نجاح الحرب الضارية ضد (أغانى و أغانى) ..!!

نرجوا من الجهات ذات الاختصاص إيقاف البرامج الغنائية نهائيي ؟؟؟

برا نجوم غد ولا أغاني وأغابي برا خرابيط

في الشهر الفضيل شهر التوبة و الغفران شهر الروحانيات

شهر القرآن و نحن نبحث عن الأغاني و الطرب و الرقيص

الله المستعان .. أتمنى أن يتوقف هذا البرنامج نهائياً لا أن يتم تأخير بثه

اذاعوا بعد المغرب ولا اذاعوا بعد الساعة الحدية عشرة ، ليس لنا كهرباء عشان نشوف التلفزيون اصلا حيث كنا نشغل اللسترات الخاصة ونسبة لاغلاء الديزل وقفنا الكهرباء حتى الزراعة حدث ولا حرج يا حكومة الكيزان استمتعوا باغنيكم واخباركم الكاذبة
محسي غيور

يا ناس النيل الازرق يا داب كده ظبتو المواعيد للعلماء ذاتم لانهم هم بتفرجو البرنامج ده وبمزاااااااج كمان … كان من اول يقولو يا جماعه خلوهو لينا بعد التراويح عشان نتفرج معاكم .

ناس فارغة … وعلماء دين ابواق للنظام ومغطية العينان عن افعال وفظائع النظام …. يتحدثون عن البرنامج كانه الشئ الوحيد القبيح في المجتمع السوداني لماذا لا يتحدثون عن هموم المواطن وموطن الامه التي سببها له هذه القلة المنتفعة الطفيلية …لماذا لا يتكلمون عن الثراء الحرام وحقوق الانسان والفساد الاداري والرشاوي واهار المال العام وووووو …………… فيا علماء الدين لا تكونوا كقساوسة الكنيسة تحللون ما ينفع الحكام وتحرمون ما لا ينفعهم او تغضون البصر عن الحق …….

والله كان جينا للحق احسن اوقفوهو فت مرة لانو اولا شوهو الاغنية السودانية بالمياعا البيعملو فيها دى وثانيا يتعارض زمنه مع زمن التراويح

الظاهر فعلا مطلوب عندهم بعد التراوبح ليتفرغوا للمشاهدة وقتها .. بدلا عن الاعادة فى اوقات متأخرة . وهم يعرفوا أنو فى عدة قنوات بها برامج لطيفة يمكن مشاهدتها بعد الافطار ويكونوا كسبوا هنا وهنا وبالهناء .

ياعلماء السوء والسلطة ويا تنابلة السلطان وين لسانكم من الفساد وودبانقا فرع كافوري ووين من الغلاء وانهيار الخدمات الصحية كل البتعرفوه اماني واغاني وبجد لما يجي الزمن الفلاني صدقوني سوف تعرفون.

نحن في زمن كثرت فيه القنوات وفي لحظات بأمكان المرء أن يمر على جميع القنوات فهؤلاء هم شذاذ الآفاق بعينهم فأنا متأكد تماماً أن البرنامج الذي لقى رواجاً سوف يوقف نهائياً لأن هؤلاء ضد النجاحات.

انشاء الله يشيلو نهائي وتكون آخر نسخة غير ما تزيدوا ذنوبكم ما بتعملوا حاجة
وكمان تشيلوا ذنب كل ما يشاهد
يا جماعة دا شهر رمضان شهر التوبة والقرآن والغفران والعتق من النيران
المفروض نستعد لرمضان عشان ربنا يتقبله مننا افيقوا أيها الناس
أذكر نفسي وإياكم :
((قوا انفسكم وأهليكم نارا وقودها الناس والحجارة ))

عليك الله نحنا فى شنو والحسانية فى شنو
شيلو مرة واحدة
الناس ما لاقية تاكل—غنا شنو وكلام فاضى

[مسلمة وأفتخر ] [ 28/07/2011 الساعة 1:07 مساءً]
انشاء الله يشيلو نهائي وتكون آخر نسخة غير ما تزيدوا ذنوبكم ما بتعملوا حاجة
وكمان تشيلوا ذنب كل ما يشاهد
يا جماعة دا شهر رمضان شهر ا

بالله شوف جنس حلاوة الفنانه دي بتاكل حاجات حلوه دجاجة الحله دي كيف اكيد من زوات البراقع الضفادع
بالله انتو مالكم وسلوكيات الناس كل شاة معلقه بعصبته وكل قرد يطلع جبله يا كرور يا ظلاميين وعديمي البصيره

