أخبار مختارة

حمدوك يحتجب عن مقابلة موكب و”ثوار” يرفضون تسليم “البوشي” مذكرة

الخرطوم : أروى بابكر

 إحتجب رئيس الوزراء د. عبدالله حمدوك, عن مقابلة الثوار والحديث إليهم أمام مجلس الوزراء.

ووصل موكب للمجلس في الواحدة ظهراً بالتوقيت المحلي, الإثنين, لتسليم مذكرة بشأن أزمة المواصلات لحمدوك.

وأجمع الموكب على تسليم المذكرة لحمدوك شخصياً, وشهدت اللحظات التالية عملية انتظار لخروج حمدوك بيد أنها لم تتم.

وقال الحارس الشخصي لرئيس الوزراء, من خلف السور الخاص بالمجلس, ان حمدوك لديه جدول اعمال محدد لا يخرج عنه، وأضاف:”اذا أردتم أن تقابلوه عليكم بتحديد موعد من قبل”.

وفي تلك الأثناء رفض الثوار مقابلة وتسليم وزيرة الشباب والرياضة ولاء البوشي المذكرة, وأنطلقت في اعقاب ذلك هتافات تطالب بحضور حمدوك شخصياً لتسلم المذكرة.

وقال احد الثوار لـ(الراكوبة) أن تلك هى المرة الثالثة التى ياتون فيها بمذكرة لمقابلة حمدوك ويقابلنا بالرفض.

واوضح ان هنالك مذكرات سلمت إليه ولم يأت رد بشأنها حتى الان.

‫19 تعليقات

  1. انتم حمدوك مفكرين سوف يحل كل مشاكل البلد لو الواحد عتر له حجر في الشارع صار يقول ياحمدوك. فوضي وفهم خاطئ للحرية وليس هناك أولويات فوضي عارمةوكل واحد هو الفاكر نفسه الصاح. ياعالم نفكر مابعد الاحتكار للسطلة. كيف نتتج . ونصحيح المسار. الهلع امتلكنا.

    1. الحمد لله رب العالمين ما بنسف التراب …حتي لو حمدوك رفض يقابلنا فهو افضل من ذلك النظام الساقط البائيس الشرير الذي اوردنا موارد التهلكة خلال ثلاثونا عاما

  2. حمدوك ليس لديه عصا سحرية
    عفن 30 عام لا يمكن أن يصحح في ثلاثة أشهر.
    طيب المطالبات دي ليه ما قدمتوها للبشير قبل السقوط
    ولا ……………………………….

    1. ههههههههههههههههههههه….مش محمد مصطفي عبدالقادر قال ليكم لو اتكلمنا بقبضونا!!!

  3. يا ناس انتوا فاكرين حمدوك معاه عصا موسي هو اللي ح يعمل كل شي ليه ما تسلموا المذكره لصاحب الاختصاص وزير النقل هو دا شغله ما شغل حمدوك اعطوا الراجل وقت يشتغل وحتى الثوار بيدأوا يشتغلوا خلاص الوقت وقت عمل ما كل يوم موكب كل يوم وقفه احتجاجية كل يوم لازم عمل كل يوم لازم انجاز من جانب الثوار نظموا عاصمتنا وخلوها تشبه عواصم العالم زينوها نطفوها اكنسوها من التراب ومخلفات المباني كل واحد علي حسب طاقته وكل واحد علي حسب تخصصه ما كلوشئ الحكومه مسؤولة عنها برضه في مسؤولية تخص الثوار ومسؤولية كبيره

  4. كون نمشي مجلس ونقدم مذكرة لرئيس الحكومة بكل هذه الاريحية دون ان يتعرض احد للضرب والبمبان والاعتقال والقتل بالذخيرة الحية , حتي لو اعتذر عن المقابلة وارسل وزير ينوب عنه لاستلامالمذكرة هذا في حد ذاته ظاهرة صحية ومؤشر جيد يبشر لميلاد اجواء الحرية والانعتاق من عبودية الجبهة الاسلامية

