بورتسودان تنتفض..البمبان يغطى سماء المدينه

اليوم تكتمل الصورة و أبشركم بأنها النهاية ..

هذه رؤية قديمة نهايتها خروج البشير بـ (السروال) …

كونوا شاهدين …

حنْبنيهو
البنحْلم بيهو يوماتي
وطن شامخ
وطن عاتي
وطن خيّر ديمقراطي
وطن
مالك زمان أمرو
ومتوهج لهب جمرو
وطن غالي
نجومو تلالي في العالي

إراده سياده حريّه
مكان الفرد تتقدم قيادتنا الجماعيه
مكان السجن مستشفى
مكان المنفى كليّه
مكان الأسرى ورديّه
مكان الحسره أغنيّه
مكان الطلقة عصفوره
تحلّق حول نافوره
تمازح شفّع الروضه

حنْبنيهو
البنحلم بيهو يوماتي

وطن للسلم أجنحتو
ضد الحرب أسلحتو
عدد ما فوقوا ما تحتو
مدد للأرضو محتلّه
سند للإيدو ملويّه

حنْبنيهو
البنحلم بيهو يوماتي

وطن حدادي مدادي
ما بنبنيهو فرّادي
ولا بالضجّه في الرادي
ولا الخُطب الحماسيّه

وطن بالفيهو نتْساوى
نحلم نقرا نتْداوى

مساكن كهربا ومويه
تحتنا الظلمه تتهاوى

نخت الفجر طاقيّه
وتطلع شمس مقهوره
بِخط الشعب ممهوره
تخلّي الدنيا مبهوره
إرادة وحده شعبيّه

اليوم الشرارة وغدا الجمعة الحريق الكبير حريق سندنة الموتمر الوثنى ادعوا كل الثوار الجمعةللانطلاقة الحقيقة