القائم بالاعمال الاميركي يحدد شروطاً لمدة 6 أشهر لرفع العقوبات الأميركية
الخرطوم: علوية مختار : طالب القائم بالاعمال الاميركي، جوزيف استافورد، الحكومة بإنفاذ جملة من الاشتراطات من بينها وقف دعم الارهاب العالمي لمدة ستة أشهر متتالية وتقديم ضمانات بعدم دعمه مستقبلا لحذفها من قائمة الارهاب، واعلن استعداد واشنطن لاجراء حوار مفتوح مع الحكومة حول قضايا الارهاب وملف العقوبات.
وعقد استافورد امس لقاءً مع الطرق الصوفية بخلاوي الشيخ الكباشي، أكدت خلاله الاخيرة أنها لن تقبل بمثول الرئيس عمر البشير أمام المحكمة الجنائية الدولية بلاهاي، وطالبت الادارة الاميركية باحترام شرعية البشير.
وطالب القائم بالاعمال الاميركي لدى مخاطبته المشايخ الصوفيين أمس، الحكومة باتخاذ خطوات ايجابية بشأن القضايا التي بطرفها لرفع العقوبات بجانب انفاذ المباحثات السياسية مع قطاع الشمال وانهاء النزاع عبر الحلول السلمية دون اللجوء للحل العسكري.
وقال «اذا توقفت الخرطوم عن دعم الارهاب العالمي لمدة 6 اشهر متتالية ودفعت بضمانات بعدم دعمها لاية اعمال ارهابية مستقبلا واتخذت خطوات فعلية لحل ازمتي ولايتي جنوب كردفان والنيل الازرق بجانب الالتزام بشروط اخرى الحكومة علي علم بها، فإن ذلك سيقود لحذف السودان من قائمة الدول الراعية للارهاب».
وافاد ستافورد ان تلك الشروط تمنع واشنطن من اجراء حوار مفتوح، وقطع باستعدادها للعمل من اجل تحقيق سلام شامل بمناطق النزاع .
في ذات السياق، دعا الشيخ الجيلي الكباشي، الرئيس الاميركي باراك اوباما لدعم استقرار السودان وايقاف نزيف الدم ورفع الحصار، واكد ان الحكومة السودانية لم تحيد يوما عن العدل، واشار الى ضرورة حل ازمة دارفور داخليا وقال»لن نقبل بأن تقف العمامة السودانية امام لاهاي».
الصحافة
اذا كانت هذه العمامه هى السبب الرئيسى لموت مئات الالاف من ابناء جلدتها ما هو المانع ان تقف امام محاكم الانسانية لتلقى جزاءها بعد ان عجز القضاء الوطنى عن فعل ذلك؟
هو ناس الانقاذ فضلو فيها حاجة العمامة السودانية ماهذا الجهل وهل يحق لهذا الرئيس ان يبطش ويقتل شعبه دون حساب هل تدافعون عن البشير ونسيتم من قتلهم بالالف في دارفور والنيل الازرق وجنوب كردفان وكم من اهل السودان شردو وعزبو وحرمو من ابسط حقوقهم في دولتهم فكيف لكم ان توصفو قاتل بانه يمثل رمزية السودان حقيقة خاف من الذى لايخاف الله اتقو الله وانصفو من ظلمو ولاتكون مع الظالم ضد الضحية والبشير لايمثل رمزا لكل اهل السودان فاحترمو اهل السودان
عمامة سودانية في عينك
انت مين فوضك حتي تتكلم عن العمامة كرمز ! ومن تكون ! وباي حق وبأي سلطة ! قال طرق صوفية قال بالله روح شوف ليك فتة!! روح . خلي اولياء الدم والناس الحرقت منازلهم ومزارعهم وقطعت أشجار جناينهم ورملت نساءهم ويتمت ابناءهم هولاء احق بالعفو اما أنت يازعيط ماشفنا ليك اي دور عندما ارتكبت جرائم حرب دافور نسيتم حتي كلمة حق فى وجهه سلطان جائر قهر شعبة نسيتم الحديث ( كل المؤمن على المؤمن حرام دمه وماله وعرضه ) نسيتم حق المسلم على المسلم نسيتم القران طمعا فى الدنيا وتقربا الى السلطان الظالم قل لى بربك ماهى النصيحة التي قلتها لنافع الذي يسب الخصوم وقد نهى الاسلام عن ذلك ! قل لى بربك ماذا قدمت من نصحت
ربيع عبدالعاطى . والحاج ساطور وقطبي المهدي وعلي عثمان وكل الشريرين من أهل النقاذ قل لى بربك كيف حال الناس وهم فى مصغبة وضنك وحياة لاتطاق كرهتونا فى الصوفية ونفاق بعض شويخها امثالك . لاسمحك الله ولابارك فيك !!
