تحصلت (حريات) على وثائق تكشف فضيحة ما يسمى بمشروع الحكومة الإلكترونية .
وهي فضيحة تلخص كامل أوضاع الإنقاذ، حيث يترافق الفساد الحكومي مع الفساد الأسري ، في إرتباط مع مراكز غسيل الأموال الاقليمية والعالمية .
والمشروع كما هو معلن ومخطط له ، يهدف إلى ربط جميع هيئات ومؤسسات الحكومة إتحادياً وولائياً الكترونياً ، وتنفيذ المعاملات الحكومية كذلك إلكترونياً . ولكن في الواقع العملي تحول المشروع إلى فضيحة كبرى ، حيث توسط سماسرة محليون واقليميون لتوفير تمويل المشروع ، ربما من شبكة ذات صلة بغسيل الأموال ، ثم تحول التمويل الممنوح لحكومة السودان فجأة إلى شركة (هاي كوم) التي يملكها علي حسن أحمد البشير؟ شقيق عمر البشير؟ وعبد الباسط حمزة ؟!! بدون مناقصة ، بل وحتى قبل ان تستلم وزارة المالية المبلغ نفسه !! ومما يؤكد الطبيعة (المافيوية) للصفقة ان شركة (هاي كوم) وقعت إتفاقاً مع آدم التقلاوي المقرب من سليمان الكحيمي (مانح التمويل ) لاعطائه (14) مليون دولار نظير توفيره التمويل ، ليس لصالح حكومة السودان وانما لصالح شركة (هاي كوم).
والوثائق المرفقة ، خطاب بتاريخ 9 يناير 2006 من سليمان بن عبد العزيز الكحيمي من المكتب الخاص للأمير بندر آل سعود إلى كمال عبد اللطيف وزير رئاسة مجلس الوزراء يقدم فيه شركة هواوي الصينية (فرع السعودية) لتنفيذ مشروع الحكومة الإلكترونية بتكلفة (800) مليون دولار .
وخطاب من مدير الإدارة العامة للتعاون الدولي بوزارة المالية بتاريخ 27 مارس 2006 بالموافقة مع تعديل التكلفة إلى 979،048،690 مليون دولار.
وخطاب بتاريخ 7 مايو 2006 من وكيل وزارة المالية إلى سليمان الكحيمي يخطره بالإستعداد لتوقيع العقد المبدئي.
وفجأة تدخل شركة (هاي كوم) التي يرأس مجلس إدارتها علي حسن أحمد البشير ? شقيق المشير عمر البشير ? ومعه عبد الباسط حمزة لتنفيذ مشروع الحكومة الإلكترونية من الجانب السوداني . وبخطاب بتاريخ 4 مارس 2007 تخطر الشركة سليمان الكحيمي بالأمر.
وخطاب بتاريخ 15 ربيع الأول 1428هـ من شركة هواوي إلى قنصل السعودية بالخرطوم تطلب فيه تأشيرات لعلي حسن أحمد البشير وعبد الباسط حمزة ومحمد الهامي لزيارة السعودية وإكمال التفاوض.
وعقد إتفاق ما بين شركة هاي كوم وما بين آدم التقلاوي ، بإعطاء التقلاوي عمولة (14) مليون دولار (تم تعديل المبلغ إلى 15 مليون دولار) نظير التمويل من سليمان الكحيمي لشركة هاي كوم. ووقع عن شركة هاي كوم مديرها العام عماد الدين العوض البشير ، فيما وقع علي حسن أحمد البشير وعبد الباسط حمزة؟ عضوي مجلس الإدارة؟ كشهود .
ونشرت صحيفة (الوان) بتاريخ 23 أغسطس 2007 خبر توقيع مذكرة إتفاق بين المركز القومي للمعلومات بمجلس الوزراء وشركة هواوي للتدريب على الحكومة الإلكترونية .
أمااااااااااااااااااااااااااك…
دي بالثابتة كمان وثائق سليمة 100000%
يا شباب منتظرين شنو؟؟؟؟؟؟؟
بمثل هذه الوثائق الثبوتية الصحيحة يجب محاكمة هؤلاء الحرامية الآن قبل الغد … لكن مين البقول بغم .. نرجع لهتافات زمان الشعب جعان لكنه جبان …
وثائق زي دي بتقص رقاب في بلاد العدل والمساواة …
لكن نعمل إيه مع الشعب الجعان ولكنه جبان …
متين حتوقفوا هؤلاء النصابين من سرقة البلاد ؟؟؟؟؟
حسبنا ونعم الوكيل سرقو ثروات بلدناذ
أمر محزن جداااا لهم يوم…
إلى متى هذا الصمت ؟؟؟؟
يا حرامييييية ان شاء الله ما تنفعكم , يارب ما تفعكم قروشنا دي , نحنا متبهدلين في البرد الشديد و انتو تنهبو في دمنا .. اللهم طولك ياروح اللهم انتقم منهم يا جبار السماوات و الارض , اللهم نحن مظلومين وانت اعلم بحالنا .. اللهم انتقم من هؤلاء الظلمة ولا حول ولا قوة لا بالله.
الشعب شايف الناس ديل مافى احسن منهم والبلد دى والحكومه قلعوها رجاله وبضراعم وقروشنا حلال اسرة
ال البشير وعشيرتو.
بس نحنا ناس الراكوبه شغالين قوالات وكلام ساكت ذى لاحوله وربنا ينتقم منهم ووو..
الحل شنو يا ناس الحقو السودان المريض دى قبل ما يستفحل السرطان !
ليس دفاعا عن احد ولكن عشان ما تخمونا ساكت ، كدي يا اخونا لاحظوا معاي الاتي.
في الوثيقة الاخيرة تم وفي البند الرابع منها تم تعديل المبلغ من 14 مليون كما هو مكتوب طباعة الى 15 مليون وبخط اليد وعليه تم التوقيع على التعديل من قبل الطرف الثاني في حين ان من المفترض ان يتم التوقيع من قبل الطرف الاول صاحب الالتزام بدفع المبلغ ،هذا من ناحية والملاحظة الاخرى توقيع الطرف الثاني يختلف عن التوقيع الاصلي الموجود في نهاية الاتفاق حتى كتابة التاريخ تختلف في كل من التوقيعين الخاصين بالطرف الثاني.
الملاحظة الثالثة وفي نفس الوثيقة تم اضافة بند غير مرقم وبخط اليد وتم التوقيع علية من قبل الطرف الاول بتاريخ 22/3/2007 اي بعد 18 يوم من تاريخ توقيع الطرفان على الاتفاق واذا سلمنا جدلنا بان الامر عادي لحدوث اتفاق لاحق للاتفاق الاول طيب لماذا ترك هذا الفراغ الكبير ما بين البند 7 والبند 8 في ورقة الاتفاق ، وايضا نلاحظ وجود اختلاف في توقيع الطرف الاول عند التزامه المكتوب كتابة وما بين توقيعه بتاريخ 4/3/2007 ..
ده كلو كوم وعدم وجود رقم مرجع للاتفاق كوم تاني ّ!!!!!
