أبوقردة: تضارب «المصالح» وراء تعطيل تطبيق قانون مكافحة «التبغ»
الخرطوم: ابتهاج العريفي :
أكد البرنامج القومي لمكافحة التبغ تلوث سماء ولاية الخرطوم بدخان التبغ بنسبة 60% حسب آخر دراسة تم إجراؤها في العام 2011م في وقت أقر فيه بحر إدريس أبوقردة وزير الصحة الاتحادية بأن تضارب المصالح تسبب في تعطيل تطبيق قانون مكافحة التبغ، مشيراً للارتفاع المخيف في معدلات التعاطي خاصة وسط الإناث، وشدد أبوقردة خلال حديثه في اجتماع اللجنة العليا لبروتكول مكافحة الإتجار غير المشروع في منتجات التبغ أمس على ضرورة تفعيل دور المكافحة لتحسين الصحة العامة للمواطنين. من جانبه طالب عثمان عمر الشريف وزير التجارة بإعادة النظر في آليات المكافحة ووضع إجراءات جديدة لها فضلاً عن تجفيف منابع التبغ داخل السودان وسد طرق التهريب ووضع نهج ووسائل جديدة للمكافحة بعيداً عن الوعظ الديني، مؤكداً عزم وزارته محاربة ما أسماه العادة الضارة. وفي السياق كشف الدكتور أبو العباس الطيب وزير الصحة ونائب والي شمال دارفور عن انتشار مزارع التمباك والبنقو في ولايات دارفور، عاداً إياها من الزراعات والإتجار غير المشروع، مطالباً بإيجاد بدائل للأسر التي تعمل في هذه التجارة بجانب سن قوانين وتفعيلها للحد من الظاهرة. وانتقد الفاضل حاج سليمان رئيس لجنة العدل والتشريع بالبرلمان عدم الجدية وانعدام الإرادة الكافية والالتزام بتنفيذ القانون لمكافحة الظاهرة وحمل الدولة مسؤولية إنفاذه على الشركات وتطبيق العقوبات على الجهات المخالفة، منتقداً تراخي المجتمع وعدم جديته في المساهمة في أعمال المكافحة، مطالباً بتشريعات محلية تفصل أماكن بيعه عن الأماكن العامة وتحريم التعاطي في المكاتب الرسمية. وحذر أحمد عبد الرحمن عضو البرلمان ورئيس الجمعية السودانية لمكافحة التبغ من دخول منتجات التبغ للبلاد عبر التهريب، مشدداً على ضرورة إحكام السيطرة ومنع التسويات المالية وطالب المحليات بمنع الترخيص لمحلات بيع التبغ. وأقر العميد شرطة خليل باشا سايرين مدير إدارة التخطيط بالجمارك بازدياد معدلات تهريب التبغ نتيجة لزيادة الرسوم الجمركية المفروضة عليه، منوهاً إلى أنها وصلت إلى أكثر من 200%، مشيراً إلى وجود ضبطيات يومية للسجائر المهربة واعتبر السودان من أعلى الدول التي تفرض الضرائب والرسوم على التبغ ومنتجاته، كاشفاً عن اتجاه الجمارك على تطبيق دمغة للسجائر كوسيلة فعالة لمنع التهريب.
اخر لحظة
خلاص كل مشاكل السودان اتحلت و ما باقي الا السجائر و الصعوط و الشيشة صاح ولا أنا غلطان؟ عالم كرور
تضارب المصالح يا شيخ “قرده” هو اللي جابك في الكرسي ده بعد ما حصلت في التمرد زنازين الجنائيه الدوليه!! حد يجي من لاهاي ببراءه و يدخل في الخازوق ده!! صحيح انك قرده فعلا!!
تضارب المصالح تسبب في تعطيل تطبيق قانون مكافحة التبغ…..
