مليار كحد أعلى..بنك البركة يموِّل المغتربين لامتلاك المنازل والسيَّارات – طالع الشروط –
أعلن بنك البركة عن مشروعات لتمويل المغتربين بالمملكة العربية السعودية في مجال العقارات والسيارات، من خلال برامج التقسيط.
وأكد وفد البنك برئاسة نائب المدير د. سيد أحمد حسن أن تمويل بناء العقارات وشراء المنازل والشقق يتم بتمويل مليون جنيه سوداني كحد اعلى، وبربح 8%، على أن يكون السداد باقساط شهرية لمدة ثماني سنوات، على ألا يتعدى القسط 40% من قيمة الراتب، وأن يتم رهن المنزل للبنك، او تقديم شهادة شهامة بما يعادل 100% من قيمة التمويل.
واشار الوفد خلال لقاء عقده بالتعاون مع البنك العربي السعودي بفندق القصر الأبيض بالرياض ليلة الجمعة الماضية، أشار إلى أن الاشتراطات الواجب توفرها للحصول على تمويل لشراء منزل او شقة تتمثل في فتح حساب لدى البنك، شهادة دخل، تحديد الموقع، تقييم المستشار الهندسي من قبل البنك، شهادة بحث باسم المالك الحقيقي، كما يتم عند بناء المنزل شراء المواد بقيمة «700» الف جنيه، ولا يوجد قسط مقدم، وألا تتعدى الأقساط 30% من قيمة الراتب. وأن صيانة المنازل تتم بتمويل يبلغ «200» ألف جنيه.
وفي ما يتعلق بتمويل السيارات، بيَّن وفد البنك انه يتوجب دفع 40% من قيمة السيَّارة مقدماً، وأن تكون السيَّارة مرهونة للبنك طوال فترة سداد الأقساط البالغة «4» سنوات، وألا يتعدى القسط 40% من قيمة الراتب، وأن يتناسب الدخل مع حجم التمويل المطلوب للسيَّارة، كما قدم الوفد شرحاً مفصلاً للبرامج الجديدة الخاصة بالمنتجات التكافلية المتوافقة مع أحكام الشريعة الإسلامية
الصحافة
ورونا اموال المغتربين بتاعت سندس وجامعة المغتربين وهلماجرا بعد داك نشوف الجديد شنو
مااااااااااااااااااااااااا عايزين
حرامية أي إنقاذي لا نثق فيه
دليل التحريم من الكتاب قول الله تبارك وتعالى :
وهم
البدفع 40% داير بالأقساط شنو؟
طبعا دي تعليمات بنك السودان عشان يركب البنوك في تمويل العربات
بلدنا دي بتنخس روحها في الفاضي
ياخي كفاية غش واحتيال وبعدين زي ما قال اخونا اي انقاذي مابنصدقوا لو بقي نبي
فكوووونا ياخي
من يريد ات تثكله امه او ييتم اولاده او يتشوق للعيش مدة لاتقل عن عشر سنوات فى السجن ومادام اصلا هو مغبور ومقهور فى الرغبة فليذهب لتميل البنوك انهم حرامية ومنافقين لو عاوزين قروشكم بتاعت الضرائب اوالرسوم رحلات ترفيهية وحفلات ليلية
دي ماسورة جديدة ولا شنو؟
اتفه شراء
الشراء بالتقيسط
غايتو انا جني وجن الشراء والتمويل بالتقسيط
وجني و الصناديق بتاعت النسوان
الواحد لو بيقدر يسدد ويلم بمستوى شهري ما ينتظر لمن يلمها ويخلص بدل ما يضيفو ليهو مبلغ زائد ثمن التقسيط لا يقل عن 50% من المبلغ الذي يحتاجه
بعدين يا مغتربين في زول فيكم راجع
معليش يا اخوانا دي سيق اسلامية ومجازة شرعاً وليست ربوية
الفكرة تافهة صحيح
لكن ما تحرموا ساكت
قال الله تعالى " يا أيها الرسل كلوا من الطيبات واعملوا صالحا إني بما تعملون عليم" .
