السودان يقرر إضافة عام دراسي لسنوات التعليم قبل الجامعي

الحنين الي الجذور وإقرار بالفشل

Return back to us 23 years of our stolen life and redress for the suffering we have had during the said period

عموما هي خطوة في الاتجاه السليم ونتمني تتواصل الخطوات القادمة في تأهيل المدرسين والموجهين وتعديل المناهج والا يكون دا كلام ما ليه معني لان التعليم يكمن جوهره في محتواه والبيئة الملائمة.
وبالمناسبة كل خبراء التعليم ومصممين المناهج اما احيلوا للصالح العام او اغتربوا
فاذا دايرين اصلاح حقيقي للتعليم ختو النقاط دي نصب اعينكم

خليهم يرجعونافي وضعنا قبل انقلابهم المشئوم

مشكلات السودان اكبر من اضافة عام دراسي مشكلة السودان الحقيقيه في هولاء القتله الطلمه اللصوص ذهابهم اصبح ضروره ضروره وملحه جدا

القرارات الحمقاء من الذين يدعون بالانقاذيين وراء تدوهور الاوضاع التعليمية فى السودان بل وليس فقط التعليم انما شملت مؤسسات الدولة قال والاهتمام بتطويراللغة الانجليزية زمان ماقلتوا انها لغة المستعمر واله غباء شديد من مفكرى المؤتمر الوثنى

دائماً تأتي أخبارنا مبتورة ، لم نعرف حتى الآن أين أضيفت هذه السنة هل في مرحلة الأساس أم في الثانوي ؟؟؟؟؟؟

يارب ما يكون القرار دة السنة الجاية يعنى عشان انا عايزة امتحن

والله ياناس الناس ديل ماعندم اي برنامج خلولنا في حالنا ياناس مادايرين اي عام تاني المدرسة الثانوية دائمن معكسين الناس بس

السبب الرئيسي وراء هذا القرار عدم الاعتراف بالشهادات السودانية بسبب السنة الناقصة
العصابة الحاكمة لم تهتم بالتعليم منذ استيلائها علي الحكم
قديما كان المتفوقين هم طلاب المدارس الحكومية حليل زمن طقت و حنتوب والاهلية امدرمان و القائمة تطول
الان الدراسة اصبحت تحارة رابحة لفئة محددة دون مراعاة للمستوي التعليمي

عقبال رجوع الساعة

ولو خجلانين قدموها 11 ساعة

الشعب السوداني اصبح للاسف حقل تجارب للسياسات الغير مسؤله والسبب هو الشعب السوداني نفسه لانه اصبح يعمل بالمحاباه وقريبي وقريبك بدلا من الكفاءه في كل الموسسات عامه او خاصه فعليه كلنا شركاء في الاخطاء يجب ان نبحث كلنا في الحلول لان السودان لكل الشعب السوداني

هولاء المتعجرفين ما عاوزين يعترفوا باخطائهم

اهنا الكبار والمزارعين عندهم عبارة )ناقص شربه
( يعنى الطلاب التخرجو السنين الفاتت كلهم (ناقصين شربه )

اقسم بالله العظيم ان هذه البلد غرقت و لن تطفو مرة اخري الا بعد زوال هؤلاء وبعد ثلاثة و عشرون سنة اخري لقد خربوا كل شئ التعليم والصحة و الزمن و العملة و الخدمة المدنية و الشرطة و الجيش و العلاقات الخارجية ان جامعاتهم هذه تخرج اناس لا يعرفون كتابة اسمائهم دعك من التعليم بالمال و الغش والكزب و الخداع و الاخلاق المنحطة و العادات الكثيرة السيئة التي دخلت علي الشعب السوداني. انقذوا بلدكم فقد اوشك الاوان ان يحين

حاجاتنا زمان كلها كانت جميله و ذات وقع طيب فى النفس و لكن يا لهول بلادة العسكر لما يسطوا على السلطه همهم كلو تغيير المألوف عند الناس كأقصى ما يستطيعوه آملا التغيير و راجعوا معى…

العلم تغير من الألوان الزاهية الجميله و التى كان المرء يفرزها من ضمن المئات بكل سهولة و يسر…إلى هذه الألوان الكئيبه…. و خرتيتنا إتقلب إلى طيره مجنحه …
النظام التعليمى من ثلاثة مراحل تلبى طبيعة نمو الانسان و بيولوجيته تغيرت الى مرحلتين (6+3) و نقصان عام كامل و دخول التلميذ للإبتدائى فى سن الخامسه …يعنى يصل الجامعه طفلا فى سن الـ14 و لما يقضى فيها معظمهم 4 سنوات يكون على عتبة البلوغ( العجيبه فى نفس السنه الطبقوا هذا النظام فرضوا التجنيد الإجبارى و حددوا سن الـ18 للتجنيدو طاردوا طلبة الشهاده أبين الـ 14 عام لتجنيدهم فى زفات الدفاع الشعبى — شفتو المشاتره !!!!)

إسم ناظر المدرسه تغير الى مدير المدرسه…

الساعه نقصت بزعم البكوره و بقينا فى نفس توقيت بلدان تقع شرقا لينا بكم درجه طوليه..و تلاميذنا يخرجوا فى الشتاء من المنزل للمدرسه قبل شروق الشمس.. و الكبار من المساجد بعد صلاة الصبح للمكاتب دغرى …

العملة تمرمطت بفضل السياسات الإقتصاديه الإنقاذيه المتخبطه ديمه من جنيه و قرش الى دينار وجنيه ثم عادت حليمه الى الجنيه…و لا أدرى ما كان جدوى ذلك حتى اليوم…..

البنزين كنا نكبو بالجالون…. غيرو للتر و أتحدى أى واحد اليوم يمشى للطرمبه و يكب باللتر…كلنا بنكب بالمبلغ الذى سندفعه …..

الرطل الظريف صار الآن كيلو و الذهب كان شراؤه بالأوقيه من رخصو صار اليوم بالجرام و الحبه…

و حتى خريطة البلد ما سلمت لو نظرت اليها تجدها بدون حلايب و شلاتين و الفشقه و من تحت هللا هللا … و من فوق يعلم الله!!!!

ما حصل انو نحن اتفقنا علي شي في السودان , وزمان عبود قالو الحلفاوي ذهب الحج , وقف قبالة الكعبة بعينه الما حوصا واجتهد ان يكون جادا –وقال يا ربنا نحن عبيدك هناك في السودان تعبانين خالس خالس, لكن كان داير تريحنا 100% جيب لينا حكم الانجليز , وكان داير تريحنا 50% جيب لينا حكم عبود , لكن كان داير تطلع —–خلي لينا الراجل دا انا كمدرس في الشايفو دا التعليم دا مايصلح الا نديه للانجليز كلو بشرط انو المره دي مايكون عندهم سفرجى ولا بواب ولا مرمطون ولا شايجي ولا مكوجي ولا اجزجي ولا جزمجى من اهل السودان ونتفق معهم ان المدارس تكون خاليه من السياسةوتكون خلويه وداخليه

.. اضافة عام لسنوات التعليم (نعم) .. اضافة عام لسنوات الفساد (لا)

ما قلتو عروبه يا رعاء البقر والانجليزي لغة كتشنر ياريت لو كنت حى يا عبداللة الطيب اشان تشوف مشروع تعريبك ودتنا فى ستين دهية والعواطلية بعد عشرين سنه راسهم دق فى الحيطة وفرخو اجيال مشوهة وجهادي الهوى هى لله وبس

خليهم يرجعونا محل ما انقذونا و الباقي هين …