مجرد ملاحظات من مدير إدارة الرقابة المالية بمؤسسة مجنون ليلى والهلال
لا حول و لا قوة إلا بالله, اللهم أنت أدرى بهم منّا. اللهم إن كانوا قد ظلمونا و نهبونا و اغتنوا و أفقرونا ، اللهم فعليك بهم إنك انت المنتقم الجبار
لا اله الا انت سبحانك انى كنت من الظالمين ..
سبحان الله و لا حول ولا قوة الا بالله
800 مليون دولار ؟؟
عمولة 1.6% يا مفترين لزوم العضة الكبيرة
هنت ياسودان الافساد بعد ان كنا نفخر (ابدا ما هنت يا سوداننا يوما علينا)
اللهم يا فاطر السموات والارض نسالك بكل اسم هو لك ان ترينا عجائب قدرتك فى كل من استحل مالا سحتا باسم الشعب السودانى وتهنه ولا تكرمه فى الدنيا قبل الاخرة وتقتص منه باخذ عزيز مقتدر ..
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
ولا حول ولا قوة الا بالله
دا الانكشف من احد اخوته تخيلو بقية الاخوه الحراميه بيعلموا في شنو
صدق حدسنا اذ شغلتونا بالسمك الصغير والصير مع ناس الاقطان والحرامية الصغار ..
وياما تحت السواهى دواهى ..
قال قناية قال ..
دى ناقصة بس 6 ابريل جديدة مع بلدوزرات تكسح وتقش وتمسح من كوستى لى حلفا .. وتجيبو حى .
يا اولاد الايه… يا اولاد الابالسه…. والله دي غلبتو فيها الشيطان زاتو… ملعون ابوكي حكومة
theaf
ماعرفنا نصدق منو اللة يكون في عون البلد
دخلوكم الجامع وهم دخلو السوق وكما قال وردى ضيعوك ودروك
وبرضو يقول ليك وين المستندات…وأب قنا ية وأب فصاية..وأب هناية..
لا حول والا قوة الا بالله العلي العظيييم ،دي بي ختمها بتاع الغرفة التجارية الرياض ،حسبنا الله ونعم الوكيل
من المعلوم ان شركة هواوى الصينية من اسوء الشركات فى مجال الاتصالات والموضوع عبارة عن توريط للسودان فى صفقة لايرجى من ورأها الا الربح حيث ان الحكومة الاليكترونية لايمكن تطبيقها فى دولة مثل السودان لاننا ببساطة لايمكن ان نكون من الدول التى تتميز بالانضباط حيث نتمكن من مؤامة الظروف والاجراءات على حسب المطلوب وابسط شئ تسجيل المواليد وشهادات التسنين, والمصيبة على حسب علمى بأن الذين ارسلوا الى الصين للتدريب على الحكومة الاليكترونية لم يكونوا على صلة بالموضوع ترضيات يعنى وكان البرنامج سياحى علاجى وتسوق مدفوع وكذلك شحن مدفوع ولم يكن من المهندسون العاملين بتطبيقات قواعد البيانات
لن يحدث فى الافق القريب ان تسدد مخلفات المرور ورسوم الامتحانات من الانترنت ورسوم خدمات المياه والكهرباء من الصراف الالى وان تستعلم عن اى خدمة مرتبطة بك عن طريق الكمبيوتر بدون التفاعل مع موظف امش وتعال ووينو حق الفطور وحقنا وين لايمكن
على فكرة لوزارة المالية لايعنى تمويل انها منحة بل قرض وبفوائد عاليه جدا لان التمويل مركب اى البنوك سوف تمول الشركة والشركة تمول حكومة السودان والناتج الاجمالى سوف يكون مشروع للتعريف فقط لاخدمات واقعية
أيها المعلقون الكرام
خلاص قمتوا للردحى…بالله عليكم ما هو الغريب فى هذا الموضوع لأن هذا إن دل إنما يدل إنكم قوم لا تؤمنوا حتى تروا الله جهارة.
حال البلد لا يتطلب كما درسنا فى المطلوب إثباته.
أنا شخصيا ضميت صوتى لصوت بعض الشرفاء الذين لازالوا يأكدون بأن هذه البلد إنتهت وسوف تؤول تدريجيا لدول الجوار ليكبروا بها كومهم ويومها لاينفع أنا جعلى وأنا شايقى ولا تستعجلوا لهذا المصير كل شئ بأوانه وربنا يكضب الشينه.
تخريمه
ظللنا دائما نقول لا يهم من يحكم ولكن كيف يحكم
الحكومة الاليكتونية اداء لمحارفة الفساد هل نصدق هولاء اللصوص على انشاء حكومة اليكترونية فى السودان معقولة دى؟الحكومة الاليكترونية تعمل على الشفافية معقولة دى الظاهر الشعب السودانى قنابيروا كبرت اوى.الحكومة الاليكترونية توسس الشفافية و معقول الجماعة ديل قلبهم على هذه الخطوة الجماعة ديل نصابين ليس الا.
ماخلاص البلد بقت القوى ياكل الضعيف وواسفاى
لماذا تستثمر الحكومة فى الطرق والكبارى والجسور والحكومة الالكترونية ولا تستثمر فى الزراعة وهى الاهم للسودانيين الذين يعانون المجاعة حاليا؟الاجابة هى ان هم الحكومة تشغيل شركات منسوبيها بابسط التكاليف وباسرع وقت وبالاعيب يشيب لها الولدان
المسألة الملفتة ليست في الوثائق ولا حتي في هذه الصفقة المريبة ولكن إخوتي الكرام من أين لأخي الرئيس كل هذا : شركات ومعاملات بالملايين هل ورث كل هذا ؟ أم أنه كان له من قبل أن يصبح أخوه رئيسا لا يهمنا هنا ولا يهم أي قانوني إلا شيئا واحدا وهو استغلال المناصب للثراء. ومبرراتهم أنها تجارة وشطارة كلام ينافي قيم الدين الذي يدعونه وقيم الدولة الحديثة الذي لا يعرفونه ولن يدرك البشير وأعوانه وإخوانه فداحة ما ارتكبوه إلا وهم في قبضة القانون .هكذا علمنا التاريخ الذي لا يحسنون قراءة سطر منه .
لكل ظالم نهاية – وربك يمهلللللل – لكن لا يهمل
ليه ديوننا ما تحصل 40 مليار دولار ؟؟
قال كبارى و سدود وهى بى قروض ..
ود بانقا جا مخلوع وقال يود كان هبرت اطلع بى جمل ..
الله يخيبكم عالم ما تختشى ..
( قل هل ننبئكم بالاخسرين اعمالا الذين ضل سعيهم فى الحياة الدنيا وهم يحسبون انهم يحسنون صنعا)
اللهم اهلك الظالمين بالظالمين واخرج الشعب السوداني من بين ايديهم سالمين اللهم انهم لايعجزونك لاتحكم على الرجل من اقواله ولكن احكم اليه من افعاله dont judge abook its cover
هذه ليست وثائق ادانة بل هي وثائق تؤكد سعي البشير واخوته لخدمة الســــودان فالمستثمر لايثق مع التعامل مع الانظمة بقدر ماهو يثق في الشخصيات الاعتبارية لضمان عودة ماله وارباحه وهذا شئ يفهمه جيدا ذوي الاختصاص في الاقتصاد في حين يعتبره الصحفيين خبظة صحفية .
