(الهناي)..!!

ما عندك موضوع اليوم ياهينآآى.اسمح لى يعنى

زمان في مدني الهناي ده معناهو هناي واخيرا تعددت الاسماء
ولكن لكل جيل الفاظ يتم تداولها وانا من المعحبين بلغة الرندوك اي لغة اولاد الشارع فهي تعكس حال المجتمع وما يمر به من شد وجذب لكن عموما موضوع جميل منعش في لحظات محبطة زي كباية شاي بنعناع في وقت ضنك وبؤس
شكرا يا هناي

اقول شنو يا هناى

هو الهناى دى القالو الريس هناى دا يفهمو كيف يا هناى هههههههههههههه

الناس في شنو وصلاح عووضه في شنو ياخي انا بحب كتاباتك لكن بقيت تكتب في وادي والأحداث في وادي

والله انت ذاتك .. ماعندك هناي .

ياهذا مالك وهناي هنا اليوم ام أن ناس هناي أسرو عليك من الهناي حقهم

عمك هناي غرد خارج الهناي !!!!!!!

كلمة يا شيخ دى تقال احترما وتوقيرا , وهى ليست كما الاخريات

يا صلاح هناي انت تهنهن من هنا وهناك مالك لو عندك هناي ما تهنهنه عديل كده وتذكر معاه اسم هناي صاحب الهناي القال لي حامل الهناي خت الهناي جنب الهنايين ديل وتريحنا بدل ما مقالك كله هنايات ما ليها نهايات .. يعني شايفنا ناقصين تهوين وتوهين .. كفاية خطاب كبير الهنايين الما طلعنا منه باي امر ولا نهي ولا هناي .. اللهم الا هنهنه غريبة وعجيبة زادتنا وهن على وهن
وزي ما قالك واحد من الهنايين التحت ديل انت البخليك تهن عليك نفسك وتختها وسط الهنايين ديل شنو ما عارفهم كيف شايلين هنايم من هنايك ؟
صحي ما عندك هناي

الأخ الأستاد عووضة

الهناي اصلها فصيح و هي من الهناء بكسر الهاء و هو القطران
قال البحتري:

وإني لأستبقي الصديق إذا نبا *** علي وأهنوا من خلائقه الجرب

يعني أتجاوز عنه عندما يخطئ في حقي و أداوي سقيم طباعه بأن أهنوها بالقطران مشبها تلك الطباع بالأبل الجرباء … ِشايف الصداقة هنا كيف؟

و هناك في بعض الدول العربية قبيلة تسمي الهنائي و كانت قد اشتهرت قديما بصناعة القطران من نبات الحنظل

و تستخدم المفردة في كثير من أقاليم السودان للتقليل من الشأن و تأتي كصفة متبوعة بأسم يؤكد معناها كقولك : آآآ الهناي التيزرة دا.

و قد تقابلها في المدن مفردة زفت. هدا و سامحونا على هدا الهناي and … have a nice weekend

لما كنا في المدارس العامة كانوا في مادة النحو درسونا الأسماء الخمسة

وفي الجامعة درسنا أنو الاسماء دي ستة ما خمسة وكان سادسها يا هو الهنو او (هنوك) على ما اذكر

والله أعلم

واسه قته بالهنو!

اذكر ان احد جدودنا في القرية (عليه رحمة الله)كان لا يستطيع ان يعبر عن شيء الا ب(الهناي)و(الهناية)
فقام احدالاخوة الشباب وكان كثير التمتمة(غفر الله لي وله)يخاطب الجمع فقال له الجد(ياولدي الهناي دة كان كان قريتو او درسو ليك ما عندك هنايا يقلبو ليك)

دايرين الهناى الجد ؟؟؟
بتلقوا عند اسحق فضل

: الهناي التي يستخدمها أهل السودان من ” هنُ ” وأصلها ” هنو ” ولذلك فهي من الأسماء الستة وإنما تم إسقاطها لندرة استخدامها فقالوا الأسماء الخمسة وفي مختار الصحاح معنى ” الهن ” هو الشيء ،؟ تقول هذا هنك أي شيئك وتعرب إعراب الأسماء الخمسة ولعلماء اللغة حولها كلام كثير وفي ألفية ابن مالك فهي من الأسماء الستة : أبوك ، أخوك ، حموك ، فوك ، ، ذو …، وهنوك حيث قال:
أبٌ ، أخٌ ، حمٌ ، فمٌ ، وهنُ … والنقصُ في هذا الأخير أحسنُ
ويعني بالنقص حذف الواو من كلمة ( هنو ) لتكون ” هن ” وتعرب بالحركات .
وهن أيضا عند علماء اللغة ” يكنّى بها عما يستقبح ذكر اسمه مثل عورة الرجل والمرأة ” .. وذكر ابن عباد في المحيط في اللغة أن كلمة هن ، يكنى بها عن اسم الإنسان ( لاحظ أن هذا استخدام أهل السودان في قولهم يا هناي بدلا عن اسمه ) ..وقال ابن عباد أيضا ويكنّى بها عن ” الذكَر ” .. وهذا المعنى موجود لدى العامة من السوقة لمن أراد أن يحمل الكلمة المبهمة على ذلك الشيء مثل قولهم ” البتاع ” ويعنون العورة .. وبعض قبائل السعودية تستخدمها كاستخدام أهل السودان لها.
أما استخدام حسين خوجلي لها فهو مما يستقبح ولا يليق استخدامها بالعارفين ويسمى مثل حسين العيي أي الذي لا يبين ويضيع عليه المعنى والكلمة فلا يجد سوى ” الهناي ” .. ومشكلة حسين ليست في ذلك وحسب إنما في سوء قراءته خاصة فيما يقتطف من أقوال القدماء من النصوص الفصيحة فوالله الذي لا إله إلا هو لو قرأ ما يقرأ أمام أساتذتنا ونحن صغار لذهب لبيته و ” جضومه منفخات ” من الصفع .. ولم أر قط أسوأ منه قراءة للنصوص الفصيحة ومصيبة حسين أنه بلغ حدا من الجهالة تجعله ينصب ويرفع ما يقع بعد حلاوف الجر فما بالك بغيرها .. ومع ذلك يجعل من نفسه عالما ويعتقد الناس أنه من علماء اللغة ” اللهم اغفر لقومي إنهم لا يعلمون ” .