أخبار السودان

ولي عهد أبوظبي يدعو حمدوك لزيارة الإمارات

في رسالة خطية سلّمها السفير الإماراتي لدى الخرطوم إلى رئيس وزراء الحكومة السودانية الانتقالية عبد الله حمدوك

دعا ولي عهد أبوظبي محمد بن زايد آل نهيان، الثلاثاء، رئيس وزراء الحكومة السودانية الانتقالية عبد الله حمدوك إلى زيارة الإمارات.

وقالت وكالة الأنباء السودانية الرسمية (سونا) إن حمدوك التقى بمكتبه، اليوم، السفير الإماراتي لدى الخرطوم حمد محمد الجنيبي، وبحث معه عددا من الموضوعات ذات الاهتمام المشترك.

وأضافت أن السفير الإماراتي سلّم حمدوك رسالة خطية من محمد بن زايد تضمنت دعوة لزيارة الإمارات؛ لـ”تبادل وجهات النظر ومناقشة المصالح المشتركة التي تهم البلدين”.

وفي 22 أغسطس/آب الماضي، أدى حمدوك اليمين الدستورية رئيسا للحكومة السودانية خلال المرحلة الانتقالية التي تستمر 39 شهرا، وتنتهي بإجراء انتخابات.

يشار أن أوساط سودانية عديدة تخشى من التفاف قوى إقليمية على مطالب الثورة وآمالهم في إنشاء دولة مدنية ديمقراطية، كما حدث في دول عربية أخرى.

ويشهد السودان تطورات متسارعة ومتشابكة، ضمن أزمة الحكم، منذ أن عزلت قيادة الجيش عمر البشير، من الرئاسة في 11 أبريل/ نيسان الماضي، تحت وطأة احتجاجات شعبية بدأت أواخر العام الماضي، تنديدا بتردي الأوضاع الاقتصادية.

الأناضول

‫21 تعليقات

  1. مالو يمشي يشوفهم بقولو شنو
    مافي بلد بتعيش معزولة من باقي الاقليم
    لكن مصلحة بلدنا اولا ..وثانيا ..وثالثا
    ما في انبطاح لي اي دولة بعد ده
    مصلحتنا وبس.

  2. حمدوك..1انت انسان أكاديمي عالم وخبير ويكن لك هذا الشعب معزة خاصة واحترام.
    2اتيت للمنصب بإجماع وتوافق هذا الشعب
    3..تمثل حاليا رئيس تاني اكبر بلد في أفريقيا
    اعفينا بالله من متوالية تلمذة رؤساء السودان لللرؤساء العرب.. لا تعيد لاذهاننا سيرة عنتر وبني عبس..لا تكرر سيرة عمر الرخيص.هو ما رئيسك انت رئيس بلد لو عايزك خليهو يجيك.

  3. في الصميم يا باكاشوف.
    يا حمدوك انت رئيس جدييييد. هم يجوا يباركوا ليك بعد داك ينظر ويفاد في موضوع رد الزيارة. انشاء الله في طهور وليداته

  4. لو قدرنا نتحاشي مثلث برمودا ده مصر و الامارات و السعودية قشة ما تعتر لينا.

  5. يا اخوان العالم بقي مصالح مشتركة خلوهو يمشي ويسمع كلامهم اذا فيهو مصلحة للوطن فليش لا وسيبو عقلية العنجهية الفاضية دي … الانقاذ زمان اعلنت الحرب علي العالم بمقولتها ناكل مما نزرع ونلبس مما نصنع وما قدرت علي كلامها واكلنا هواء هسه كمان دي بداية جديدة نستفيد من العالم ونفيد عشان نقدر نمشي لقدام نحنا محتاجين للتطنولوجيا وخبرات ما وراء البحار

  6. الناس ديل عوّدهم البشير على الطاعة بس باشارة من إصبعهم عمر البشير ينط في اول طيارة وجري عليهم ما الحكاية فيها ظروف مليانه دولارات وكده

  7. انا اري اولا ان الوقت غير مناسب لأي زيارات خارجية فالرجل مشغول بتكوين الحكومة و التأسيس لعمل في ظروف صعبة و معقدة ..ثانيا زي ما ذكر بعض المعلقين المفروض بتاع الإمارات هو الذي يبدأ بالزيارة زي ما عملوا ناس ألمانيا ثالثا الإمارات دي لو تركتنا في حالنا يكون احسن

  8. أرى أن 90% بالمائة من الآراء لا تؤيد عدم تلبية دعوة الزيارة، إذن يعتبر ذلك استفتاء مصغر.