  5. بجد نحن شعب متخلف جدا؟ حمدوك هايعمل لييكم شنو؟ا نتوا قايليين حمدوك يحلل ليكم مشاكلكم في ساعة؟احمدو الله؟ هسي واحد فيكم كان بيقدر يفتح خمشوفي زمن البشير وحركاتكم؟ كان اكلتو الهواء بمجئكم امام رئاسة الوزراء ودا لو وصلتوه اصلا؟ للللحرية حدود وليس فوضي؟؟؟؟؟ اجبرو حمدوك ليترك ليكم وزارتكم واعطو الكيزان فرصة تانية علشان يجو يضبحوكم ذي الخراف في ابوجنذير؟ والله والله لو جوكم الكيزان ستظلو سسامتين كالحجارة؟ اصلا نحن شعب متخلفف وحتي الفاهمين منا يطبلون لراعي حمير ورئسهم السيادي ويجي واحد يقول انا بر فسور؟

  6. اتركوا الرجل يعمل ولا تشوشوا عليه الرجل يقع عليه حمل 30سنة
    ساعدوه بإرسال رسائل إلى بريده وإدارة مكتبه إن كان لابد

  7. اتركوا الرجل يعمل ولا تشوشوا عليه الرجل يقع عليه حمل 30سنة
    ساعدوه بإرسال رسائل إلى بريده وإدارة مكتبه إن كان لابد وكفوا عن العبث والإزعاااااج

  8. هذا ما كنا نخشاه ان يتحول الشعب من القبضة الامنية والقمع والتنكيل لحياة الفوضى والتسيب وتعطيل عمل الحكومة حاجة واحدة احب اقولها ليكم حمدوك ده ما فاضى لسخافاتكم دي عندو مشاكل اكبر من تحمل اي بشر دايرين تعملوا الفوضى دي الزول ده بكره بمشي بخليها ليكم وهو لا محتاج لوزارتكم دي ولا لي نقتكم الكثيرة دي الراجل عمرو كله عايش في نعيم بره السودان وما ناقصو شي لكن تلبية لنداء الوطن جاء ليقدم لوطنه كما قدم الشهداء دايرين تجوطو الحكاية وتعملو فوضى بكرة بمشي يخليكم ولعلكم حمدوك ده هو الواجهة العالمية الوحيده للسودان في الخارج يومو البمشي حترجعوا تاني للعزلة والحصار العالمي الكنتو فيهو 30 سنة فبالله عليكم خليكم ناس واعيين وبطلوا حركات الاطفال دي

  9. يا أخوانا كل الحلول الممكنة موكلة لأشخاص لانشك فى كفءتهم فلابدمن التنسيق والعمل مع تلك الجهات دون الثورات والإحتجاجات وإضافة أعباء يمكن تسبب إشكليات أخرى فالناس تتحلى بالصبر قالصبر ياتى بالخير

  10. دلدوك رئيس وزراء امارة السودان من حقة الاحتجاب عن الشعب السوداني العظيم فهو رئيس وزراء امارة السودان وليس جمهورية السودان

  11. مشكلة المواصلات ولائيه وليست قوميه.المفروض تمشوا الولايه ما ممكن حمدوك يمشى يقابل كل مظاهره متين بيحل ليكم مشاكل السودان

  12. مذكرة بشأن أزمة مواصلات
    مذكرة بشأن أزمة بنزين
    مذكرة بشأن أزمة رغيف
    مذكرة بشأن أزمة غاز
    مذكرة بشأن رصف الشوارع و عمل مجاري
    دحين يا أروي بنت بابكر ما بتخجلي تقولي علي المهابيل ديل ثوار ؟؟؟
    رسالة لرافعي المذكرات نص كم
    برضوا مافي إنتخابات مبكرة ، لعبتكم مكشوفة .

  13. السلام عليكم اخواني واخواتي
    والله العظيم حرام عليكم كل حاجة تتجمعوا وتشيلوا مذكرة بسبب وبدون سبب ياجماعة احسن نجمع ونصلح وننضف بلدنا ونحاول نرفع من شأنها قدام الدول الأخرى.
    سبحان الله الدولة المعتبرة والمعروفة انهاء سلة غذاء العالم أهلها جعانين ما بسبب المطر ولا الاراضي الحمدلله ربنا نعم علينا برزق نحسد عليه لكن المؤسف بسبب كسل أهلها والاتكالية العايشين فيها والله بتاسف أقول كده لكن دي الحقيقة التي لابد من تغييرها اعملوا واشتغلوا وفكروا انتو كيف تحلوا المشاكل ماتخلو اي مشكلة يحلها ليكم شخص تاني.

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..