توقيف عصابة تخصصت في ابتزاز الشخصيات»الكبيرة»
الخرطوم: سلمى آدم: تمكنت شرطة شرق النيل أمس من إلقاء القبض على افراد عصابة تخصصت في ابتزاز الشخصيات «الكبيرة» وأخذ أموالهم.
وكشفت مصادر شرطية لـ (الصحافة) أن أفراد العصابة تنتحل صفة رجل شرطة أمن المجتمع، وتستخدم مواتر في عمليات الابتزاز وتستهدف الشخصيات المهمة،مشيرة الى ان آخر عملية نفذتها على مدير أحد البنوك ،وعلى اثر هذه المعلومات نصبت الشرطة كميناً محكماً بمبلغ (50) مليون بواسطة شخصية معروفة، وتم استدراجهم من الحاج يوسف إلى السوق المحلي وألقى القبض على ثلاثة منهم بينما لاذ الرابع بالفرر ودونت في مواجهتهم بلاغات.
الصحافة
هي الشخصيات الكبيرة دي ممكن يبتزوها بشنو؟ إلا لو الواحد عامل عملة داسيها وخايف تنكشف للناس أو خاتي نفسه في وضع يستاهل إنه يتهم ويشكك في نواياه. مش برضو أولى الناس تخاف ألله طول الوقت وما تخت نفسها في مواضع اتهام ولو بحسن نية؟ ومن يتق الله يجعل له مخرجا. أذكر أن والد صديق لي تعرض خلال التسعينات لموقف مشابه عندما أخذ بسيارته بحسن نية مجموعة من الطالبات من أمام جامعة عريقة كفضل ظهر ، وعندما ترجلت الأغلبية قامت اثنتين بتهديده بأنهما ستصرخان بعلو صوتهما استنجاداً من خاطفهما البرئ، إلا إذا سلمهما كل ما معه ، وقد فعل لعلمه أن المجتمع سيصدق البنتين ويكذبه مهما كان كبر (شخصيته) أو مظهره الوقور، ونجا بنفسه واسمه وسمعة أسرته، لكن مجتمع الطالبات المستفيدات من فضل الظهر خسرن واحداً من أكثر المتفاعلين مع الحديث الشريف دون انتظار لجزاء أو معروف. والله أعلم
كلام غير مقبول ولا يمت للمنطق باي حال . ايه يعني عصابات تبتز الشخصيات المهمة. ياسادة ريحوا اعصابنا شوية بعدين المهمين بتاعينكم ديل خلوهم يمشي دغري والمثل بقول امشي دغري يحتار فيك عدوك
الشخصيات دي اصلها عاملة شنو قدر دة لمن يبتزو فيها العصابات ؟؟؟ هنا مربط الفرس وبيت القصيد
(الفساااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااد ) وبس !
ديل في الحقيقة شخصيات صغيرة وضحلة ومريضة !! وليست شخصيات كبيرة كما جاء في الخبر !!!!!! دنيا سودانية في زمن البوم المغرد والبلبل الحزين !!!
انتو عارفين بيفتزوهم كيف اكيد بواسطة زوجاتهم واصلوبعضهم يامجكس يامعرس ومدبل ياسارق ومختلس واصلو لو ماعامل غلط ومورط والله مافى زول ببتزاه وانت لو ماشى دغرى خايف مالك وامشى عدل يحتار عدوك فيك
دا وراه كلام وليه بس الكبارات :eek: ديل عاملين عمايل
هو ناس العصاة ذاتا الواهم انو الناس ديييييييل عاملييين عمايل كبيررة كده منو !!! دا ماسؤال ذاتو
انا بفتكر انو فى مسئول بمدهم بالمعلومات اول باول ويقوم بتوجيههم .لانو حقيقة مافى اى تفسير ليها الا كدا .