هضربة

هضربة.

بقلم ايمان حموري
[email protected]

هضربة محمد احمد المرضان( بحمي المشاريع ) راقد في سريرو ومتوسد ضميرو إكتكت ويورور اررر السقط الشمس التلج غطوني بي طرف السحابة قبل ماتنزل علي ابوعشرين وعشرين زايد واحد تساوي واحد وعشرين وواحد عشرين سنة يا انا ماشفت طعم الهنا ، والبندقية كتلت الطورية، الراجل إقنِت والمرة تقنِت والجماعه سرقوا التقنِت ، طيري ياقمرية وركي فوق ابوستة واتصنتي القضية لكن ماتدخلي عيسي بي دينو وموسي بي دينوحتي لوكان(عباد الشمس) خلي يعبد الشمس زي ما عايز بس ما يمرضنا ونحنا نبري من السرطان وامور النسوان وطبة الضيفان ، ارررررالسقط ،الحواشة اصلا من قبل مايشلعوها الجياشة هي ما مامشة كل ما يشيلو (دمغه) بتنزل مني (دمعه) كان جمعه ولا ماجمعه وكان براي ولا الامة مجتمعه، ولا ني ناير ولا اب لمعه مع ودعكروود مايواوكان فتريته لي كسرة او لي مريسة والمريسة دي ممكن تكون جابت لينا الكفوة او ممكن تكون فتوة (المشروع يساعد في انتشار المحرمات) الخير بالنص والشر يخص،في الجزيرة نزرع قطنا نزرع نتيرب نحقق املنا،الزارعين ليها شنو الحمد لله فنلة اجعص جعيص (صنع في الصين) واصلو المشروع هو كان (عبء) علي الدولة علي ذمة القائل (نبري من القوائل)
تحت تحت قالو استغفرالله جايب لينا الباعوضة آي الباعوضه الجابت لي الحمي اررر كدي يا اخوانا وهطو لي النجمة دي تحت راسي آي نجمه في عز النهار هوانا شفت النجوم براي ماناس كتير شافو النجوم في عز الظهر معاي!!