تسلق صهريجاً داخل المستشفى..مواطن يهدد بالإنتحار إحتجاجاً على عدم علاج إبنه
الخرطوم :
هدد مواطن تسلق صهريج المياه بمستشفى أم درمان بأن يلقي بنفسه من أعلى، اذا لم يحضر والي الخرطوم ويحل مشكلته.
وعلمت «الصحافة» أن المواطن الذي يقيم بمنطقة الثورة الحارة «75» حضر أمس الى مستشفى أم درمان بغرض اجراء عملية في الفخذ لابنه البالغ من العمر خمس سنوات، وبعد الفحص رفض الطبيب المسؤول أن يمضي في التقرير بحجة أن والد المريض عجز عن دفع مبلغ رسوم العملية «مائة جنيه» ،ما أثار الغضب بداخله وتسلق صهريج المياه، وهدد بأن يلقي بنفسه من أعلى اذا لم يحضر والي الخرطوم ويحل مشكلته .
وأكدت المصادر، أن الشرطة هرعت الى مكان الحادث بعد تلقيها بلاغا، وأقنعت المواطن بالنزول، وأحضرت له التقرير وعليه امضاء الطبيب، وبعده اقتيد الى قسم الشرطة ودون بلاغ في مواجهته بتهمة الشروع في الانتحار.
الصحافة
الرأي العام
ارقص !!!!!!!!!!!!!!!!!!!!!!
نحي هذا المواطن الذي فقد المال ولجا الي حيلة الانتحار فحقق هدفه بالحصول علي مبلغ رسوم العملية
ارقص ترقص في دلوكة الورل عمرك ينوف السبعين عاما وتنقز وتنقز اثين وعشرون عاما من النقزي علي جثث الموتى والفقراء والمرضي كفاية حرام عليك وتنقز ما جايب خبر ذى المودر جمل نسيبته كان لقاهوا يغني كان ما لقاهو يغني
فتح بلاغات الشروع في الإنتحار بلاغات غبيه
والوضعها غبي
زول شرع فعلا في الانتحار بالنار او الصبغه او عاوز يتلب زي المواطن المسكين ده يعني عاوز يموت
يفتحوا ليهو بلاغ شروع في الانتحار وعقوبة البلاغ مؤكد انها اقل من الاعدام ؟
تاني شئ الزول إلا ياخد حقو بالقوه
يعني كان ما عمل كده ماكان وقع ليهو الدكتور
مواطن زي ده لو إفترضنا إنو موظف بياخد 600 الف من وين يجيب ال 100 الف
إلا بعد النقطة بتاعت الرقصه بتاعت صاحبنا ده
ممكن
لماذ يرقص هذا … نعلم أن الشخص يرقص فرحاً ما الشئ الذي يفرحه .. انفاصل الجنوب ، أم حرب كردفان أم مشاكل دارفور. أم الفساد الاجتماعي الذي حل بنا. شئ غريب وعجيب والله أن يرقص رئيس بلد يفترض فيه أن يشيل هموم المواطنين، أظن والله أعلم أن هذا الشخص معتوه…
أرقص ترقص مضبوح أن شاء الله .. يانحس
ده يرقص على تخلفه وغبائه وسذاجة المواطنين الذين إحتشدوا ليتفرجوا على الهبل والعبط ويسمعوا آخر تطورات هبل وعبط رمز الأبادة إشتغل خاطبة في الشرق أظنه بصدد تشجيع زيادة النسل العربي حتى يضمن وجود سلالات من عرب الشرق يتم تجنيدهم في الجمهورية المستعربة الجديدة التي سيتم إعلانها بعد إعلان دولة الجنوب خصوصاَ بعد أن تمرد الأفارقة بالقوات المشلحة ورفضوا تنفيذ أوامر الإبادة في جنوب كردفان
يا اخوانا الشعب السوداني من اكثر الشعوب عفة و عدم سؤال الناس يعني الشحدة دي ما عندنا, الراجل اكان ما ممكون شديد ما كان اتصرف كدة شكيناكم لله يا ناس الانقاذ
لا حول و لا قوة الا بالله ؟؟؟ المفروض العلاج يكون برسوم رمزية في ناس 100 جنية دي و الله ما عندهم ؟؟ يا عمر البشير أحسن ليك شوف حال شعبك لانك مسئول عنهم امام الله
انشاء الله بس العملية تكون عملوها للولد
سائل ربي ترقص في نار جهنم .