قال القرطبي : سوى الله تعالى بين النبيين والمؤمنين في الخطاب بوجوب أكل الحلال وتجنب الحرام ، ثم شمل الكل في الوعيد الذي تضمنه قوله تعالى: "إني بما تعملون عليم" صلى الله على رسله وأنبيائه. وإذا كان هذا معهم فما ظن كل الناس بأنفسهم .
وقد حثنا الشرع الحنيف إلى طلب الحلال وترك الحرام.
إن الله قد هدانا وأرشدنا إلى سبيل الحق ، ثم الناس بعد ذلك إما شاكرا وإما جاحدا ، " إنا هديناه السبيل إما شاكرا وإما كفورا " ، " فالحلال بين والحرام بين وبينهما أمور مشتبهات ومن اتق الشبهات فقد استبرأ لدينه وعرضه " فيجب على المؤمن تحري الحلال وترك الحرام ، وحري به أن يتورع عما اختلف فيه من المشتبهات حفظا لدينه وعرضه .
قال عز وجل:
(الَّذِينَ يَأْكُلُونَ الرِّبا لا يَقُومُونَ إِلَّا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ذَلِكَ بِأَنَّهُمْ قَالُوا إِنَّمَا الْبَيْعُ مِثْلُ الرِّبا وَأَحَلَّ اللَّهُ الْبَيْعَ وَحَرَّمَ الرِّبا فَمَنْ جَاءَهُ مَوْعِظَةٌ مِنْ رَبِّهِ فَانْتَهَى فَلَهُ مَا سَلَفَ وَأَمْرُهُ إِلَى اللَّهِ وَمَنْ عَادَ فَأُولَئِكَ أَصْحَابُ النَّارِ هُمْ فِيهَا خَالِدُونَ) (البقرة:275)
يا ايها الذين امنو اتقو الله وذروا ما بقيى من الربوا ان كنتم مؤمنين فان لم تفعلو فأذنو بحرب من الله ورسوله وان توبتم فلكم رءوس اموالكم لا تظلمون ولا تظلمون . الحمد لله لا نقول اكثر من ما قال الله لعصابة البشير واعوانة
قبل انتخابات الرئاسة السودانية وصلت القاهرة لجنة من وزارة الاسكان والاراضى لتوزيع اراضى وبيوت شعبية وتم توزيع الارانيك على الجالية وكان كلام لجنة الاسكان والاراضى ان يتم تسليم الاراضى والبيوت الشعبية بعد ثلاثة شهور والان خلصت مدة الثلاثة شهور وخلصت الانتخابات ولم يتم تسليم اى وطلع كل هذا ضحك على الذ قون وكما تعلمون ان الوضع الاقتصادى بالنسبة للجالية السودانية فى القاهرة صعب وهم يريدون ان يرجعوا الى السودان نهائى ولكن عدم وجود السكن هو العائق لعدم العودة النهائية لان الناس اقتصاديا تعبانة فى مصر وكان مفروض على هذة اللجنة ان ترسل خطاب اعتذار ويعلق فى دار السودان وجميع الاندية السودانية فى القاهرة انة لايوجد بيوت ولااراضى وكل هذا ضحك على الذقون هل عندهم الشجاعة ان يفعلوا ذلك ناس الجالية وضعوا امال على هذة اللجنة وكانوا سعداء انهم سوف يعودن الى الوطن هو علشان الجالية السودانية فى القاهرة تعبانة اقتصاديا لا احد ينظر اليها اويشوف مشاكلها شكرا لكم المرارة فى الحلق
ههههههه العبوا بعيد ياشطار سفارتنا المصونه البصدقه منو الا مغفل وأهبل وعبيط ده اذا
قلنا انه جائزة شرعاً 8% … اراضي تلحق مشروع سندس عفواً أقصد أملاك الصافي جعفر
شيخ الدراويش حالياً ( مجلس الذكر والذاكرين )
ابعدو من البنوك البنك يادخلك السجن يادخلك القبر بالمقصة وقلع حقك بشروط وكلام دقاق تحت تحت تلحقك امات طه اوعك تصدق موظف بنك وسياسى وكوز ويامغتربين اوعكم من الدقسة والربا اكلوهاعيشه حافى وحلال ارحم
د يل حرامية ادخلو الكثير السجون واخذو حقوقهم
يبسوها فى السودان ودايرين يللحقو الغقتربين ومفتكرين عندهم قروش
المغتربين ماعندهم حاجة ياحرامية الانقاذ
لماذا لم تحضرو قبل الازمة الاقتصادية الى السعودية
مولني دايما وإبتسم أشوف عمايلك وفعلتك….. مع الأعتذار لعبدلمبارك العزيز المبارك والشاعر.