خلونا من حكاية الفساد معروف لكن وزارة المالية والناس ديل مابعرفوا حتى كتاب الآرقام للعملات الاجنبية نمسك هم كاتبين (979,048.690 دولار أمريكي) في جميع مراسلات وردور من وزراة المالية أو من شركة المفسدين (هاي كوم) نفس الغلطة عشان تعرفهم ناس وهم كيف الرقم الصحيح لكتابة الدولار في خانة السنتات (خانتين) فقط مش (ثلاثة) خانات مش زي بقيت العملات العربية الآخرى… بس شوفوا الجهل والإسفاف كيف… حسبي الله ونعم الوكيل
لا حول ولا قوة الا بالله
بصراحة كده ،بالعربى الواضح الكلام دخل حوش بانقا !!!!ودى عايزة تفسير رسمى وعلنى من الرقاص اب جاغورة !!!وحتى فتوى من اصحاب الفضيلة هيئة علماء الانقاذ !!!يعنى بالعربى حاميها حراميها !!كان الله فى عون الوطن.ويبدو ان هذه مقدمات المشروع الحضارى الالكترونى !!!
صدقونب يحماعة انا لوكنت مصتثمرعربي او اجنبي لازم ابحث عن ضامن لعودة مالي وارباحه ولن اتعامل مع نظام او وزير الليلة في المنصب وبكرة الله اعلم ياتي غيره فلازم ابحث عن شريك ضامن ومن زوي الشخصيات الاعتبارية ورجال الاعمال وهذا عرف متعارف عليه في الاوساط الاقتصادية لايعرفه ذوي الاختصاصات الصحفية ويحمد لاخوة البشير سعيهم لجلب الاستثمارت وضمانهم لعمليات الاستثمار وهذا يؤدي للتنمية في البلاد فلولا ذللك لذهب المستثمر بماله الى اي مكان اخر ليحقق عائد مجزي وكان الله في عون الجميع ….
عوووووووووووووووووووووووووووووك (حسبنا الله ونعم الوكيل)
قال نحنا اشرف من الشعب السوداني كله
شيخنا المحنن دقنو بتاع الاقطان اخبارو شنو
إذا إختلف اللصان ظهر المسروق
أفضحوهم شر فضيحة وتابعوا كل الشركات المشبوهة اللي ظهرت بصورة سريعـة ولم يستفد منها المواطن استفادة مباشرة بل ضيعت حقوقه أكشفوهم .
موقع الشركة
http://www.huawei.com/ar/catalog.do?id=903
عن موقع الشركة
العمليات العالمية
نظرة عامة
بعد أعوام من الجهود المكثفة، تتجه شركة Huawei بشكل متزايد لأن تصبح أكثر دولية. فمنتجاتنا وحلولنا تنتشر في أكثر من 100 دولة وتخدم أكثر من مليار مستخدم حول العالم.
ففي العام 2008، تم إبرام ما نسبته 75% من عقود المبيعات الخاصة بنا من الأسواق العالمية، وقد قمنا بإنشاء أكثر من 100 فرع لتوفير الخدمات السريعة لعملائنا.
وكذلك، قمنا بإنشاء 14 مركز بحث وتطوير حول العالم
ياربي السودان محسوب ولا ما اكتملت الصفقـة ..
ايجابيات المشروع
ممكن يكون من الايجابيات تطور السودان ليلحق بالدول المتقدمة ناحية ربط الحكومة ( الحكومة اللإلكترونية) والمؤسسات مع بعضها ويصبح المشروع على ارض الواقع ويساعد في تسهيل المعاملات الخاصة بالمواطن ده كدا معليش ..
لكن كونها تكون باسم فرد ده ما لا يقبله اي مواطن امنها ومعلوماتها الامنية والاقتصادية تكون تبع شركة في يد مواطن اخو البشير هذا ما يثير حفيظتنا كشعب غلبان . مثل هذه المشاريع الحساسة تتولاها وزارة المالية وهيئة الاتصالات والداخلية … مش فرد
كلنا كان يشك في إنشغال المواطنين بفضيحة شركة الأقطان لان من يقومون بإدارتها ما عندهم ضهر وفكوهم طعم للصحف تمشي بيه حالها وشغل المواطن بان الحكومة جادة في ملاحقة ومعاقبة الفساد والمفسدين … اتاري الموضوع اكبر من كدا
طيب اخوان البشير التانين عندهم شنو …
اقول ليكم سر انا والدتي الله يطول عمرها عندها بيت شعبي ورثة وكان مؤجر لواحد عسكري قريب أحد أعضاء الانقاذ المهم عرفنا العلاقة وبدأ يستغلنا ويأخر الايجار … وصبرنا عليه شهور لاننا لا نريد الدخول في محاكم ومتابعها وبعد فترة سلم البيت للوالده وراح لحال سبيله … وبالصدفة في إحدى المجالس مع شباب نتبادل الحديث عن السياسة والقاده ظهر في الونسة صاحبنا الكان عسكري الان عنده عمارة 4 طوابق قلت في نفسي سبحان الله شوفوا العسكري الكان مغلبنا في حق الايجار يطلع ملياردير …
صحي الما عنده ضهر يموت قهر
زرا الرئيس المؤتمن احدى ولايات الوطن
وعندما زار حيناقال هاتو شكواكم في العلن
فقد مضى ذاك الزمن
فقال صاحبي حسن
يا سيدي اين الرغيف واين اللبن واين نوفير السكن
واين توفيرالعلاج للفقير دونما ثمن
قال الرئيس المؤتمن
ايحدث هذا في بلدي احرق الله جسدي
شكرآ على ما نبهتنا يا ولدي
سترى الخير غدآ
ومره اخرى زارنا وزار حينا وقال هاتو شكاواكم في العلن
فقد مضى ذاك الزمن
فقلت يا سيدي اين الرغيف واين اللبن واين توفير العلاج للفقير دونما ثمن واين السكن
يا سيدي واين صاحبي حسن؟؟؟؟
سبحان الله .
من وين قلع ادم السيد تقلاوى .
لقد كان المذكور زميل دراسة بجمهورية مصر فى النصف الاول من الثمانينات.
ولقد تذكرته قبل ايام مع احد زملاء الدراسة وقلت له ياخى اين ادم تقلاوى لم نسمع به وسط هولاء الفاسدين رأينا السموؤل خلف الله ولقد كان مهتما بالثقافة من زمان و عبد الجبار بتاع النهضة الزراعية الذي كانت الغنماية تأكل عشاه و هسى ما عارف اكل عشى كم شخص من المزارعين مع عصابة الفاسدين .
ولقد قلت لزميلى هذا لم نسمع عن ادم تقلاوى ربما لانه نظيف و عفيف .
