برلمان حزب البشير : الانحرافات الاخلاقية والفكرية تمددت في اوساط الشباب ..التربية الوطنية ضعيفة.. المذهب الشيعي تغلغل بالبلاد،، وإنتشرت الظاهرة «الحوتية»
البرلمان : سارة تاج السر :
حذر نائب رئيس البرلمان، من تمدد الانحرافات الاخلاقية والفكرية في اوساط الشباب لاسيما بعد تغلغل المذهب الشيعي بالبلاد، ووجه الدولة بضرورة تحصين الشباب بتذكية الروح الوطنية وتدعيم الظواهر الايجابية،واعلن عن الشروع في ترتيبات للانخراط في حوار جامع مع شباب الاحزاب السياسية المعارضة والحزب الحاكم علي حد سواء.
واقر نائب رئيس البرلمان، هجو قسم السيد، لدي مخاطبته امس ملتقى رؤساء اتحادات الولايات للاتحاد الوطني للشباب السوداني بالبرلمان، بضعف التربية الوطنية وسط شباب الجامعات والمدارس، مشيرا الي انهم «يعرفون اسماء اللاعبين اكثر من قيادات البلد السياسية الوطنية «، وطالب اتحاد الشباب بالنزول الي القواعد «الجالسين تحت اعمدة الانارة وشارع النيل « لمعالجة السلوكيات الاخلاقية والفكرية.
واوضح انه ناقش مع وزير الشباب والرياضة قضايا الشباب الملحة ومنها السلفية بإيجابياتها وسلبياتها وتغلغل المذهب الشيعي بالبلاد، بجانب التطرق لظاهرة «الحوتية» المنتسبين الي المطرب الراحل محمود عبد العزيز. وقال هجو انه استفسر من احد الشباب عن سبب تعلق وتجاوب الشباب مع محمود عبد العزيز و فأجابه «كان مبدع» داعيا اتحاد الشباب الي رعاية المبدعين، وحذر من تمدد الانحرافات الاخلاقية والفكرية وسط الشباب، موجها الدولة بضرورة تحصين الشباب بتذكية الروح الوطنية وتدعيم الظواهر الايجابية .
من جهتها، اعلنت رئيسة لجنة الاعلام والشباب والرياضية بالبرلمان، عفاف تاور، عن ترتيبات للانخراط في حوار جامع مع شباب القوي السياسية والحزب الحاكم وفقا لتوجيهات رئيس البرلمان، بينما اعتبر وزير الشباب والرياضة صديق محمد توم أن الشباب لم يكن مكان مزايدة سياسية يوماً ما للوصول للبرلمان بقدر ما كان موجها للحركة السياسية والاجتماعية، واعتبر أن الشباب بمعافاته من كثير من الأمراض السياسية يشكل غدا أفضل، وطالب القوي السياسية بالتركيز علي قطاعات الشباب والمرأة، وبالمقابل دعا الشباب الي مزيد من العمل الثقافي والاجتماعي لتجاوز معضلات الحركة السياسية .
الصحافة
خلاص خليتوا طهور البنات ؟
واين هي قيادات البلد السياسية الوطنية التي تستحق ان تحفظ اسماءها
عصابة الجبهة كفاكم ..
وطنا مشاكله
كتيرة وفاضت .
وقيوده الماسكة نموه ازدادت ..
قلنا :
عصابة الجبهة كفاكم ?
كفاية عليكم راحت .
مشروعكم جلى.
واهدافكم طاشت.
راجعوا نفسكم اطرحوا واجمعوا..
حساب محسوب?
ورثتوا بلد طول وعرض
شمال وجنوب..
بلد تراهاقا وطن المهدي
وطن مهيرة و المجذوب ..
بلد دقنة وطن دينار
وطن قرنق وود حبوب..
وطن الازهري
و المحجوب..
شرق راضي وغرب محبوب
سمن وعليه عسل مكبوب
و ما كانت ابد ابد
خراب وحروب ..
لا قبلية لا اثنية
لا عنصرية لا جهوية
لا تجار دين
لا شلة حرامية ..!!
لا اسواق مواسير
لا بنوك ربوية ?!
سلع مدعومة
وعلاج ميسور .
وتعليم ناهض
والكل مسرور..
وفجأة ..
