” بُرام “أصبحت بلدة للأشباح.. قصف أنتنوف حزب البشير والجوع يلاحقان جبال النوبة – شاهد صور –

ناس عايشة وناس دايشة
ناس شبعانين وناس جيعانين
ناس في نعيم وناس في جحيم
ناس ساكنة القصور وناس ساكنة ام الطيور

حسبنا الله و نعم الوكيل و لا حول و لا قوة الا بالله

وضع طبيعي جدا ما في برام بس الشمالية زاتها فيها ناس جعانيين ودايرين البشير دى يتصور مع صحن فتة شفتو ليكم واحد بياكل دى استايل ساي بيصورو بيه ويرجعو الزول دى انزه من النزاهة في بيتو مابحب الا الفول وملاح الفرك ماتبشعو بيهو وماتخربو بلدكم بالفتن الفتنة اشد من القتل المهلة يالحبان لو في امن الحريم الفي الصورة ديل حيستتن والموية تجيهن لي عندهن الخطوة الاولى الامن عشان تصل الخدمات وبفعلتكم دي مافي امن بيحصل

أفعلو كل ما تريدون و بمن تريدون , لأن المظلوم حقه لا يضيع مادام الله موجود, لكن رجاً كفي تشويهاً لإسم الدين فالله لم يأمر بهذا

انها مسرحية وقصة يجب ان يكون دليل على الاعيب هؤلاء بحال البشر فبالامس كان دارفور والنزوح الى حماية الدولة فى المدن ولم يكن دليل لصالح الدولة واليوم حينما لم يتم لهم السيناريو كما يريدون اصبحوا يتحدثون عن عن انزواء الناس الى الكهوف هربا من بطش الحكومة لكن كلها الاعيب لن يجنى منه المساكين الا مذيدا من المعاناه ليسجل فى صفحاتهم دليل آخر للعنصرية التى مارسوها فى امركا وفى جنوب افريقيا وعمومها كل هذه لن توثر فى مسيرة الوطن والدليل ان دارفور رغم ماحدث لم يغير النظام ولن يوثر مايقومون به فى كردفان لكنه سيكون دليل آخر ضدهم فى عدم اكتراثهم ببنى البشر خاصة ان لم يكون بيض

ناس الميرغني ديل اصلو معروفين بتاعين فتة وولائم وبحبوا الطيبات – اكيد هم العازمين البشير وجماعته على هذه المائدة – وزي ما قال الشيخ فرح ود تكتوك (الوليمة يدعى لها الذين لا يحتاجونها – أما المحتاجين اليها فلا يدعون اليها) انظر اليهم في الصورة تجدهم يتفرجون في الأكل لأن بطونهم ممتلئة.

قد كان يا ما كان
كان هنا سودان
من خيرة البلدان
خضرة وجمال وجنان
شعب من الشجعان
سمح هو السودان
حلو بلا كيزان
الحطمو الانسان
الهدمو الاركان
للدين والاوطان
الهجرو الحبان
الشردو الاخوان
لاونسة لا جيران
لا جبنة لا فنجان
سودان مع الكيزان
رجس من الشيطان
لا شكل لا الوان
لا طعم لا ريحان
سجمان كمان رمدان
لا اسم لا عنوان
كم نام هناك جعان
والنيل كمان عطشان
الزارع الحيران
الطالب العدمان
العامل التعبان
المصنع العطلان
النازح العريان
الخايف الهربان
من قذفة النيران
والراقص الخيبان
يرقص وسط نسوان
لا هام ولا دريان
كم كم أهان نسوان
بالجلد بالسيطان
وكم كم قتل انسان
بالضرب في المليان
وكم كم اباد شبان
في محرقة طرشان
وكم كمم الافواه
بالمال والطغيان
وكم كم كمان وكمان
اسرار طي الكتمان
محفوظ بلا نسيان
ليوم حساب كربان
لا رحمة لا جرسة

لا عفو لا نسيان
لا ماما بتحل كوز
لا ولولة نسوان
لا واي ولا لاهاي
لا جقلبة غلمان
حتشوفو لحس الكع
بالجد لحس كعان
مش زي نفش ريشا
زي نفخة العفنان

أخخخخخخخخخخخخخ

دنيا الكوز غريبة سر مابنفهموا
كوز أفراحوا زايدة وناس يتألموا

يا اخونا
على الطلاق ده كلام فاضى
مافى احرص على السودانيين من البشير
رئيس يحب الناس واولاد بلدو
ود بلد
اصيل

هذا حفل زواج دعي له البشير لا أقل ولا اكثر الدبلجة مافي ليهاداعي بعدين هذا سيدنا وإبن سيدنارضيت ام ابيت وعينو على الوطن والمواطن.

