حتى السماية؟!

قمة الاستعمار ربنا ينتقم منكم انشاالله

كلو هين وما في اي مشكلة، المشكلة الاكبر في الصياغة اللغوية للبند الثاني من القرار الوارد اعلاه ،،، والكلمة اللي تحت الختم مباشرة ،،،،اعوذ بالله.

اللجنه الشعبيه لحي الفردوس تتكون من 4 كلمات فيهم 2 خطأ.

ان نظام عصبة اللصوص القتلة هو وحده الذي يريد معرفة قادة العصيان واي حراك جماهيري ضده ولو كان سلبيا يسلبه استغلال الادعاء بفرية اعمال الشغب والتخريب كما حصل في خروج سبتمبر فقتل بدم بارد من الأبرياء ما يربو على المائتين نفس زكية الواحدة منها أفضل عند الله وللوطن من كل عصبة لصوص الحركة الاسلاموية بتاعة الهجرات الوهمية لله!_ فمن كانت هجرته لله فالله اعلم بها ولا داعي لاعلامنا وايهامنا بها ومن كانت هجرته الى دنيا يصيبها او امرأة ينكحها فهجرته الى ما هاجر اليه ودا نحن الشايفنو في هجراتكم اليومية البطنية وعاوزين كمان تعرفوا من وراء العصيان منو؟ وهو الذي يطرح سؤال البديل شنو؟ نحن الجماهير نعرف بعضنا وهذا هو المهم. أليست الجماهير تعرف الجماهير أم انتم في شك وكفر بالجماهير المليونية من غيركم؟ ونحن الجماهير نعرف ما نريد بديلاً لعصبة اللصوص ودعمستهم للدين من أجل كروشهم وفروجهم. فيوم تخرج جماهيرنا سنعرف بعضناالبعض وسيعرفونا الكيزان وسنعرف من نقدمهم قيادة لنا لمستقبل السودان فلا تسألونا الآن قبل ذلك الأوان عن قادتنا وما هو بديلنا فكل الجماهير يد واحدة وقيادة واحدة كتلة واحدة على قلب رجل واحد وكل واحد منا يجد نفسه قائدا من خلال مشاركته الفعالة وسؤالكم هذا اطرحوه او لا تطرحوه يوم الخروج الكبير يوم لا يكون في داعي لطرحه فسترونهم رأي العين وقد تفاجئون بخروجهم من تحت ارجلكم ومن غيابات زنازينكم وتفاجأون بأنهم كانوا بين ايديكم وستعرفونهم حق المعرفة وستندمون وتقولون يا ليتنا كنا صفيناهم قبل هذا اليوم وهيهات ولات حين مندم

نفس طريقة فرعون مصر عندما حرم المراة من الوضوع الطبيعي و عين قابلات للقيام بالمهمة خوفا من ان يولد من يغوض حكمة :#عصيان_السودان_المدني_19ديسمبر

أكل عيش. مجموعة ارزقية. لاتفقه في قانون ولا الأدب. حاصروهم.

شايفين المساجد فى هذا العهد الردىء بقت كيف ؟؟؟
بقت مراكز سياسيه لاضهاد المواطن واحتقاره والاساءة اليه ممن لا يسوى ومن اقبح الخلق وشرارهم .
اعوذ بالله .

لا جول ولا قوة إلا بالله الناس ديل البلد ده وقع ليهم في الدلالة ولا شنو ؟هههههههههههه

منقول

بالنسبه لزيارة الرئيس عمر البشير لولاية كسلا واللقاء الجماهيري

#طيب ….
السيناريو حيكون كالأتي حشد جماهيري رهيب من أهلنا في كسلا وتكبير وتهليل وفي النهايه رقصة رقصتين وكم هائل من الصور الحتنزل علي مستوي الفيسبوك ودا كلو لإحباط عمل #العصيان_المدني الحيكون في #19_ديسمبر ….

