يا وزير الدفاع، لا اسكت الله لك حسآ: ماحكاية مطار “حميدتي” الحربي؟!!

والله مبسوط جدا منك يا حميدتى عارف السبب ولا ما عارفو؟؟؟ السبب بسيط جدا لأنك بقيت تفكر خارج الصندوق ، والله من يوم الاستقلال اللى قالو انو كان 1956م لغاية يومنا دا مصدر الفعل والخبر كان الخرطوم فلان قام ..علان طار.. … يا اخى الميدا اللى ما تستحى كانت تنقل لينا رقيص البشير على الهوا وناس يموتوا في كجبار وجبال النوبة والنيل الأزرق ودارفور دييييك خليها يوم بالغلط ما جابوا خبرهم.. كويش انك ياحميدتى كشكشت ضنب القرد عشان يلعب شوية… الإعلام كان متجاهل الأطراف خالص .. لكنك ياحميدتى بقيت اليوم محور الاخبار والإهتما والله لو كحة ساكت الإعلام بسال يا جماعة الحاصل شنو ؟ والله لو سكت خالص برضو ما بيخلوك الراجل ساكت ليه ويزيدوا عليهو انك راقد على راى. ههههه

وزير الدفاع لم يصدر بياناً بالنفي او بالإيجاب ليه ؟؟
لان الخبر لا يستحق الرد عليه ، وما هو الا مجرد فبركات و اخبار مدسوسة من جملة الاخبار الاسفيرية التي يقوم بدسهّا بعض اعداء الثورة من (النظام البائد) وبعض الجهلاء والمدعّين وحتى بعض احزاب (قحت) لإرباك موقف الحكومة للاسف .
بالله كيف تسمح القوات المسلحة لقوات (غير قواتها ) ان تشيّد مطارات حربية خاصة بها .. ثم تنتظر طائرات هذه الجهه لتُغير عليها في مواقعها وتدّمر مطاراتها الحربيه وطائراتها وهي تنظر ..
القوات المسلحة السودانية ليست هي البرهان فقط او اللجنة الامنية السابقة ، ده لو اعتبرنا انهم هم المتحالفين الآن مع حميدتي وهم الذين (اتوا) بالدعم السريع وقربّوه واقحموه في المعادلة .
هذه اخبار مدسوسة و مفبركة يجب ان لا تفوت او تنطلي علينا ، وقد اوردتها الراكوبة كمصدر وناقل و كخبر متداول وهذا دور الاعلام (الطرح) ولها العذر .
و لقد إتضّح في الفترة الاخيرة ان الكثير من تصريحات وبيانات احزاب قحت وكذلك تجمع المهنيين وقياداتها حتى (حميدتي) نفسه قد تم تحويرها و الإضافة عليها وان الكثير من الاخبار قد تّم لوي عنقها ..
والهدف ارباك الموقف و الطعن في شرعية ومصداقية وقدرة حكومة الثورة .

# يا ثوار ديسمبر .. يا صنّاع المستحيل
احرسوا ثورتكم من الفبركات و المدسوس من الاخبار فهي اكبر خطراً من الكيزان نفسهم على الثوره وعلى البلد .