اولا الناس البتكلموا بالدين اسكتوا شوية وارتاحوا — الكيذان هم عبد الدينار والدولار وبعدييييين الجنيه
بس المقارنه جميلة جدا جدا
انا محتار ليه حكومة الجنوب دى ما تعمل كبارى تربط بلادها اولا
تعمير هذه البلاد لا يكون بدون فيدرالية
تعطى كل اقليم من إنتاجه 50% وتجمع 40 % وتوزع مرة اخرى بالتساوى و10% فقط للحكومة يصرفونها كموظفين و بالحساب
كل أقليم يشارك فى القوات المسلحة التى يصعد الطلاب الحربيين منها و30% من هذه القوات تكون نواة للقوات الفيدرالية التى تتدخل فى حل مشاكل الاقاليم بعد عجز قوات الاقليم المحدد
مقارنة الصور جيدة جدا ولكن ليست لمن غوى وتاه فى الأنا

لست مدافعاً عن قادة التمرد ولكن فى متمرد عنده طائرة عشان يضرب بيها ؟أختشوا شوية المؤتمر يمارس سياسة الأرض المحروقة ضد التمرد وغيرهم لكن هؤلاء الضعفاء المساكين لهم الله يوم لا يستطيع الفرار من الحساب .

رد على المدعو الباقر:

اولا اى حقير يسب من يقول الحقيقة هو انسان ضعيف و ليس له منطق امثال المدعو الباقر. ايه يعنى عندما نعلق على وضع فى الارض لا يتسق مع افكارك المشوشة تتهم الاخرين باهنهم امنجية . كل السودان يعرف حقيقة انتهازية الحركة الشعبية و المؤتمر الوطنى و الشعبى و الشيوعى ,لانهم هم الاحزاب التى تتبادل فى حكم السودان ,وهى الاحزاب التى تنتظر الادوار, وهى السبب فى تاخر السودان خمسون عاما. و عندما يعلق اى من افراد الشعب ويقول الحقيقة المرة و لا تعجبهم يتهمونه بانه امنجى. شنو يعنى امنجى؟ و هل هذه الكلمة عيب؟ هل هناك دولة فى العالم ليس بها امنجية يا فارغ؟ و لكن الحكمة فى الصدق و الوطنية و ليس الوظيفة. انا من جنوب كردفا و اعرف هذه الحقيقة غصبا عنك. و اذا هناك من هو من جنوب كردفان يظن عكس ما اقول فعليه ان ينقد حديثى بالمنطق وليس بالفارغ كحديثك. و انا متاكد من انك لست من جنوب كردفان.
و لانى نقدت عمر البشير بان اهله من الشمالية و بعيدين عن مناطق القتال و لا يهمه المواطن السودانى هذا الكلام لم يعجبك . ولانى نقدت الحركة الشعبية و ان الحلو ليس له اهل بجنوب كردفان يتاثرون بالقتال هذا الكلام لم يعجبك . و كل من فى الراكوبة يعرف ان هذه معلومات حقيقية. ويجب ان نعمل من اجل المواطن البسيط فى جنوب كردفان بعيدا عن السياسة. ولعلمك انا لا انتمى لاى تنظيم و لا يشرفنى ان انتمى, لانكم اغلبكم منافقين و انتهازيين و ليس لكم فهم فى السياسة بل تتخذوها اسلوب للمعايش ليس الا . ولو كنت امنجى لا اكلف نفسى ان ارد على امثالك لانك ضعيف ولا منطق لك . ودائما نحن فى الارياف مظلومين فى كل شى و مطلوب مناان ننافق فى كل شى لكى نعيش