سبحان الله هولاء الفاسدين لا يوجد فيهم احد نظيف ابدا .
يا وطن كيمان اذية
من عواس الجبهجية
الكوزنجية
الامنجية
الارزقية
النفعجية
حرامية لصوصية.. مية مية
يا بلد اطنان مآسي من فساد الطمبجية
يا بلد منكوب كوارث
من سياسات بربرية
وبي عمايل بلطجية
اونطجية
طمبجية مية مية
كلو نازل مافي رافع
كلو خافض مافي ساطع
كلو فاسد مافي رافع
كلو فاشل مافي نافع
وما يمهم يبقى الوطن بي ترابو
وما هدف يطمح شبابو
وما يضر يتم يبابو
وما بهم يكمل خرابو
وما ضروري يجوعوا ناس يموتوا ناس
وما خيانة تقيف مصانع
والزرع يشبع يباس
وما يخالف جوة رأس كل مخالف
ينفجر كوم من رصاص
بس المهم وفي الاساس
هم راس ونحنا ساس
وناس وناس ما سواس
وما يفيد اصل الشريعة
يكفي بس اسم الشريعة
تكون ذريعة
حصان طروادة
بيها نمرق في السعادة
بيها نسطو سنين زيادة
حصان طروادة
بيها نرقص نتشابا
على ظهر الغلابة
و كتوف التعابة
ونقيف في راسا
وبي هتافات البساطة وبكل سذاجة
ومع حماسها نزيد حماسة
وبي تهاليل كل طيرة ومخ دجاجة
نطرش كلام برة السياسة
وما مهم ابدا دراسة
بس المهم وفي الاساس
هم راس ونحنا ساس
وناس وناس ما سواس
شبت حريقة في كل ناحية
والحروب من كل زاوية
ومن هناك هبت عجاجة
والقراية وما القراية بقت حكاية
لا كتابة ولا دراية
لا قلم بيزيل بلم
ولا جهل بدأ في النهاية
بي الدعارة الجامعة سارت في مسارا
و بالحشيشة يتم مزاجا
والمصانع في اجازة
والزراعة سراب نتاجا
والبنوك منهوبة بالرضا والتراضي
والوزارت اختلاسات دون تقاضي
وقروشنا في بنك الخواجة
ازمة هايجة
وفوضى مايجة
وفتنة رايجة
وزنقة لي عنق الزجاجة
ده كلو حاصل وبرضو قالوا .. مااافي حاجة !!!
وما مهم اي حاجة ..
بس المهم وفي الاساس
هم راس ونحنا ساس
وناس وناس ما سواس
يا بلد ادمن مرارات الفشل
مليان قرف مليان عفن
أهـ يا زمن
اصبح خطر
امر عجب عجبا امر
بقينا في اخر العمر
سخر القدر
لا ننتظر
ان تفتخر
بي كل تعددنا وتراثنا
وبي الرطانة
وبي ثقافتنا وغنانا
وننبهر بي انتمانا لي وطن!!
أهـ يا زمن
في زمن القومة ليك سابع محال يا وطن
في زمن الراحة فيك فوق الخيال علما اظن
اهـ يا وطن
زيادة عن عشرين سنة
عجفا عجاف
اقبح سنين العمر والاحباط بقن
اهـ يا وطن
زيادة عن عشرين سنة
عجبا عجاب
شفنا فيك الويل واصناف المحن
أهـ يا زمن
على كان زمان ونحن اول
واجترار لزكريات .. واهـة و شجن
أهـ يا وطن
عايشين انينك
ومر سنينك
والعيشة فيك شيء لا يطاق
وفي الفؤاد جمرات شون .
بس يا زمن بس يا وطن
روح القضية لسة حية
وما بتموت ابدا قضية
سار وراها الاغلبية
ثار عشانا الهامشية
هتفت حناجر مطلبية
غرزت خناجر لنضالات مفصلية
والقضية هيا هيا
والقضية مفصلية
والقضية جمرة حية
والقضية حية حية
حرية لينا ولي سوانا اولوية
حرية لينا ولي سوانا بي مستوانا
هي القضية
شعب راصد
شعب شاطر
شعب صابر ما هو فاتر
واذا الصبر لحدوده عابر
لا بجادل ولا بعافر
شعب واعي شعب صاحي
شعب حارق ما هو دافي
تاني مافي تاني مافي
على ما سلف الله عافي !!
تاني مافي تاني مافي
على ما سلف الله عافي !!
يبقا مارق كل سارق
ويبقا راكز كل معاكس
يبقا واقف كل لاغف
يبقا طالع كل بالع
ويبقا خايف كل زايف
تاريخو ناصع
شبابو واعد
الله واحد وموتو واحد
وعدو واحد
كل عسكر وكل فاسد
تاريخو شاهد
اكتوبر المرصع
وابريلو عايد عايد
اكتوبر المرصع
وابريلو عايد عايد
اكتوبر المرصع
وابريلو عايد عايد
أخخخخخخخخخخخخخخ
كلام كلام في كلام , الجمل ماشي . وثائق ومستندات وادانات فقط وما شفنا شئ , من البطل الذي يستطيع اعلان التحرك والثورة لتغيير النظام , كله في الهواء , زي ماقال ليكم المرحوم عبيد الله نحن عندنا البندقية . وايضا زي ما قال نافغ بالغين الحسوا كوعكم
اتصل مجهول هاتفيا لرئيس دوله ظالمه قاسي لدرجه ممكن ان يقتل نصف شعبه من اجل بقائه في السلطه وهو يقول للرئيس بان منزلك سرقت فسال الرئيس للمبلغ من هو السارق فاجاب الرجل لاادري والرئيس كان مجتمعا مع كامل حكومته فالتفت الرئيس يمينا وشمالا فوجد كل اعضاء حكومته موجودين فاستغرب الرئيس وقال من هو الحرامي ازا كان كل الحراميه موجودين معي هنا
لا لشيء قد عملنا نحن للدين فداء !!؟؟؟
ما تنسو تلاعب اراضي الريف الجنوبي ( حي الصالحة ) شوفو رئيس المحلية بتاعت ابو سعد السابق وزع كم لي اهل بيتو منها وسجلها باسماء اولادو .