دا النحنا ماشين عليهو فى سودان الجمهورية التانية ….. واضح جدا التحالف الخبيث بين الكيزان والسلفيين والحماية البلقوها الجماعات دى ومن رئيس الجمهورية مباشرة ….. السنة الفاتت وفى نفس المواعيد طلعت علينا الجرايد اليومية بمنشتات متفق عليها بتقول الرئيس يمنع الشيشة فى ولاية الخرطوم وبعديها عينك ما تشوف الا النور كشات ومطارادات لمحلات الشييشة وروادها وغرامات خرافية وصلت المليون جنيه وفى حالة عدم الدفع السجن شهر وبالنسبة للمدخن مية الف غرامة وبالعدم السجن ….. سالت كتير من القانونيين عن صحة الاجراءات ومدي قانونيتها كلهم اكدوا انو المحاكمات دى ما بتسند لاى قانون …. وحتى فى قانون النظام العام (سئ السمعة) ما فى مادة بتجوز محاكمة مدخن الشيشة …… تتخيلو الرئيس اصدرالقرار دا ليه؟!!! لانو كان بصلى مع عبد الحى يوسف واشتكى من انتشار محلات الشيشة.
العايز اصل ليه انو السلفيين وبحماية مباشرة من الرئيس بقو بتحكمو فى السودان وشوية شوية حايمنعو الغنا ويحرمو التلفزيون وهكذا دواليك لما نلقى نفسنا بقينا دولة طالبانية …. والغريبة انو الجماعات دى لاقيا دعم من الحكومة متخيلا انها ممكن تخوف بيها المعارضة والغرب وامريكا … وما عارف انو الجماعات دى امريكا ربتها ورعتها وفى النهاية انقلبت عليها والسادات فتح ليهم البلد والعمل وكبرهم واول زول اتلدغ منهم ولحقوا الاخرة.
يا اخوانا الحكومة بتلعب بالنار

يا جماعة روقو المنقة انتو ما عارفيين الشيوخ ديل خلوا القناة تغير البرنامج للساعة حداشر ليه ؟ ما عاوزين الطيبات دي تفوتهم عايزين بعد ما يجو من التراويح يتفرجوا بي مزااااج شيوخ شنو ياخي انتو صدقتوهم ولا ايه ديل في الشارع الواحد فيهم يبحلق للجكس دا لمن يقع ما يشوف القدامو يقوم ليك يقول استغفر الله استغفر الله دقيقة يا مان فكونا منهم

البرنامج دة لو غيرتو مواعيدو الا يحضرو حسن فضل المولى والشفيع برررررراهم لانو احسن توقيت للبرنامج بعد صلاةالمغرب مع الجبنة والشاى والاسترخاء بعد صلاة التراويح الناس دى كلها مداومة لى الساعة 2انتو قايلين الناس دى كلها عطالة زيكم ياحسن فضل المولى الناس دى كادحة وبدور رزقا البرنامج دة باللة ماتهبشو مواعيدو والوكت للصلاة وااااسع وخلو التشدد دة وقلللو الدعايات الكتيرة دى

نحن في القرن الحادي والعشرين ونسمع مثل هذا الجدل
لقد ارجع الانقذيون السودان الي القرون الوسطي
شح في المياه
امراض تفتك بالعباد
تردي في ابسط الخدمات الضروريه غلاء طاحن يسحق السواد الاعظم كن الشعب
95 في المائه من الناس تحت خط الفقر
86 في المائه من الشع امي
وياتينا مثل هؤلاء المتخلفون بفتاوي تظهر فقط في الشهر الفضيل
هذه الامه الايمان فيها متجذر ومتعمق لايتاج منكم الي مثللاهكذا فتاوي \اتركو الناس تروح عن نفسها عسي ان يعينها ان تفسل لوقليلا من معاناتها

شعب ضعيف شنو اغانى ودلوكة شنو خلونا فى سودانا الانشطر دة.

يا جماعه الرئيس من المعجبين بالبرنامج
و قع فى احراج بين التراويح و الترويح
و كمان ما بقدر يجيب كل البرنامج مباشرة فى البيت
عشان كده اوحى لخاصته لتغيير الزمن دون ان يقع فى حرج
و الا علماء شنو فى السودان
كلهم مامورين بامر السلطان