في ذات السياق، دعا الشيخ الجيلي الكباشي، الرئيس الاميركي باراك اوباما لدعم استقرار السودان وايقاف نزيف الدم ورفع الحصار، واكد ان الحكومة السودانية لم تحيد يوما عن العدل، واشار الى ضرورة حل ازمة دارفور داخليا وقال»لن نقبل بأن تقف العمامة السودانية امام لاهاي».
؟؟؟؟؟؟؟؟؟؟؟؟؟؟ مليون علامة استفهام الشيخ الجيلى الكباشى ده وزير شنو يا اخوانا ؟؟
والله نحن صوفيون، ولكن إن هذا رأي كل الطرق الصوفية في السودان فنحن براءة من تلك الصوفية.
ألم ترى الطرق الصوفية ما فعله هؤلاء الانجاس باسم الدين الحنيف؟؟؟
حتى الصوفيون أنفسهم تعرضوا للتعذيب ومحاولات الاغتيال من هذه العصابة الفاسقة. فلماذا لا يرغبون في تسليم هذا الطاغية الفاسق، أن كان إلى لاهي أو إلى جهنم حتى يأمن الشعب السوداني شره وشر أتباعه الكيزان المخانيس؟؟؟
(الحكومة لم تحيد يوما عن العدل) ، الشيخ دا ما نصيح ؟
بعد ما راح زمن العمة والتوب ، نافع عايز يختنا تحت المركوب !
(شروط أخرى الحكومة على علم بها) .. ما بتتقال وإلا شنو ؟
القتلة و انصارهم ياتون فى عدة اوجه. عسكر ، قبائل ، مجموعات دينية ، روابط ثقافيه صحافة ، طرق صوفيه ،طرق جلديه ، بيوت لقطاء ، لجان افتاء دينية ، ائمة مساجد.
هذا الجيلى الكباشي ، لماذا لا يطلب من بشيرة وقف نزيف دم السوداننين ، قبل مطالبة الامركان بذلك.اولاد الحرام منطقهممفلس و واحد.
مسطول سطله شديدة ركب طيارة صاادف فيها كمية من الصوفية .. الطيارة ماشه كويس فجاءة اهتزت الصوفية بقو يكوركو يا الكباشي يا الكباااشي .. المسطول بقي يعاين ليهم باستغراب … تاني اهتزت بقو يكوركو يا الكباشي يا الكباشي … قام المسطول على حيلو ووقف في نص الطيارة .. وكورك يا كباشي يا كبااشي يااااخ ما تسوق براااااحه يااخ ..
وأكد الشيخ الكباشي ( ان الحكومة السودانية لم تحيد يومآ عن العدل ). يا شيخنا أهذه تقية ؟ ام شيْ آخر ، يا شيخنا والله العظيم الصغير قبل الكبير في السودان يعلم ان هذه الحكومة لم تقترب يومآ من العدل . يا شيخنا كم من موظف فقد وظيفته بدعوى التمكين ؟ كم من طالب حرم من الدراسة بسبب الانتماء السياسي ؟ يا شيخنا إذا كان الرئيس عمر بنفسه يقول هنالك اخطاء اركبت وظلم وقع على الناس في فترة التمكين فكيف تقول انت غير ذلك القول ؟ ياشيخنا إن لكم مكانة سامية في نفوسنا الله وحده يعلمها فلا تفتنوننا فيها وتشوهوا تلكم الصور الجميلة التي في اذهاننا والتي شكلت وجداننا نحو الصوفية والتصوف …. خلوا بين الحاكم ومحكوميه ، وإن كنتم لابد فاعلين فمن باب الامر بالمعروف والنهي عن المنكر ، ذلك اولى واورع لكم . كما يجب الاً ننسى ان الله سبحانه وتعالى مطلع علينا في كل حين ………………….
