كسلا : السبت والاحد ايام عمل رسمي !!

هووووي يا ناس كسلا اي زول يمشي يستقبل الخنزير يستاهل ربط الجنزير،،،،، يللا شباب كسلا افشلو هذه الزياره فورا واطردو الخنزير ووفد الحراميه فورا
وكما غني الراحل احمد المصطفي،، شباب كسلا الله فوقو شباب كسلا

و الله ناس كسلا لو عملوها و ما جو الشغل يكونو رجال

لك التحية يا استاذ صلاح..والله ما أن سمعت بالخبر في صلاة العشاء ..نويت كتابة مقال لتبيان هذه المهزلة..وكنت أنوي الإشارة إليك فيها ..انه البحث المحموم عن حشد
يفرغ فيه الرئيس شحنات إحباطاته..لك التحية على نقل الخبر موثقاً

ياناس كسلا محل لقاء السفاح
شتتوا شوال عيش عشان يستقبلوهوا الحمير
والغنم تكونوا شرط الشرط ذاتوا وبالمره يرقص
الرقصه الجديده طردوني وجلدوني في المدرسه.

العصيان بدا من كسلا العظيمه

دي فرصة جاتكم يا ناس كسلا في طبق من ذهب يحسدكم عليها كل الناس ( على نفسها جنت براقش) لقد اراد الله بكم خيراً اذ أوعذ لعبده الضعيف ان يأتيكم بظلفه !!!يلا ورونا همتكم … السودان كله ينظر إليكم!!

الغرض من هذا اللقاء هو الحشد الجماهيري لترسل حكومة الابالسة رسالة
للداخل و الخارج انها تتمتع برضاء و قبول و اجماع الشعب السوداني
بالبشير كرئيس …

ليس مهما ما يقولون لكن مهم جدا ما يفعلون فقد اعدت حكومة الولاية العدة لنجاح هذا اللقاء و نحن من على البعد نكتب و نعلق …

سؤالي المباشر أين شباب كسلا و اين الحراك المضاد ؟؟؟
عادة ياتي التغيير من المركز و هذه المرة نريد أن يلعب كل دوره و من موقعه

ستحل علينا كارثة ان نجح هذا اللقاء .. ناس العاصمة قاطعوا لقاء البشير في الساحة الخضراء و على اهل ولاية كسلا أن يستلهموا تاريخهم الناصع في النضال00

لا تركنوا للخوف و ما يقوم به هؤلاء السفلة المأزومين من تهديد بالفصل من العمل لا قيمة له بحسابات الثورة ..

نشطوا مجموعاتكم و واجهوا نظام الطغيان بوقف واحد سيسجله لكم التاريخ 000

لا تذهبوا للعمل يوم الاثنين القادم و لا تذهبوا لميدان الجمهورية زيارة البشير زيارة للتعمية ليخاطب العالم عبركم بأن لديه شعبية بعد أن فشلوا في حشد الجماهير في العاصمة ..

لا يخدعوكم مافي مشروعات فقط هي دكاكين خضرة و جزارة سيفتتحها البشير..

الناس العاقلين فطروا كويس في رئيسجمهورية بيفتتح دكاكين غير الزول ده

و الله انهم يسخرون منكم و عليكم ان تسخروا منهم ..

جاء نميري ليزور عطبرة فرمى العمال (الفيتريته) على الزلط بالليل و من صباح الرحمن اتلمت الغنم على العيش و كانت هي من استقبل النميري ..

يا جماهير كسلا انتم اذكى من كل ترزقبة النظام و عليكم ان تلقنوهم درسا لا ينسونه ..

الفرصة جاءتكم دونا عن ولايات السودان و ننتظر بشائر الفرح الآتي من جبال التاكا ..

كسلا المراغنة . وهم فى وهم والجبن من سيدهم . فما بالك بسيد سيدهم .

يوم السبت عطلة رسمية بمنشور صدر من رئاسة مجلس الوزراء .. فلا يحق للوالى أن يتدخل ويلقي مراسيم رئاسية مهما كان .. ونفس الشيء ليوم الاحد عطلة رسمية معلنة بمناسبة المولد النبوي الشريف .. بعدين حكم السلطة والقوة والتهديد لا يجدي .. علما بأن هنالك توجيهات صارمة كما علمت من مصادر موثوقة التشديد على موضوع الحضور والغياب ورفعه الى امانة الحكومة من قبل رؤساء الادارات .. وعلى أي حال الموظفين مضغوطين وخايفين على ايقاف رواتبهم البسيطة التي لا تفى بأعبائهم الاسرية بأي حال من الاحوال .. وان غابوا تلاحقهم المجالس التأديبية والايقاف و يضعونهم في القائمة السوداء … فما هو الحل .. يا الاخ سامي ..؟ فمن يعول اسر هؤلاء المغلوب على أمرهم ؟.
والبشير في شهر يناير 2001م .. في ثاني يوم لتحرير كسلا من قضبة قوات جون قرنق التي استولت على مدينة كسلا … في خطابه في الموقف العام لمدينة كسلا .. نعت أهل كسلا بانهم طابور خامس .. ويا ريت يكون هنالك تسجيل للخطاب ..
ومن فترة قاطع أهل كسلا الاحتفالات والتجمعات الخطابية التى تجرى في ميدان الجمهورية … و تحولت الاحتفالات والتجمعات الخطابية في موضة الى الموقف العام .. لاعتبارات كثيرة منها بأنه يكون مكتظا على الدوام بحركة المواطنين في الركوب والنزول من المركبات .. وتظهر الحركة كانها تجمع للمواطنين أمام الكاميرات الفضائية …
المهم على العموم المواطن وبالتحديد الموظفين مجبورون على الحضور ليبس احتفاءا واستقبالا للرئيس .. انما خوفا على معاش اسرهم وابنائهم .. والله المستعان .

