وكمان مغالطات
ياخى اولا كاس الدوقهرر شالوا الهلال
بطولة السودان متسيده الهلال
بطولة الخرطوم المحلية متعاجلين
بطولة الممتاز متسيده الهلال
كاس السجم السودان حقك بانسحابات الهلال منه
انت نادى الحكومة بدليل ما عندك غير زول المؤتمر الوطنى وسمسار وداد لمدة 13 سنة
ال13 سنة دى تداول على الهلال 3 رؤساء منتخبين
اولاد الراسمالية ال
البرير من حر ماله
صلاح ادريس من اموال السعودين
الكاردينال من اموال الاثيوبين
يعنى ماسرقوا من مال الشعب ذى سمسارك بتاع وداد
والان هرب
فاين وجه المقارنة
نادى يفتش فتيش لرئيس وما لاقيه
ونادى يتنافس على رئاسته العشرات
ال البرير
ال الارباب
الطه على البشير
ال الكاردينال
ال النفيدى
ال ابراهيم مالك
ال شيخ العرب
ال عطا المنان
ولا تنسى القامات من كمال شداد وابوحراز وعبدالرحمن سرالختم
اين انتم من هولاء
نعم انه نادى الحركة الوطنية الذى هذا العام ضحى بالدورى لتستقيم الامور
انه ملح الارض الكرة السودانية
ومين يقدر على هذا غيره
منقول من موقع مجاور:
________________
“واضاف المصدر بان وضع صديق ودعة في تنمية الصادرات وفضل محمد خير في بنك الخرطوم هو نفسه وضع جمال الوالي ? سمسار اسرة عمر البشير ? في بنكي الثروة الحيوانية وامدرمان الوطني فـأفلس الاول كرئيس لمجلس ادارته وورط الثاني في صفقات سين للغلال الفاشلة والمنهوبة والتي يرأس مجلس ادارتها ايضا” .
أما عن الثمانية متواليات وذلك فى زمن دورى الخرطوم المحلى، فقد سبقتها عشر متواليات فى عام واحد.
ثم تلت الثمانى متواليات 6 متواليات لصالح الهلال فى زمن الدورى العام وثلاث مرات الفوز باقوى دورى افريقى دون هزيمة فى واحدة كان الفرق بين نادى (الهلال) ونادى (الحكومة) 18 نقطة!!
رغم دعم الحكومة وأن ناديها لا يستطيع أن يستمر بدون (الحكومة) بشهادة كبار (الأقطاب) ومن بينهم محمد اليلس محجوب حينما اصر (سمسار) النظام على الإستقالة وطلب من أحدهم التقدم لرئاسة النادى، ذهب محمد الياس لرئيس النظام با كيا أن يعفيه من هذه المسئولية وأن يصر على (سماسره) بالمواصلة حيث لا يستطيع أحد أن يحل مكانه.
رغم كل ذلك فأن ما حققه نادى (الحركة الوطنية)، إذا كان مشجعى نادى (الحكومة) أمناء لم يتحقق بعد وهو الوصول الى نهائى أفريقيا مرتين، مما أتاح الفرصة لأربعة أندية سودانية للمشاركة فى البطولات الأفريقية، من بينهم (نادى الحكومة).
وعلينا الا ننسى أنتصار نادى (الحكومة) فى (جوبا) فجوبا مدينة سودانية، على الٌأقل وقتها، لكن وهم يحتفون بالإنتصارات المحمولة جوا والحارجية، فإن الفوز الوحيد المسجل بين الناديين خارجيا هو الذى تم فى (الدوحة) بهدفين مقابل صفر.
ولا زال فى الكأس باق.