الصوف اليقوم في حلقكم يا الله ياتو عمامة ماتقبلوا بمثولها أمام الجنائية تلك العمامة الموجودة على رأس هذا لخنزير الخائب الرقاص المخنس أم عمامة أخرى والله إنها أصبحت رمز خزي وعار للسودان والسودانيين ففي عهدصاحب تلك العمامة القذرة تقسم السودان وتفتت وساد الفسادوأصبح سمة عامة ملازمة لك مرافق وأجهزة الدولة في عهده إنتشرت ظاهرة زواج المثليون في عهده أستبيحت الأعراض وانتهكت كرامة المواطنين في عهده صار الإغتصاب عقوبة مقننة تمارسها الاجهزة الأمنية حيال المواطنين في عهده إستبيحت براءة وعفة الطفولة واصبحوا الأطفال من الجنسين ضحايا لإشباع شهوات تلك النفوس المريضة من كلاب وذئاب الإسلام السياسي وتجار الدين في عهده أصبحت مؤسسات التعليم العليا مركزاً للإنحطاط ومكاناً لممرسة الدعرة وسوقاً لتجارة وترويج المخدرات وخريجيها في عهده صارت لنا داراً مشهورة لى نطاق العالم لأيواء اللقطاء وأبنا السفاح فهل هذه هي العمامة التي تدافعون عنها هذهالعمامة لايدافع عنها ?إلا كل فاسد ومنحرف وشاذ جنسي لأنه في بقائها يجد ضالته وينعم بالحماية والرعاية من صاحب هذه العمامة قائد قطيع الخنازير
هو لن يمثل بعمامة وجلابية لكن بزيه برتبة مشير وبنياشينه العسكرية.وبعلامته كرئيس جمهورية. والمعروضات مدافعة والبراميل المتفجرة والضحايا.
اما العمة والجلابية فتبرأ وتستبرأ.
البشير يا الكباشي لمه يتمسك ويودوه لاهاي مقر المحكمة الجنائية ما حيكون لابس عمة..بعدين شنو العمة !! خلاص أي زول لابس عمة هو منذل !!ولايحاكم !!هذا هو قمة الغباء والتخلف يا الكباشي..بعدين إنتوه الصوفيون مافيكم ناس لابسين عمم وطواقي مختلفة واحدين لابشين أحمر واحدين لابسين أخضر واحدين لابسين أزرق.. بعدين في الإسلام البتسوه فيه ده كلوه لعب بإسم الدين ..في القران مافي حاجة إسمها صوفية ..في لا إلله إلا الله محمد رسول الله. وبعدين إنتوه ياالكباشي الدخلكم في السياسة شنو؟؟ شوفوا حولياتكم (الديسكو) أحسن حاجة فيكم رقيصكم حلو وحتي الخواجات بتكيفوه من رقيصكم ..لعنة الله عليكم .. العالم فات وإحنا لسه في الشيخ الكباشي والشيخ المكاشفي ..أظرف واحد فيكم الطيب الصائم ديمه.. لعنة الله عليكم وعلي البشير يا متخلفين..
اهاااا الامريكان دايرين يدخلو للكيزان عن طريق الدين معنى كدا الامريكان عرفو اللعبة صاح والكيزان قيامتهم قامت (اللعب بقى ما لعب الكديس والفار، بل اصبح الفار والفار يعني واحد لازم يموت والضعيف بقع والسمين بيقيف والفهم الدين قوي لا يموت وهو افيون الشعوب وتجار الدين سوف يقعون وقعت الفيل السمين بعد عشوه طيبه ويالها من وقعه ) ابشروا الفجر قريييب ان شاء الله
عمامة سودانيه يلفوك بيها ويجدعوك من كبري كوبر يامرض ….
وقال»لن نقبل بأن تقف العمامة السودانية امام لاهاي».
