الخضر : المواطنون سيرون العجب العجاب في التعليم
الخرطوم: عواطف عبد القادر
أكد والي ولاية الخرطوم د. عبد الرحمن الخضر أن العام الحالي سيكون عام التعليم بالولاية، لافتاً إلى أن المواطنين «سيرون العجب العجاب» في مجال التعليم، وأعلن الخضر أن المعلمين لهم الحرية في العمل بالدروس الخصوصية والمسائية، مشيراً إلى أن خطة الصحة تبقى منها «30%». وكشف الخضر أن ولاية الخرطوم تستقبل يومياً «12» طلباً لانتقال المعلمين للعمل بولاية الخرطوم من الولايات الأخرى، مؤكداً أن الولاية تتعاطى مع لم الشمل بين المعلم بإحدى الولايات المتزوج وزوجته المعلمة التي تعمل بالخرطوم والعكس، بقوله: «ما عندنا غرض نخرب البيوت»، وتابع الوالي قائلاً خلال برنامج التواصل مع المصححين. ومن جانبه أعلن وزير التربية والتعليم بولاية الخرطوم دكتور عبد المحمود النور، عن اعتماد وزارة التنمية البشرية تدريب «35» ألف معلم ومعلمة، وفك الترقيات لـ «4» آلاف معلم ومعلمة.
الانتباهة
والله العاجبنى فيك انك متفائل ومتحمس لبناء المدينة الفاضلة باحلام ظلوط ومعيط واصل على كده وفقك الله
نعم سنرى العجب العجاب كما رأينا الفعايل والعمايل خلال 25 سنة تبا لكم ايها التجار والله مافعلتموه بالشعب لن تفعله اي جهة من التنكيل والسرقة والدمار
طيب نشوف يالخضر
h*العجب العجاب !!! هو فى عجب عجاب اكتر من الهرجله الحاصله دى؟ هو كونو عبدالرحمن الخضر مدير مديرية الخرطزم دا ذات نفسو موش عجب عجاب!! قال العجب العجاب!!
*هو فى عجب عجاب اعجب من الكذبة الكبرى ان دولا كبرى اعتذرت للبشير عن فصل الجنوب!!! برا كذب وضحك على الناس!! للناس عقول وبصائر.. دا كلام اطفال المدارس بيضحكو بيهو على بعض!!
*يا عمر الجزلى بالله نادى المدعو سعد الدين محمد احمد مرة تانيه فى برنامج “الاسماء اللى فى حياتك” وخليهو يعتذر للشعب السودانى على سعادتو وابتهاجو وفرحتو العظيمه (لمّن ريالتو سالت)لما قال بانو درّس ليهو زولا لا يزال بيكضّب وبيضحك على الناس! وكمان ابو السعود من شدة ابتهاجو واندغامو وثب و حدد كمان قال ايه .. درّسو “فى رابعه أ” يا سلام!! يعنى درّسو شنو؟ لآهوت؟ لاتينى؟ ايه فائدة تدريسك لبهو؟ هل تدريسك او تدريس غيرك يا سعد الدين غيّر من سلوكو؟ نعم جايز درّستو عربى؟ استفاد منو شنو ؟ما لحد اليوم ولي بكره القاؤه رديء للغايه.. ما هكذا تورد ألأبل يا سعد!!
* قال ايه؟؟ عبدرحمن الخدر قال العجب العجاب حيشوفوهو الناس فى التعليم!!
انت يا ود الخدر الله يسألك هل انت قريت كدا؟ انت ورفاقتك ديل اتعلمتو كدا؟ مدارس زمنكم كانت كدا؟ مدرسينكم كانو كدا؟ حليل زمن المدارس مدارس والمدرسين مدرسين (ما كانو بياكلو مواهى بعض ويتشاكو فى المحاكم وزمن الوكلا وكلا وما وكيل بيبقى نقيب!!) وزمن الناس ناس والسكر بيتباع بالراص!!
قال ايه؟ قال حيتم تدريب 35 الف مدرس!! يا سلام بالليل؟ حيّدربو وين واللى حيدربهم منو؟ مين حيحل محلهم فى الفصول لما يمشو يدربو؟ الآ يكون تدريب جرى فى الشوارع وهرجله وصراخ على شاكلة: امريكا الطاغيه دنا عذابها!!
* الحوكومه ذات نفسها متعجبه من رقبتا انها قاعده ليحسّ كيف! وعاجباها نفسها من شطارتا لما كل يوم تضحك على الخلق!! “طبعن” فاكرا انو ما فى زول بيعرف احسن منها!! الا هى زات نفسها!! و من دقنو وافتلّو!!
NCP CLAWN!!1
العجب العجاب…!!
والله ناس البيطرة ديل كلامهم دايماً أشتر…. كان سكتوا أخير ليهم ولينا..
يا ود الخدر…. العجب العجاب دي…. ما بستخدموها كده….
والله ذكرتني نكتة المرة السمعت كلمة فجأة… وطوالي استخدمتها مع جارتها….
بعدين انتا قاعد ليك في عقاب حق المتعافن… وفي مثل بقول: البرجا العقاب… يلقى العذاب..!!
أول مرة، الوالي يوعد مواطنيه وعد حقيقي!!! لان التخريب الذي حدث في التعليم في السنوات السابقة، كان كلو عبارة عن مناظر الفلم! أما الفلم فهو بعنوان «سيرون العجب العجاب»!! قريبا علي الشاشة. لا تذهبوا بعيداً!!
لمن قرأت العجب العجاب ومن الخضر والي الخرطوم قلت في نفسي الزول انسلخ ولاشنوا؟؟!؟ ولكن لمن واصلت في القراءة وجدت بان استخدامه لهذه العبارة لم يكن صحيح.. بس نعم سوف يري المواطنين العجب العجاب بالخرمجة وزيادة السنة التاسعة لمرحلة الاساس وعمل المعلمين بالدروس الخصوصية وبرنامج لم الشمل وغيره ياسيادة الوالي..
الله يكون في عون المواطنييين ونسال الله ان يرينا العجب العجاب زيادة عما شفناه منكم.. يا الناس البتقولوا لا لدنيا قد عملنا ونحن للدين فداء..
teachers have right to teach private lessons. who has been waiting permission from.your
العجي العجاب في جعل مرحلة الأساس تسعة سنوات بدل ثمانية!!!ماهذا ؟؟؟ هذه التسعة سنوات زيادة للفساد الاخلاقى ليس إلا !!! كيف يحتمع إبن ستة سنوات مع سن 13 و14 !!!!
فيلم العجب العجاب مثل أفلام صديقه عبد الغفار الشريف رئيس وحدة الأقتيالات(ي جماعة ب المنطق كدا هل من الممكن دمج الطفل والصبى والبالغ فى غرفة واحدة منالصف الأول الى الثامن والله هذا غير شرعى )أسمها وزارة التربية ثم التعليم**قال العباسى علموا النشئ علما يستبينه به سبل الحياة وقبل العلم أأخلاقا أخلاقا أخلاقا ….قال ثورة تعليم قال****************عمى قريب سوف ترون ماحصل لصدام والغزافى أنشاء الله….
ورونا كتير ما كان على بال. فعلا.ليته سكت
يا ولد جيب الدواء !!!!!!!!!!!كما يقول الفاتح جيرة