ولتوضيح اكتر
الحاصل كالأتي حكومه ولايه كسلا المامحترمه و المتواطيه جدا شغاله من يوم الخميس توزع في دقيق وسكر وبن وحاجات ذي دي لي أهلنا المتواجدين في هامش كسلا (ريفي اروما وشمال الدلتا محليه تلكوك ) وبعض مناطق الريف والمواطنين الموجودين في المناطق دي أساسا هم معدمين تماما من كل مقومات الحياة يعني ابسط شي مووووويه شراب ماعندهم بعتمدو علي التناكر في المويه والتناكر ذاتا موفراها ليهم المنظمات الأجنبيه ونفس المواطنين ديل مغيبين تماما عن كل الحاصل في السودان يعني عادي جدا بكونو ماعارفين اسم الحزب الحاكم أو ماعارفين اسم الزول الجاي بكرا يرقص ليهم لأنهم وبإختصار شديد خارج ذاكره الوطن (برا الشبكه) وكونو يجيبو ليهم عربات تسوقهم لحدي كسلا ويحضرو احتفال فيهو زول يبشر ويرقص ويعرض دا في حد ذاتو تغيير بالنسبه ليهم…
ف شنوووووو بكرا الجداد الإلكتروني ح ينزل كميه من صور للحشد في اللقاء الجماهيري ودا كلو لإحباط عمل

#العصيان_المدني ….
اما مواطنين كسلا داخل الولاية عارفين كل شي وماف زول مغيب عن الحاصل وماف زول ح يمشي يحضر العبط دا وبالعكس الناس في كسلا علي استعداد تام للمشاركه في #عصيان_يوم_19_ديسمبر …

يلا المطلوب انو مانشتغل بيهم كتير ونواصل في التعبئة والتنسيق والعمل التحتي لانو حاليا نحنا بقينا كتار و فاهمين كل الرصه وكل الحاجات الكان بتحصل زمان إنتهت حاليا هم بصارعو جيل واقعه ليهو شديد بصارعو شعب معلم فاهم عارف مستوعب كل البحصل..✌

#العصيان_المدني_السوداني_19ديسمبر

واضح أن رئيس اللجنة فاقد تربوي لا يفرق حتى بين كلمة مساءلة ومسألة

ههههه بدون تعليق

اللجنة الشعبية ماهي إلا مجموعة عطالة لا نصيب لهم في التعليم و لا التهذيب و لا الادب … أنظروا للسواد الاعظم ممن يعملون بهذه اللجان لكي تعرفوا كيف وصل بنا الحال …. اراذل القوم وفاشليه هم من يسمون انفسهم باللجنة الشعبية للحي …

بوب مارلى وينو اكلوا الدودو . هوووووووووى انا قلتليكم اقبضوا لى بشة وخلونى اوديهو لاهاى بس .

المساءلة القانونية ؟؟؟ وأي قانون هذا الذي سيحاسب به المخالف ؟؟؟
حسبنا الله ونعم الوكيل …

لا يوجد خطأ ولا يحزنون فلقد غير الكيزان لقبهم فإختاروا فردس وهي كلمة عربية تعني
فَرْدَسَ وعاءَ التمر ونحوه : حشاه وغَلا في حَشْوه .
لحي جمع لحية فتصبح الجملة الدقون المحشية !!!!
أها الجماعة من كثرة ما إتحشوا بالنفاق إختاروا الإسم دة وعليه لا يوجد خطأ لغوي بل نوع من أنواع التمويه خوفاً من يوم ….١٩- ١٢
الكيزان مرعوبين لدرجة إنهم نسوا إسم الحي الذي يقطنون فيه !!!
١٩- ١٢ موعدنا معاً لكنس الكيزان

حتى لو نسينا الدستور والنصوص الصريحه لحقوق الانسان …. كيف توافق الحكومه ، اى حكومه على تجاوز كل الخطوط الحمراء وتسمح لشوية صعاليك هاملين ان يستبيحوا حرمات الناس وخصوصيات حياتهم بهذا الشكل الذى يندى له الجبين ؟؟؟؟؟ انه الخوف … الخوف الذى يجعل كل مريب يقول خذونى .
يا ويلكم يا اعضاء لجنة اللجمه الشعبيه بحى الفردوس من سكان حى الفردوس الذين سيستبيحون دماءكم كما استبحتم خصوصياتهم .الله يستر على وليداتكم ونساءكم فالبادى اظلم .