————————————————–
بسيطة ، أقلعوا منو العمامة والجلباب وخلوه يمشي بعراقي وسروال ، هو أصلا شكلو يسد النفس كان بي عمامة ولا عقال
هل انتم تعيدون العمامه ام الحق
قال الحكومة لم تحد يوما عن العدل اتقي اللة ياشيخ كباشي توقفوا عن دعم الظالمين ياشيوخ الضلال لن يتفع البشير وعصابتة يوم القيامة سيسالك اللة عن قولك للزور
شرعية؟؟؟؟؟؟؟؟ يا حليلك ياالنايم علي حيلك!!!شرعية شنو دي الجات بالتزوير وشراء ذمم الناخبين واستغلال حوجة الفقراء والضعفاء؟ شرعية ولا عشان خالنكم علي كيفكم تسووا الدايرينو خلقتوا ليهو شرعية؟ هسة البيعمل فيهو نافع دا عدل؟ ولا البيعمل فيهو وزير المالية؟ السطو علي المال العام دا عدل؟ الجوع الفقر المرض- وين العدل هنا؟
يا أخ إتق الله بالله كيف تحكمون!!!
اذا لبس العمامة فهو قرد وخنزير اذا خلع العمامة
نحن راضين اسلموهو بالعمة وكان مشلخ برضوا موافقين
ليس هنالك شيخ يستطيع ان يقول انه جاهر بقول الحق امام هذا النظام الظالم سوى الشيخ عبد الله ازرق طيبة حفظه الله وتولاه اما ود الكباشى ومن لف لفه من الانتهازيين ومشائخ الغفلة فهم جوكية المؤتمر الوثنى ويزينون له الباطل مقابل الكاش والسيارات الى نعرف ونحفظ ارقامها وهذه العصابة فى سبيل بقائها فى السلطة وموضوع الارهاب الذى ذكره القائم بالاعمال الامريكى فهو لايحتاج لتوضيح فحادثة اغتيال الامريكى غرانفيل وسائقه المرحوم عبد الرحمن عباس تلك الجريمة الشنيعة التى ظن النظام انه يرسل بها رسالة تخويف الى امريكا والغرب فقد جاءت رياحها بعكس ماتشتهى سفنهم اذ ان النظام دفع الثمن غاليا ولايزال .وعلى الصوفية عدم الانجرار وراء مخططات ابالسة المؤتمر الوثنى حتى يحافظوا على ما تبقى من مساحة احترام لدى السودانيين ونحن نعلم الرشاوى التى يقدمها النظام للصوفية ويطالب النظام بكل لؤم ونذالة بان تسدد الفواتير خصما من سمعة ورصيد الصوفية ويحشد اتباعهم فى كل فارغة ومقدودة ويدفع الصوفية الثمن باهظا.
عمامـــــــة؟ : ذكرتني نكتة الراجل الملصو ليهو سرواله ,
سألوه : الجماعة ديل لو بعد دا ملصو طاقتك تعمل شنو ؟
قال ليم : دي حا يكون فيها موت عديييييييل.
يا الكباشي رقاصكم دا حا يقيضوهو عريان جل ميطي
كمان برضوا ناس الطرق الصوفية بقوا يكسروا تلج للامريكان والله مهازل يازمن الفاضل منو في البلد دي ما بكسر تلج والشاهد في الامر ان الحكومة السودانية اصبحت تدفع بالطرق الصوفية لغسل العار الذي يلبسها فتدفعهم الي التحدث بلسانها لتلميعهم ونفض غبار الرزائل عنهم .صوفية البشير تجار الذمم لن يفلحوا ان يوصلوا اصواتهم الي العالم الخارجي لانهم اصبحوا موبوئين بداء الحكومة اللعين
وقال شیخ ?باشی: »لن نقبل بأن تقف العمامة السودانية امام لاهاي».
?حل وسط اقترح البشیر یلبس بنطلون ویروج للاهای والحل التانی: یمشی ام ف?و متل ما عمل فرعون حتی صاح الشافع: انظرو الی مل?نا العریان.
شيوخ الغفلة المنعمين الذين يأكلون من مال الحكومة الملوث والمغتصب من الشعب السوداني كان لابد أن يقولوا فهل يدعو هذا الشيخ الباطل رئيسه أن يكف عن نزيف الدم الذي تعمله قواته أم يدعو أوباما رئيس الدولة الكافرة !!!
