وقفة مناشدة للشعب السوداني …بقلم/صفاء النور.
بسم الله الرحمن الرحيم
وقفة مناشدة للشعب السوداني …
صفاء النور.
التحية للقائد الهمام .مني اركو مناوي لتعامله مع الاسري والاهتمام بهم واحي الشعب السوداني علي بسالته وشجاعته التي اذهلت الجميع ولابد من رفع راية الدفاع عن الحق حتي النصر ،ضد بطانة المؤتمر الوطني الذين يسرقون اموال الدولة والشعب ويرهقون المواطن اقتصاديا . ذلك ما يفعله البشير واتباعه والاطاحة بهم واجب وضرورة تقتضيها معطيات المرحلة ،نظام المؤتمر الوطني نظام اثبت فشله والحق الدمارالشامل بالبلاد ولابد ان يتحسس الشعب السوداني افعال البشير وبطانته وتهميشه .
اناشد الشعب السوداني بكافة قطاعاته لوقفة صلبة مع الانتفاضة ودعمها وانجاحها والوقوف والتنسيق مع كافة القوي المقاومة بما في ذلك المقاومة المسلحة الذين يدافعون عن الوطن والقيم النبيلة وليس قتلة او نهاب كما يصفهم البشير المجرم المطلوب الي لاهاي بقتله وتشريده للمواطنين في دارفور وجبال النوبة والنيل الازرق ومناطق اخري ، فضلا علي اغتصاب النساء وحرق القري وتدمير الحياة وموارد المياه .انها جرائم حرب وابادة والارهاب بعينه وآن الاوان الي حسمه وسقوطه والزج به الي مذبلة التاريخ غير مأسوفا عليه .
ايد في ايد ..نظام البشير يرحل بعيد
والشعب السوداني يحقق ما يريد
30/06/2012
صفاء النور
بكرة الشمس تطلع
يا أهلي يا طيبين
هذا بيان ضافي
في حضرة الإنقاذ
النور دوام طافي
والماء وما أدراك
عكران وما صافي
مليت قعاد البيت
وبقيت أحوم حافي
أصل النعال طوًل
حاجزها إسكافي
نعلاتي في الإنعاش
وملينة في الجيب ما في
ياربي يا رحمن
ياكافي يا شافي
حالي العلي شايفو
ظاهر وما خافي
غرفني بحر الهم
وفقدت مجدافي
هذا بيان للناس
علً الشرح وافي
والما مصدقني
يتبين أوصافي
جسمي إنتحل بالحيل
وإنشلت أطرافي
لا هديمة تسترني
والنوم عديل جافي
وهن العظم مني
وإنهدت أكتافي
علشان رغيفة عيش
بعت السرير ولحافي
هووي يا بشير الشوم
وأسمعني يا متعافي
الناس خلاص ضاقت
صبحت بيوتها منافي
منكم ليوم الدين
أنا أصلي ما عافي
إن شاء الله كل سفنكم
ما تلقى ليها مرافي
بكرة الشمس تطلع
وتتحقق أهدافي
سودانا يرتاح منكم
ونرتاح في حضنو الدافي
وفي الساعة ديك أغني
أنظم شعر وقوافي
وأدق صدري وأقول
يوم أشري تا جافي (*)
(*) بمعنى القادم أحلى
جوعان بن عطشان بن مرضان
القبيلة : بن غضبان
العنوان : السودان زنقة بني قرفان
منقـــــــــــــــــــــــــــــول