العجب.. رجل الثواني ..هيثم مصطفى : نقاط الاحمر فى الجيب ..اناشد جماهير الهلال التدافع غدا لشهادة الملحمة وانتصار ( سيد البلد )
الكابتن فيصل العجب والذى ظل فى السابق كرت الحسم للمدربين الذين تعاقبوا على تدريب المريخ، ظل حبيس كنبة الاحتياط حتى كاد يلقب برجل الثوانى ورغم اللحظات القليلة الممنوحة له الا انه لازال قادرا على العطاء وتهابه الفرق، وقد تنفس مدرب بلاتنيوم الصعداء عندما اعاد ريكاردو البرازيلى اللاعب الى الكنبة برغم اجرائه عملية الاحماء فى اللقاء الافريقى الاخير بسبب طرد الحكم ( جريشة) المصرى نجم الدين بالبطاقة الصفراء الثانية ،ورغم (حركات ) المدربين كما يطلق عليها جمهور المريخ يظل نجمهم العجب انشودتهم التى يتغنون بها ويثقون فيه متى ما منح الفرصة، وفى كل تدريبات الفريق يطارد البرازيلى بطلب اشراك اللاعب وحتى فى المبارايات لايفلت ريكاردو من هذه المطالبة باقحام ( عجبكو ).
عودة (سيدا ) للازرق
نقاط الاحمر فى الجيب ..اناشد جماهير الهلال التدافع غدا لشهادة الملحمة وانتصار ( سيد البلد )
هيثم مصطفى قائد الفرقة الزرقاء يبدو ان وصول ابنته الجديدة اضافة لشقيقها محمد غسلت جراحه من تصريحات مدربه غارزيتو فنفض الاحزان وعاد لتدريبات فريقه بقوة وعزيمة وصرح بان نقاط الاحمر فى الجيب وناشد جماهير فريقه التدافع غدا لشهادة الملحمة وانتصار ( سيد البلد ) كما يحلو لجماهير الهلال تدليل ناديهم وعودة هيثم تعتبر دفعة قوية لاجادته منح تأشيرة الوصول الى المرمى الى الثنائى كاريكا وسادومبا باقصر الطرق.
الراي العام
النشوف جيبك بكرة يا هيثم
لا يا جماعة العجب لا رجل ثواني ولا دقايق ولا ساعات ولا حتى ايام و شهور و سنوات كمان
فرجل الثواني في المريخ هو واحد اسمو عبدالمنعم احمد علي و هو للما بعرفو غايتو قالو محامي
ده ياخوانا شاطر شطارة في امور التزوير و الكذب
تخيلو لو واحد مؤجر راكوبة لو ما دفع ايجارا لشهر واحد المحكمة تجدع ليهو عفشو في الشارع و قبل فترة لو تتذكرو واحدة من محاكم امدرمان حكمت بالاخلاء بالقوة الجبرية لبيت مؤجر داخلية للبنات و رمو ليهم عفشهم في الشارع و الجرايد جابت صور المسكينات مع عفشن في الشارع يا سلام شوفو حكم القانون كيف
ما تفرحو شديد عشان ده مع المساكين بس
و تعالو شوفو لما نادي المريخ بكل اساطينو المالية المعروفين لدى الجميع ما يدفع الايجار لمدة عشرة شهور و رجل الثواني يصول و يجول و يهبر قال من جيب الوالي قال و حقو تعرفو ان كل الاموال البلعبو بيها الناس ديل حقت منو و ده مجرد مثال
و يجي واحد هايف مرتزق يكلمنا عن ثواني
يا ناس اخجلو
ولا خلاص انتهت في الزمن الكعب ده حتى الخجلة
يا ناس اعرفو ان البرزقكم الله و ما في غيرو بيرزق لا الوالي ولا البرير ولا ود ادريس الارببتوهو لي شنو ما عارف
و اتذكرو انو حا يجي يوم تتسألو فيهو عن كل ده