القبض علي سوداني بحوزته كميات كبيرة من الحبوب المخدرة بمطار دبي

قول بين راكوبة الخرطوم ومطار دبي الدولي
لايوجد مطار دولي في الخرطوم وكمان الموطفين ما عندهم ذمة

لا يا ابوعلى عندنا مطار ودولى كمان ما راكوبه وفى موظفين كويسين ولكن الغالبيه تعبانين غير مؤهلين للعمل بالمطار واستقبال القادم وتوديع المسافر وحصل معى شخصيا كنت مسافر وعندى تذكرة درجه اولى وقفتنى الموظفه حقت الجوازات فى نفس صف التزاكر العاديه ولمن كلمتها قالت لى بكل بساطه ارجع اقيف وراء الناس ذيك وذيهم واحد قلت حاضر ولمن وصلت مطار اجنبى ما شفت الناس ديك وين مشو صاله اخرى وخدمات غير .

يعني ناس مطار الخرطوم بس شاطرين يفتشونا نحن المساكين بطريقة استفزازية كمان ، الشنطة دي طلعت كيف ، رغم انو سؤال غبي… وكمان قالوا نجحوا بالعكس مفروض عنوان الخبر يكون فشل مطار الخرطوم في السيطرة على حقيبة مخدرات ونجح مطار دبي (كتر خيرو) في القبض عليها … قاتل الله الكيزان والفساد …

(تمكنت سلطات مكافحة المخدرات بمطاري الخرطوم ودبي الدوليين من إحباط عملية تهريب مخدرات تخليقية (كبتاجون) وحشيش (بنقو) تم ضبطها بحوزة مسافر سوداني،)
هذا الحامل السبهلل وكما ادعى انة لايعلم ما بداخل المعطى له من السودان, هذا شخص اهبل سبهلل, هذا اذا ما كان هو صاحبها.
ثم ثانيا: من التقرير تفهم ان سلطتى الخرطوم تمكنا من محاولة تهريب مخدرات. هذا امر عجيب وين انجاز السلطات بمطار الخرطوم فى هذه العملية والتى اكتشفت فى مطار دبى, بمعنى انها قد تم خروجها من مطار الخرطوم وقبضت فى مطار دبى. ماهو دور سلطة مطار الخرطوم فى هذا الانجاز. بل بالعكس تحسب قصورا من سلطة مطار الخرطوم, وكما ورد بزيل التقرير ( وباشرت التحريات، وتم توقيف موظف بمطار الخرطوم لتورطه في العملية،) ان العملية تمت بواسطة احد العاملين بمطار الخرطوم وعلمة التام بالمخدرات وهو من هربها الى دبى.
والشئ المضحك للغاية كما ورد بنهاية التقرير (وتعتبر هذا الإنجار عملية مشتركة بين مكافحة المخدرات بمطاري الخرطوم ودبي), كيف يعتبر من هرب المخدرات ان ساهم فى انجاز مشترك مع سلطات مطار دبى.
او لربما فى عهد الانقاذ: كل من يساهم فى تهريب مخدرات يعتبر انجاز, والله اعلم!!!!!!!

قبل فترة حصلت قصة فى الامارات بطلها واحد عرف من الجماعة ان احدهم ستزوره والدته المسنة و انتهز الفرصة و كلم صديقه ان يرسل ليه طلح و اخت معاه راسين بنقو و فعلا حصل و عند التدقيق فى مطار ابو ظبى اكتشفوا الراسين فأستعوا ابن المسنة و اخبروه بالسالفة و عملوا كمين للمرسلة له حتى أستلم الرسالة و بعد خروجه من الشقة أستلموه و أخذ عشرة سنين
و قد سمعنا قصة السودانى فى السعودية و كلها منطيبتنا أنا لن أرفض أوصل أمانة من شخص لا أعرفه شرط ان اقوم بتفتيشها اولا
ما تنسو وصية جدى

وتعتبر هذا الإنجار عملية مشتركة بين مكافحة المخدرات بمطاري الخرطوم ودبي

أشرحوا لينا الكلام الفوق ده

علماً بأن الشحنة طلعت من مطار الخرطوم ولم يعرفها أحد ومرت عليهم مرور الكرام , حيث تم إكتشافها فى مطار دبى …

وبالتالى هذا الإنجاز يجب أن ينسب فقط لمطافحة المخدرات بشرطة دبى …

ولا يصح إلا الصحيح

ويا ناس مكافحة المخدرات بمطار الخرطوم خليكم نايمين كالعادة

غبى يستاهل دى طيبة شنو

فشل مطار الخرطوم في السيطرة على حقيبة مخدرات ونجح مطار دبي (كتر خيرو) في القبض عليها … قاتل الله الكيزان والفساد …

اذا قال هذه مرسلة معي كامانة لفلان الفلان كان علي شرطة دبي ان تنظر حتي يستلمها الشخص المرسله اليه الشنطة

يا جماعة الخير المسألة بسيطه :

مطار ( مطير ) الخرطوم الكحيان نجح وانجز مهمة اخراج الشحنة

– مطار دبي الذي هو فعلا مطار يضاهي اكبر مطارات العالم نجح وانجز عدم دخول الشحنة والقبض على حاملها ( لو كنت في السعودية كانت رقبتك طارت بالسيف ).

مفروض ناس الخرطوم يأخذوا دورات تدريبية في كل شيء ابتداء من طريقة اللبس والهندمة وانتهاءا بكيفية التعامل مع الناس .

اذا صح الخبر فانه سينعكس سلبا على السودانيون بداخل الامارات في شمل تعامل دولة الامارات معهم وهي دولة تحترم السودانيين