الخرطوم: الراكوبة
قال مصدر رفيع بشركة دل الغذائية حسب صحيفة التيار الصادرة اليوم الأربعاء , إن أسعار المنتجات الغذائية تضررت كثيرا بالأوضاع الراهنة بالبلاد .
وزاد : ( لوز دنا الأسعار كل خمسة دقائق فلن نجاري التضخم ) . وكانت حملة إسفيرية انتشرت في الأيام الماضية احتجاجا على رفع أسعار منتجات الألبان بصورة متكررة ,
وقال المصدر حسب التيار إن مجموعة دل تساهم فقط بأقل من 5% من الألبان المنتجة في ولاية الخرطوم , بينما توفر بقية القطاعات التقليدية المنتجة للألبان باقي الكمية
لكنه استدرك قائلا( الألبان سهلة التعرض للغش والتلاعب بإضافة الماء وغيرها عندما توزع بالطرق التقليدية بينما توفر الصناعة الحديثة جودة وضمانا أكبر)
وأشار المصدر إلى أن عدد العالمين بشركة دال حوالي ” ثمانية ” آلاف وأكثر من ” ثلاثين ” ألف آخرين يعملون بصورة غير مباشرة , وأضاف ( التحدي حاليا ليس في الربح بل في الإبقاء على المصانع عاملة والمحافظة على عجلة الإنتاج ).
مشيرا استيراد الشركة للوقود بما يفوق (31 مليون دولار تستخدم غالبه في توليد الطاقة الكهرباء التي يستمر انقطاعها حوالي 15 ساعة يوميا.
ناس انتهازيين طفيليين تجار ازمات اولاد ستين….. طبيعي تكونوا كذابين و منافقين. ٣١ مليون دولار وقود . ورونا استهلاككم اليومي كم يا فجرة.
كأس الزبادي كابو 400 مل يباع بحوالي 70 جنيها… يحتوي علي اقل من رطل حليب بتكلفة حوالي 10 جنيه ( اتحدث عن سعر الجملة بكميات كبيرة) يعني قيمة المادة الخام وهي الحليب تشكل اساس التكلفة. و بعدين يجي سعر خام البلاستيك بتاع الكاس حوالي 15 جنيه و بعدين ضع 5 تكاليف اخري يعني مجموع تكلفة الكأس حوالي 30 جنيه و يباع بحوالي 70 جنيه اي “بهامش ربح” يفوق 100٪… و بعد ده كله يقول ليك ما في ربح… في العالم الأول يتحدثون عم هامش ربح 5 او 10 ٪ و لا يتعدي ال 35٪…بلا ياخدكم يا تجار الجشع و الاستغلال… لكن الحق علي الحكومة سايبة الحكاية ظيبطة بدون رقابة علي الأسعار.
رطل اللبن لو المنتج باعة ب ٥٠ بيخسر
فدان ابو سبعين لحق ٢٥ الف في الخلا و ٤٠ الف جنب النيل
المنتج ما بيقدر يذود لأن المنتجين كثر
دال لتخدم ما بين ٥-١٠% من سكان العاصمة و اقل كتير من سكان السودان
دال شغالة في شريحة بتهتم بالجودة و تعقيم و حنك زي دة
ديل لن يقاطعو دال لو ضاعفت الاسعار كل اسبوع
أما أن كاس الزبادي بيكلف أقل من ١٠ جنية
والله لو خمرتة بطريقة بلدية تحت راكبة زريبة بقر في فارغ علبة طحنية
حيكلفك اكتر من ٢٠ جنية
لا ما بالك بمنتج مقصود بة فئه بعينها
استحلفكم بالله يا ناس الراكوبه انتو منزلين الخبر ده هنا عشان تورونا استخفاف المسؤول الرفيع بشركة دال بعقولنا قال 5% بتوفرها دال ولبن مغشوش ياخ الزبادي فجاة من 7ايام صلاحيه لى 10 ايام واي زول عارف بقركم بياكل من وين ارخص لبن ممكن توفره شركة دال
خلينا اللبن المويه بتاعة الدرم 18,9لتر البتتعاد تعبئتها من 80ج زادت لى 125ج اها دي موية زمزم مثلا وله برضو المياه الجوفيه بقيتو تجيبوها من اغرق ما يجيني جداده يقول لي التعقيم والطلس الفارغ ده
وله نزلتوه عشان نخلي المقاطعه ما تنجح ونشتري باي تمن ✋🏿✋🏿
خبر مستفز والله 💔💔💔
الراجل اتكلم الجاز
خسة اي زول تهبشة بيقول لك الجاز
الترحيل قفز ٥-٨ أضعاف ت
زول بالعقليه التجاريه دي مايستعيين بتوليد الطاقه الشمسيه لتشغيل المصانع ده اولا .
