أخبار السودان
معتمد الخرطوم يجهش بالبكاء بموقف “شروني”
الخرطوم: مزدلفة دكام
أجهش معتمد الخرطوم اللواء عمر نمر بالبكاء أثناء مخاطبته حفلاً لتدشين موقف “شروني” الجديد بوسط الخرطوم – واختنق نمر بالعبرة، واضطر لقطع حديثه ليمنع دموعه من النزول. وقال نمر بكلمات مؤثرة إن الشعب السوداني يتستحق العمل لأجله. وتعهّد نمر بوقف بناء محال تجارية حول الموقف الجديد. وزاد: “حتى لوكانت صيدلية”. ووعد بالمضي قدماً لمحاربة الظواهر السالبة ابتداءً بحي الصحافة على غرار ماحدث بالديوم.
في المقابل، قطع والي الخرطوم د. عبدالرحمن الخضر، بعدم التفاوض مع المتمردين. وقال بلهجة حاسمة: “القوة حنقابلها بالقوة”. وأضاف الوالي أن الحكومة لن تقبل الدخول في مفاوضات تحت الضغط. وبشأن ما حدث في شمال كردفان، أكد أن السودان بلد واحد، وأي مكروه يقع بمنطقة يؤذي الأخريات.
لم اجد تفسيرا لظاهرة البكاء وانهمار الدموع لدى العديد من قادة الانقاذ سوى تفسيرا واحدا وهو يتمثل فى فقدان الحجة والبلاغة فى اقناع الشعب السودانى ، وبعد ان ضرب الافلاس المالى ميزانية الدولة وانكشاف الحيل وزيف الشعارات التى تردد مثل هى لله هى لله لم يجد اولئك القوم سوى استدرار عطف الناس وكسبهم بالنواح والبكاء
يعنى من المفروض ياعبدالرحمن الخضر بعد الحصل فى امروابة تاخد ليك سفرة انت والاولاد للراحة والاستجمام قبل ان تهاجم العاصمة والمعتمد البكاى ده امكن يكون عندو مشكلة خاصة او حاجة او لاهف ليهو حاجة كبيرة او تكون اللاندكروزر محتاجة لتغيير من اجل المواطن وكدة
“أجهش معتمد الخرطوم اللواء عمر نمر بالبكاء أثناء مخاطبته حفلاً لتدشين موقف “شروني” الجديد بوسط الخرطوم”
تبكى يافارة؟ اكيد بكون اتذكر بيتو بالسكة حديد والحتة الكان بيلعب فيها وهو شافع
بنهديه بالمناسبة دى اغنية المرحوم مصفى سيداحمد:
” غدار دموعك مابتنفع لزول حواسو اتحجرت”
قشاش الدموع
دموع التماسيح
والبخلي يبكي شنو ؟ هو دا موقف ولا مطار ، صدق اللي قال شر البلية مايضحك !!
وهل كنت عصى الدمع شيمتك الصبر … حين قتل طالب الثانوى بام دوم؟
مالى ارى البشير فى احدى الصور يبكى ووزير الدفاع بالنظر يبكى والبروف دكتور نقابى عندور يبكى …….رحم الله ولادة بنت المستكفي الشاعرة الاميرة القائلة :-
ابكوا مثل النساء ملكاً(سودانا) مضاعاً **** لم تحافظوا عليه مثل الرجال
طالما غلبتكم الحيلة وجافاكم المنطق حقو تعملوا بكا جماعي بالسكليب والحي وووووب وضرضير الرماد على الرؤوس والبسوا تياب القنجة وأشربوا الشاي بالقرفة امكن الشعب يحن عليكم
حتبكي وبكره تضحك علينا وتاجروا كلو ومايفضل مكان لي بص يقيف!!وصاحبك الخضر المضر يشتري كل الدكاكين!!! ذي موقف جاكسون المهبب العملو الله لايعافيه المتعافي!! وبعدين لو كت بتقيف مع المواطن في الحر كان بكيت دم!!! وله لو شفت الجري ورا البصات والهوايس البتتمني وتزيد في التذاكر وتذل المواطن كان مش بكيت كان دفنت نفس حي!!! بدل ماترسل العسعس يضربوا الناس كلما احتجوا علي عدم وجود مواصلات واتكدسوا في الموقف لساعات!! قال يبكي قال!!
