(3) مليارات دولار موارد المغتربين في 2010م
الخرطوم: نبيل صالح
قدّر بروفيسور الهادي عبد الصمد عبد الله مدير مركز السودان لدراسات الهجرة، حجم موارد المغتربين في العام المنصرم بـ (3) مليارات دولار. وقال إنّ بإمكان هذه الموارد سد جزء غير يسير من ميزان المدفوعات للدولة. وتوقع الهادي نجاح ملتقى (اقتصاديات الهجرة)، الذي ينظمه المركز في الأيام المقبلة، وخروجه بتوصيَات تعين راسمي السياسات الاقتصادية وواضعي القرارات الإستراتيجية في مجال الإقتصاد الوطني، ودَعَا البنوك السودانية لإنشاء فروع لها في دول العالم المختلفة للاستفادة من فوائد تحويلات المغتربين التي تعين بشكلٍ كبيرٍ بالإسهام في الإقتصاد الوطني، وأضاف أن الملتقى سيناقش دور المغترب في دعم الإقتصاد الوطني ودفع عملية الاستثمار ودورهم في الأسواق الخارجية.
الرأي العام
معقول تحويلات المغتربين 3000 مليون دولار ؟؟ فهمونا كيف يعني ؟؟؟ ورونا الدليل والإثباتات – ولا ده كلام جرايد وسياسة ساكت ؟؟؟ أم هو ضحك على عقولنا ؟؟
خلاص قبلتو علينا الله ىيكون فى عونا ;(
شردتوهم من السودان وحاليا بتمصو في عرقهم والثلاثة مليار دي لا شايفنها علاج ولا تعليم كلها رايحة فساد
ده الفالحين فيهو (( دور المغترب في دعم الإقتصاد الوطني ودفع عملية الاستثمار ودورهم
في الأسواق الخارجية. )) وين دور الدولة تجاه المغترب اولادم زي الاجنبي في البلد
مافي اي تقييم تحفى للسفارة عشان بس تحضر معاك لحل مشكلة ولا حياة لمن تنادي
مابتعرفو الا قروش المغترب والضحك عليهو بمشاريع وهمية زي بتاع سندس ولا أراضي
ماموجوده في الخريطة … قسماً بالله لو ما أهلنا ما كنتو شفتو منها قرش احمر
كدى هسع جايبين لين حبة هدوم وبعض الصلصلة والحليب لعيالنا وممكن شوية رز عشان نخفف عليكم اعباء قيامكم بدوركم تجاه اهلنا ارفعوا يدكم عنهم مادايرين علاجكم مادايرين قرايتكم مادايرين منكم الرمادة دى والله النيل دا لو عايزنوا شيلوا وبيعوه فى اكياس بس خلوا الناس تصوم رمضان مع اهلها بسلااام وبعدين يشتتوا ويوم الموقف العظيم والناس حفايا وعرايا والله مابخلى ليكم فلس اخدتوا من بغير وجه حق تلقوه فى الدنيا قبل الاخرة
مبلغ يذكر الواحد بدخل قناة السويس و الدولة الوحيدة اللي تدخل هكذا من مغتربيها تقريباً نحن فهنالك الكثير من الدول التعبانة التي لا نجد في سفاراتها معط شديد من مغتربي دولها مثل سفارتنا التي أشبه بمحلات الجزارة الكبرى أعوذ بالله ، ضرائب على أيه (على الأوكسجين اللي من الله ) أعوذ بالله و حسبي الله . دفعنا الكثير راجعي الأمر يا حكومتنا حرام عليكم فالإغتراب لم يكن مثل السابق حيث غرتفعت الحياة المعيشية في دول المهجر و تعقدت الأمور و المغترب اصبح إنسان تعبان :lool: :crazy:
دي تصبيره علشان يرجعوا تاني للضرائب الناس ديل من مضمونين عاوزين يرجعوا للضرائب مرة ثانية
أذا الدوله لم تساعد المغترب بأى شيى . هل بتفتكر حتى لوتم انشاء فروع للبنوك فى الخارج مافى مغترب عندو استعداد التعامل معها .أى هذه البنوك . المغتربين كرهو البلد وكرهو الحكومه المخستكه دى .الماعندها غير شغله غير اللجو الى المواطن المسكين . الحكومه يجب تشد حيلها وابقوا الناس الماسكين مناصب فى الفاضى اشوفوا حلول منطقيه . بس انتو ابعدوا من قصة المغتربين دى
العبو غيرها … والله لو جبتو البنوك عند باب البيت ما حنحول عن طريقها …
السنة دي مع سعر التحويل المنخفض ما حتوصل والا الف دولار واحد…..
