الحاصل الليلة ما تفتكروا الفيديوهات حتوصفوا ولا الحكى ..
نحن من قدام بوابة القيادة ما شايفين حد للجهة الغربية الجاية من السوق العربى وشرقا تجاه برى مافى نهاية نحن بنعاين شمالا حتى الكلنك بتاع الجامعة فى قيامة وفوق النفق كبرى القطر ما فيه فرقة إتصلنا بالناس المقفولين فى شارع المطار المواكب إتلاحمت ما فى طريقة يصلوا القيادة وشارع عبيد ختم مقفول بالبشر والله العظيم دا الحاصل …
رجعت بعد ما قربت أقع الشباب بجيبوا موية لكن ما بتكفى الملايين دى …الكجر ضربنا بنبان قبل ما نصل سور القيادة قدام القيادة الجيش رفع التحية المتظاهرين..
ولما الناس بدت تقول نشيد العلم كبار الضباط من المنصة أدوا التحية العسكرية ….
زينب بدرالدين – فيسبوك
نحن جند الله جند الوطن
ان دعا دعا داعي الفداء لن نخن
نتحدى الموت عند المحن
هذه الارض لبنا فليعش سوداننا
علما بين الامم
يا بني السودان هذا رمزكم
يحمل العبء ويحمي ارضكم