ركب مركب شيطان
اشعلت نيران
ركبنا المقلب وضاع وطنا
كان اسمه السودان ..
و جوة بطن وكرش الشيطان
بعيد عن عالم صار متقدم
جاته الطفرة ?
بالجوع الكافر
والعيشة المرة ..
والفقر الساكن
والحاجة الفقرة?
والجهل العم
والمرض الشرة ?
والشيطان نفسه ..
احتار و اتبرأ ..!!
والناس الساقو المركب ديك
بطونهم كبرت وبيوتهم فاخرة
والناس القادو المركب ديك
كسبوا الدنيا وخسرو الاخرة ..
والشيطان احتار و اتبرأ ?..!!
وما هماهم ولا هاميهم ..
والساحات مليانة فساد
بنات واولاد ..
حريم وكبار ..
ورجال وصغار ..
من بنت محتاجة
باعت شرفها
مقابل الحاجة..
لي ولدا عاق
ممكن عدمان!!
ممكن سراق!!
وشاري الادمان..
بحتوا الفوضى
من تحت الشجرة..
ونبشتوا الفتنة
الكانت نايمة ..
وهدمتو السور
الكان حامينا ..
وبيعتو ترابنا
بارخص قيمة !!
حلايب ضاعت ..
والفشقة اتشالت ..
وبلدنا انهار زي اوضه قديمة ..
وجنوبنا الكان
من مليون ميلنا ..
وساكن جووة
جووة قلوبنا ..
وصونا عليه كانو جدودنا .
صار اليوم برة حدودنا
يا اولاد ابليس
يا اولاد ?..
يا اولاد الهرمة
تابعتو ابليس
وضيعتو الامة !!
وعفصتو ابليس من تحت الجزمة ..
ليكم يوم يا اولاد ابليس
قبل ابليس ويوم ابليس ..
يوم الشعب يعود لي بيته
ويوم البيت يعود لاهله
يوم الناس تعود لبلادها
ويوم ما بلادنا تعود لي ناسها
ويوم ما وطنا غيبوبته تفكه
ويوم ما بلادنا تعود لي ناسها
ويوم ما وطنا غيبوبته تفكه..
ويوم ما بلادنا تعود لي ناسها
ويوم ما وطنا غيبوبته تفكه..
أخخخخخخخخخخخخ
مين السبب؟
شباب مين ياعم في السودان ,,,,,المؤتمر الوطني لو طال يوزع البنقو بسيارات الحكومة,,,,,,,شوف تتكلم في اي ركن نقاش في الجامعة يجو اهل المؤتمر يعذبوك تشرب بنقو في الجامعة في حد يسالك ليه؟؟؟؟؟؟؟؟ المؤتمر الوطني من صالحه غياب الشباب من الوعي خليهم في البنقو ومياراة البنات ,,,,,
لقد صار كثير من الناس يميلون ميلا ظاهرا للمذهب الشيعي خصوصا بعد انتشار الفضائيات التي يتولى أمرها سـلفيون لهم لحى طويلة وعلى جباههم (زبيبة) من أثر السجود وهي في الغالب مصطنعة وكلامهم معظمه كذب وبهتان لذا مجهم الناس وعرفوا انهم تجار دين وطلاب دنيا والذين يحكمون السودان أكبر شاهد على كذبهم وضلالهم ناس عمر البشير وعلي عثمان ونافع و حسن عمر اللص الى آخر القائمة يزعمون أنهم جاءوا لنصرة الدين ويقولون كذبا وبهتانا (هـي للـه)!!! لا حول ولا قوة الا بالله.
والله اكثر حكومة حاقده علي بلدها وابنائها انا شفتها علي وجه هذه الارض. ياجماعة انتو مخصوص حليتو اخلاق الشباب والبنات بسياسة التمكين
زى الشخص القاتل بليل ويمشي في جنازة المرحوم بالنهار ويكورك باعلي صوت زي قريب الميت. وعندما يذهب للبيت بعد الجنازة يشغل مزيكا. الشباب زهجان الوضع للك…. وبعدين حفاظ الشباب ليس بالاقوال انما بفتح فرص العمل الحر و الدريب المهن السريعه وفرص وجود العمل ببساطه فرص الرزق التي لم توفر لهم حتي بعد تخرجهم, ليس بالعرس الجماعي والكلام الذي لابنفع و فتاوي الجوامع وحدبث لم يتبعه عمل في برلمان النيام اصمتو اصمتو . الشباب يسمع لحوته ليه لانه اصدق لهم منكم علي الاقل يبعث فيهم مشاعر حقيقيه .
