الخرطوم:الراكوبة
اقال وزير الطاقة والتعدين عادل علي ابراهيم مدير شركة (سودامين ) مكي عمر صالح ،ونائب مدير الشركة السودانية للموارد المعدنية مبارك اردول ،وفيما تم تعيين اردول مستشارا في وزارة الطاقة ،تم تعيين يوسف محمد احمد بمهام شركة سودامين .
واطلعت (الراكوبة) علي خطاب الاقالة التكليف الصادر من مكتب وزير الطاقة بالرقم 48 .
بالمقابل سارع اردول بالاعلان عن قرار انهاء التكليف وشكر كل من عمل معه وختم تعليقه في “الفيس بوك ” : حتما سنلتقي في براحات الوطن الواسعة) .
وفي ذات السياق رفض اردول قبول وظيفة المستشار في وزارة الطاقة والتعدين ووصف الامر في صفحته في الفيس بوك (انهاء التكليف يعني إنهاء التكليف ومستشار دي (قراش) اعتذر عنه ) .
معليش اصلا سعادة الوزير بكون عايز يديها لواحد من شللياتو لانو الحكومة دي ما بتفكر في ابعد من حدود الخرطوم وطبعا عارف التعظين فيهو ابواب مأكلة كبيرة.
وخيرا فعلت برفض وظيفة مستشار وهي بالفعل تركينة ما قبل انهاء خدماتك.
هو من الاصل التعيين كان خطاء ونحمدلهم تصحيحه ماهي مؤهلات مبارد اردول ليتولى منصب مثل هذا ..انه تمكين بليد لا يستفيد منه غير اردول في نفسه
كيف ياخي دلدول دا مؤهلاتو عالية جدا ياخي دا ود خالة عضو مجلس السيادة و باكر بودوهو مستشار لوزير المالية مش كفوات
و تعالو هنا هو الوزير زاتو ما كفوة فتشو شوفو مؤهلاتو الجابتو من سلطنة عمان كانت شنو و هو عرفتو في. الجيولوجيا ما فاتت حفر ابيار الموية جابوهو ناس التمكين و رفدوهو ناس بتروناس و يمكن التدريب البرازيلي عمل حاجة