دم الشباب مضروج كيف يستقيم الضُل مادام البلد معَوُج
كلمات: حسين شنقراي
كيف يستقيم الضُل
مادام البلد معَوُج
ريس يسيب الكل
يمشي يدخل لوج
وتَحِتْ القُلوب الذل
عصف الرياح الهوج
وتضيع يا البلد في ليل
مركب يشيلو الموج
——
واليوم علينا يطل
نائب رئيس أدروج
للشعب ضامر ذُل
راكب عليهو سروج
مهما يكل ويمل
ماراضي ليهو خروج
ما بهمو إيه ح يحل
طالما السكن في بروج
——-
حزنان عليك سودان
ضعت رحت التوج
حكموكا ديل كيزان
سرقوكا فوج في فوج
وأصحي الليلة يا إنسان
دم الشباب مضروج
وتزغرد عليو نسوان
خلطو الدماء بالروج
بلاد تتنفس البنبان
والدم بيسقي مروج
الليلة ليلة إسراء
والحرية تبقي عروج
يا ربي خلصنا من هؤلاء الكيزان خربوا علينا دينا و دنيانا
الله الله عليك يا حسين شنقراي يا شاعر يا فنان
يا عالي الاحساس
الليلة ليلة اسراء والحرية تبقى عروج