هذه هى النتيجة الحتمية لسياساتكم الخرقاء تجاه الوطن والمواطن ..فلا تتباكوا اليوم على ما غرست ايديكم ..خريجى جامعات السجم التى تتبجحون بها لايفقهون علما لانهم لم يتلقونه .. مايعيشه الخريج الجامعى من احباط يجعله منساقا لفعل اى شئ يشعره بوجوده ولا تهم النتيجة …حسبنا الله ونعم الوكيل!!!!!!!!!!!!!
رغم اني ليس (حوتي) ولكن اعتقد ان سبب الظاهرة هو ان محمود عبد العزيز كان صادقا وانسانيا ..
وعليه من اراد ان يذكر اسمه ويحفظ اي كان موقعه (سياسي , وطني , فنان , نجار ,,,, الخ) فعليه بالصدق والانسانية في عمله بدلا من الاندهاش وحسد الاخرين على شعبيتهم والوصاية على الشباب (المفتح) ..
محمود عبد العزيز قدم لكم درسا مجانيا.. فلا تضيعوا الفرصة
و لماذا يعتبر هذا الأبله عدم معرفة القيادات السياسية ضعف تربية وطنية؟
القادة ديل عملوا شنو للشباب عشان يعرفوا اسماهم و إلاّ خلقتم؟؟؟ و بعدين وين الوطن دا ذات نفسو؟
شباب يائس … لا وظيفة و لا تعليم زي بلاد الناس … خلوهم في همهم و غيبوتم بس.
العياذ بالله
((بجانب التطرق لظاهرة «الحوتية»))
اللهي ربي يحتحت سنونكم وضروسكم
محمود الله يرحمه واجعكم في قلوبكم لانكم حسدتوه وهو ميت
على حب الناس وعلى جمهوره الكبير والسر هو الصدق الكان متبادل بينهم
ودي الحاجة العمركم ما حا تشوفوها ولا تحسوها
كل البتلموا عشانكم بتلموهم بالقروش والتخويف من الطرد من الخدمة
وشفع المدارس تمرقوهم في عز الحر والشمس
الظاهرة الحواتية
اقعدوا ادرسوا فيها كده لمن سنونكم تتحت الله يحتها الليلة قبل بكرة
يا حاسدين يا راصدين
وكل البحصل في السودان من ظلمكم الله يقلعكم
يعنى القاده الساسيين ديل فيهم واحد بقامه مهتير محمد أو نيلسون مانديلا حتى يتم ذكرهم أو معرفتهم ناهيك عن ذكرهم! ماذا قدموا للسودان الوطن والشعب؟لاشئ غير الدمار والحروب والفساد وضياع البلد فقط سيذكرهم التأريخ عندما تبتلعهم مذبلته!!!
عندما كنت طالبا في جامعة الخرطوم كان استاذي هجو قسم السيد يكبرني بعشرة اعوام وبعدما دخلت بيوت الاشباح وقطع هجو وجماعته للقمة عيشي وطردي من الخدمة المدنية اصبجت اكبر من استاذي هجو بعشرات السنين
الاخوان المسلمون القادمون علي ظهر خطابهم السياسي في جامعة الخرطوم الهاهم العنب والتفاح والحور العين وقصور المعمورة عن خطابهم السابق فانشغلو بالمال والبنون والبنيان وتاهوا في
غيهم ربع قرن من الزمان ثم تذكروا الله في اخر ايامهم وتحسروا علي انشقال الناس بمحمود ونسيانهم لكوادرهم الفخيمة هذا ببساطة ياهجو قسم السيد لانكم نسيتم الله فمسح ذكراكم
ان برلمان السودان الحالي يقدم درساً مجانياً للاجيال في كيف يجب الا يكون البرلمان
الاخلاق البتقول عنها فسدت والمثل ضاعت هذا من صنع ايديكم وزرعكم الذي زرعتموه وانتو يا كيزان وياجبهجه أس الفساد والمفسده وكل انقازي وكل كوز فاسد في نفسه ومفسدلغيره . هؤلاء هم اللذين إذا خلوا بأنفسهم ارتكوا محارم الله هؤلاء هم الشياطين الخرس ولا تغركم لحاهم هي لحي الضلال وعند مثل كردفاني (( قال دقن الضلال ابجرجر شنو يا منصور قال ليه لكسر اسم الله وشهادة الزور )) ياهم ديل الكيزان اخوان الشيطان اعداء الرحمن القسموا السودان ملعونون اين ما ثقفوا .
