ولاية الجزيرة تتمسك بمقاضاة محمود عبد العزيز

أطالب بأن يمنع هذا الشخص من دخول ولاية الجزيرة، نهائيًا، لأنه أصلاً مافنان، والجزيرة مليانة الآحسن منه، ويجب محاكمة من دعى لتنظيم هذا الحفل. ونحنا في الجزيرة عدمانين مياه الري للزراعة، ومش فاضين لمغنواتيةالخرتوم المايعين ديل، ولو عايزين نطرب، بعد أن تتوفر لينا مياه الري وأشياء أخرى، سيأتينا ابناؤنا أبو الأمين وأبو عركي.. مين زيهم ومين قدرهم.. فن وأصلة وروح ثورية.
بلا محمود بلا لمة…

اذا فنان اتلف شىء من المسرح واعتزر وهو مقر بالذنب .الظاهر هم ينظرون الي المال والدليل ماذا عن الذين اتلفو الوطن اين المواد التي تحكمهم لم نري فلان او علان حكم عليه .اطلقوا صراح محمود قتله وهو في مقتبل العمر من الذي اعطي محمود اول نفس من سيارة من الذي اعطاة اول رشفة من عسل مصفي من من من من يجب ان نسأل انفسنا عن الوطن قبل الاشخاص.اذا كان محمد معتمدا اوممثل الي اي دائرة من دوائر النظام فهل يقاد الي العزاب اين الضمير كم من قبض علية واطلق صراحة بكلمة كم وكم لك الله ياوطني العظيم والتحية للشعب السوداني الصابر .اللهم فرج عن كل مظلوم وخذحقنا والوطن من كل من دمر وافسد وتجاهل حقوق الضعفاء والسكالي والارامل والضعفاء والمساكين والمرضي والمعاقين والطلبة والطالبات والصغار والكبار اللهم رد للوطن عافيتة واهدي الجميع الي الصواب.

…بعدين ياأستاذ محمود انت غلطان,من التسعينات قلنا ليك ما تتعامل مع الحكومة دى فى مهرجاناتا,اها شوف دايرين يدفعوك مبلغ الخسائر الاصلو ما صاح,158مليون ج خسائراستاد المريخ ما لحقت المبلغ ده! وبعدين جمهور بخرٍّب زى ده اصلو ما جمهورك,ديل مندسين,وبعدين تانى ما تتعامل مع المواعين الثقافية للولاية دى ,إتعامل مع الكبابى والسكريات الثقافية داخل الولاية زى حفلات الزواج الخاصة والطهور وتخريج روضة وحنة خريج وفطور خريج,وبعدين وين ناس نموت ويبقى الحوت ديلاك؟انتم الان على المحك,يلا اجمعوا التبرعات واثبتوا شعاراتكم ..!!

ناس مدنى كايسين ليهم سبب يجددوا بيهو المسرح اصلوا الحكومة مفلسة والحكاية وقعت ليهم فى جرح, معقول ما كان فى شرطة فى المسرح ولا عربة اطفاء على مسافة؟؟؟؟ بس محمود يستاهل ومع ذلك دخل موسوعة جينيس بأغلى سعر سجارة بنقو 158 مليون جنيه.

حرام عليك يا (حوت) اتلفت مركز ثقافي هام تغني فيه ابوعركي ابو الامين (بالتزام) وانت يا( ثوب الكرب الجابوه النقادة) ماعايز تجي تغني … وقبل ماتجي احسن تروح تتهندم وتتنظم (شكلك) ومنظرك الذي سواك فيه الله فعدلك… حتي بعداك اجهد عشان تكون فنان ..قال حرائق علشان (معاليه) غايب ما جاء يغني !!!!وهات يا زمن جيب كل احزانك تعال جيب المحن !