زعلانين ليه؟ البلد بلدهم و هم اسيادها يسووا الدايرنه،
أخوانوا الباقين كلهم أجمعين والله ياجماعة الخير حرامية وأصحاب شركات حكت لي واحده شاهدت عدل بأن يوم زواج أخوه عبدالله الثاني (حلوه دي ) رفعوه ببكلين هو والعروس القدر بناتوا عشان يقطع الكيكه لان الكيكة كبيره وعالية
الصمت البلغ
يا جماعة زمان الرشوه كانت تحت التربيزة وفي الخفاء وعلشان يخفوهافي الميزانيات من المراجعة والتدقيق بيدخلوها في بند النثريات وما بيكون موجود اي دليل علي مكان صرفهالكن في الزمن الاغبر ده الرشوه صارت موثقة بالعقود وبشهودها كمان…. لك الله يا وطني
dedicated to Albsheer!!if he want a proof!!its here your brother is leader of the gang!!!1what you will do!!our ministry of finance is Haramee!!they raise the contract from 800 to 900 !!why!!d
حسبنا الله ونعم والوكيل .. ليكم يوم يا اهل البشير ح نطروشوه دم ان شاء الله
يا اخوانا انا عندى موضوع تانى مابختلف عن دا كتير عن الفساد الادارى والاخلاقى والانتهاكات هى قصة لسه فصولة ماإكتملت وحأنزلة وبإختصار اتخيلو معاى شركة نكرة لاتخضع للمحاسبة لا توازى لائحتها لائحة الخدمة العامة كل الوظائف العليا يشغلها تقريبا اقارب ومن منطقة واحدة يظلم العامل بها ايما ظلم ويفصل عن العمل لأتفه سبب وانتهاكات وووو الخ.. ووو تعمل بها زوجتى واوعدكم انا انشر كل فصول الحكاية بالمستندات بس اصبروا معاى لحدى مانستلم جواب الفصل النهائى معليش يااخوانا بس الموضوع فيهو تشابه من حيث إستغلال النفوذ
السلام عليكم
لكي نقيم الحجة على هؤلاء القوم لا بد من البحث في القوانين ذات الصلة ، ومن بين هذه القوانين قانون المراجع العام ، فقد بحثت في هذا القانون الفصل التاسع المخالفات أو العقوبات (المادة 44) التي تنص :
(1)- كل من يرتكب اي من المخالفات الواردة في هذا البند يكون عند الادانة بالاضافة الى اي عقوبة واردة في اي قانون اخر، عرضة للمحاكمة بالسجن لمدة لا تتجاوز شهرين او بالغرامة او العقوبتين معا:
أ عدم الرد على تقارير او ملاحظات الديوان او مكاتباته بصفة عامة او التاخير في الرد عليها دون عذر مقبول ويعتبر في حكم عدم الرد الاجابة التي يكون الغرض منها التسويف او المماطلة.
ب ـ عدم قفل الحسابات التي تخضع للمراجعة بموجب احكام هذا القانون او عدم تقديمها للديوان في المدة المنصوص عليها في المادة (9) من هذا القانون.
ج ـ عدم ارسال القرارات التي تتعلق بالتعيين او الترقي والعلاوات والمخصصات.
د ـ عدم ارسال صور من العقود والقروض خلال عشرة ايام من توقيعها.
هـ عدم تبليغ رئيس اي جهاز من اجهزة الدولة والديوان باي مخالفة ماليا او تزوير في الحسابات فور اكتشافها.
وـ عدم موافاة الديوان بالحسابات والمستندات والوثائق التي يطلبها للفحص او المراجعة وفقا لاحكام هذا القانون.
زـ عدم اخطار اجهزة الدولة للديوان في حالة وضع نظم مالية جديدة او تعديل او الغاء النظم واللوائح المالية القائمة.
ح ـ عجز باهمال عن تحصيل الايرادات المنصوص عنها في بنود ميزانية الاجهزة الخاضعة للمراجعة بموجب احكام هذا القانون.
(2)- يقوم المراجع العام او من يفوضه هو في ذلك باخطار جهاز الدولة الذي يتبع له الشخص الذي ارتكب ايا من المخالفات المنصوص عليها في البند (1) لاتخاذ الاجراءات القانونية في مواجهته فاذا فشل الجهاز المذكور في اتخاذ الاجراءات المطلوبة خلال شهر واحد من ذلك الاخطار او كان الشخص المذكور انفا رئيسا لذلك الجهاز فيقوم المراجع العام باتخاذ تلك الاجراءات
(معدلة سنة 1990)
(3)- يرسل رئيس اي من اجهزة الدولة صورة من الاجراءات والقرار الذي اتخذه في مواجهة الشخص محل المساءلة لديوان المراجع العام.
بعد عرض المادة 44 يحق لنا أن نسأل : هل قامت وزارة المالية والمركز القومي للمعلومات بإرسال هذه العقود(خلال المدة المقرر 10 أيام من تاريخ توقيع العقد) إلى ديوان المراجع العام وفقاً لآحكام المادة 44 لكي يقوم المراجع العام بمراجعتها ؟
لذلك أناشد الجميع بالبحث في القوانين لكي يعرف الناس حقوقهم حتى يتم تعرية الفاسدين وإقامة حكم القانون عليهم.
يا ناس نحنا جايطين في الفاضي بس بدون اي حركه
(لا يغير الله ما بقوم حتى يغيروا ما بأنفسهم)
السلام عليكم
أرجوا أن تلاحظوا وتتدققوا في الفرق بين خطاب الشركة السعودية(شركة هوأوي)، والشركة السودانية(هاي كوم) ، حيث نجد الفرق في أن خطاب الشركة السعودية موثق من الغرفة التجارية، أما خطاب شركة هاي كوم فعليه ختم الشركة فقط. فكما هو معروف إذا تقدمت شركة ما أو مؤسسة لشراء مناقصة حكومية فيجب على الشركة أو المؤسسة ابراز المستندات سارية المفعول مثل (السجل التجاري ،خلو طرف من الزكاة وكذلك الضرائب ، اشتراك التأمينات الاجتماعية …. الخ وغيرها من المستندات التي يجب أن تقدم لكي تشتري الكراسة.
فهل شركة هاي كوم قدمت هذه المستندات لكي تفوز بالعطاء ؟
وهل قدمت العرض المالي والفني وسابق الخبرات للجهة المالكة لكي تكون مؤهلة لهذا العطاء ؟
نحن ننتظر رد من المراجع العام هل هذا العقد تم مراجعته ؟
والله دا موضوع محزن.. سرقة في وضح النهار.. إخوان البشير يعتبرون ان اي مستثمر يدخل السودان يجب ان يكون عبرهم.. د عبدالله البشير كبير الحرامية بدأها بالحصرية مع الوليد ابن طلال هو وشقيقه العباس البشير مريض النساء الذي قتل زوج امرأة سودانية تقييم بجدة ليتزوجها في نوفمبر الماضي.. اما المدرس محمد حسن البشير ففضائحه كثيره وأخذتها مسجد العرف بالله والدهم الذي يعرف السودانيين من هو حسن احمد البشير لبان في مزرعة كافوري وأخيرا رأفة بالأسرة حين عجز تم تعيينه بوابا بالمزرعه.. ويأتي ابنه عمر الكذاب كما يسميه زملاءه بالجيش يأتي الكذاب ليقول ان والده بايع حسن البناء وان والده كان علي خلاف مع حسن الترابي.. الاسرة كلها تسرق في البلد صديق حسن وعلي حسن والزاني الكبير الطيب مصطفي وفضايح وداد وصغرها مع جمال الوالي الي لندن دون محرم.. وشراء وداد للفيلل في دبي .. وشركة البطريق وشراكة عبدالله وعباس لنسيب الدقير الحرامي عبدالله الجراري واحتكار أسمنت سد مروي .. وابن الطيب مصطفي وابن اخ البشير شريك محمد اسماعيل مام غاسل الاموال ورجال اخوات البشير وكافوري مربع تسعة.. وغير ذلك من السرقات والعمولات والآن المستند يدين علي حسن مع الحرامي عبدالباسط حمزة والوثيقة اظهرت عمولة صغيرةفقط خمسة عشر مليون دولار ل ادم التقلاوي الجبهجي المعروف بالسعودية.. هذا قليل من كثير.. ونقول لهم سياتي يوم قريب وينسحبون مثل عائلة القذافي ..وان الصبح قريب والحساب سيكون صعب وعسير وان أموال الشعب المنهوبة وتسترد بإذن الله
في ا لخطاب المرفق قلوا حفظكم الله و رعاكم؟ اقول لهم لا حفظكم الله ولا رعاكم يا اكلي حق اليتيم و الفقير والمسكين في بلاد السودان؟
في ا لخطاب المرفق قلوا حفظكم الله و رعاكم؟ اقول لهم لا حفظكم الله ولا رعاكم يا اكلي حق اليتيم و الفقير والمسكين في بلاد السودان؟
ياخوانا انتوا بتتكلموا عن فساد شنو؟ البلد دي كل المشاريع المصدعننا بيها دي والتنمية النص كم دي كلها ما هي الا سبوبة وواجهة للفساد ومكنة لتدوير وتكبير ثروة المؤتمر الوطني لانه ماممكن يحولوا القروش من خزينة الدولة لماليزيا طوالي فلازم يعملوا حركة حركتين عشان يضربوا ويلهطوا في الضرا ومنها برضو يزايدوا علينا سياسياً. الغريبة بعدا يجوا يتمننوا ويتفضلوا علينا بقروشنا ويقول ليك عملنا تنمية في البلد يعني حرمنة وقوة عين. قمة الوقاحة!