هناك مسوغ قانوني للغياب خيث اعلن مجلس الوزراء ان الاحد عطلة رسمية في كل السودان و لم يستثن كسلا

ياسلام لو في زول قناص يقنص الاهبل دا ويدفنوه علي الحدود علشان الناس ترتاح من السفاح..مولد من فوق سنه من تحت شيعه.

طبعاً الكلام ده عشان يقوموا يخموا الموظفين من المكاتب لأستقبال الرئيس أبو رياله
هو ما دام سيدك الرئيس ده الناس طايقنه ما بستقبلوهوا حتى لو كانوا مؤجزين .. ياخي الناس ديل أساليبهم بتاعت الخداع و الكذب دي ما حتنتهي أبداً

ياناس خافو الله ياحوكمة البشكير اخر شئ وصلتو ليهو اجازه السبت والاحد والجمعة مشت وين ليست اجازه الله يرحمك ياسودان الحبيب

و الحاقا لخطاب السيد / امين عام حكومة ولاية كسلا : ارباب محمد غضل
قد تقرر ان يكون يومي الاثنبن و الثلاثاء 12 و 2016/12/13 عطلة رسمية لكل الوحدات الحكومية في ولاية كسلا لاستقبال و وداع رئيس الجمهورية —
و جزاكم الله خيرا —

فرعون حشر له الناس لكنه خاب وهزم
انه مصيرك يا فرعون السودان

الله ىخيبكم ….

الزول ده الا يشترو بقرنيت
عشان يوقف حقارتو دي
دي بلد غريبة خلاص

حوار ويسوقون الناس بالزندية لاستقبال الريس الديمقراطي راعي الهرار
مفروض مخرجات الحوار يسلموهم لبدرية ومن المستراح يسلموهم للحاج ساطور
عشان يسلمهم الرئيس شخشيا?وكلام يا عوض دكام

يجي يملاكم كضب بس يا ناس كسلا الحنان..ويجيب ليكم الكُج والنحس..الله يستر عليكم..

والله يا ناس كسلا لو استقبلتو الحرامي ده تكونو انت اول ناس كسرتو الثوره والتاريخ عمرو ما ينساها ليكم ولو فضحتو وما مشيتو استقبلتو كمان كل الشعب الوداني ما حينسي ليكم الجميل

اها يا ابوهاشم
مولد الرسول اجازة في جميع الدول الاسلامية
الم تقل لهذا الاهبل سلم تسلم ؟؟
ولا الدولارات بلعت كلامك؟؟
يلا كلم ناسك يا راجل كسلا ؟؟

حكومه فاشله ورئيس فاشل انقلابي متمرد تمت في عهده أكبر سرقات للسودان دمار كامل في جميع خطوط النقل و المواصلات القوميه و دمار في الزراعه و الصناعه و التجاره و الاستثمار و حروب متفرقه و اراضي سودانيه محتله و حصار دولي بسبب السياسات الغبيه التي استولى عليها مع انقلابه دمار في التعليم و الصحه .. ياخ بس نقول حسبنا الله ونعم الوكيل و تبا لكل المنافقين و الطبالين و الارزقيه اطردوه يا أهل كسلا

ماتخذلونا يا كسلاوية ادو الكوز في راسه
الخرطوم عملت العليها ودنقلا برضوا اها شدو حيلكم

الف مرااالحب بقائد الأمه البشير نحن جاهزين للاستقبال
أماقصرت معانا أنديتنا الجنسيه والأراضي نحن علي عهدنا معكم كما في
الانتخابات كل البني عامر والخاصه مع ابننا محمود حامد
لو كنا في أريتريا ما نحلم بمنصب ذي ده

اهل كسلا الشرق الابطال اتينينا
زيارة البشير لكسلا لها واقع واحد فقط انه يعرف بان اهل كسلا هم طاابور خاامس كما ذكر من قبل , وهو يعلم تماما ان دنقلا قد قاطعت زيارة الرئيس وولاية الجزيره لديهم موقف وطرد الوالي مخمد طاهر ايلا وولاية النيل الابيض غالبيتها انصار ومع العصياان والخرطوم واكبر دليييل على ذلك الساحة الخضراء لاحظنا ان البشير القى خطابا في دقيقتين فقط لا غير وطرد وزير الاعلام .
اهل كسلا الاقوياء اولاد دقنه انتم الساس انتم الامل لنجاح السودان في خروجه الى بر الامان انتم قدرها ونص وانا نصفي شرقي فمعظم عمري كان في مدينة بوراتسودان فادرك تماما مدى قوتهم ادروبات , بني عامر , شوايقه , هوسا , حلنقيه , رشايدا الى اخر معا لرفعة السودان معا لتقديم التضحيات لا تراجع ولا استسلام

لا لاستقبال البشير

لا للاستماع لمزيد من الاكاذيب

لا تحية ولا تقدير للذي لم يعدل في حكمه

لا للذي ظل 28 عاما يعمر وينمى لنفسه وعشيرته فقط

لا للذي اعتقل الشرفاء واصحاب الرأي