مستشار رئيس الجمهورية : البشير (سبورة) يكتب عليها الآخرون..ويكيليكس نقلاً عن د. منصور خالد مخاطباً فرنانديز: انتم (تنبحون) لكنكم لا (تعضون) !!

يا له من تشبيه بليغ عجيب أيها العالم الجليل الدكتور منصور خالد، إنه إبلغ تشبيه للبشير (سبورة يكتب عليها الآخرون فيقوم ويرقص ويهزي بما كتب عليه، ثم يدخل مكتبه فيأتي آخرون يمحون ما كتب عليه قبلهم ويكتبون ما يروق لهم، فيخرج البشير مرة أخرى ويهرف بما سمع وحفظ) وهكذا دواليك من أقوال وأفعال وقرارات متناقضة ومتشاترة وهراء في الهواء لا يتعبها تطبيق أو متابعة أو تنفيذ.
صدق الدكتور منصور كذلك في تحليله للرجال حول السبورة، مثل على عثمان لو وجد الفرصة لربما تغيرت مجريات الأمور. ونافع الذي لا ينفع لشئ في هذه الأرض بل هو فاسد وضار.
لك الله يا منصور.. لماذا لا تنشر هذه التحليلات حتى يطلع عليها الشعب السوداني، فعسى أن ينتفع بها في تقييم الواقع والتخطيط للمستقبل.

لا فض فوك يادكتور انه وصف تصويرى حقيقى وافعلا انها عصابه اقليه تتحكم فى مصير البلد ومن غضب الله علينا انهم مشكلين من جميع الاشكال القذرة من ثعلب محاور يجيد المناوره بشتى الطرق الصالح منها والطالح الى حاقد متكلس جاهل مخه فارغ الى نكره وجد نفسه قاب قوسين من الكرسى فما صدق نفسه مستعد يحرق الدنيا للوصول للكرسى الى مجموعة امنجيه لا يفهمون الا لغة التعذيب والبطش
فعلا انها (أولغاريه) بس من اسوء الانواع

شخبط شخابيط لخبط لخابيط مسك الالوان ورسم عل الحيط …. ايوة هسي فهمت البشير ليه ماعايز الاطفال يسمعو نانسي عجرم !!!! طلع سبورة

يا جماعة انا حاخلي الحقايق الجابها منصور دي ما دايرة كلام بس داير اثبت حاجة بوضح صحة وثائق وكليس يعنى اى وثيقة بتتحدث بلغة الزول الجاية علي لسانه ما ممكن فيرندز دا يتغمص لسان كل زول الا يكون روحاني …. اه يا ناس الحكومة الزول دا بكتب حقايق ولا هو روحاني احسن تكون الاولي عشان لو بقت التانية اكيد بكون عمل فيكم جنس عمايل

نعم صدق منصور خالد وهو خبير سياسي ماولدت نساء السودان من في مثل ذكاءه وصدقني حدثي ان على عثمان يود لو يفعل شيئا جيدا للسودان لذا اني اسميه زعيم الجناح الاصلاحي في الحزب واظن ان لو الامر بيده لكان السودان شيئا اخر ولكني للاسف سمعت ان بعض اهله منشغلون كباقي اهل الحزب في جمع المال والسلطه وليسو مثله واظن ان اهله هؤلاء هم سيكونون نقطته السوداء وعقبته من الجماهير واني اراه افضل من قادة المعارضه الضعفاء لقيادة البلاد باستراتيجيات جديده واتمنى ان يخرج على الظالمين وينتشل البلاد من مأزقهم ومن تحت ايديهم علنا نتحاشى ارقة الدماء ان جاءت ثوره من خارج الحكومه وهذا هو الحل السلمي الوحيد فثورة الشعب قد تهلكه فأني ارى اعين الشر داخل الحكومه مرتقبه وقد يقتل الكثيرون ان لم يباد الشعب فانهم يخافون على سلطتهم ومالهم خوفا رهيبا

والله الذى لا اله غيره السودان ما يستقر و يتطور و يفرز قيادات عظيمة الا فى ظل الحرية و الديمقراطية الكاملة الدسم(الهند كمثال) اما الديكتاتورية او الشمولية والله مهما كان قوة امنها و جيشها و ذكاء قادتها و فلوسها ما تطور البلد ولا يستقر نظام حكمها حتى و لو طال امد هذا الحكم(الاتحاد السوفيتى كمثال) و الكلام ده ما خيالى او نظرى بل كلام علمى و مجرب و اهو قدام عيونكم!! يبقى الما عايز حرية و ديمقراطية و عايز يحكم البلد حسب برنامجه او فكره او مفهومه ده معناتو انه ما عايز استقرار او وحدة او تطور البلد (الانقاذ كمثال) و الاستنتاج ده ما داير ليه ذكاء و لا درس عصر !! و بلد زى السودان ده بتنوع اعراقه و دياناته ما يصلح له الا الحكم الحر الديمقراطى و لو كره الاسلامويون!!! كسرة: سؤال انتو بتدفعوا ضرايب و زكاة و جبايات للحكومة دى عشان تعمل ليكم بيها شنو؟؟؟!!! سجن سجن و اكان ما كفت السجون خليهم يوقفوا الدورى الممتاز و يختوا الناس فى الاستادات الرياضية!! اها و بعدين؟؟؟؟!!!

دكتور ومسشار عسكري