انتوا عارفين اي مشروع قيمته بتضرب النص اقل شي عشان كدا البتنفذ في الطبيعة مابتجاوز عشرة عشرين في المية من قيمة القرض لانه المقاول بيضرب والاستشاري بيضرب ومافي لا رقابة لامواصفات وعشان كدا اي مشروع بيقع ويتدهور قبل ما يقصوا الشريط زاته. تقول لي تنمية!
غريبة كل المعلقين مافي واحد اشار الي اهم نقطة في هذه الوثائق … انه الربا
ال 15 مليون دولار دي لزوم شنو ؟ استجلاب وتحويل القرض بس؟
طيب هل سيكتفي التقلاوي با 15 مليون دي ويدفع ربا القرض منها ولا حيكون القرض برضو فيهو فوائد اضافية؟ دي طبعا ما موضحة في العقد وهذا يعني ان الربا يمكن ان يكون مضاعف .. وبرضو ما ورد شئ عن السداد وجزاء التأخير وغير ذلك من التفاصيل المهمة مما يعني ان هناك وثائق ناقصة ومن بينها وثيقة قسمة المال الحرام بين الشركاء وعمولات ناس المالية عشان يسلك القرض ويجدول في ديون السودان التي سيدفعها محمد احمد المسكين. والاهم عمولة مكتب صاحب السمو…
لكن الكيكة كبيرة يمكن ترضية الجميع والباقي في اعماق البحر الذي لا يشبع
واحمدو اصبح السودان يدار الكترونيا … وجرب امشي لاي مكتب حكومي … ولا خليك .. ادخل النت عشان تجري معاملاتك الرسمية كما يفعل بقية خلق الله من المطبقين نظام الحكومة الالكترونية دون فساد..
ده الكلام….البسرق يسرق جمل…والشعب عااااافى منك وراضى عنك…رايك شنو تجى تتلب جوة بيوتنا ,, لو لقيت حاجة اسرقها… ؟؟ أهو زيادة الخير خيرين
لا حول ولا قوة الا بالله وانا لله وانا اليه راجعون
الناس ما لاقية تأكل .. يقولو ليك حكومة ألكتروينة!!
حتي انت يا وكيل المالية الاسبق شيخ المك .. عاصرته في الجامعة وكنت احسب ان فيه نخوة.. كيف تمرر مثل هذا الموضوع لشركة ال البشير بدون مناقصة معلنة في الصحف .. اين الحكومة الالكترونية ومن الذي ويسدد هذا التمويل وارباحه المتراكمة وفي كم سنة سيسدد القرض .. هذا عفن وفساد واضح يا اخي شيخ المك.. اما ال البشير فلن أتكلم عنهم لان الكلام تجاوزهم ونقول لكم كما قال ابن عمر محمد احمد حين كان في اتحاد الجامعة سنصنف عمر البشير بمصران عبدالله البشير وسنشنق عبدالله البشير بمصران عباس البشير و سنشنق عباس البشير بمصران محمد البشير وسنشنق محمدالبشير بمصران علي البشير وسنشنق علي بمصران صديق البشير.. والطيب مصطفي بمصران ابنه الفاسد.. ومصعب البشير ونساء الاسرة ب نساء الاسرة الفاسدة وكل من دار في فلك الاسرة .. والحساب ات لا محالة
شعب صابر ما هو فاتر
واذا الصبر لحدوده عابر
لا بجادل ولا بعافر
شعب واعي شعب صاحي
شعب حارق ما هو دافي
تاني مافي تاني مافي
الله علييييييييييييك يا راااااائع
قالوا الكوز كوزا ولوطالت عمامته والكوز كوزا ولو ترك الصياح
وما الكوز الا كالدخان ان علا انحط الي الارض سافلي
Could somebody explain how a grant of $800 million from the Saudi sheikh has turned, in this tricky process, into a loan of $800 million to be repaid by the people of Sudan?????!!!!!! Ah
هذه شطارة يا عوير في فقه الكيزان والله المصيبة في انهم يتحدثون باسم الدين والادهى والامر ان يصدقهم المغفلون الحمد لله انهم انكشفوا هؤلاء الحرامية
بالله عليكم ، أرأيتم فساد ، كفساد هؤلاء ؟؟؟؟؟
– عصابه الحزب (الوطني) بتاعه فرعون مصر (مبارك) ؟؟ لا والله ..
– اصهار بن علي الحراميه وزوجته ؟؟ لا والله ..
– حكومات العسكر الفاسده بامريكا اللاتينيه ؟؟ لا والله ..
هاهو الاخ الثاني لرأس النظام بعد اخيه الدكتور عبدالله ورئيس آليه فساده (الفاسد) ابوقنايه ..
