البشير : الخطة بعد قفل البلف أن يثور الشعب السوداني وتغيير النظام ويتسلم قطاع الشمال السلطة ويعاد حكم السودان تحت مظلة السودان الجديد
(سونا)
أعلن المشير عمر البشير رئيس الجمهورية أن الدولة تحسبت لانفصال جنوب السودان وتأثيراته الاقتصادية قبل الاستفتاء .
وأوضح سيادته في المؤتمر الصحفي الذي عقده مساء امس بقاعة الصداقة بالخرطوم أن الحكومة اتفقت مع الحركة الشعبية على ترتيبات انتقالية لتعويض السودان ما يفقده من إيرادات الجنوب وتم الجلوس مع صندوق النقد الدولي لتحديد حجم الفاقد حيث تم التأمين على أن السودان سيفقد في ثلاث سنوات أكثر من 10 مليار دولار وتم الاتفاق على المعالجة بأن تتحمل حكومة السودان ثلث المبلغ والمجتمع الدولي الثلث وحكومة الجنوب الثلث الأخير من غير رسوم العبور والخدمات .
واستعرض مآلات مطالبات السودان من قبل حكومة جنوب السودان بعد المطالبة بدفع الأخيرة لمبلغ 4,5 مليار دولار .وقال إن الحكومة تعرضت لاستفزازات لذلك لجأت للوساطة الإفريقية وتحديد أن يكون التعامل عبر التعامل التجاري وتم فرض رسوم على العبور وخدمات المنشآت السودانية .
وأكد أن الحكومة وبعد الاستفتاء لم تصل لنتيجة مع حكومة جنوب السودان بشأن استحقاقات البلاد من عائدات النفط مما دعاها لأخذ حقها عيناً ومن ثم في المقابل قررت حكومة الجنوب قفل أنبوب .
وكشف ان قرار قفل انبوب النفط بالجنوب كان الرهان فيه ان الشعب السوداني تعود على الخدمات وان ايقاف النفط بعد شهرين سيجعله يثور ضد السلطة ويتم تغيير النظام ويتسلم قطاع الشمال السلطة ويعاد حكم السودان تحت مظلة السودان الجديد .
واكد ان الاجراءات التى اتبعتها الحكومة أفلحت فى افشال الخطة المرسومة وبدأ التذمر يحدث فى الجنوب ومن ثم تدخلت الوساطات من اجل عدم حدوث فشل لدولة الجنوب وتم الاتفاق فى سبتمبر 2012م على اتفاق للتعاون المشترك وتعثرت ، وبعد التغييرات التى حدثت فى حكومة الجنوب وزيارة رئيس حكومة الجنوب الاخيرة للخرطوم اصبح هنالك شعور وقناعة بأن حكومة الجنوب راغبة وجادة فى التعاون وان حكومة السودان جادة فى التعاون معها وستستمر لمصلحة الدولتين .
هسا عليك الله يا اهبل الخطه البتتكلم عنها دي و الحتوحد السودان من تاني لو نجحت ما كانت لصالح الشعب السوداني ؟؟؟؟
اغلي كرسيك يا بغل و لا وحده السودان ؟؟؟؟
و بعدين الحركه شمال ما سودانيين و اسياد بلد و من حقهم يحكموا زيك ، الجريمه شنو الارتكبوها لما يتطلعوا لحكم بلدهم و لاعاده توحيد السودانيين الفصلتوهم ؟؟؟؟
غأيتو قمه الجهل و الغبي بدين نفسه براه
سلامات …
ستدخل الي مجلس الوزراء وانت ترتدي البدلة المسماة اشتراكية ذات اللون الرمادي .. تحمل قلمين اخضر وازرق علي جيبك الشمال .. تدخل فتسكت همهمة اعضاء مجلسك ..
سيبدأ وزير المالية الحديث .. اجرينا تعديلات علي الاسعار .. طفيفة لكنها ستغطي لنا العجز .. وانا ملتزم بميزانية الجيش والامن كما هي … كما انني وضعت ميزانية احتياطي لاي طارى بالنسبة للامن القومي .. وهي كما تعلم .. اسم الدلع للجيش والامن والمليشيات كثيرة العدد ..
وسيقول لك .. حادفع كل مديونيات المستشفيات .. و بدفع قروش رفع الحد الادني للاجور .. وسيهتف غندور .. الله اكبر .. وستري ابتسامات باهتة مصطنعه علي وجوه وزرائك ..