ثانيا هو صاحب اكبر شركه مولدات معقول ماعارف ان ممكن يخزن الطاقه 🤔.
اخيرا عرفنا سبب ارتفاع الدولار شنو الطلب الكبير ده + هو استورد كيف والاستيراد واقف 🤔
31 مليون دولار تبني محطة طاقة شمسية كاملة تكفى كل مصانع الخرطوم.
إذا كان قيمة الوقود بالامس كانت تكلف حوالي 31 مليون لتشغيل المصانع اليوم انخفصت أكثر من النصف نسبة لانخفاص اسعار الوقودعالميا
اسمع ي اسامه داؤد:
(31 مليون دولار تبني محطة طاقة شمسية كاملة تكفى كل مصانع الخرطوم).
ياخ انت زول قادر اعمليك محطه ووفر للحكومه 31 مليون دولار
او يجوز حنيت للعمل مع الكيزان؟
المشكله انو حتي لو شركة دال عملت كاسة الزبادي بي 500 جنيه في ناس بتشتري … والله العظيم ثقافة مقاطعه ما عندنا ….. دال هذه الشركه الاخطبوتيه استثمرت في قوتنا وقوت اولادنا وفي ارواحنا … حسبنا الله ونعم الوكيل..
مجموعات القطط السمان الكيزانية
ويقول ليك الدولار طالع كل يوم
أسأل الله يا اسامة ان يطول بالك علي هذا الشحن المجتمعي الجاهل !!! ما تقوم تزعل من هؤلاء فصيحين اللسان قليلين الاحسان وتتعامل بردة الفعل وتقوم تغلق المصانع وتطرد عمالة تقدر بأكثر من عشرة الف يعيشون من خيراتك وانتاجك ومجهوداتك في توفير منتجات هي أجود ما صنعت المصانع في دول افريقيا ويمكن يكون في العالم حيث نافست الشركات العالمية وظهرت منتجاتك في أسواق دبي والدول الإفريقية. الناس لا تعرف قدر الرجال المنتجين!!
الناس تركت الطفيلية التي تتاجر في العملات الاجنبية وهم لا ينتجون شيئا سوي كنز المال!!@
الناس تركوا الأثرياء الذين يتاجرون في العقارات والطفيلية التي تجمد اموالها في الحيطان والاسمنت والسيخ وهم لا ينتجون شيئا ولا نعرف لهم ركزا!!!
انت الإنسان الذي تنتج اللبن والشعرية والسكسكانية والمديدة واللقيمات والعصائر عشان الناس تاكل .
لو كان رأس مالك ده عملتو في العقارات وتجارة الدولار كان مافي زول جاب خبرك!!!
يا اخي ده بلد عجيب جدا .تجار الدولار الذين أثروا من تجارة العملة وشيدوا العقارات ودمروا الاقتصاد السوداني هم الوطنيين ورجال البر والإحسان وشيدوا الجوامع من تجارة الدولار الخبيثة أصبحوا أولياء!!!وانت الذي تجابه المصاعب وتسهر الليالي عشان كيس لبن وشعيرية وعشان تفتح بيوت من خيراتك وبركات تصبح انسان فاسد!!!
اتقوا الله في الرجل!!!
لا تؤاخذنا بما فعل السفهاء منا يا اسامة سير سير وعين الله ورعاك ولا نامت أعين الجبناء!!!
أسأل الله يا اسامة ان يطول بالك علي هذا الشحن المجتمعي الجاهل !!! ما تقوم تزعل من هؤلاء فصيحين اللسان قليلين الاحسان وتتعامل بردة الفعل وتقوم تغلق المصانع وتطرد عمالة تقدر بأكثر من عشرة الف يعيشون من خيراتك وانتاجك ومجهوداتك في توفير منتجات هي أجود ما صنعت المصانع في دول افريقيا ويمكن يكون في العالم حيث نافست الشركات العالمية وظهرت منتجاتك في أسواق دبي والدول الإفريقية. الناس لا تعرف قدر الرجال المنتجين!!
