تكوين لجنة لتوفير احتياجات المغتربين ضمن منظومة الاستثمار فى مجال الغذاء العربى
(سونا) – كونت ادارة الاستثمار بجهاز المغتربين مع الجهاز القومى للاستثمار وجهات الاختصاص بالولايات لجنة لتوفير احتياجات المغترب ضمن برنامج الغذاء العربى وليصبح جزاء من المنظومة العامة للاستثمار فى مجال الغذاء بشقية النباتى والحيوانى وللاستفادة من المشروعات المطروحة .
وقال الاستاذ الامين طه قرين مدير الادارة العامة للاستثمار بجهاز المغتربين فى مجال التمويل هنالك شراكة استراتيجية مع بنك المزارع لتقديم خدماته المصرفية للمغترب فى المجال العقارى والصناعى خاصة فى مجال الصناعات الغذائية التحويلية وتمويل السيارات والشاحنات ، اضافة للتمويل فى المشروعات المهنية مثل الاطباء والمهندسين وغيرهم بالتركيز على المشروعات الجماعية لزيادة رأس المال وتعميم الفائدة .
واضاف ” ان البنك سيفتح فى هذا الصدد نافذة داخل الجهاز لتقديم كل الخدمات المصرفية للمغتربين بما فى ذلك التحويلات .
وعن الحاضنات الاستثمارية اوضح قرين ان هنالك دراسات جدوى استثمارية لبعض المشاريع توزع فى كتيب للمغتربين مجاناً ،مبيناً انها دراسات لمشاريع سريعة العائد قليلة التكلفة مثل مزارع الاسماك والدواجن ممولة من البنوك خاصة عبر مشروع التمويل الاصغر لجذب مدخرات المغتربين وضمها فى الاقتصاد السودانى .
هذا كلو كذب اعملوا حسابكم ولا يلدغ المؤمن من الحجر مرتين؟
واضح من خبر لجنة خبراء الاحتيال استهداف الشريحة ذات الدخول العالية الجداد السمين اما ناس قريعةِ راحت فنحن لينا الله وعيشة السوق كان بقى فى سوق ببلاد الاربعين حرامى .
حين نطمأن للعدالة و احترام القانون و محاسبة الفاسدين حينها ستعود اموالنا للوطن (الوطن )كمشاريع و لىس مصروف معيشة
بعد كل هذا العمر جاي تحدثني الأن عن الإيستثمار اغتربت وعمري كان 21 عام اليوم عمري قارب 53 سنة ولم تملكني الحكومة منزل أو أي شيئ فكيف لي أن ،،،،،،،،،
بالله عايزين تنصبوا علينا .. ما لقيتوا زول غيرنا .. بعد ما نصبتوا على كل الشعب السوداني .. ونحن المغتربين أول المنصوب عليهم.
خلونا نشوف الاول المفاجئة شنو بتاعة الرئيس بعدين كلمونا عن الاستثمار .
إذا في مساعدة تقدم للمغترب أن يملك أراضي أو فلل أو عمارة وسيارة بالتقسيط المريح وهذه هي أحلام كل مغترب يريد الاستقرار والمضي قدما في دفع مسيرة الحياة والرقي بالمجتمع أما ما ذكر فنرى انه عملية استدراج إلى هاوية غير معروفة فنجد في كل دول العالم تنشأ المشاريع من أجل خدمة المجتمع بصورة عامة وليس باستهداف أموال المغتربين كشريحة داخل المجتمع ونسأل الله أن ينير العقول ويصفي النفوس ويبعد عنها الشر والحسد حتى نعود سودانيين أصليين كما كان في السابق وليس الطمع الهدام الذي هدم سودانيتنا وتركنا حيارى تائهين في البلدان هنا وهناك من أجل لقمة عيش وسند للأسر الموجودة داخل البلاد تكاد تموت من الظلم والقهر الذي تحسه وتعيشه في ظل الحكومات الظالمة هل يعقل أن السودان يرفع الدعم عن كل مقومات الحياة من تعليم وصحة خدمات أخرى!!!
كدي نستشير المغتربين اللذين ساهموا بمشروع سندس والذي تزعمه رئيس لجنة الذكر
والذاكرين والذي يقول ان الله قال والرسول قال وهو مابيعرف الله ولا رسوله من يتغذي
ويغذي اسرته بالحرام نساله تعالي أن تدخل في جوفه نارا وان ينتقم الله منك بحق
كل المغتربين اللذين نهبتهم نهارا جهارا وكمان عاوزين المغتربين يصدقوكم تاني؟ .
اذا كان مدير الذكر والذاكرين اكل قروش المغتربين طيب كيف الجماعه الثانين حا
يعملوا فيهم شنو ؟ ؟ ؟ ياخي شوف ليك محل تاني تلهط منه . سيبوا النغتربين في
مشاكلهم : الكفيل والسكن وتعليم الاولاد والعلاج والترلات الجارينها من الاهل بالسودان
والصافي جعفر نسأله يوم الموقف العظيم أن ينتقم الله منه وممن أعالهم باموالنا
شر انتقام والي النار والقطران ؟ وكفانا ظلما وسرقه يابتاعين الدين والذكر
هنالك شراكة استراتيجية مع بنك المزارع لتقديم خدماته المصرفية للمغترب فى المجال العقارى والصناعى
طيب البنك العقارى يصدر دكاترة ؟؟
والبنك الصناعى يبيع النبق؟؟
الجواب باين من عنوانه
ماف مغترب عندو ليكم حاجة واصلو في السرقة الداخلية
( هيييييييييييييييييي يكا ) قال خدمات للمغتربين . خلاص يبست تب كدة
امشوا شوف ليكم شغلة ساكت .الصدق معاكم بعد السماء و الارض