سيكثر وزير المالية من كلمتين .. تمكنا .. والحمد لله .. وسيختم حديثه بدعم مقدر للائمة في المساجد .. ويكمل .. لو ان اهل القري آمنوا .. ثم يقول .. شكرا لكم سيدي الرئيس لدعمكم المتواصل
بعده سيتحدث وزير الكهرباء .. سيقول لك .. ما حققناه من انجازات سيجعل الشعب يقبل زيادة اسعار الكهرباء بكل رضا .. سيتبرع من مال الكهرباء لمراكز غسيل الكلي .. سيكثر من قول .. بإذن الله .. بإذن الله .. ثم سيختم بتأكيد شكره لكم سيدي الرئيس علي دعمك المتواصل له ..
بعدها سيتحدث وزير الزراعة .. الحمد لله ربنا اكرمنا .. والمطر السنة دي الف في المية .. وانا لقيت شركة اروبية كبيرة جدا جدا حتشغل مشروع الجزيرة .. وانتاجنا انشاء الله حيخش الاسواق الدولية في الربع الاول من العام القادم .. وبنلحق اخونا علي محمود دا انشاءالله .. وسيختم بالطلب منكم ان تدعموهو بالميزانية الجابها ليكم عشان الزراعة تنجح .. حيقول شكرا .. وستلاحظ اختفاء الابتسامة الدايمة من وجهه .. الدايم الله .. !
وزير الصناعة .. هو منو؟ .. ما تسأل ما تسأل .. شوف اللافتة قدامو .. حيقول ليك انو سكر النيل الابيض سينتج اعلي عدد شوالات سكر في العالم في الموسم القادم .. ودا طبعا حينعكس علي وضع المناطق في النيل الابيض .. سيعم عليها خير وفير انشاءالله .. ونخسب ان ذلك من فضل الله علينا وبفضل قيادتكم الرشيدة …وسيختم بجملة غريبة انت حتستغرب فيها .. نحنا معاك يا سيدي الرئيس .. !!!
بعده سيتحدث علي محمود .. كلامو بدل ما يطمن الناس حيوترهم زيادة .. كتائب خاصة .. احتياطي .. شرطة شعبية .. مية عربية دورية لكل حي .. خمسمية عسكري لكل جامع .. حيجيك خاطر انك تحسب تلكفة القصة دي .. انسي القصة دي .. دي قروش خرافية …! ثم سيختم حديثه بضربة يد علي المائدة .. خفيفة كدا .. مع تعلية النبرة شوية قائلا .. سنضرب بيد من حديد .. ! ستلاحظ ازدياد التوتر علي وجوه الحاضرين .. قول ليك نكتة خفيفة كدا من نكتك الكتيرة ديك … !
بعده سيتحدث مدير الامن .. الصوت ما واضح .. سيطلعك علي خطط تأمين العاصمة .. وتأمين المواطنين من احتجاجات متوقعة يقوم بها العلمانيين وبقايا اليسار و عدد محدود من شذاذ الافاق من بقايا الجبهة الثورية … ستلاحظ هنا انتباه السيد نافع وكتابته ملاحظات .. وسيعقب مدير الامن في الحديث …حيقول كلام دراب دراب كدا .. من شاكلة .. لن ينالو منا .. جزء كبير منهم معانا .. خشمهم ما بقدرو يفتحو .. ستلاحظ انه المرة لن يقول .. كوع .. ولا .. بوع .. وسيختم بقوله .. و ما رميت اذ رميت … !!!
اما السيد جعفر .. فلن يفعل غير التأمين علي كل الاحاديث .. والانشغال ب الآيباد القدامو ..
اما السيد عبد الرحمن .. فسيقول .. انها جراحة مؤلمة .. ولابد .. من مواصلة مشوار التواصل مع كل افراد وفئات الشعب لاقناعهم بتحمل هذه العملية .. طريقة كلامو حتذكرك ب زعيم ما .. معليش ابلعها .. قبل وشك منو شوية كدا .. غاااادي ..
اما الوالي .. فلن يترك لك … حاءا .. الا وجعلها مقدمة خططه الميتة .. حاء الدعم الاجتماعي .. حاء المواصلات .. حاء التعاونيات .. حاء ..بصات الوالي ..
