معتمد محلية أمبدة : مسيرة مليونية في نوفمبر لتسليم البشير مخرجات الحوار المجتمعي

25 يناير، 2016

كشف معتمد محلية أمبدة فضيلي جماع عن مسيرة مليونية حاشدة في نوفمبر المقبل لتسليم رئيس الجمهورية توصيات لجان الحوار المجتمعي.
وفي السياق أعلن رئيس المجلس التشريعي بولاية الخرطوم صديق الشيخ مشاركة 1900 حي بالخرطوم في الحوار المجتمي، ولفت الى أن مخرجاته تمثل تكملة للحوار الوطني، وأبدى استعداد المجلس للقيام بالتشريع والرقابة اللازمة لتنفيذ تلك المخرجات.

الجريدة

25 يناير، 2016

تعليق واحد

  1. الحوار المجتمعي دة شنو زاتووووووووو

    نفس الحوار الوطني ؟؟

    والله حيرونا زاتو الكيزان !!!!!!!!!!!!!!!!!!!!!

    رد

  2. نوفمبر مييييين يا عم
    نوفمبر مين

    يعني اسه لو سألت واحد منهم بدل ما يقول ليك نحن قاصدين فبراير و غلطانين

    لالا

    حا يقوم يتفلسف ويقول لين يعني حا تفرق شنو
    يعني جات علي الكم شهر ديل
    ما نحن قاعدين فوق راسكم 27 سنه
    خلاص يعني حبكت

    اشمعني ما بتذكروا الهت دوق و البيتزا العلمناكم ياها

    غايتو شعب عجيب و غتيت جنس غتاتة

    رد

  5. تخيلوا مايقول هذا المعتوه ..مسيرة مليونية فى نوفمبر ..شيء مضحك بأن هذا
    الزباله متواجدة حتى التاريخ طبعاً علم غيب بله .

    رد

  6. ما هذا العبط ايها الساسه ولماذا المسيره التي سوف تكون مستجلبه لخطوه نحو غايات لماذا هذا العشق الي الاحتفالات لماذا تريدون ان تمنحوا لمخرجات هي تحتاج الي تمحيص وتوافق …دعوا الاحتفالات جانبا ووفروا ملاليم هذه المليونيه لاطفال الشوارع او اطفال السرطان و حتي تجميل شارع النيل…

    رد

  8. فضيلي جماع ده أكيد أهبل أو معتوه زي بتاع القصر الجمهوري. معقولة نوفمبر القادم بعد 10 شهور مسيرة مليونية . يا كافي البلاء ، أصلو لا في لاهاي ولا إنقلاب ولا إحتلال ولا هلاك السفاح ؟؟؟؟؟؟؟؟

    رد

  13. هى توصيات يعنى ممكن ياخدوا بيها وممكن ما ياخدوا بيها كما وعد رئيسكم ؟؟.. طيب وكت اصلوا كلام ممكن يكون مضيعة زمن ساكت… ما الناس القاعده تاكل وتشرب على حساب الشعب السودانى بالشهور ديل حتى ﻻمن عاملين مشاكل فى النثريات ومستفيدين من تواجدهم قرب مصانع الفساد .. ويمكن كمان استفادوا من عقد صفقات وسمسرة ووعود ربما تصل للإستوزار .. ما براهم يشيلوا مصائب دى ويودوها ليهو بدل ما تخموا الناس وتبهدلوا شفع المدارس ..!! وللا يافضيلى ( لم نسمع به من قبل اﻻ شاعرنا الفحل فضيلى جماع ) ويظهر فضيلى ده عايز يعمل مليونيه يلم بيها خمسه سته ملايين ( بالجديد طبعا ) فضيلى جديد والجديد شديد .

    رد

  14. “في نوفمبر المقبل لتسليم رئيس الجمهورية توصيات لجان الحوار المجتمعي.”

    هل بالفعل سيكون ذلك في شهر نوفمبر القادم؟ لو صح هذا سيعني مشكلة كبيرة بالضرورة؛ طالما أن الحوار الوطني سيرفع نتائجه في خلال شهر بالكثير!

    أرجو أن أكون مخطئا!

    رد

  15. الخرطوم كلها فيها 88 خى فقط يا معتمد وبعدين المليون ديل حاتجيبهم على طريقة اعلام صاحبك ابو هريرة حسين ولا شنو؟

    رد

  18. نفسى اعرف الكيزان بجيبوا المسميات المبهمةمن وين كلمات دايرة شرح حتى تعرف مضمونها الوثبة والكضبة ومخرجات اية الله يحلنا منكم

    رد

  19. نفسى اعرف الكيزان بجيبوا المسميات المبهمةمن وين كلمات دايرة شرح حتى تعرف مضمونها الوثبة والكضبة ومخرجات اية الله يحلنا منكم

    رد
جميع الحقوق محفوظة، لصحيفة الراكوبة© 2024 .. تعبر المقالات المنشورة عن رأي أصحابها، ولا تمثل بالضرورة وجهة نظر إدارة الراكوبة
زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..