بالله يا هجو كدى خليك من ركوب العجله سدارى و الشوت ضفارى خت الكورة فى الواطه و قول لينا اسمك هجو لا فى العلم و لا فى الحلم لا سمعناهو ولا قريناهو فى الكتب و فى النضال السياسى و زعماء هذا الوطن الجريح المغتصب المحتل ببقايا اخوان الشواطين ؟
منو البعرف ليك حاج سروال ولا نافع ولا المروح و لا مطرف ولا ولا كلها اسماء اتت فى غفلة من الزمن و انحكرتو و اتكورتو بقيتو ناس وعايزين الشباب اعرفكم و لا اذكركم بالطيب بعد ما عملتوا فيهم العمايل و ما خليتول ليهم جنب انومو عليه ؟
كفاية العندكم من السحاسيح و الدغاسين و الحواته و الله شباب واعى و متفهم و مغلوب على أمره و صابر وخليهم فى حالهم و كان بقيت تنكت و تبحت بجيب لرويحتك هبوب و تفتح ليك باب يقذف لهب و يدمر الوثنى وايامكم معدودة و ما تبقى الا القليل واركز عاد و ورينا لحس الكوع .
(واوضح انه ناقش مع وزير الشباب والرياضة قضايا الشباب الملحة ومنها السلفية بإيجابياتها وسلبياتها).
سبحان الله نائب رئيس البرلمان بناقش عن السلفية مع بلطجية المؤتمر الوطني !!! يا هجو قسم السيد تعال ناقش الشعب السوداني وشباب الشعب السوداني في طريقة إصلاح شباب المؤتمر الوطني الصائع الذين عُرفوا بأرذل الأوصاف وسط رصفائهم من بقية الشباب عليك الله خلو التسلط والأبوية البتعملوا فيها دي أمشي أي جامعة يا هجو قسم السيد وشوف أخلاق جماعتك الوصيتم علي إصلاح الشباب شباب المؤتمر الوطني مشهورين بجيب الفنانات ناس سمية الخور ,وتغريد جبرة , عوضية سفنجات في الأسابيع الثقافية بإسم إتحاد الجامعة يا كافي البلاء حتي فنانات المؤتمر الوطني بتاعات غناء هابط أمشي شوفم يا هجو في مكاتب الإتحادات غير الخلط والفوضي عندهم شنو, دا غير إستحلال أموال الشعب السوداني بإسم الإتحاد الوطني للشباب السوداني وإتحاد طلاب ولاية الخرطوم تلقي ليك شاب هلفوت مؤتمرجي تابع لطلاب ولاية الخرطوم راكب أخر موديل بينما البروف أستاذو في الجامعة يكابس في بصات الوالي يا هجو قسم السيد شكر الله سعيك أجتهد في إصلاح شباب المؤتمر الوطني ودع الشباب شباب السودان في حاله بالرغم من إتفاقنا معك في محاربة المناهج الهدامة مثل الشيعة
برلمان يحير وقت الفارغه يبعزق ووقت الحاره يمد وينقنق وين قضايا الفساد والإختلاسات وإرتفاع الأسعار ووو……الخ برلمان إنصرافى لابعد الحدود وأعضاء شايلين نخرينهم ويشمشموا وياريت كان شموا عفنتهم هم أول
اي وطن تتحدثين عنه..؟؟.. الوطن وينو..؟؟.. اكلو الكيزان…؟؟..
الوطن وين راح..؟؟.. اكلو الانقاذ..؟؟
واعلن عن الشروع في ترتيبات للانخراط في حوار جامع مع شباب الاحزاب السياسية المعارضة والحزب الحاكم علي حد سواء.