ثم سيأتي الدور علي نائبك الثاني .. يمكنك التشاغل باي شئ امامك .. حتي يكمل حديثه .. بس التثاءب ما ظريف .. لانو هو بدا كلامو ب .. نمر بلحظة تاريخية فارقة .. ليه؟ لاننا للمرة الاولي في التاريخ ننتقل الي اقتصاد معافي وغير مشوه بالدعم الذي لم يكن يذهب الي اهله .. احتمال يحكي ليك قصة قصتين عن جارو .. او ود خالة السواق بتاعو .. !!!
السيد النائب الاول .. سيقول حديثا عاما معمعما .. خليط بين القدرية والتسليم .. وادعاء الحكمة و السيطرة… ستلاحظ انه يزدرد .. ريقه .. كثيرا .. حركة كدا لاستدرار شفقتك .. عيان لكن شغال ومتابع .. !!!
اها .. جاك المايك .. حتلعب لعبتك الجديدة .. اعادة هيكلة الدولة .. طبعا دا السبب الكان مخليهم متوترين من قبييل …انت قايلهم متوترين عشان خايفين من رد الفعل علي الزيادات ..؟؟؟
ابدا .. هم عارفين لعبتك الجديدة دي .. عبد الرحيم بطاعنهم مرة مرة كدا .. وبكري بقي ما برد علي تلفوناتهم مرات ..
هسع انت قايل روحك جاي يخدعة جديدة .. ؟ اعادة هيكلة الدولة .. ؟ انت قايل في زول حيصدقك .. ؟ انت عارف الناس دي صدقتك كم مرة؟ من شافوك صباح الجمعة داك .. ويوم الشريعة .. ويوم قلت الا اغتسلو سبعة مرات .. ويوم قلت السنة دي اخر عام للتمرد .. ويوم حلفت بالطلاق مافي قوات دولية .. و يوم قلت حشرة شعبية …و يوم قلت الدولار حيبقي بي تلاتة جنيه .. متذكر الحاجات دي ..؟
تاني زول بصدقك ماااافي .. لحد هنا كفاية ..
انت اسوأ رئيس يمر علي السودان ..
الدماء المسفوكة في عهدك اكثر من الدماء التي سكبها المستعمرون ..
الفساد يخجل منه الشيطان ..
الاخلاق يغني لها ابليس ..
الضيم فاق .. الضيم .. سيد الاسم ..
بلا ارادة .. وبلا عزيمة .. وبلا رؤية .. وبلا هدف .. غير كرسيك الغارق وسط مآسي الشعب ..
انت لا تستحق ان تحكم هذه الامة .. ولن يطلب منك احد ان تتنحي .. !
عندما يغضبون .. لا يطلبون .. !
فقط .. يفعلون .. !
بسم الله الرحمن الرحيم
هيا ياشباب لابد لنا ان ننظم انفسنا للخروج من الحاله التي وصلت لها البلاد والانتهاء من سرطان عصابة المؤتمر الوثني لابد ان نقوم بالعمل نحن لانه لن تآتي مخلوقات من المريخ لتنهي هذآ السرطان الذي لابد ان يبتر:
اولا لابد ان تكون خليه في كل حي في كل انحاء السودان لتنظم الخروج يوميا للشارع ليس الهدف في المرحله الاولي ملايين من المتظاهرين ولكن لتشتيت قوي الامن الظالمه حتي لا تستطيع ان تقمع كل المظاهرات
ثانيا توحيد المطالب وهي في المرحله الاولي وهي المطالبه بحرية التعبير والتنظيم منها حرية التظاهر وحرية المطالبه بالحقوق نحن مجموعه من الشباب ليس لنا انتماء لاي حزب كل من له انتمائات هذا ليس وقت التفريق ولكن وقت الوحدة وتحديد الهدف الذي يتطلع له شعبنا وهو الخلاص من الديكتاتوريه للخروج للحريه والديموقراطيه
ثالثا محاولة نشر الفكره لكل من تعرفونه ليزداد العدد يوميا لابد لنا ان نستعمل كل الطرق المتاحه في نشر التنظيم للتظاهر اهمها الانترنيت بكل اشكالها
رابعا الكل مدعو للنشر
تغير موقع المظاهرات الصغيره من موقع لاخر كل يوم
هذه المرحله الاولي وهنا مراحل اخري سوف تاتي ولكل مجموعه الحق في التعبير والتنظيم علي حسب موقعها وظروفها
هيا ياشباب نحن مسئوليين امام الله والوطن ولابد ان نغير ما بانفسنا حتي يتم التغير انشروا انشروا انشروا انشروا