ياشيخنا الكباشي أفضل لك أن تحتفظ باحترام مريديك ولاتحشر نفسك في السياسة فهي لعبة قذرة ومن لايتقن فنونها يقع كوقعة البشير وزمرته. سيف الجنائية المسلط على رقبة البشير سيظل مصدر إبتزاز قدم ومازال يقدم البشير كل التنازلات التي كانت وستكون خصماً على الوطن ولن تتوقف هذه التنازلات مادام أن البشير على رأس السلطة ويزعن للأوامر وينفذ في سبيل الوعود الكاذبة التي تقدم له بعدم مثوله أمام الجنائية إذا نفذ كذا وكذا وللأسف هو يصدق هذه الوعود وينفذ ناسياً أن من سبقوه أكلوا هذا الطعم وكانت نهايتهم المقاصل. كان الأجدر بكم إن كان يهمكم أمر هذا الوطن أن تناصحوا البشير إما أن يتنحى عن السلطة لكي تتوقف هذه التنازلات والإنبطاحات أو يسلم نفسه طوعاً للجنائية مع وقفة معه منكم ومن يعتقد بأنه غير مذنب من الشعب الفضل في توفير كافة الدفوع التي تساعد على تبرئته إن كان حقاً غير مذنب وكفانا مهزلة لأن الوطن تمزق وتجزأ من جراء تفكير أمثالكم الذين يزينون للبشير الباطل.
اذا كانت العمة مشكله خلى يلبس توب من تياب وداد
أريتكم بى عمى الكباس.
تابعوا القائم بالاعمال الامريكيه ببعض الكيانات المواليه لهم لتشويش المبدا الذى ينتهجه رجال الصوفيه جوزيف إستانفورد يدرك التسامح والاعتدال والثقل الجماهيرى عند الصوفيه والزيارات التى تمت وما زالت تتم للمتصوفه هى نتاج للتخبط والتردد فى السياسه السودانيه التى عجلت بالحسم من قبل الولايات المتحدة الامريكيه
…………..طيب ما دام الأمر كذلك………انصح الرئيس السابق لساحل العاج الذى تتم محاكمته هذه الأيام بالجنائية…………ان يلبس عمامة سودانية بدل دفع مبالغ كبيرة من الدولارات………للمحامين………….
اذا كانت العمامة ظالمة فيجب دوسها تحت الجزمة حتى ترعوي
ونقبل بلاهاي اذا لرد حقوقنا وانصافنا اذا كان انصافنا لدى النصارى
اهم شي اقامة العدل واحقاق الحق ومحاربة اللصوص واسترداد الاختلاسات والقصاص من مجرمي النظام
بلا عمامة بلا كلام فاضي معاكم
دا كان زمان
عندما تولي مصطفي كمال اتاتورك مؤسس الدولة التركيه مقاليد الحكم اول قرار كان له هو ازالة الاثار العثمانيه عن الدولة مثل منع لبس الجلباب والعمه اللتين كانتا رمز للغش والخداع باسم الدين والتدين المظهري
نريد دولة خاليه من اي رموز دينيه
ربنا يعلم مافي السرائر وحده وهو عليم بذات الصدور
قرفنا من الضحك على الغلابه باسم الدين وجعله مطيه لركوب ظهورنا
يعني يا مولانا خليك فى خلوتك وتعليم الاجيال وتحفيظهم لكتاب الله الكريم وما تقدونا بجهلكم وبث السموم والكلام الاكبر منك اللذي يملونهم عليهم ولا تعرفون حتي ماذا يعني
اللهم احفظ بلادنا من شرور اللصوص تجار الدين
“الشيخ الجيلي الكباشي، »لن نقبل بأن تقف العمامة السودانية امام لاهاي
خلاص الرقاص ده خليهو يمشى لاهاى لابس من غير هدوم ،على قول عادل امام
اسد افريقيا العتر من غير هدوم
بسيطة جدا عندو البدل ما أكثرها
وطالبت الادارة الاميركية باحترام شرعية البشير.
عن أى شرعية تتحدث ياشيخنا؟
ألم يأت رئيسك هذا عن طريق إنقلاب عسكرى كامل الدسم ؟
ألم ينقلب هذا العمر البشير على حكومة ديموقراطية منتخبة شعبيا؟
متين بقت شرعية ياخليفة؟
ولا بتعتبر إنتخابات الهز والرج هى عين الشرعية؟
حقا الأختشو ماتو.