دي كلها من الخوف مما بعد الانفصال , عاوزين يدخلوا على المغترب بمدخل تاني غير الضرائب
1- لاحظوا القرار ده مباشرة بعد منع دخول السيارات القديمة , لكي يزنقوا المغترب في زاوية ضيقة
2- طيب لو زول شال قرض لبيت بقيمة 30% من الراتب , وقرض لسيارة بقيمة 30% من الراتب , ياكل هوا يعني ؟
انتو ياكيزان خليتو حاجة المغترب من ضرائب ودمغة حبيب ومن كرت سفر ورسوم مغادرة بقينا لى الحديد بس الواحد بيقول (الحمدالله):eek:
شهادة دخل الحقوك بيها امات طه عشان الضرائب سوف ترجع بعد الانفصال وبعدين تقول ما عندي واجيب ليكم من وين علي طول اطلعو ليك شهادة الدخل ولا داعي للاعتزار ياخونا المغترب (عندنا مشاريع في سوسرا وماليزيا ماتميناها ادفع وبس وخلي البطبطه)
الواحد زمان كان همه يعلم ليه بيت وكده … واتعمل البيت بعد معاناة وكفاح مرير استغرق سنين طويلة طول الجن حتى اكتمل (يعني بيت) وفيه نواقص كتيرة جداً ومواسير مرات تنفجر براها ولمبات تتحرق براها بعد كم يوم (حرق أعصابي ونشف ريقي) طبعاً من سعادة المقاول أب دقن … دي مقدمة موسيقية من مغترب ليه تلاتة وتلاتين سنة غربة ، قبل كده ما جاء بنك الخرطوم (المبيوع كم مرة) وكانت شروط لا يلتفت لها أي غشيم في الحساب ، الان نط لينا بنك البركة بشروط غير مبروكة ولا مباركة … المغتربين تعاملوا مع بنوك المهجر واكتسبوا خبرة اقتراضية كافية.
وبالله عليكم الآن ديل قاطعين بحر وجايين لحد هنا عشان يقولوا كلامهم الميت ده ( الشغلة شغلة عمرة و Shopping ليس إلا) وهم دقسوا رئيس مجلس إدارة البنك بالعملية دي. ونحن ضايقنها من مصلحة ألأراضي بتبيع لينا الأرض بالدولار وبعدين تدوخك سبع دوخات في التسجيل (أي موظف عاوز حق الشاي وإلا …..) والعربات أدفع نسبة أربعون بالمائة ؟؟؟؟؟؟!!! وبعد ده تكون باسم البنك .!!!!!.. يا عالم ده كلام ده والله نحن أصلاً غسلنا يدينا من زمان ولا نتوفع أي شىي من أي شى حتى جهاز المغتربين (أنسى) جامعة المغتربين يا عالم فصلوها وطرزوها على مقاساتهم ونحن ناكل زلط ، هي لله … هلي لله ..