سيدة تتلقى علقة ساخنة بسبب تفريطها في “الكمونية”
أم درمان –
تلقت سيدة علقة ساخنة على يد زوجها بحزام بنطاله بسبب تفريطها في (كمونية) خروف الأضحية في أحد الأحياء العريقة بأم درمان، وحسب مصدر فإن الرجل العائد من الاغتراب من محبي أحشاء الخراف وانتقل للسكن في منزل منفصل عن أسرته وعند ذبح أضحيته وبعد أن أولم أهله وأصدقاءه كان يمني نفسه بوجبة دسمة من (الكمونية) خص بها صديقه المقرب وعندما طلب من الزوجة إعداد الوجبة تلعثمت في الكلام وأخبرته بأن أحشاء الخروف مضرة كما أنها لا تستسيغ رائحتها فأعطتها جميعها وحتى الرأس للعاملة بالمنزل، فثارت ثائرته واحتد بينهما النقاش ولحظتها أخذ حزام بنطاله وانهال عليها ضربا ولم ينقذها منه إلا تدخل صديقه، وأصرت الزوجة على تدوين بلاغ لما سببه لها من أذى بيد أن تدخل الأهل أنهى الخلاف
اليوم التالي
والله يا جماعة عمل الكمونية دة انا ما شايفاهو صعب ,ما بعرف النسوان ديل متجرسات منها قدر دة ليه
الناس وصلت حد الضرب فى الكمونية. …..السنة القادمة الله يستر من الضرب فى الاظلاف والجلد
ههههههههههههههههههههه كلام لكن
مراره وكمونيه أكل السحاحير والله.
نساء النت ديل غير الضرب مابنفع الكلام بلفن وبرورن في حلقه فاضيه والكلام واضح يستاهلن الضرب بس خفيف شويه ماشد يدك….هههههه
راجل متخلف .. لكن الكمونيه بتزعل والله.
الكمونيه دي محل قاذورات وتجمع الذباب في البيت وهي سبب للامراض بعدىن الضحيه افضل شئ فيها التصدق بها وليس حشي الكروش بالحواشي
الخبر ده ما عندو مصدر ومجهول السؤال كيف طلع الكلام ده من الحوش هل بواسطة الصديق واى صديق هذا؟ نعم نسوان المغتربين بالذات يتعففن عن شغل الكمونيه بسبب الرائحه الكريهه ولكن اى زوجه مرتبه وفاهمه بتتعامل مع شنو لن ترفض شغل الكمونيه لان ارضاء الزوج غالى وتحاول كسبه حتى ولو بعفن الكمونيه اما التى تتهاون وتدوس على شعور زوجها تستاهل علقه وبالذات لو اعطت الكمونيه للخدامه واختفت الخادمه من المنزل.
هو انت ما دام بتحب الكمونية الخروفية ما كان تسال مرتك قبل ما تعرسها كان بتعرف تعمل الكمونية الخروفية والا اذا بتحبها؟
والا بس انت حبيت كمونية مرتك ونسيت تسالها عن معرفتها للكونية الخروفية
ضرب بالحزام والسبب كمونية تعافها حتى الضباع ؟؟؟؟
منتهى التخلف والقرف ..
ترمى الكمونية ده إهمال بس !!! بس ما كان تستاهل دقه كان يجيب خروف تانى لحل المشكة
أوع أوع كمونية كاكا أفففييي أنا بالجد بأقرف منها …اوع أوع
دا راجل كمونية.
منية في المية دا بكون (المشتهي الكمونية)!!!
كنت أتمنى أن يصب جام غضبه على من تسبب في إغترابه و ترك بلده مما تسبب في مشاكل كثيرة و هذه الواقعة نموزج واحد و بسيط منها !!!
والله ما تستاهل الدق بس كان تجيب خروف وعروس وتريح بالك وخليك سوداني
يا جماعة كان في واحد من معلقي الراكوبة اسمو (المشتهي الكمونية) ما يكون ياهو الزول دا ؟؟؟
الزوجة دينيا غير ملزمة ان تطيخ لك يا بتاع الكمونية. المراة قيمة و ليس متاع تضعها اين ما شئت با بتاع الكموبية. و الله زعلت منك عينك للشيطان (المؤتمر الواطى) المنع منك الإستمتاع بالسودان كبلد و تضرب فى المسكينة. يا بتاع الكمونية عليك الله امشى اسكن فى السلخانة و اترك الولية تشوف مستقيلها. الظاهر هذا المرفعين بطنى.