خلاص لبسوهم اديني حقنه وجنز كباية وشلوت جامد او فجاخة اصليه كده .. وابو دي بلد زاتو
الساده اعضاءالمجلس الاعلى للذكر والذاكرين .بقيادة الشيخ المليونير الصافى جعفر ..وهذا المجلس يمثل زعامة الصوفيه المناصرة لخليفة المسلمين الاعرج الشهير ب لص كافورى ..كلنا سوادانيون وادفننو سوا .. صحيح انكم لن تقبلوا مثول البشير امام المحكمة الجنائيه لانه من ( عبيد الشمال ) وعشان ما تزعلوا نقول ( زينا ) .. اهااااا مولانا احمد هارون كيف ؟ داخل معاكم ولا بره ؟ ما قلت ليكم دافننو سوا ؟ ..
ياشيخ الجيلي الكبش الانقاذ دمرة مشروع الجزيرة والزراعة المطيرية في القضارف دي بتوفر ليكم العصيدة لحيرنكم وما تنساء الصدقات من العيش بعد كدي ماعائزين احاكمو البشكير .
اذا كانت العمامة المشؤمة ملطخة بدماء الشرفاء من ابناء السودان في الجهات الاربعة و يجب ان تتحول الي حبل لشنق صاحبها ل ولا يجب ان تدافع الطرق الصوفية عن القتلة و المجرميين الدوليين الان ذلك سيكون علي حساب رصيدها من حب و احترام السودانيين لها و انا متأكد من عدد كبير من محبي الصوفية قد يتحولون الي الطرف النقيض ( السلفية و الوهابية و انصار السنة ) غور قراءة هذا الكلام الصادر من شيخ محترم مثل الشيخ الجيلي الكباشي .
نطالب بعدالة توزيع الثروة والسلطة لان احتكارها يجعل من الجميع مرتزقة لمن يحتكرها — اللهم هل رحمت جون قرنق بقدر ما اعطى لعقولنا
اصحو ايها العملاق
الطرق الصوفية دي بتعرف شنو عن السياسة ,, ما كفاية انهم شاركوا في مص دم الشعب بالاموال التي رشقها بهم البشير وجماعته ,,,
زمان شيخ الطريقة كان متواضع وغير الفتت والمشي بالرجلين ما عندهم حاجة ,,
الان شيخ الطريقة بركب (ليل علوي) وخالف رجل علي رجل ,, فكيف ما يكون واقف مع البشير ,,
يا جماعة خليكم في نوبتكم دي ,, والجهاد خلوه لاهله ,, بطلوا التملق والتمسح من اجل المال .
أكيد الشيخ الكباشي يقصد العمامة كرمز للسوداني الأصيل لكن ياشيخنا ما أظن فات عليك ان البشير وعصابته الحاكمة ومتحكمة في الشعب السوداني سنينا عددا قد مرقوا العمامة في وحل الفساد ودماء الأبرياء بلا لاهاي بلا عدالة دولية العمامة تتفتل فتل حبل ويتشنقوا بيها في السودان ده……………
ده البفش غبينة الشعب
ياالصوفيةالمطلوب قليل من الشجاعة لقول كلمة حق ولو واحدة
عمائم اهلنا في دارفور تعاني في معسكرات النزوح وعمائم اهلنا المناصير تعاني في ارضها وارض اجدادها ومعها عمائم اهالي البجا وكجبار والجزيرة وعمائم مفكرينا شرفت سجن كوبر لأنها تؤمن ان دماء انسان دارفور اكرم عند الله من الكعبة دعك من عمامة تغطي رأسا فارغا مع ذلك يدافع عنه زعماء القفاطين ورؤساء تحرير ومنتفعين رتعوا في رياش السلطة وولغها مالها الحرام
أكيد الشيخ الكباشي يقصد العمامة كرمز للسوداني الأصيل لكن ياشيخنا ما أظن فات عليك ان البشير وعصابته الحاكمة ومتحكمة في الشعب السوداني سنينا عددا قد مرقوا العمامة في وحل الفساد ودماء الأبرياء بلا لاهاي بلا عدالة دولية العمامة تتفتل فتل حبل ويتشنقوا بيها في السودان ده……………