*******عرفنا كوم الاحزاب والمؤتمر *** اين كوم المستقلين الذين لا ينضون تحت اي راية غير الراية الوطنية ***********
واقر نائب رئيس البرلمان، هجو قسم السيد، لدي مخاطبته امس ملتقى رؤساء اتحادات الولايات للاتحاد الوطني للشباب السوداني بالبرلمان، بضعف التربية الوطنية وسط شباب الجامعات والمدارس، مشيرا الي انهم «يعرفون اسماء اللاعبين اكثر من قيادات البلد السياسية الوطنية «، وطالب اتحاد الشباب بالنزول الي القواعد «الجالسين تحت اعمدة الانارة وشارع النيل « لمعالجة السلوكيات الاخلاقية والفكرية.
*********** ما دخل التربية الوطنية بمعرفة اسماؤكم وماذ تفيد عرفنا البشير ماذا اضاف غير النقص في الارض والارواح ** انا من المتسكعين ومن محبي الجلوس علي الحجارة والكباري لو اتاني رسول منكم انفي وآذاني وابصق سفتي عليهم *** يحاورني العفريت انتم لا**********************
واوضح انه ناقش مع وزير الشباب والرياضة قضايا الشباب الملحة ومنها السلفية بإيجابياتها وسلبياتها وتغلغل المذهب الشيعي بالبلاد، بجانب التطرق لظاهرة «الحوتية» المنتسبين الي المطرب الراحل محمود عبد العزيز. وقال هجو انه استفسر من احد الشباب عن سبب تعلق وتجاوب الشباب مع محمود عبد العزيز و فأجابه «كان مبدع» داعيا اتحاد الشباب الي رعاية المبدعين، وحذر من تمدد الانحرافات الاخلاقية والفكرية وسط الشباب، موجها الدولة بضرورة تحصين الشباب بتذكية الروح الوطنية وتدعيم الظواهر الايجابية .
******* ما دخل وزارة الرياضة والرواكيب بالتغلغل الشيعي والدين *** هذا مجالها****** تعلق الحواتة بالحوت حب مذهب خلو الساحة من كل شئ جميل وجدوا الحوت مالم يجدوه فيكم بل هو اجملكم **** وغيرة الشهرة اصابتكم في مقتل تناقضون انفسكم بانفسكم ترفضون ابداع وحب الحوت وتريدون صنع صنم حتي لو البشير ****** الانحرافات الاخلاقية والفكرية قضلة خيركم وآخرهم الجاهل جراب الفول دفع الله حسب الله وتخريفاتة والشباب علي حق في البحث عن ضآلتهم اخرجوا منها انتم وكل انسان بما يحب ويعشق كبده
وطالب القوي السياسية بالتركيز علي قطاعات الشباب والمرأة، وبالمقابل دعا الشباب الي مزيد من العمل الثقافي والاجتماعي لتجاوز معضلات الحركة السياسية .
*********** ياتو قوي سياسية المقصوده يا عبقري زمانة كناتين التشاشة ام المعارضة المرفوضة من جانبكم تريدونها وقت الفزع وحين يتم تقسيم الغنائم جر يا كلب ************
سبحانة جل وعلا بيدك وليس بايديهم
******العبره هنا **** ويهدي الله من يشاء يا المضلين والمضللين الهمج هجو وعبدالحي والكاروري وجراب الفول دفع الله*********** الخواجة جديد عهد بالاسلام *** لو كان سمع لخرمجاتكم وتخريفاتكم كان بصق عليكم
************
أحد منتجي الفيلم المسيء للرسول (ص) يبكى عند قبره
April 22, 2013
( عكاظ ? حريات )
أعلن عضو حزب الحرية اليمينى الهولندى السابق أرنود فاندور اعتناقه الإسلام، وتوجه بعد ذلك لزيارة الحرمين الشريفين، خاصة أنه كان ينتمى للحزب الذى أسهم فى إنتاج الفيلم المسىء للرسول (ص) .
رافقت صحيفة (عكاظ) السعودية فاندور وهو يزور المسجد النبوى الشريف وعيناه تذرفان الدمع عند الروضة الشريفة وقبر النبى صلى الله عليه وسلم، وقال فاندور إنه كان ينتمى لأشد الأحزاب تطرفا وعداء للدين الحنيف، مبينا أنه بعد أن شاهد ردود الأفعال ضد إنتاج فيلم الفتنة، وبدأ فى البحث عن حقيقة الإسلام ليجيب عن تساؤلاته حول سر حب المسلمين لدينهم ورسولهم الكريم.