الناس تركت الطفيلية التي تتاجر في العملات الاجنبية وهم لا ينتجون شيئا سوي كنز المال!!@
الناس تركوا الأثرياء الذين يتاجرون في العقارات والطفيلية التي تجمد اموالها في الحيطان والاسمنت والسيخ وهم لا ينتجون شيئا ولا نعرف لهم ركزا!!!
انت الإنسان الذي تنتج اللبن والشعرية والسكسكانية والمديدة واللقيمات والعصائر عشان الناس تاكل .
لو كان رأس مالك ده عملتو في العقارات وتجارة الدولار كان مافي زول جاب خبرك!!!
يا اخي ده بلد عجيب جدا .تجار الدولار الذين أثروا من تجارة العملة وشيدوا العقارات ودمروا الاقتصاد السوداني هم الوطنيين ورجال البر والإحسان وشيدوا الجوامع من تجارة الدولار الخبيثة أصبحوا أولياء!!!وانت الذي تجابه المصاعب وتسهر الليالي عشان كيس لبن وشعيرية وعشان تفتح بيوت من خيراتك وبركات تصبح انسان فاسد!!!
اتقوا الله في الرجل!!!
لا تؤاخذنا بما فعل السفهاء منا يا اسامة سير سير وعين الله ترعاك ولا نامت أعين الجبناء!!!
عبدالمنعم
يظهر عليك انت الجاهل وساقط رياضيات
إذا ما بتعرف حساب روح لحد يعلمك.
يعني ايه مشغل الالف من الشعب وهل تفتكر المرتبات الضئيلة التي يأخذونها منه تكفي لإعالة أسرهم.
ولعلمك مصانع الألبان والزبادي وغيره التي افتتحها ليس حبا في اسم السودان وانما تجارته في السيارات أصبحت مجرد توكيل. وانما بزنس الألبان مربح جدا والسودان من الدول المشهورة بالثروة الحيوانية. ومين قالك ما قاعد يشتري عقارات وسيخ واسمنت ويخزن. البشير نفسه كان بدين منو لمن تكون الدولة مزنوقة ولكن ترجع القروش في شكل تسهيلات أو فوائد في أشياء أخري.
ليس لنا أي عداء معاهو ولكن برضو اي شئ بالعقل. بالمناسبة واحدة من فيديوهات ذو النون تحدي فيه أسامة ووصفه بالفساد وذهب ابعد من ذلك وقال يتحداهو بأن يذهب الي المحكمة ويشتكيهو. لحدي الان ما اشتكاهو.
ابقار المزارع بتموت من الجوع واسامى داود هوا السبب كل مطاحن الشعب بتعطيه الردة سعر الشوال 50كيلوا ٤٠ جنيه يخلط الردة مع الذرة و5كيلو مركز و10كيلوا امباز ويبع العلف سعر الشوال 50كيلو 2700جنية بي الطريقة هذة سيدمر كل مربي الابقار ويطل هوا في السوق
لولا المخلوع يا اسامة كان للان تكون زيك زي اي بتاع اسبيرات تراكترات يا طفيلي
بالمبلغ ده و سعر البرميل ٣٧دولار يعني مفروض تشتري ليك ٨٥٠ الف برميل و كل برميل بتطلع منو بنزين و جاز و زفت الخ الخ . خلينا نعتبر ان برميل البترول بيعطيك فقط جاز و لو في كل يوم بتستهلك ١٠ براميل جاز اذن الكمية ٨٥٠٠٠ يوم اي ٢٣٦ عام. طيب خلينا نبالغ و نقول صرفك اليومي ١٠٠ برميل جاز اذن مفروض تكفيك اكثر من ٢٣ سنة. السؤال الاخر هو اين تذهب عائدات الكهرباء التي تم شراء الوقود لها و كيف تم حسابها و لماذ لا يتم شراء كل الاحتياجات من الوقود عندما تكون اسعاره متدنية كما كانت قبل يومين
لو أسامة داؤود قفل كل مصانعو و شركات دي، هل في زول في السودان ح يموت بسوء التغذية مثلا؟ و لا حاجة ح تحصل و لا في زووووول ح يفتقدو… كلها حاجات استهلاكية و هشتك بشتك ساي، ككولا، روب، شعيرية، مكرونة، زبادي، مهلبية و كمية من الحاجات الفارغة الما قاعدة تدخل عملة صعبة و لا عملة هينة للإقتصاد السوداني، بل بالعكس هو بيستولي على العملة العلي قدر البلد و يهربا خارج السودان، دي راسمالية طفيلية و من زمرة الطفابيع.