ده البفش غبينة الشعب
ياالصوفيةالمطلوب قليل من الشجاعة لقول كلمة حق ولو واحدة
خليكم من الصوفية لكم ان تسبو وتشتمو هذا الدجال زى ما عايزين لانه ليس الناطق الرسمى باسم الصوفية والا حا يتم استعداء شريحة كبيرة من الشعب السودانى ولا يفوتكم انه دا الهدف الكيزانى من جنس المخططات دى
ويعني هم الصوفية الما لاعبين بى اسم الدين
ولا يعني هم الصوفية الما غاشين البسطاء باسم الدين
اي تدين ده البخلي القلة اسياد وبقية الخلق عبيد
يخدموا فيهم ويبوسوا في يدينهم ويركعوا تحت رجلينهم
ويبجلوهم اكتر من الدين زاتو
ديل بدافعو عن النظام الساقط
لانهم بنفس الفهم
الدين بى فهمي البسيط
لا اله الا الله محمد رسول الله
واقوم بفروضي صلاة صيام وزكاة ولو قدرت احج
وما أأذى لي بشر لو بى قول او فعل
ده الدين البسيط الوصانا بيه محمد رسول الله صلى الله عليه وسلم
متذكرين محمد رسول الله ولا نذكركم يا الصوفية العملتو لينا حب الرسول
رقيص وجبجبة
محمد رسول الله الكان بربط بطنه بالحجر من الجوع
محمد رسول الله الكان بطلع ملابسه من جسمه ويديها لاكتر واحد محتاج
محمد رسول الله الما بتتولع في بيته نار شهرين ويعيش على الاسودين
سود الله وجوهكم يا ماليء الكروش ولابسي المنفوش
يلا دافعوا عن بعض وبإذن الله ستتدافعوا بوجوهكم الغبر في نار جهنم جميعكم
الامريكان وجدوا افضل وانجع السبل لتمزيق الدول العربية والاسلامية بتمكين الاخوان المسلمين والسلفيين ودعمهم بالصوفية الانتهازية والمحصلة هى تمزيق الاوطان وتكريس التخلف
ما دخل استانفورد واوباما الحقير في المولد النبوى وزيارة الصوفية
نأسف حقاً ودا كلام عجيب الحاصل انو(قهرواتضهاض و تشريد ونزوح وقتل ابرياء عزل واغتصاب وابادة جماعية وتطهير عرقي وتهجير قصري) باسم الدين دينكم دا مابثلناولابمثل القيم السودانية ولابمثل الانسانية أعتقدوا براكم والدين الاسلامي برئ منكم يامطبلين السفاحين شوهتوااسم الدين كرهتونا اي محوس قال دين دين كفاية وليكم يوما.يشهد علية التاريخ .
(واكد ان الحكومة السودانية لم تحيد يوما عن العدل)
يا راجل بتقول الكلام ده بدون خجل؟ كان ما خجلان من الناس ما تخجل من ربك العامل فيها ولي من اولياءه . الحق علي المكسرين حولك وعاملينك شيخ دين مع احترامنا لي شيوخ الدين .
عندى احساس لدرجة الارق انو الكيزان ديل ماسونين
ياجماعة انتو تعبانين ليه الجماعة ديل لو عاوزين يقبضوا كان قبضوا من زمان ( سهر الجداد ولانومو )
بسم الله الرحمن الرحيم
عرفنا عن حكومة الإنقاذ تريد دائما خلق وفتن الشعب السودانى بمختلف توجهاته الإجتماعية والسياسية وكل واحد منا بدأ يعلق ويسئ لأفراد ومشائخ الصوفية إنى أتقدم لكم بهذا السؤال وأرجو الإجابة عليه بكل صدق وأمانة هل منكم من كان موجودا وسمع من المشايخ فى الكباشى ما تتحدثون عنه وتعلقون عليه ؟؟؟؟؟
من شمع ذلك فاليشهد الله عليه ويكتبه ثانية ولا أظن أن ذلك حدث فعلا لأن أهل الله لا يقفون مع الظالم أبدا مهما كان ونسأل الله لنا الهداية