ويخرج علينا الجنرال ناكراً فساد نظامه ، طالباً (رعيته) ان يتقدموا بمستندات ؟؟؟
وعندما كتب البرفسيور زين العابدين عن ما طلبه المشير ، وضع بزنازين الجنرال و اُغلقت الصحيفه التي اوردت المقال ؟؟؟
طالما سلاح الشعب أصبح الادانة والشجب فقط ديل حيفعلوا اكتر من كده لاخوف من الخالق ولا خجلة من المخلوق
والله ياشباب أنتو الجديد شنو يعني!!النهب والسلب ده عند الناس ديل عادي جدا..ماخصخصوا كل المواسسات الخدميه عشان شغل شركاتهم دي .هو مستشفي العيون دايرين يعملوا شركه..جبايات العبور شركه ،الكهربأ شركه بأسماء منو مامعروف..مافضل إلا البوليس والجيش يبقوا شركات..الله يسترهم من الهدف واوأب…يعني خلوها خلأ وشبعوا تب…كل لحم نبت من سحت فالنار أولئ به..ويذهب الحرام من حيث أتئ..يمهل ولا يهمل
عدة أسئلة تريد إجابات:
1- كيف زادت قيمة العقد من 800 مليون دولار إلى 979,048,690 دولار أي بنسبة 22.38% ؟
2- السيد عمر محمد عبد السلام مدير الإدارة العامة للتعاون المالي الدولي هل مخوّل له التوقيع على رسائل بالحجم وعلى شاكلة الرسالة التي وقعها وارسلها لشركة الكحيمي؟
3- خطاب الشيخ المك والوكيل الأسبق لوزارة المالية يؤكد أن المبلغ منحة! فكيف تحوّلت المنحة من 800 مليون دولار إلى الرقم الثاني؟ والمعروف عن المنحة أنها لا ترد فهي هدية مقبولة وبالإنجليزي Grant
4- من هو التقلاوي الذي يقبض عمولة تساوي 15 مليون دولار على ترتيب عقد تمويل. كنت أعمل في التمويل في لندن وعمولة السمسار لا تتعدي 0.1% إلى 0.5% من جملة القرض إذا كانت أطراف السمسرة أكثر من جهةّ. فبأيّ حق يمنح عبد الباسط حمزة الحسن (شايقي) وشقيق الرئيس البشير (جعلي) عمولة بهذا الحجم لفرد كما يبدو من توصيفه في العقد بين الطرفين؟
5- أيهما أهم أنبوب مياة كردفان من النيل الأبيض ليسقي تندلتي أم روابة الرهد الأبيض الخوي النهود غبيش اللِعيِّت أم برنامج سوفتوير وهاردوير صيني لحكومة إلكترونية مزعومة، علماً بأن التلفونات التي تستخدم في مثل هذه الحكومة لا تتوفر إلا في مناطق بعينها. اللهم إلا إذا كانوا يقصدون حكومة إلكترونية للخرطوم وما جاورها وباقي السودان مش مهم!
الآن الكرة في ملعب البشير. قال في ذلك اللقاء التلفزيوني أنه يريد من المواطنين تقديم شكاواهم عن الفساد مدعومة بالمستندات. الشي الشايفنو دا مستندات ولا كلام ساي؟
الجعلي
وليد الزين مع احترام , لدي بعض الاسئلة , لنفترض ان كلامك صحيح , اليس غريباً ان لا يستطيع نظاماً اسلامياً يحكم لمدة ٢٣ عاماً , اليس غريباً الا يستطيع توفير الحماية لتعاقداته مع المستثمرين ؟ اليس كل الذين في الحكم الان من الاسلاميين ؟ الم يقل الله جلا و علا (يَا أَيُّهَا الَّذِينَ آمَنُوا أَوْفُوا بِالْعُقُودِ )
الا يمكن لنظام كامل و هو اسلامي حماية عقد واحد كالذي نحن حياله فيلجأ المستثمر لشقيق الرئيس او يتبرع شقيق الرئيس للحماية ؟
اذا كان نظاماً بكامله لا يحمي شخصاً واحداً (العقد الحالي) , هل تتوقع ان يحمي شخصُ واحدُ شعباً بكامله ؟
هذا اذا سمحت لي ان اخبرك بمعلومة مهمة و هي الحكومات ـــ غير الاستبدادية طبعاً ــــ عبر العالم تحمي تعاقداتها مع المستثمرين لذلك لا يتبرع اشقاء الرؤساء ليجهدوا انفسهم بهذه الوظائف الحمائية !!
( وَلَا تَلْبِسُوا الْحَقَّ بِالْبَاطِلِ وَتَكْتُمُوا الْحَقَّ وَأَنتُمْ تَعْلَمُونَ ﴿٤٢﴾ )
هذا فساد وااااااااضح لا ريب فيه يا وليد الزين
بعد الكلام الكتير دا كلو النتيجة شنو ياشباب ؟
الناس ديل عايزىن يوصلونا للنتيجة دي نتكلم في الفاضى وبدون فاعلية وهم ماغلطنين جمع المشاركين فى التعليقات من خارج السودان الناس الفى البلد تعودو على كدا . سيبو الناس فى حالا لو ماقادرين تعملو حاجة الكلام مابنفع مع الناس ديل . ديل نبت شيطانى ولابد من ماليس منه بد ابقوا رجال وتناسو القبلية والجهوية وخليكم صادقين مع الله ومع انفسكم وتعالو نشوف ايش الحل
ياربي عمر بن الخطاب اقصد عمر البشير حيعمل شنو بعد ما يشوف البلاوي دي ؟
(مش قال من وين نجيب لكم ناس فاسدين ؟ ما لقينا ناس فاسدين نخلقهم ليكم ؟ ) واين انت من عمر بن الخطاب الذي امر ابنه بارجاع ابله الى بيت المال ؟
النشووووف انت مش قلت اخوانك من حقهم يدخلوا السوق ويتاجروا ؟
هذا قليل من كثير من تجارتهم
وانتم يا بتاعين الامن والشرطة والجيش هذه نتيجة حمايتكم للصوص ، أيرضيكم هذا بربكم ؟ ان تنهب بلادكم هذا ما المقابل الذي تحصلون عليه ؟
هل يساوي 0.00000001 من المبلغ المذكور اعلاه؟
ما تحصلون عليه ومهما بلغ لن يعادل فتات وجبة غداء من هذه المافيا
لن اقول لكم يعادل الكرتة ولكن لا يعادل حتى ما يتساقط من الخبز ليأكله النمل
حتى تعرفوا قيمتكم وانكم لستم سوى ادوات مغيبة العقل لا اريد ان اقول حيوانات ولكن نزعوا منكم الضمير والعقل ونزعوا منكم الدين ونزعوا منكم الرحمة
واتخذوكم الات لحمايتهم وانتم تتحملون المسئولية الرئيسية عما وصلت اليه البلاد لأنكم حماة هذه العصابة عديمة الاخلاق وعديمة الضمير والتي فاقت اليهود دناءة وخسة
انجوا بأنفسكم من النار وتوبوا الى بارئكم ان بقي فيكم ذرة ايمان لن اقول وطنية بل ايمان قبل الموت وتذكروا عذاب القبر وعذاب النار هل لكم طاقة بالنار؟ هل سينفعكم البشير او الترابي ؟
اللهم اني قد بلغت فأشهد
غايتو ده أخيب رئيس حكم السودان، الله يخيبوالبويطل المرخرخ
سمعنا وسنسمع الكثير من الفضائح .. علي مايبدوا لن يرعوي مسئولي المؤتمر الوطني و اهاليهم من استفزازنا باصرارهم علي الاستمرار علي فسادهم وتحديهم القانون اذا كان هنالك قانون ..