يخسى عليهم ….
ليه يعنى يعملوا كدا
بس

يا ناس اللجنه الشعبيه بالفردوس
يفردس راسكم اي يفردس راسكم عديل كده يا …….

حتى اذا تم ولادة مولود جديد وان الاهل ياتون للمباركة
حتى ولو ان هنالك خطوبة وان اهل الخاطب في طريقهم الى بيت الخطيبة يتم اخذ تصديق بذلك مع ارفاق صور بطاقات الخاطبين الذين سيزورون الحي للتصديق لهم بهذه الزيارة
حتى المريض الذي يزورونه اقرباؤه من الاحياء الاخرى يجب ارفاق صورة بطاقة الزائر من الحي الاخر للتصديق له
حتى لو في واحد طلق مرته وحسب تعليمات الاسلام حكمان من اهله ومن اهلها مطلوب ارفاق صور بطاقة الحكمان من اهله/اهلها للسماح لهم بالاجتماع
للتوفيق بين الزوجن
حتى لو عايز تزور جارك عليك الحضور لاخذ تصديق بذلك والا اعتبرت زياره غير قانونية
ولا تعرضوا انفسكم للمساءلة والعقوبات المشددة

أها لو الواحد عاوز يتشطف … برضو يستأذن منهم ؟!

فى زمن الواتساب تفكر الحكومة فى خياطة فروج الناس حتى تعلم بزمن الولادات.
الفراعنة كتابهم واحد.

ببساطة لا تستجيبوا لمثل هذه القرارات التي لا تساوي الحبر الذي كتبت به ولا يسندها قانون …

استعمار وقمت الاستهتار بخصويصات الغير وحقوقه ك مواطن
يعني ب الواضح كده البلد دي حقتهم والعايزنو يعملو واي طيره يجي يضع قانون علي كيفو ياخ تطيرو ل نار جهنم انتو ياخ
مليتو البلد فقر

المرا اذا تمت ال 40 بتحتاج لاذن خروج مختوم من اللجنة الشعبية ؟
و اذا مرقت بدون اذن اللجنة هل عليها عقوبات ؟ سجن و لا غرامة ؟ — رضاعة المولد تعليمات اللجنة شنو في الموضوع دا ؟ —
حكي لي احد الاصدقاء صاحب بقالة في احد احياء جنوب الخرطوم و قال : اعتاد شباب الحي التجمع في المساء و تناول العشاء في البقالة فتة فول ( بوش ) و معظمهم خريجيين جامعيين و معظمهم عاطليين عن العمل — جاءت احدى نساء الحي للبقالة و كانت غاضبة من ارتفاع الاسعار و اتجهت نحو الشباب و حدثتهم بضرورة الثورة علي هذا النظام الفاشل الفاسد — اغتاظ احد منسوبي جهاز الامن و كان موجود امام البقالة و هو معروف لسكان الحي اغتاظ من كلام المرأة و قوة حجتها —
و قال لها كلامك دا يعتبر تحريض ضد الحكومة و تقويض للنظام الدستوري للدولة و يمكن جدا اعتقالك و محاكمتك — و اراد تخويخها بهذا الكلام — و لكن فاجأته و قالت له : عليك الله تعال اعتقلني هسه — فكر قليلا و خارج نفسه من التحدي و قال لها : انا ما بعتقلك و انتي روحك محرقاق ساكت — و ركب سيارته و انصرف —
اذا كان ناس الامن خلوا الاعتقالات للمواطنيين البيتكلموا عديل قي الشارع — ناس اللجان الشعبية حارقين روهم فوق كم ؟