مصطفى عثمان إسماعيل : المريخ قدم السودان بشكل جيد أمام العالم
من المنتظر أن تعود إلى الخرطوم غدٍ الاحد قادمة من الدوحة القطرية ،بعثة الشرف التي لحقت بالمريخ وتابعت تفاصيل المباراة الودية المهمة التي جمعت الأحمر ببطل العالم البافاري بايرن ميونيخ الخميس الماضي، وكما هو معروف فإن البعثة قادها رئيس النادي الحالي جمال الوالي والرئيس السابق محمد إلياس محجوب.
ومن جهة اخري أكد د. مصطفى عثمان إسماعيل، رئيس مجلس الشرف المريخي أن مباراة المريخ وبايرن ميونيخ الألماني الودية قد حققت عدة مكاسب للسودان.
وقال وزير الاستثمار بالسودان في تصريح لموقع نادي المريخ الرسمي اليوم السبت، إن المباراة قد عرّفت بالكرة السودانية وقدمتها إلى الكرة العالمية من خلال عرض مشرف قدمه لاعبو المريخ امام ابطال العالم، كما أن المباراة قد نقلت حديث وكالات الأنباء العالمية عن السودان في أشياء أخرى غير السياسة والأزمات وهو الأمر الذي كان يتم تداوله بشكل مستمر، والآن الحديث عن السودان يتم من بوابة الرياضية ومواجهة فريق سوداني لأفضل فريق في العالم حاليًا بل وتقديمه لمستوى نال الإشادة.
وقال اسماعيل إن المباراة قد وحدت الشعب السوداني بكل أطيافه وتعدداته، فاستاد جاسم بن حمد بنادي السد قد شهد برلمانًا سودانيًا بوجود جميع ألوان الطيف السياسي السوداني جنبًا إلى جنب خلف المريخ وخلف الكرة السودانية، بل وخلف السودان في المقام الأول.
كووورة
والثمن مليون ومائتان الف دولار .. لكي يظهر السودان لكل العالم
السودانيين من غير الكورة واقفين بقوة خلف بلدهم وشايلنها في حدقات العيون الدور والباقي عليكم انتو
اعتقد أنو المريخ حسب كلام مصطفي اسماعيل فاز على بايرن ميونخ 2 صفر؟؟ مش كدا يا شباب ؟؟ اصلا ما شفت المباراة
يا دكتور ده ما مشروع استثماري يحتاج للدعاية والتسويق فوق لنفسك وأخد ليك نفس طويل
هو العالم شاف هذه المباراة وهل هناك مباراة يلعب فيها فريق بعشرين لاعب القصة يا طفل الانابيب انو جمال الوالى عمل كرامة صرف فيها 11 مليار من اموال لبن اكفالنا بمناسبة ذهاب نافع لانو كان مقرضها عليهم شديد وما حكاية التقشف واستقالة جمال الا خير دليل ولو تكرمت يا سوزير الهنا السابق عدد لينا واحدة من هذه الصور الطيبة التى رسمها المريخ للعالم
هههههه .. الطفل المعجزة قال أن المباراة قدمت السودان للعالم من خلال العرض المشرف الذي قدمه مريخ الكيزان .. هههه .. وحقاً شر البلية ما يضحك .. الزول ده إلا كان شاف كورو تانية غير (العك) الذي تابعناه .. وما قدمه المريخ هو فعلاً الوجه (المقرف) للسودان في عهدكم لا المُشرّف .. فطوال التسعين الدقيقة وزمن شوطي المباراة المضافين مارس لاعبي المريخ (الخندقة) و(شتيت) الكورة وتطفيشها إلي جانب العتف القانوني وغير القانوني والسقوط علي الأرض حنى لو (هبشهم) منديل ورق ، وطوال الساعة ونصفها لم يفتح الله بهجمة منظمة على مرمى البافاري ولم نر حارسه اللهم إلاّ يعد إرجاع الكرة له بواسطة زملائه اللاعبين لإشراكه في (المران الدلاري) ، وكل الوجه (المقرف) لكورة مريخ الكيزان شكّلته كرة وحيدة صوبها اللاعب عنكمبة (أي كلام)!!.
مسطول (واعي) و(عاقل) قال كورة المريخ والبايرن إنتهت 2/2 .. قالوا ليهو كيف والفريق الألماني غالب بقونين؟ ردّ قائلاً: ما شفتو لعيبة المريخ ساكّين الألمان عشان يبادلوهم الفنائل كلهم رفضوا إلاّ إنتين!! .. قال وجه مشرق قال!!.
الدخلك شنو في الكورة ؟؟ ومن زمان كنت وين ؟. وما عﻻقة اﻻستثمار بالكورة ؟؟؟؟ اذهب ومن معك في ستين داهية .. انا هﻻﻻبي وواقف مع المريخ في اي مباراة خارجية مش محتاجين ليك وامثالك لكي تشيد بمواقفنا والوقوف من خلف هذا الفريق او ذاك .. لعنة الله عليكم في الدنيا واﻻخرة . تكلم عن المعيشه في السودان وعن الغﻻء الذي يعاني منه شعبك وعن اموال البترول وغيره أين ذهبت وتبعثرت ؟؟؟؟ وبعدها عود وتحدث عن الرياضة ….
المريخ قدم للسودان ولكن ماذا قدمت انت للسودان غير الفشل والضياع
يعني الاستثمار انه البلد تدفع مليون دولار عشان فريق الحكومه المدلل يلعب مع البايرن ويظهر للعالم
ونعم الاستثمار باشحاد انت والحرامي الوالي
غايتو الكوره دي اظهرت الوجه الاخر لنظرية امسح اكسح في حروب الانقاذ والذي انعكس في جوز بله جابر
هو الوجه الحسن للسودان حايجي من وين في عهدكم يا ابوجه زي المركوب المفطس
“وقال وزير الاستثمار بالسودان في تصريح لموقع نادي المريخ الرسمي اليوم السبت، إن المباراة قد عرّفت بالكرة السودانية وقدمتها إلى الكرة العالمية من خلال عرض مشرف قدمه لاعبو المريخ امام ابطال العالم، كما أن المباراة قد نقلت حديث وكالات الأنباء العالمية عن السودان في أشياء أخرى غير السياسة والأزمات ”
صدقت والله ايها المستشار، الكورة قدمت ما لم تقدمه انت فى مجلس الصداقة الشعبية ولا فى موقعك كوزير للخارجية …