س سؤال …..
الي متي ستستمر هذه المهازل ..
الي متي سنسكت عن هذه الاستفزازات ..
هل اصبحنا نحن السودانيين جبناء الي هذا الحد ..
السنا الموصوفون بالكرم و الشجاعه ام ان ذلك كذبا ..
لماذا نترك هولاء يفعلون مايريدون لكان الامر لايعنينا او لكان ذلك يدور في بلد اخر ..
والله والله .. واقسم لكم برب السماوات و الررض بانني لا اتشرف بكوني سوداني اذا كنتم راضين عن مايحدث .. وتمنيت الف مره ان اكون حجرا علي جبل في كوكب اخر في مجره اخره خير لي من ان اسكت علي ظلم واستبداد واستفزاز كهذا .. وانا جاد في ما اقول ..
اعلنوا عصيانا مدنيا .. تجمهروا و اجلسوا علي الارض .. فقط علي الارض دون اي عنف .. سيضربونكم و سيصفونكم بافظع الاوصاف .. استحملوا لبضع ايام .. انا متاكد بانهم سينهاروا .. لا تفزعوا لكلام نافع و شرزمته فانهم اجبن من النعام .. لو كان يعني مايقول .. لقالها سابقا ايام نميري عندها كنت ساعتبره شجاعا .. لقد ذقنا اعنف مما قد كتبنا سابقا .. وعلي استعداد للاسواء .. فقط اعلنوا عصيانا مدنيا .. عندها ستروا ……
الننضم مامنو فائده
اخير يانبقي رجال نقلع حقنا
يانسكت نخليهم اسرقوا بعد شويه اولادنا
طز في الكيزان وظز في البنضم ومابسوي
وطز فيني انا
بلاش تحليل وسرقه وغيروا
الناس دي بتسرق
انتو عندكم ليهم شنو عشان تمنعوهم
ولا عشان تصبلوهم
الخبر في الجريدة يتكلم عن 900 الف وليس 900 مليون
وبعدين ياتو حكومة الكترونية بتكلف مليار دولار
وياتو امير سعودى بيتبرع بمليار دولار ديل بياكلوا ملح بس زى ال 2 مليون فدان منطقة حرة
للاسف يبدوا ان معظم المعلقين لا يعرفوا قدر المليون من المليار
كلو عند العرب صابون
12 سنة دخل انتاج البترولأختفى لان الشعب ما عارف الفرق بين الجديد والقديم والمليون من المليار
لكن الاكيد الكل يعرف قيمة الجنيه من سودانى
لاحولة ولاقوة الى بالله العلى العظيم فى يوم اسموا القيامة ويوم الحساب اتقوا الله فى ماتبقي من الوطن
ربنا يعين السودان على الناس دي لأنها بصراحه ما حكومة بل عصابة و بيني و بينكم كلمة عصابة
كمان شايف ما مناسبه معاهم لأنه العصابة بتسرق و بتمشي ..
ايها الحكم رجل الخط رافع البيرك اما كرت احمر اوضربة جزاء ارجو الا يثيرقرار الحاحكم غضب الشعب السيد وزير العدل السيد رئيس الجهاز التشريعى الكورة فى الملعب الجمهور فى انتظار قرار الحكم رئيم؟؟؟؟؟؟
السلام عليكم ورحمة الله
اولا نشكر الراكوبة والقائمين عليها
عندما جات ثور الانقاذ توقع كثيرون بان هم الخلاص والواقع الانقاذ عندما اتو الي السلطة مو عشان الشعب السوداني بل كي ينقذو انفسهم من الفقر انظر اليهم فبل الثور وبعدها سوف ترا المزيد من الفساد والمفسدين
اقول حسبنا الله ونعم الوكيل اللهم اضرب الظالمين بالظالمين آآآآآآآآآآآآآآآآآآآآآآمين
لاحولة ولا قوة إلا بالله اتقو الله وغداً لاينفعكم مال ولا بنون تذكر الجبار فإنه يمهل ولايهمل
It is amatter of values and really we missed them. We are just sitting to witness the end of the nation with no action. When say enough. If we accept this Corruption, the corrupted people can steal our houses, our wives, our children, and at the end they can steal our lives. Why? because they have stolen our money and then we became submissives. Try to fight for your rights. Do not stop the battle, and if you run away, surelly, you will come back to fight another day.
المحيرني الشرط الموجود بالوثيقة “على ان يبقى هذا الامر سرا ” ودا في حد ذاته مثار شبهةهي منحة و لا غسيل اموال و جنس دا هو الخاتينا في اللستة بتاعة رعاية الارهاب اهو انت قايلين عشان ذي ما قاعد اقول مسيلمة الشريييييييييييييعة قال شريقة قال
هي لله هي لله
اكلنا نيم
اكلنا نيم
اكلنا نيم
بلد لاحقة حبوبتي دييييييييييييييك
ما سمعته المتافي قال ده شطاره . وهو ما كيشة . وعارف مافي زول بسالو لان خربانه من كبيره
انا اسف ربما التاريخ هو فعلا 1426 بس انا شفته خطاء وتراي لي كان الاتنين سبعة لكم العتبي
نعيب سوداننا والعيب فينا وما لسوداننا عيب سوانا
كلام الازهر يا وليد الزين عن الاقتباس من القرآن مرفوض , فالازهر نفسه يقتبس في صراعه مع السلفية في مصر – الازهر مؤسسة صوفية و بالتالي فهو غير محائد في إمور الدين , مثلهم مثل السلفية هم ايضاً يستندون لاراء البشر لكتم الافواه , غير محائدون و لا تؤخذ الفتوي من غير المحائد ذلك لان غير المحائد يجيزها لنفسه اذا تغيرت الظروف , طبعاً مع اضافة سلسلة من التبريرات التي تثير الضحك , نحن نتحدث عن امر محدد لا تحشر الازهر في الموضوع , لديك رد ؟ رد و اترك الازهر و شأنه فكلنا مسلمون و حريصين علي القرآن
وليد الزين مع كامل الاحترام و التقدير , اولا لا يمكن أن تجد في كتاب الله جل وعلا ما يدعو لتكفير الناس , المغرمون او المؤدلجين بتكفير البشر لن يجدوا ضالتهم في القرآن فيهرعون للاحاديث و فتاوي البشر , و قول فلان و قول علان . ثانياً اؤمن بعدم اقحام الدين في السياسة لان الامر سينتهي الي تسييس الدين و ليس اسلمة السياسة , الوضع الطبيعي هو انه لا يمكن فصل الدين عن السياسة ( و هذه حقيقة ) بمعني إخضاع السياسة لقيم الدين , و لكن تجربة البشر علي الارض سارت الي غير ذلك , فاذا قامت فئة باقحام الدين في الحوار الدنيوي و حسمته دينياً توجب علينا توضيح حقائق الدين , و حقائق الدين موجودة في الكتاب المبين , و من هنا يأتي الاقتباس , فقط المطلوب ان يكون في شكل آية كاملة غير مجزأة و مفصولة باقواس من الكلام العادي حتي لا يحدث خلط ,