وزير المالية: كرم الله غاضب بسبب 25 سيارة
كشف وزير المالية علي محمود عبد الرسول عن رفض وزارته منح والي القضارف كرم الله عباس 25 عربة دستورية طالب بها الوالي ما قاد لتفجير الأزمة الأخيرة بينهما. وقال محمود لـ “الأحداث” أمس إن الوزارة لاتمول الولايات بالسيارات، فضلاً عن عدم مواتاة الوضع المالي للصرف على بند من تلك الشاكلة. وأكد أن وزارة المالية حولت كل مستحقات ولاية القضارف المالية بينما تجري عمليات تنمية واسعة بتشييد سدي ستيت وعطبرة والذي يقع الجزء الأكبر منهما بولاية القضارف. وأكد الوزير توفير تمويل مبلغ 50 مليون دولار لصالح مشروع المياه بالقضارف، إلى ذلك فشل الوفد الذي بعث به المؤتمر الوطني إلى القضارف في تسوية الأزمة مع واليها الذي حل حكومته أمس الأول ولوّح بالتمرد على المركز. وعلمت “الأحداث” من مصادر مطلعة بأن الوفد الذي رأسه الشريف أحمد عمر بدر اصطحب كرم الله في رحلة العودة ليلتقي القيادة السياسية للحزب، ودخل فور وصوله في اجتماع مطول مع قطاع التنظيم بالحزب. وأكدت المصادر أن الوفد ضم أيضاً رئيس المجلس التشريعي لولاية القضارف محمد الطيب بشير.
الاحداث
خلونا من الكلام ده كلوووو… الشريف بدر ده قاعد لي يوم الليلة بيعمل في شنو؟… ووينو الفساد بتاعو؟… ووينها أخبار القبض عليهو… في النهاية يظهر عاااااادي كده… بل يكون رئيس وفد من المركز لولاية؟.
لا حول ولا قوة إلا بالله.
والله يا سيادة الوزير انى مفروض يكون عندك عصا فى المكتب و ولايه القضارف اليوم افضل من امس للاسف الشديد الواحد ما فاهم والى القضارف ده عايز يصل لشنو يظهر علية على طول فى طلبات و نوعية الولاء ديا لازم يحصل فلتريش لهم يعنى تنظيف لعقولهم وبالمناسبة الحرامى بيتخل له الناس كلهم حراميه عشان كدى افضل شى تعطوا الولاء ديل ماده تثقيفية وفى معاهد مختصة فى هذا المجال وفى استاذه سودانين وعرب يمكن بعد اعقول تستنير تعم الفائدة للجميع وخاصة هذا الشعب المغلوب على امره والله نحن فى السودان الى مثل هذه المعاهد للتنوير للكل
الله يكون فى عون السودان واهل السودان ….
لو افترضنا الموضوع 25 عربية وبس . طيب العربات دي ح يركبا براهو ؟؟؟ ياخى الناس دي بيتعلقوا فى اقرب كضبه ودايماً تكون من عيوبهم .
ثانياً سدي ستيت وعطبرة لو بتعرف جغرافيا ديل تابعين لولاية كسلا ولم يكتمل العمل بهما حتى الآن.
وهل سيلبي المركز طلبات السيسي الذى حذر بفجوة غذائية بدارفور ..ام ان السيسي سيلتحق بكل من مسار وكرم الله والي القضارف ؟؟
الان علمتم ان الحكومة هذه عبارة عن عصابة لصوص تتحكم فى مواردها واموالها وهى جالسة فى الخرطوم تعطى من تشاء وتمنع من تشاء . الله يكون فى عونك ياوطن ديل الكيزان والله لا دين ولا اخلاق لهم رجال ثروة ودولار فقط .
كلهم حرامية لا هذا ولا ذاك علي هو علي محمود ولا علي بن الخطاب الناس بيخفو منو كده
25 عربيه يوديها وين
يلا اختلفوا يا لصوص..عشان يظهر المسروق!
كلامك دا غش بيه زول ما عندو حديدة
متابعين والشعب السوداني متابع
الجماعة قالوا ليك قول كدا اعمل حسابك ان القوم ياتمرون بك لاخراجك من المدينة
وانت في النهاية مغفل نافع
كلو زي بعض ولكن شكل الوزير ده ما بعرف السودان سد ستيت وعطبرة ما في القضارف
اقرب شماعة وعلقوا فيها الكيزان ديل اكبر كذابين
25 سيارة عايز يعمل معرض سيارات؟؟
معلومه سليمة رغم أنها من زول لايقل سوءا. بعدين اضيف معلومة عن كرم الله البتدعي النزاهة انو طالب سرا وعلنا بتطبيع مع أسرائيل بل وقال لو المركز ماوافق بعمل توأمة بين القضارف والكيان.فأنتبهو وأعرفو جبدا من تنتخبون يأهل القضارف الشرفاء. ملحوظه : أتمني من شيخ علي + عبد الرحيم + المتعافي ان يقدموا استقالاتهم ايضا لأن فسادهم يزكم الانوف وليس كرم الله وحده.الله ينتقم من كل من اكل مال الشعب الفقير الصابر.
الكاريكاتير قالوا عليه ناكل مما نعوس هو وينو العيش البعوسوه ياهو الاختفى من صومعة القضارف وحصل خط هيثرو ولا عيش يا حمار ؟
ربنا يسهل ولكن الوطن فى ورطةعلى خلفية صراع كبار القادة الذين يفترض فيهم القدوة الحسنة