قصيدة (جرح الوطن)

جرح الوطن
الله علي جرح الوطن
نازف تملي علي الدوام
لا مرة جابولو الطبيب
لا مرة أدوه إهتمام
أنهد حيلو من الألم
حطم قواه الإنهزام
أصبح هزيل بالي ونحيل
خاطرو الكسير جافي المنام
كيفن ينوم عاد المريض؟
من غير يكون الحال تمام
بس حالو كيف يصبح تمام
ما دام هو بس راجع خلف
والناس دوام ماشين أمام
وجراحو كيفن تلتئم
وكاوياه نار الانقسام
يا انتو راجين بس شنو
لمن مريضنا صبح حطام
سيبوه انتو ابعدوا عنوا
نقدر نداوي من السقام
وتدب في جسدو الحياة
بغيابكم انتو نعيش سلام

حسن كتال
[email][email protected][/email]