ثلاثة مليارات دخل المغتربين
ثلاثة مليارات دخل الذهب كما صرح وزير المعادن
مليار دخل القطن كما صرح مدير مؤسسة القطن
مليار دخل الثروة الحيوانية
يبدو اننا سنغرق بالمليارات
التعديل الوزارى على الابواب والجماعة بيتبارو فى ختة العرس
وزير المال يصرح بصعوبة المرحلة القادمة نتيجة فقد البترول والبترول دخله لايزيد عن الثلاثة مليار
ويطالبنا بالعواسة وشد الاحزمة على البطون
فقط نطلب احترام عقولنا
احيانا اتذكر قصة عبدالقادر المتسرع وزجاجة السمن
ومرة اخرى قصة فرعون وقلة عقله والنساج الذكى
رفقا بنا فلقد شبعنا تصريحات وعاوزين ملح اندروز الفوار
خلاص مشكلة السودان اتحلت رسلو المواطنين يجيبوا ليكم العملة الصعبة وجيبوا المصريين يزرعو ليكم وإنتو اقعدو عدو في الدولارات.
:eek: :eek: :eek: :eek: :eek: :eek: :eek: :eek: :eek: :eek: :eek: :eek:
تستاهلوا يالمعتربين لانكم اكثر ناس واقفين مع حكومة الوفت ده والدليل صناديق الانتخابات ونقاشاتي في كل التجمعات التي التقيتها البلد سمحة الحكومة ده حكومة كويسة جابت السلام الناس ديل احسن من غيرهم السودان ما فيهو بديل جربنا الاحزاب لقينها احسن ديل خليهم اقعدو شاحد الله الكريم اي مغترب ارجع زي ناس ليبيا عشان اعرف حقيقة الحكومة البكورك وراها ده والمغسة ناس متعلمين بقولا الكلام ده
قوم لف ياخ مغتربين شنو خلي ارجعوا اي حاجة
المستثمر المهاجر او المهاجر السوداني قطاع مهم في دعم الاقتصاد لماذا لا يستغل بالشكل الصحيح وليس لمجرد الاستغلال انا مغترب ما ارجع السودان الا للضروره والسبب تعقيدات الدوائر الحكوميه والضرائب الكتيره غير انو الاستثمار صعب ويحتاج لي راس مال كبيييييير لما كل هذه العقبات تجاه المغتربين ؟؟
يا حكومة الجباية هلكتونا وأفلستونا وقلنا الرووب ألا لعنة الله على الظالمين هل يوجد دول فى العالم حكومتها عايشة على جباية المغتربين دون ضمان مستقبل نهاية الاغتراب زى حكومة مصر تحفظ الوظيفة للمغترب المصرى وضمان أجتماعى مع نهاية الخدمة العمرية نحن الان بلغ المغتربين من الاعمار عتيا لخدمة حكومة السودان دونما أى مقابل والله ياناس أولادنا تخرجو من الجامعات وأدو الخدمة الالزامية المجانية لخدمة ملوك الحكومة كخدم وزبالين لراحة المنفذين فى الدولة وحتى الان بعد التخرج 5 سنوات لم يجدو عملا فى أى مرفق للدولة ولو بوابين فى وزارات والوقت التى نرى فيه كهول الانقاذين متربعين فى كل مناصب الدولة دون إعطاء أى فرص للشباب فى الوطن والبعض الان أغترب ولحق والديه فى الاغتراب وبشرنا بعد إنفصال الجنوب وتأملنا بالوظائف الشاغرة التى تركها الاخوة الجنوبين فى الشمال لكن حتى الان لم يوظفو أحدا حتى الان لاندرى اين ذهبت الوظائف الشاغرة ؟ والان بعد ذهاب نعمة البترول عليهم العودة مرة أخرى على جيب المغترب المغلوب على أمره يدفع الضريبة وهو مرغم صاغر ملبيا لكلباش الحكومة المسمى بتجديد الجواز يتم مرورك بالسفارات كل سنتين ليلوى ضراعك ويستخرجو الضرئب بالخنق والله العظيم قرفنا الغربة وقرفنا الحكومة وسفاراتها البقت بقالات بيع خردوات لجمع أى فلس مغترب فى العالم وأنا بصراحة ندعو حكومة الجنوب أن تستقبل المغتربين السودانين بنهاية مال خدمنهم الى الجنوب لكى يقدر يستثمرو ما تبقى لهم من مال نهاية الخدمة مع الحكومة الجديدة فى الجنوب أحسن لنا من طول الانتظار فى بلاد الغربة منتظرين فرج الله من حكومة أستمرة 22 عاما وبداء مرحلة عشرينية جديدة دون تقدم المغترب شبرا واحدا الله يكون فى عون المغترب ..
على السودانيين عامة شد الاحزمة الناس بتربط على بطونها مئات السنين ؟وانتو يادوب ليكم22سنة شنو يعنى ,,,,وانا فى راىئ بعد كدة صلحو اعمالكم وارمو قدام تكسبو الجنة..بعد22سنة الدنبا كان جاتكم بعد دا تعملو بيها شنو, والا كلامى ماصاح .؟ نسال الله يجمعنا فى الفردوس الاعلى وانا عن نفسى الدنيا خليتها للكيزان
نحن موجودين بفرنسا ان كنا بفرنسا او عدنا لن ندفع ولا درهم واحد لان المغترب عليه ان يعرف اين تذهب الاموال هل لبناء الوطن ام لوزارة الدفاع لشراء اسلحه لقتل الاهل بدارفور وكردفان .:eek: :eek: :eek: :eek: :eek: :eek:
اخواني المتغربين والمغربين والثانية اصح لان تغريبكم مقصود من قبلة مافية الانقاذ والمؤتمر الوطني لا تحلموا ان تعودوا يوما الى بلادكم فسوف تظل العوائق في طريقكم ومحاربتكم بشتى الوسائل لامتصاص ما توفرونه في غربتكم بالجبايات والضرائب والرسوم والحجج الواهية لان هذه العصابة الحاكمة لم يتبق لها مصدر دخل سواكم كان بامكانهم تقديم مشاريع استثمارية لكم مجاناً ولكنهم لم ولن يفعلوا ذلك انهم يبيعون في اراضي السودان شبرا شبرا واقليما اقليما انهم مجردون من الضمير والوازع الديني انهم عديمي اخلاق وسفلة ، لذلك ارجوكم ان تستثمروا في اثيوبيا وفي مصر اشتروا شقق في مصر لا تقوموا بتحويل عملة للسودان الا للضرورة وللأهل ولكن ليس عن طريق البنوك فلن نظل اغبياء نبيع بأقل من القيمة الحقيقية حتى تلهفها هذه المافيا حاربوهم قاتلهم الله
يا مغتربين …. اقعدوا جعروا كده
وما في زول شغال بيكم
في النهاية حا تدفعوا يعني حا تدفعوا
وعينكم فوق راسكم
في يدكم تجففوا خزنة الحكومة
وتسهلوا على الشعب ان ينتفض عليها
وقفوا التحويلات ستة شهور بس
وحتشوفوا النتيجة
اما الكتابة والكواريك هنا ما بتقدم ولا بتأخر
اعملوا خطوة ايجابية للبلد وسلبية نحو الحكومة
مرة واحدة بس في حياتكم