تحية لمناضلي إدارة الراكوبة الغراء ، لايراد هذة الصور المعبرة والناطقة .. في السابق كانت صور لقيط القطن بمشروع الجزيرة ، وطق الصمغ ، وقبائل البقارة علي ظهور ثيرانهم ، والمشاريع الزراعية قرب جبال التاكا ، وصور السفن وهي تشحن وتفرغ ببورسودان ، كانت هي الصور المشرقه ، والمعبرة عن واقع وأماني وتطلعات شعب السودان ، حينما كان كاملا غير منقوص !! .
اليوم الصور المعبرة عن واقع السودان ، هي صور الرعـب ، وحرائق الحروب ، وصور قوافل ، والسيل العرم من المشردين ، المتدفقين من مناطق المذابح والمحارق والحروب ، صور بؤساء يتضورون جـوع ، ومرض ، وفقـر ، وبؤس !!.
وجهين لعملة واحـدة لصورة تتكرر منذ الانقلاب المشؤوم .. هي ذات صور المشهد في جنوب البلاد ، حينما أعلنوا الجهاد المقدس علي مواطنيين سودانيين ، عزل ، أبرياء ، وكانت سياسة التطهير العرقي ، والارض المحروقة .. والعبرة بالنتائج .. ضاع نصف الوطن بأهله وأرضه وثرواته ، ثلاثة ملايين ضحية من خيرة أبناء الجنوب والشمال .. واربعة ملايين مشـرد ؟؟؟.
وتكررت نفس صور المشهد في شرق السودان .. وكانت حرب داحس والغبراء !! والعبرة بالنتائج !!.. تدفق السيل العرم من المشردين !! . نصف مليون مشـرد ، منسيون حتي اليوم ، يفترشون الارض ، والفقر ، والمرض ، والجوع ، والجهل ، ويلتحفون رحمة السماء .. وقرابة مائة وخمسون الف ضحية ؟؟؟.
وتكررت نفس صور المشهد في غـرب السودان !!! .. نصـف مليون ضحية في معظمهم عزل ابرياء ، قصفوا بالانتينوف حتي الموت !!! .. وثلاثة ملايين مشـرد .. لوحقوا داخـل معسكرات تشردهم ، وإغتصبوا ، وقتلوا ونكل بهم ؟؟؟.
وكرة المسبحة ( المذبحة ) ، نفس صور المشهد في أبيي ، وجنوب كردفان ، والنيل الازرق ، وهجليج ، ودارفور ، والجنوب كرة أخري .. والعبرة بالنتائج .. !!!.
من يزرع الرياح يحصد العواصف ، والزوابـع ، والرعـود !! من يزرع الحروب يحصد ، دويلة الـرعـب ، والتشـرد ، والجـوع !!.
إنها حـرب حتي آخـر ذرة تـراب فـيما تبقي من وطن .. إنها حروب حتي آخـر قـطـرة دم ، من آخـر مـواطن فضـل !!!؟؟؟ .

الكجور طعن التور بالحربة وكسر البخصه وقال البشير ما بلحق الخريف دة ونحن مستنين _ عاش الملك _ مات الملك_ مين البديل

ما علي شعب جبال النوبا ان يردده في كتاب المقدس التي تقول
ان موتنا فا لرب نموت وان عشنا فالرب نعيش. ربنا ولن ينساكم أبدا ومسير
عمر البشير في دنيا لاهاي وفي نار الجهانم

لم نتعلم من التاريخ شيئا قلتم فى عام 1920 اصدر المستعمر قانون المناطق المقفولة . الان قانون الطوارىء هو نفس القانون مع اختلاف المسميات. النتيجة اغلق السودان بوابة الاسلام و فتح بوابة التنصير . ويدرك النوبة ان النظام لا يمت للاسلام بصلة و الاسلام براء منهم . وعندما تضع الحرب اوزارها على النظام الايندم على افعاله ويتحمل نتائجها اذا تنصر ابناء النوبة لان التاريخ لا يرحم والتاريخ للعبر و التصحيح. الهم هل بلغت فاشهد.

جماعة الجهاد الالكتروني كلاب الامن ال…شكلو فكوهم في الراكوب عشان يكتوب عن البشير الحرامي السفاح
انا ماعارف الناس دي بتاخد كم عشان تدافع عن الباطل وهل ممكن الزول يبيع ضميرة ويدافع عن هذا المجرم اللذي اشعل الحروب في ربوع هذا الوطن ليس لشئ سوي الانفراد بالحكم والعنصرية البغيضة
ماذن ابناء جبال النوبة هم مواطنين سودانين ولهم في هذا الوطن مثل ماللبشير وخالة النتن العنصري وهم اشرفف منهم لان البشير تلوثت يدية بدماء الابرياء