البتكلم دة وزير سوداني وكلامه يعني بالدارجي كدة في ناس بتستفيد
من تجارة التبغ ناس عندها سلطة في البلد ما رضيانين بي القانون
بتاع المكافحة دة…
هذا هو السودان تاجر واحد كلمتو أكبر علي كلمة وزير الصحة ووزير التجارة
والوزير القال التصريح دة ما وزير دة(زير) وما فيهو موية كمان……
” لتحسين الصحة العامة للمواطنين”
من متين بقت صحة المواطنين مهمه ؟؟؟
انا اعتقد انو القرارات دي لي مصلحتهم هم…
بالنسبة للمسؤلين في الحكومه البتعاطو شتى انواع المحرمات ديل كيف ؟؟؟
يوما كربتيت ويوما عشانا ربيت ويوما نكتح التابا وعليها نبيت
يا أبو قردة بدل ما تضيع وقتك في منع الدخان والتمباك احسن تجتهد وتوفر الأدوية المنقذة للحياة وكذلك عدم بيع المستشفيات وان ترخص اسعار الدواء لكي يقدر كل انسان بسيط شراؤه بدلاً من الكلام الفارغ الما بجدي لي نتيجة تنفع بيها المواطن المغلوب على امره . يعنى خلاص وفرت كل الاحتياجات من الدواء وخفضت اسعار العلاج
يعني لما كان همباتي متمرد كان بطل ؟ ولما بقى مع الحكومة بقى ككو ؟؟؟ عيب يا خي طيب وخليل ابراهيم رحمه الله لما كان مع الحكومة كان ارزقي ولما بقى متمرد بقى بطل ؟؟؟ ومناوي كبير مساعدي الرئيس والليلة في الغابة يا خي فوقو من منامكم ديل سياسيين وهم في كل واد يهيمون ويقولون ما لا يفعلون كما هم الشعراء وفي الاهواء هم متقلبون وهموم الوطن ما محتاج غير معول وفاس وتعلم الناس الكتابة والحياة وحب الاخر ابدو من بيوتكم ومن اسركم (( ان الله لا يغيير ما بقوم حتى يغيرو ما بأنفسهم)) انسو حكاية جلابي وزرقاوي وحق الرصاصة اديه للمحتاج رغيفة وحباية دوا وهدمة يلبسها !! ما تبقى زي الحكومة مصانع سلاح ودوا مافي ويقول همهم المواطن ولا زي المتمردين تجار سلاح وحروب بالملايين ومناطق ” الهامش” عايزة هدمة وكسوة وعلاج وتعليم ؟؟؟ لا كون خليل ابراهيم دباب في الحكومة حلا مشاكل المواطن ولا موتو اسهام في حياة الناس ؟؟ وقس على ذلك على الحاج والنائب ثاني للبشير واركو مناوي وريك مشار وكاربينو كوانين وحسن الترابي واخيرا وليس اخراً المناضل العملاق صلاح قووش ؟؟؟ يتقلبون في اهوائهم ويتقلب الوطن في المواجع ويهتف الصفيقة ويهلل المهللون وتبقى المحن حتى يضع الانسان يده في رأسه ويعلم الكذبة الكبيرة كلنا في الهوى هامش وكلنا سودان واحد لاعروبتي زيادة على الاخر ولازرقتي قلة حيلة
التلوث ياجماعه ما من التبغ التلوث من القرنبعات والهكر والحديد الكورى والصينى وكل انواع السيارات الرخيصة الثمن اصبح البلد مجمع الحديد الخرده لماذا لايكون هنالك تلوث
الناس في شنو والحسانية في شنو!!! عليك الله اسه كمين بدخنوا والناس مالاقيه حق الاكل!! والعلاج!!! ات ماتشوف مشكلة الدواء الطاير والداير والعكدابي ومشكلة المشافي الواقع فيها حميدة تشريد وتكفيل مع الوالي!!!واراضيها الباعوها!!!فعلا الجماعة ديل مسكوك ضنب الككو!!!عشان ماتشوف حوليك قال سجاير قال!!!
ياخى ما نشرب سجاير ولا نشرب بنقو زاتو انتو مالكم بلا ابو قرده بلا ابو حمار بلد تقرف
الا التمباك دا خط احمر
كدى كافحوا لينا البعوض والضبان والجراد الكبس