لجان أحياء بحري
إلى كل الثوار بمختلف فعلهم الثوري و الذين بهم تكتمل الثورة .
إلى الغاضبون
إلى المشتبكون
إلى الإعلاميون
إلى الهتافين
إلى الشعراء
إلى جيشنا الأبيض في المواكب
إلى محامو الطوارئ الذين يدافعون عنا في المحاكم
إلى أصحاب المواتر الذين ينقلون المصابين
إلى أصحاب اللافتات
إلى الثوار في الخارج المتابعون لحظة بلحظة
إلى الذين يبتسمون لنا في الطرقات
إلى الذين يسقون المياه
إلى كل العمال و الموظفين
إلى آبائنا و أمهاتنا الذين يرفعون لنا علامة النصر و يملؤوننا حماساً
و إلى كل من هو مؤمن بثورة ديسمبر المجيدة و متمسك بإنجاز مطالبها و تحقيق القصاص للشهداء .
الثورة ثورة شعب و كل الفئات دي عندها دورها البتقوم بيه على أكمل وجه و محتاجين كلنا نتلم مع بعض و نتوحد حنبقى أقوى .
الثورة دي منكم و ليكم و بيكم .
عاوزين نقول ليكم كلام بسيط ومختصر عن الإشتباك مع القوات اللانظامية ..
أولاً نحن مقدرين كل الغبن و الإحتقان الناتج كردة فعل لكل المآسي العشناها من بداية الثورة و عارفين إننا عشنا في جو م طبيعي شيعنا فيه شهداء وشهيدات و أسعفنا فيه كتير من المصابين و عارفين انه الجو دا ح يخلق فينا ردود افعال حادة و غير طبيعية تجاه قوات الأمن .
بس كمان الاشتباك دا غير متكافئ لأنك يا كنداكة و يا شفاتي سلاحك الوحيد فيه حجر و حمايتك الوحيدة ياها درقتك وديل ما بقيفن في وش الرصاص والجندي لو اتأذى بالكتير ح ينجرح وبكدا ح تبقى الخسارة بقت علينا ما عليهم وما نسمح لقوات الإنقلاب انها تعمله ذريعة تقول اننا ما سلميين .
الاشتباك لمن نكون عايزين نحمي امهاتنا و آبائنا الكبار و إخواننا و اخواتنا و نأخر القوات النظامية لحدي ما يلقو مخرج و بعدو نحن المشتبكين نلقى مخرج و نكون وصلنا رسالتنا ، بس عمره الإشتباك ما كان هدف ،
الترس عشان يحميك ما عشان تحميه انت ، ترس عشان القوات م تقدر تتحرك خليهم ( ت أ ك )
هم بياخدو مرتبات عشان يضربو و يقمعو و يقتلو و نحن بناخد إننا بنفقد في أرواح الناس العزاز علينا .
نحن محتاجين للوعي و المعرفة السلاح البيخوف أي كائن سلطوي و قمعي و مصيرو الحق ينتصر و البرهان ده ساقط ساقط لامحالة .
تتخيل كان في يوم تسقط ؟!
لو ما اتوحدنا و كنا كتار ؟!
اعلام لجان أحياء بحري
4 يونيو 2022م
#الاشتباك_دفاع_ماهجوم
#الاشتباك_وسيلة_ماغاية
#الاشتباك_وسيلة_وليس_غاية
#لاتفاوض_لاشراكة_لاشرعية #ميثاق_تأسيس_سلطة_الشعب
#وحدة_قوي_الثورة
كلام عين العقل
اعتراف صريح بالعنف الموجه تجاه القوات الامنية
يعني دي شغلة مقصودة وممنهجة
حجارة ومولوتوف وسيخ وطوب
ويجو يعملو فيها مساكين
الشرطة دقتنا ليه
دي مشكلة ازدواجية المعايير
المتبعة من قبل المجتمع الدولي المنافق
وقحت يعني مسموح لهم استخدام العنف تجاه الشرطة
وعندما ترد الشرطة فهذا محرم ومجرم
قمة النفاق
كوز منافق ومجرم وقاتل.وبالتأكيد مرتزق.
إنشاءالله الحصل للشهداء والمصابين تشوفوا في نفسك وفي اعز الناس ليك.
كلام منظم ومرتب ويمثل الواقع ي كوز ي ابن العاهرة ي لص الشعب سيقتلعكم من جذوركم طال الزمن أم قصر والثورة مستمرة وتاني خداع باسم الدين ما في والشعب سينتزع ما سرقتموه ونهبتموه وهربتموه وأخفيتموه من باطن الأرض وسيرجعكم لأصلك ولقراكم حينما جئتم إلى الخرطوم مقطعين منتفين مرتدين ملابس رثة عفنة تشبه أخلاقكم ي براطيش !!!
وين الشرطة دقتنا ليه ! الشرطة بتقتل
جميل جدا وكده نقدر نقول عليها سلمية بحق وحقيقة.