وذكرت الصحيفة ?أن بكاء فاندور اشتد أثناء وقوفه أمام قبر الرسول صلى الله عليه وسلم حيث جال بخاطره حجم الخطأ الكبير الذى وقع فيه قبل أن يشرح الله صدره للإسلام.
وقال فاندور للصحيفة ?إن عملية البحث قادته لاكتشاف حجم الجرم الكبير الذى اقترفه حزبه السابق، وأنه بدأ فى الانجذاب إلى الدين الإسلامى، وشرع فى القراءة عنه بطريقة موسعة، والاقتراب من المسلمين فى هولندا، حتى قرر اعتناق الدين الحنيف?. كما زار جبل أحد، وقال: كم قرأت عن هذا المكان وهذه المعركة وكم أحببت أن أقف هنا اليوم، وهو شعور أجمل من القراءة.
وفى نهاية زيارته للمدينة المنورة متوجها لأداء العمرة، قال : ( إن وداع المدينة المنورة أمر محزن، ولكن عزائى هو أننى ذاهب إلى مكة المكرمة لأداء العمرة، وسأعود لهذه البقاع الطاهرة مرة أخرى وفى وقت قريب).
**سبحانك يالله سبحانك يالله بقدرتك لا بقدرتهم
القادة السياسيين ديل منو ….ناس اللمبى ؟ناس بكرى ؟وللا زى المتعجرف أمين حسن عمر؟ و ننزل لليق شوية ناس تيتاوى جراد القايل الناس عندها قنابير …..الحقيقة ناس الأنقاذ ديل قايلين الشعب السودانى ما فيهو غير اجيال اليوم عشان كدا دايرين يخموهم….السودان تاريخو عامر بالرجال و النساء الفطاحلة و الذين تعدت سيرتهم و مناقبهم حدود الوطن الى كل ارجاء العالم …مش زى ناس قريعتى راحت ديل …يكفى انه المحجوب عليه الرحمة كان المتحدث باسم الوطن العربى بعد النكسةفى الأمم المتحدة…خلى اللمبى اليمشى هنالك كان يقدر يقول كلمة واحدة صحيحة….قال قيادات البلدقال…صدق الشاعر حين قال:
أذا كان الغراب دليل قوم هوى بهم على جيف الكلاب .
لم يتبقى من وطننا إلا الفتات.
هم وين القادة الوطنين ولا غير وطنين العندنا في السودان ديل همباته ولصوص وتجار دين. المفترض الشباب يدرسوا حالة مدعيئ القيادة الفاشلين ديل وليس العكس. أول مرة أشوف زول بغني ويدق ويقول الناس دي بترقص مالها؟؟؟
ظاهرة الشيعة قبل كدا حذرت منها عبر مقال في الراكوبة وتم مهاجمتي من قبل بعض ضعاف النفوس
12000 شخص حتى الان
انا ماحواتية على الاقل الحوت بطلع الشباب من الهم واديهم امل الحكومة عملت شنو بعدين انتو عندكم الوطنية مناصب وقروش متى مازالت تنعلو السودان خلو الوطن والوطنية للبعرفوها قال تربية وطنية قال
وطنية شنو البتتكلمو عنها؟؟هو فضل فيها وطن؟؟ عاطلين ومفلسين وتعابنين ..وصابرين علي الهم والضنك عشان كان عندنا ابو قال لينا ابقوا الصمود ما تبقو زيف ..ومحمود الماعاجبكم دا كان اكتر زول وطني وقلبو علي البلد(هو موطني حتما سافني هاهنا) لا كان تاجر دين لا كان حرامي ولا كان مرتشي لا بني العمارات ولا عندو ارصدة بنكية في سويسرا وماليزيا…بعدين مالهم الحواتة؟؟ احسن ناس واجدع ناس ومواصلين مسيرة ابونا بنعمل في الخير حسب قدرتنا وامكانيتنا..بمشو دار المسنين وبمشو المايقوما وبتبرعوا بالدم الاحمر كلو صدقة جارية لي ابوناربنا يقبلها..بالله اخر مرة سمعنا بي وزير مشي الحتات دي وقدم مساعدات كان متين؟؟….خلونا في حالنا يابشر وخلي البرلمان في البت المامختونة عفنة دا البفهم فيهو وطلعونا من راسكم