  9. والله نحن لسع عندنا ترتيب البيت من الداخل يعني الشعلة كتييرة انشاء الله مرة تانية كتر خيرك! انشاء الله لمن نعمل الكرامة ونضبح(التور) تشرفونا

  10. ياخ ان شاء الله مايمشي ..تعبنا من حكاية الحج لابوظبي والرياض والدوحة..خطونا العرب ديل والله العوجة مابتجينا

  11. * لا تذهب!! أقول لك صادقا, ما تمشيش — لا تمشيش يا حمدوك
    * إن كان و لا بد, فلتكن الدعوه موجهه لك من رئيس الحكومه نفسه..
    * لا نقبل بدعوه مقدمه لرئيس حكومتنا المدنيه من نائب قائد جيش!!
    * لقد مضت بلا رجعه عهود الإنكسار الخائبه, الله لا أعادها!
    * و انت الآن يا حمدوك رئيس وزراء لدوله حره و ديمقراطيه , و من اقوى دول أفريقيا, إن شاء الله

  12. لماذا لا تحضر انت الي السودان؟ أليس ذلك من المنطق ياحضرة؟ من الذي سوف يستفيد من من٣؟ انت لست بافضل من وزير الخارجية الالماني

  13. دعوا الدكتور حمدوك يرتب البيت السوداني من الداخل أولا ثم يحدد بعد ذلك الأولويات وعليه أن يبدأ زياراته الخارجية بأمريكيا لمحاولة رفع اسم السودان واذا تم ذلك فنحن لا نحتاج للهبات والتركيع والابتزاز

    1. مفروض يزور المانيا يا زول هوي. امريكا والله ما تلقو منها غير البلاوي, المانيا هي كل اروبا, وبعدين امريكا عملت شنو للسودان؟ الالمان عملو حاجات كتيرة للسودان مفيدة, ووزير خارجيتها زار السودان ورئيسة المانيا معجبة بثورة السودان, خلوكم من الكابويات ديل

  14. تعال انت لو عايز, ياخي وزير خاريجة المانيا اكبر دولة في اروبا ومن ضمن اكبر اقتصادات العلم وزيرها زار السودان, تجي انت يا راعي تقول لرئيس مجلس وزراء السودان تعال زيارة, لا ما يجي تعال انت. واووووووووووووووووووووووووووعك يا دكتور حمدوك تمشي اوعك اوعك لو بتحترم السودان وشعبه وثواره اوعك بالله رجاء

  15. طبعا الشركات الشغالة في الزراعة في السودان زي امطار وغيرها وكل موظفيها اجانب من الهند والفلبين والادارة من فلسطينين واردنيين وغيرهم ما عايزين الزريبة دي تتقفل وعايزين ينهبو فيها زي ما كان ايام البشكير

  16. ناس الخليج بلعبوا بالشعب السوداني بمالهم بفتكروا بشتروا الشعوب ولي عهد ابوظبي لماذا لم تزور انت السودان أولا وتبارك للشعب السوداني وحكومة حمدوك أولا ثم بعدها يمكن للدكتور حمدوك يلبي زيارتكم لماذا يأتي لكم حمدوك ؟؟؟؟

    حمدوك يجب ان لا تذهب لمن هم دونك من الناحية الاكاديمية ولو بدفع لك مال قارون انسى العرب المتكبرين وسلط جهدك لاخراج السودان من مشاكله .

    وانسى دول التكبر ولا ترز إلا لمن يزورك من العرب او الافارقة او الغرب عموما ما يريدنا فاليحضر لنا أولا بعد ذلك يمكننا ان نذوره في بلده لكن زمن الانبطاح ولى من غير رجعة يا اهل التكبر والانفة .

    يا دكتور حمدوك لا تزور أي دولة قبل ان يزوروك بالسودان مهما كان مركز الدولة .

زر الذهاب إلى الأعلى