يمكن الفيل الكان راكبو طشه

الاخ منهند بشير والأخ حمد النيل : محمود عندو جمهور لا يستهان به ماتقول لي ود الامين أو أبو عركي ,, الآن جيبهم وخلي محمود يجي معاهم بعدين شوف مين الجمهورو كتير ,, اياك والدخول في أمور مابتقدر عليها ,, بعدين ابو عركي وود الامين أنا شايف صديق سرحان واسماعيل حسب الدايم أفضل منهم ,, لذلك يجب احترام الفنانين الكبار مثل محمود عبد العزيز وغيره

حظكم ياناس مدنى ياتعبانين ,,حكومتكم ما شغاله بيكم ,,عاوزين تنهبو محمود 158 مليون

سبحان الله رزق المساكين فى المجانين ,,بقت عليكم ياناس مدنى

لكن الحق على محمود لانو مشى مدنى وارتبط بى ناس ما بتفهم بالفن حاجه

لكن ياحوت نحن اولاد الخرطوم بنوصيك انو ما تتطلع برة الخرطوم نهائى لاى سبب كان

كفايه عليك ياحوت نادى الضباط ,,, وخلى ناس مدنى يسمعو الامين عبدالغفار ولا ابو الامين ولا ناس

البرع بتاعنهم ديل ,,, انتو يا اهل العوض محمود بتعرفو ليهو شنو ؟؟؟؟

158 مليون والله دة نهب عديل ياناس مدنى وزارة الثقافة كلها ماتجيب المبلغ دة حرام عليكم والله

يا اخ مهند كيف حالك : انا ماعندي شغلة بالفنانين ولا أعرف أغنية واحدة لمحمود عبد العزيز بس حبيت أشارك , لكن يا اخ مهند لو كان المجتمع ما بيتقبل الحاجات دي التي ذكرتها عن محمود عبد العزيز ماكان محمود لقى رواج عند الناس ,, صاح والللا لا ؟؟ يعني من باب أولى تلوم المستمع الذي جعل منه فناناً ومستعد يبذل الغالي والرخيص عشان يستمع ليه وبعدين هو فنان شاب أيه يرجى منه لأن هذا طريق ابليس وبعد كله دة الناس هي التي ساهمت في إفساده والللا رايك شنو يا اخ مهند ؟؟

فكو حفله واحده يدفع ليكم الضمانه ويصلح ليكم مسرحكم ويدعم ميزانية الولايه

والله يا المهاجر منطقت ود الخرطوم هههههههههه ايوه كده اديلو هههههههههههههههههه

هذا زمن خسارة المتون وربح الهامش
قبل سنينن عديدة .. وقف أمامي أحد الشباب الصغار .. وهو ينظر إلى صورة دعاية شريط تجمع بين بشير عباس وفرفور وقال العبارة الآتية: (إنتو فرفور ده بقى يغني مع أي زول؟؟!!) ..
محمود عبد العزيز كان مشروع فنان ذو خامة صوتية متميزة وله احساس عالي جداً بالأغنية .. ولكنه ضل الطريق بظهوره في زمن الخواء الفكري .. جيل لا يدري ماذا قدمت ودمدني .. ولا يدري من هو الكاشف وود الأمين .. ولا يدري من هو بشير عباس .. هل تعلم يا ود الخرطوم أن الكاشف غير متعلم وله ثقافة عالية جداً في اختيار الكلمة وموهبة طبيعية جعلته ينقل الأغنية السودانية إلى الأوركسترا .. يحتاج محمود عبد العزيز إلى 50 سنة على الأقل (بدون بتاعات) عشان يقرب من قامة الكاشف وود الأمين .. وهل تعلم أن معظم شباب جيلك أغنيات التوب عندهم مثل (الجلابية بيضا مكوية .. الشريف مبسوط مني .. أغاني الراب ?
من يسئ إلى ود مدني في دورها الفني ما بنفع الرد معاه .. ولا مشكلته الخرطوم ولا بحري ولا مدني .. ننتظره 10 ? 20 ? 30 أو 100 سنة حتى ينضج فكرياً ويسترجع مسألة تذوق الفن ثم يحاول مرة أخرى مع مشكلة الفهم …
ولكن حقاً هذا زمن خسارة المتون وربح الهامش كما قيل ..