وزير التربية والتعليم يؤكد أحقية كل طفل سوداني في تعليم مجاني

كـــل الـتوفيـق سـعادة الوزيــر.

إذا لم تعالج الدولة وضع المعلم لا تحلموا بتعليم يطور البلد.
راتب المعلم لا يكفي حاجاته الاساسية ليومين.

اذا المجتمع والدولة يرغبون في تعليم جيد عليهم باعطاء المعلم حقه ، والا فاي كلام عن اصلاح التعليم ، كذب ونفاق.

ها ناس.. رحم الله كل شهيد قد مات… هاهو العَلَم العلَآّمه الحَبْرالفهامه مؤسس كليات الرياضيات يقول ويؤكدما يعرفه كل من له عينين ولسانا وشفتين..*احقية كل طفل سوداتى فى تعليم مجانى” بالله موش يستحق الوقوف له اجلالا واكبارا ..*”طالب برفع شعارمجانية التعليم.. اسألوه طالب منوو برفع الشعار وبرفع الميزانيه من 2% الى 20% حتّه واحده .. هى ميزانية التعليم دى الماشى يسويها منوووغيرك با اب شنبن روب! هل وضعت ليك استتراتيجيه وخطه انبثقت عنها وبرنامج عمل مرحلى* قال”حيسعى” لأقناع الدوله لوضع التعليم فى مقدمة اولوياتّا.هى الدوله دى منووو؟ وقاعده وين وكم من الزمن تحتاجه سيادتكم لأقناعها..واخيرا هفّت ليهو حكاية تدريب المعلمين ..ما قصّر برضو اداها حقها! بس طالب بيها منووو؟ * بعد ما كمّل خططو وبرامجو ..قال يتكلم شوية بولوتيكا ليثبت ثوريتو” طالب بحراسة اهداف الثوره..! شى بديع! امّا سيادة الوكيل الدكتورفأمره اعجب! يكونش كان منتظر الاستوزار لرقبتو! بالله تمعنوا فى تصريحه اللى ما كانش ليهو محل من الاِعراب اكثر من تاكيد كلام البروف! ياناس الله يسالكم هل القلم بيزيل ليهو بّلّم! اسألوه البروف “” كان بيعمل ايه مما رشّحتوه للوزاره دى (بزّات) وحمدوك بارك الترشيح ؟ كان بيفكّر فى شنووو؟ خطط يعمل شنووو ؟ استشار منووو من معارفو من قدامى المعلمين او اسا تذتو! .. يا بروف الناس احست بخذلان عظيم من هكذا تصريحات .. كانوا والله راجين منك عرض..ايه الفرق بينك وبين الفرتاك والقمبيل والتورين والمرحوم المايوى(اللى قال لا فض فوه “ان دورو فى وزارة التربيه دور المتفرّج”) اقنعوا من خيرن فيهن..التعليم والتربيه ما حتقوم ليهن قايمه الآ بعودة عبدالرحمن على طه وزياده ارباب عليهما الرحمة فى الفردوس الاعلى اومنصور خالد شفاه الله وعافاه ومد فى ايامو.

انا عايزة اعرف نحن حنقعد كده ننتقد في بعض الناس لما تعجز بتشاكل بعض اولا احتراما لوزير التربية والتعليم يجب ان نراعي المخاطبة لكي نرتقى الى صفة الحضارة ثانيا لو كل واحد دفع من جيبوا دولار واحد يومي بنبني 100مدرسة وعندنا كوادر مؤهلة جات من الاغتراب ما عندها مانع بالمشاركة في بناء الدولة وبتاخد رواتب رمزية اذا اتوفر ليها ترحيل مناسب وبيءة مناسبة للعمل لان الاغلب منهم جه ومعاه ادخار ومشروع يمشي بيهو حياتو وبنى بيت يعنى هاجس غلاء المعيشة ده مفروض ينتهي مع انتهاء الكيزان ما في غلاء معيشة مع العمل الجاد انسوا الفكرة دي لانو الغلاء ده بفعل فاعل ما موجود اصلا لكن كل زول بخطط براسو وبقول اي سعرزي بتاع الرقشة بقول ليك المشوار بنفس سعر عربية ترحال المكيفة
والطبيب بديك علاج يذيد بيهو الدخل بتاعووسيد اللبن بدفق اللبن الفايض ولا يرخص سعروا انسوا حكاية الغلاء دي لانو البلد كانت حاكماها مافيا