الشروع في الانتحار!!!!!!!!!!!!!!!!!!!!!!!!!!,, أمانة تقص رقابكم ده بسموهو شروع في انتحار ؟!!!,, ده بسموهو ((قلع حق)) قلع حق علاج ضناهو, قلع حق علاج جناهو , قلع حق علاج حشاهو,,, اذا الانسان ممكن يضحي بأي شيء من اجل حياة ابنه,فلم لا يمارس هذا الاب كل وسائل الضغط من اجل انقاذ حياة ابنه
لعنة الله على الانقاذ
كيف كان يعالج المواطن مجانا قبل سرقتكم السلطة بليل
اسالوا من سبقكم من كل الحكومات كيف كنتم تعالجون الناس مجانا
وبعدين تاكلو من المواطن بهذه الطريقة الى متى هل هذا هو تحكيم شرع الله
ستزداد حالات الانتحار وويل لكم من الطوفان القادم
هم ديل أللى بتقولوا عليهم ملآئكة الرحمه إلى متى العبط أيها الناس…لما قلت عليهم مره ديل أوسخ من ما مشى على الأرض ولا تأخذكم رأفه بهم نطيتوا فى…نحن لو سبنا يا جنابو ياسعادتك ياباشمهندس يمكن الأمور تستقيم.
البشكير امس في سنكات قال لهم كل الناس عندها نت الا انتم … ولسان حالهم يقول نحن عندنا الدرن يكفي… مهازل
اناشد الصحفي الهمام عثمان ميرغني ان يطلب من صديقه ود الخضر الوالي الذي لا يظلم عنده احد ان يتدخل لعلاج الولد عشان الزول ده ما يلحق الزول بتاع الكشك
الريس قالو عندو تبول لاارادي اله ينتقم منو اكتر واكتر
يا اخوانا ماتضايقو كلو مرصود ابناءنا يموتون كل يوم ونحن مستشفياتنا مافيها حتى الشاش واموالنا من جمع الجبايات من الغلابة توزع على دول الجوار؟ صحيح الاختشو ماتو . وانا صراحة بعذر هذا المسكين وامثاله كثر لوعددناهم لا نسطيع ان نحصيهم. ربنا يصلح الحال
الله ينتقم منكم قال حكومة الانقاذ اي انقاذ انتوا غرقتوا السودان وفشلتوا الراجل عاوز يعالج ولده وما عنده قروش تقوموا تمسكوا بتهمة الانتحار ده راجل عاوز بنقذ ابنه من المرض وعاوز يموت عشانه ( هو ده معنى الانقاذ) يا حيوانات يا كلاب يا جعانين انتوا باطلين فاشلين قسمتوا السودان نصين الله يقسم نصكمدعواتنا ما بتقع واطه الله ينتقم منكم الله ينتقم منكم .
عليك الله نحنا وصلون الجبهجية لي وين
البشير الهمبول دا يهدي البقر الاراضي و السيارات و السمسم ويبني المستشفبات و لايوفر العلاج الي شعبة وشوف الكوز لو علوز يخلع ضرص يسافر الاردن زي ماعمل محمد طاهر ايلاء وهنا العمليات و الحالات الحرجة مايهتمو بيها
و الله نحن شعب جزم و مراكيب و سفنجات ؟
خيرنا يمشي لي عيرنا ونحنا ساكتين
مستشفى امدرمان للاطفال لا توجد به قسم جراحة يا ناس… لا يود تدخل جراحى فى هذا المستشفى… قسم جراحة الاطفال جزء من المستشفى العام..
تفتحو ليهو بلاغ وتحاكمو وتدخلو السجن …وتشردو وتجوعو اطفالو ….برافو عليكم…عمر سيد الاسم كان بعطل حدود الله لما شاف الناس جاعت ….اغبياء
و لا يزال الرجل يكذب حتي يكتب عند الله كذاباً ….. وأكّد البشير، أنّ الإنقاذ لا تريد أن تحكم شعباً يتفشى فيه الجهل والفقر والمرض، ولكنها تريد أن تخدم المواطنين وتقدم لهم الخدمات وهذه مسؤوليتها أمام الله…….. أكّدَ الرئيس البشير، أنّ ثورة الإنقاذ لا تخشى المظاهرات ووسائل الإعلام، ولكنها تخشى دعوة المظلوم، وَقَالَ إنّ الثورة جاءت من أجل البسطاء والضعفاء، ;( ;( ;( ;( ;( ;( ;(
شروع فى الانتحار رضيتم ام ابيتم ( ومن يتقى الله يجعل لة مخرجا)
وكل ما ضاغت لى فرج والصبر طيب ولا ذنب الى البشير
يامخاسرية وعليكم الله فى واحد فيكم مزكر اخرى مرة اتصدق فيها
والمسلم اخو المسلم يشدو بعضه بعضا تعرفو الا لى الاساءة
رئيس هذه الحكومة ذنبه انّه لم يتهم بالمواطن وانّه ترك بطانته وعائلته تسرق اموال السودانيين وانّه يتبرع باموال السودانيين من غير اذنهم لغيرهم و السودانيون احوج الناس الي اموالهم .