عبد الرحيم حمدي: انشاء سوق يسمى سوق مابين البنوك يقوم عليه مجموعة من ثلاثة مفوضين
الخرطوم (سونا )- أقترح دكتور عبد الرحيم حمدي وزير المالية الأسبق والخبير الاقتصادي انشاء سوق يسمى سوق مابين البنوك يقوم عليه مجموعة من ثلاثة مفوضين أحدهم من بنك السودان وممثل للبنوك وخبير اقتصادي يرأس المجلس ويكون مقر المجلس البنك المركزي ومساعده سكرتارية محدودة وتهيا له وسائل الاتصال وبتكفل البنك المركزي والبنوك بتكاليفه ويقوم بتلقى طلبات الإقراض والاقتراض لمن يرغب من البنوك الأعضاء .
وقال حمدي في ورقته التي قدمها في الندوة العالمية حول سوق مابين المصارف اليوم بقاعة الصداقة بالخرطوم قال إن القرض في المعاملات الإسلامية يجب أن يكون قرضا حسنا بلا فائدة وإذا تم اي تداول له أي إقراض لجهة أخرى فيجب أن يتم ذلك بدون تقاضي فائدة على القرض و أنه يجوز فقط أخذ أجر على كتابة القرض كما يجوز التدرج في حجم أجر كتابة القرض .
وأضاف أن القرض بعد انتقاله للمقترض يكون دينا في الذمة واجب الرد وان تبرع طرف ثالث غيرالمقرض والمقترص بالضمان جائز .
وقال إن عقد المعاملات في هذا السوق يحتوي على القيمة والزمن واجرة كتابة الدين والتزام المقترض بالدفع ويتضمن عقد العملية ضمان البنك المركزي على سبيل التبرع لهذه المعاملة .
وتحدث في ورقته عن أجرة كتابة الدين وكيفية تحديدها والعقوبات في حالة مماطلة المقترض .
قال إن القرض في المعاملات الإسلامية يجب أن يكون قرضا حسنا بلا فائدة
فيجب أن يتم ذلك بدون تقاضي فائدة على القرض
ثم شوف الفهلوه
أنه يجوز فقط أخذ أجر على كتابة القرض كما يجوز التدرج في حجم أجر كتابة القرض
يعنى يا شطار عبدالرحيم حمدى بى يحب يقول ليكم عدلنا اسم سعر الفائده لاسم موديل 2015 كتابة القرض يعنى تحويل نسبة الفائده لمسمى اجر كاتب القرض
ياخى بلا الشطاره والفهلوه والذكاء بتاعك دا الودا الاقتصاد السودانى فى داهيه شنو الا تستحى انك تبرات من سياسة السوق الحر
عبدالرحيم حمدى شكرا لحد هنا وكفايه تدمير شوف شغله تانيه وحل عننا
قال اجر كاتب وكمان يرتفع الاجر بالتدريج ايه الشطاره دى يخادعون الله ولا يخادعون الا انفسهم
القرض مكتوب صياغته العامه وفورمات جاهزه الفرق فى كمية المبلغ المقترض وكلما ارتفع المبلغ تحددت قيمة اتعاب كاتب القرض ياخى ماهى فورمات جاهزه املا الخانات الفاضيه
حماده يا حبيبى حل عنا الحلال بين والحرام بين ولا يكون عينوك رئيس الافتاء وما عارفين خليك واضح يا جميل سمى الاشياء باسمائها وشغلكم كله فىى النهايه ربا فى رباء عشان كده محقتو البلد وقعدتو لانكم تاكلون اموال الناس بالباطل وكمان عايز تفتح نفاج جديد لللغف باسم دلع جديد سوق ما بين البنوك ياخى الشغل دا قسم واحد من اقسام بنك السودان مفترض يقوم به اليس هو المسئول عن سوق المال فى السودان قال رئيس وسكرتاريه وحوافز وعربات وبدل علاج ووووووخم وصر باقى القريشات الفضلن ديل خلوها لينا نتمتم بيها ونباصر بيها ما بتشبعوا انتو
أعوذ بالله من بطن لا تشبع وعين لا تمتلئ،،
خبير اقتصادي ؟؟
ههههههه
مش هو داا الــ سقط حجر الاقتصادي السوداني بترهاته وتنظيراته الغبية دي ؟؟
هذا الرجل الدجال ، قد اعترف بأخطاء كثيرة قام بها ، منها تشويه سمعة أحد التجار عند ما كان يدير صحيفة الميثاق الاسلامي ذلك بنشر أخبار كاذبة. بعد ما عاث فساداً في البنوك المسماة (اسلامية)، وهي قد عبثت باقتصاد البلد، اعترف في مقابلة تلفزيونية بقوله:(لا توجد بنوك اسلامية)…كما اعترف بطريقة غير مباشرة بأنه لايوجد ما يسمي بالاقتصاد الاسلامي…وكثير من الكذب المفتعل بادعائه الفقر وانه لا يملك منزلاً حتي اليوم!!!!
طبعا ده اكيد سوق مواسير جديد بالخرطوم .. بدل حق يوسف كبر ..مافيش حد أحسن من حد !!!
عليك الله يا عبدالرحيم حمدي أمشي مصر وعيد جنسيتك المصريه … خلاص نحن زهجنا …
أحسن ليك تعيدهاه بأخوي وأخوك … وإلا الشعب السوداني لما يسقط النظام دا والله تاني ما تقدر تدخل السودان … لانه المشنقه جاهزة ليك … وستحاسب على ما فعلته في السودان والاقتصاد السوداني والشعب السوداني الظلمته وجوعته ..
الزول واضح قال ليكم ثلاثه ممثلين واحد من بنك السودان واحد من البنوك واحد خبير اقتصادي والاخير يقصد انو ممكن يكون عبدالرحيم حمدي ماعليكم الا تجو المسرحيه و تحضرو المسرحيه الضاحكه كيف تضح علي شعب بكامله ولا يعلم بك احد
انت يازول فاكر روحك في امريكا ولا شنو عاوز تستنسخ لينا بنك الاحتياطي الفيدرالي الامريكي بي جاي ولا شنو ايوة طبعا عشان تعيثوا في الارض فسادا سرقة ومحسوبية والذي منو مش كدة هو الامريكان مشتكين من الاحتياطي الفيدرالي كمان جاينا انت يامثلث حمدي ياخي بالله قوم لف وقفل خشمك انت وسياساتك العوقة دي ماكفاية الجنيه السوداني بقي عايم الهي يخليك تعوم وتغوص في مثلث برمودا وماترجع تاني انت وعمر البشكير ياصاحب تحرير الاقتصاد قال تحرير قال
ده مش صاحب مثلث الشؤم العنصري داك .. الله يسقط حجرك تاني كمان.. المخلوق ده ظهر من وين اعوذ بالله من الفتن ماظهر منها وما بطن هذا الرجل فتنة انزلها الله لنا – اللهم اصلح حالنا وابعد عنا العنصريين المدمرين والموساد واصحاب الحاجات .. هذا الرجل دمر السودان رجل عنصري ومنفصم شخصيا.