الدفاع عن ابناء قبيلتك ان كانو مظلومين ليست هي بعنصرية ولكن العنصرية الحقيقية ان تفتح ابواب الكليات العسكرية والشرطية لابناء قبيلتك وابناء جزبك المعتوهين عقليامن جعلين وشايقية ودناقلة كما يفعله المعتوه البشكير والمدعو علي عثمان سود الله قلبه والجعلي الضار للسودان— البنوكةمفتوحة لهم وكدلك كل مرافق الدولة ملك لهم وحرام علي ابناء وطني الشرفاء—ولا اعتقد ان انسانا شريفا يحترم عقله ويؤمن بما جاء به محمد صلي الله عليه يقف بجانب البشير وصحبه ويقول انهم قوم شرفاء وان كان كدلك فليراجع دينه— اسوة فئة حاكمة مرت علي البلاد والعباد— حرمية — منافقين كدابيين — الدين منهم برئ—— انا كوشي سوداني ابا عن جد ولكن وليس لي صلة بجزيرة العرب ولن اقول السودان ملك لي وان كنت محقا في دلك ولكن اقول السودان لنا جميعا فلنحافظ عليه—- وليس مانع لدي بان يحكمني واحد من كتم او همشكوريب او جبال النوبة او الرصيرص او حتي جعلي–نريد دولة قانون— الولاية للاصلح — الحكم تكليف وليس تشريف– اقدم الواجب واجد الحق— ان يحكمني عادل من كاجوكاجو خير لي من ان يحكمني ظالم من داخل بيتى0

بالله ركزو فى الصورة الخامسة من فوق..اللى فيها الأم شايلة طفلها..ح تلقى علامة تطعيم ضد الجدرى فى ذراع الأم الأيمن..وده عملتو منظمة طوعية غربية..كوز الموية جابتو منظمة طوعية أجنبية.. غطاء الراس وملابس الطفل برضو منظمة طوعية أجنبية..والولادة تلاقيها تمت فى وسط الكهوف دى بواسطة قابلة برضو أجنبية ..وانتو يا مسلمين ديل أخوانكم فى الوطن..عملتو ليهم شنو..ضرب بالطيران..انتونوف وغيرها ..تدمير مزارعهم..قتل حيواناتهم ..تشريدهم ليسكنو المغارات والكهوف..مأساة..يعنى أبوجلابية وعمة بيضة العريس ده..والمأذون أبوقفطان رمادى القاعد جنبو ده..كان اتبرعو بالأكل والمشروبات القدامهم دى ما كان ساعدو الطفل الصغير ده..خليك من أمه الكافرة بفهم الموتمر..الطفل الصغير ده..تمن الحفلة دى ما كان جاب ليهو حليب ريح أمو الشطرها من الجوع مافيهو نقطة لبن..ماكان القروش دى علمت الطفل ده وسندتو لمن بقى راجل متعلم وسند أمو المسكينة دى وصرف عليها بعد ما أبوه مات بالقنابل الواقعة عليهم بالليل والنهار..مش كان الولد ده قلبو حن للاسلام..وأكيد بمعاملة بتاعت عبدالرحيم ح يطلع حاقد على المجتمع الضيع أمو وأبو واخو وناس حلتو..وخلاهو يجى الخرطوم ويشتغل بتاع ورنيش..مش ليهو حق بعد كده يقول متين الحركة الشعبية تصل ريفى أمدرمان..تظنونه بعيدا وأراه قريبا..

[ود كترينا]
كلامكصاحيا ود كترينا لكن من الذى فعل بهم هذا عمر البشير ولا الحلو الذى هرب الى جوبا بعد ان اوقدنار الحرب وتركهم يكابدون الحر والبرد والجوع والمرض زالفقر والجهل بيما اولاده واهله فى كينيا واوغندا وزوجاته بين جوبا وكمبالا زنيروبى هووالتور الكبير الما عندو مخ داكالاسمو عقار
والله لو رايت تلك المناطق لشلب شعر راسك

ودمتم

++++

هذاء ماتحصلت عليهي عيون الكمرات وماخفيه اعظم…

عمر بن الخطاب – سيد الاسم
روي أنه لما ولي الخلافة صعد المنبر وهمَّ أن يجلس مكان أبي بكر فقال: «ما كان الله ليراني أرى نفسي أهلاً لمجلس أبي بكر»، فنزل مرقاة، فحمد الله وأثنى عليه، ثم قال: «اقرءوا القرآن تعرفوا به، واعملوا به تكونوا من أهله، وزنوا أنفسكم قبل أن توزنوا، وتزينوا للعرض الأكبر يوم تعرضون على الله لا تخفى منكم خافية، إنه لم يبلغ حق ذي حق أن يطاع في معصية الله، ألا وإني أنزلت نفسي من مال الله بمنزلة ولي اليتيم: إن استغنيت عففت، وإن افتقرت أكلت بالمعروف.»
قال رسول الله «إن الله جعل الحق على لسان عمر وقلبه»
افتكر كدة و اضح …