عليك الله بطل النفاق ووفر دميعاتك لي حاجة تستحق
بكرة كالعادة بتختفي الحافلات من موقفك دا و يبقى اسمه شروني ( بتشديد الراء ) اي تم شري في انتظار الحافلة
الجاهل الذي قتل حبيبته وجلس قرب جثتها يبكيها
في المقابل، قطع والي الخرطوم د. عبدالرحمن الخضر، بعدم التفاوض مع المتمردين. وقال بلهجة حاسمة: “القوة حنقابلها بالقوة”. وأضاف الوالي أن الحكومة لن تقبل الدخول في مفاوضات تحت الضغط. وبشأن ما حدث في شمال كردفان، أكد أن السودان بلد واحد، وأي مكروه يقع بمنطقة يؤذي الأخريات.
تعليق:
الناس ديل بقو يهضربوا من شبح الحركة الشعبية، الواحد فيهم بمناسبة أو بدون مناسبة يخلي الموضوع الجي من أجله ويقنب يهضرب بهكذا الكلام الفارغ، شهر مايو مواعيد المحادثات القادمة وكدا نشوف صحة كلامك دا يا والي الخرطوم الجعيص، شراط 1000000 دولار حتتخلوا عن هذه الممانعة وتركضوا إلى المفاوضات في مواعيدها صاغرين لأنكم لا تملكون إرادة الرفض يا أهبل.
هذه دموع التماسيح لماذا لم يبكى علي اغلاق مستشفي الاطفال ولماذا لايبكي علي موت الموطنين منعدم توفر الدواء اقول له ان البكاء لا يسمن ولا يقني من جوع وكفاكم خداع .،يمكن بكا عشان كان عايز قطعة ارض الموقف يعملها مستشفي خاص؟؟؟؟؟؟
الناس جعانة عينها طالع … و التمساح ده بيغش وبيبكي!!
كذاب ومنافق مافي شك
مسرحية على الهوة .. بطولة النمر اٍحراج عبد الرحمن الخضر .. ما تستعجل ح تبكي جد قريب
@@@ الرجال مواقف .
@@@ الحقائق لا تُعالج بالدموع والعواطف .
@@@ الدموع اليومين دى ليس الا عرابين محبة للطوفان القادم .
@@@ صدق القول بأن من يضحك كثيرا يبكى أخيرا .
والمواقف القديمة تباع لمن ؟؟؟؟؟
ما السبب الذي يبكي هذا الرجل ؟؟؟؟
مسرحية رخيصة ووسخه ,, هل تعتقد ستجد من يصدقك ؟؟
دموع تماسيح ..
بسم الله يا ناس اتقوا ربكم هذا لايعلمه الا عالم الغيب والشهادة حرام عليكم تاكل في لحوم الناس بالباطل وانت لو صح عندكم غيرة علي السودان والبلد كلووا دافعوا عن ارضكم وعرضكم كفاية خراب للبلد كلو بسبكم دخلتوا اسرائيل وامريكا وخربتو السودان بنقدكم البغيض والانسان لو صح عندو غيرة علي السودان امشوا هناك وتكلموا وقلوا الحقيقة توحدوا انزلوا انتخابات اتحدوا من اجل البلد كلوا وليس قبيلة او جهوية والله العظيم والله العظيم بسببكم دمرتوا البلد ونقدكم الغير نافع لكل انسان وعرفتو الزول دا كيف دموع تماسيح خافو ربكم واتحدي اي انسان لو بعرفو او بعرف عنو شئ او غلط وعشان كدة بتحطمو الناس العندهم همة للسودان حاسبوا انفسكم قبل انا تحاسبوا سوداني اصيل ودبلد اصيل ليس انتمي سياسي خالص مخلص واخلص للسودان بس دمت يا سودان وطني وفخري وعزتي مهما جار علييييك الزمن