علي السيد: تعيين الحسن في مفوضية الانتخابات لا يعني مشاركة الاتحادي
الخرطوم: محمد فايت
أبدى عضو هيئة القيادة بالحزب الاتحادي الديمقراطي الأصل علي السيد امتعاضه على الطريقة التي قابل بها رئيس مفوضية الانتخابات مختار الأصم تلقيه خطاب تعيين الحسن الميرغني مندوباً للحزب بالمفوضية وقال السيد الطبيعي أن يقول الأصم أرسل لنا الحزب الاتحادي مندوبه ويكتفي بهذا ولكنه طفق يهلل ويكبر بأن حزبنا سيخوض الانتخابات القادمة وهذا غير صحيح والخطاب لم يحتوِ على أي معنى من هذا القبيل ولم يشير لمشاركة نهائياً وإنما يكون الحسن مندوباً للحزب في اعتماد القوائم وغيرها من الأمور ذات الصلة فهذا هو نص الخطاب الذي يتفاخر به الأصم، وأضاف السيد أن تهليله ذلك أخرجه من سياق الحيادية الذي يجب أن يلتزم به وأصبح يتحدث عن شؤون الأحزاب وبهذا يفقد المصداقية والاستقلالية التي يدعيها. وهذا يدعم موقفنا السابق أن المفوضية تسعى لإعادة تكرير تجربة (٢٠١٠)م والكل يعلم ما جرى فيها. مشيراً إلى أن الخطاب به عيوب كثيرة يعلمها الأصم الذي كان ضابطاً إدارياً وهو يعلم جيداً الطرق التي يتم بها كتابة الخطابات الرسمية فكيف له أن يقبل خطاباً من شخص يرشح نفسه، وما هي الصفة التي وقع بها الحسن ليرشح نفسه مندوباً عن الحزب وهناك خطأ كبير في الخطاب الذي جاء ممهوراً بتوقيع الحسن باسم رئاسة الحزب وهذا وصف تنظيمي غير موجود بحزبنا فلا يوجد مسمى هكذا والمفوضية تعلم من هو رئيس الحزب. وبهذا نعتبر الخطاب غير رسمي ولا نعيره أدني اهتمام رغم قبول الأصم له بكل علاته.
الجريدة
عليك الله يا استاذ على شاركوا مشاركتكم ساكت والكﻻم الكتير مافى داعى ليهو وانت الموضوع موضوع الزول العينتو ده ولﻻ موضوع فرح اﻻصم ..يفرح ولﻻ مايفرح ده ما موضوعنا انتو مشاركين ولﻻ ما مشاركين .. اذا كنتم ما مشاركين مالكم ومال اﻻنتخابات تعتمد قوائم ولﻻ ما يكون عندها قوائم من اصلو !! دحين يا شيخ على شاركو مشاركتكم وخليها على الله
في سيدي ؟
اذا كان الخطاب لم يصدر من الحزب ، هذا يعنى أن حزبكم ( التعبان) ليست له ضوابط أو مؤسسية وأوراقة الرسمية وأختامه متاحه لكل عضو فيه ليفعل بها مايشاء … ولكن الظاهر انكم لم تستشاروا فى هذا الخطاب وأولاد سيدى لاعبين بيكم ويعتبروكم تمامة عدد … الحزب حزبهم وهم أحرار فيه …
قال آيه أختيار الحسن الميرغنى مندوبا للحزب فى مفوضية الانتخابات لاتعنى مشاركة الحزب فى الانتخابات … طيب ياسيد على نسميها شنو!!!!!!!!!!!!!!!!!!
الاستاذ علي السيد المحترم.. للاسف فان حزبكم سيشارك في المسرحية اذا استلم مولانا المعلوم طبعا … والنظام يعرف ان نقطة ضعف مولانا الكاش … فرجأ ادعوا مولانا لاستلام المبلغ بالدولار وليس الجنيه السودأني لان الجنيه عبارة عن ورق مطبوع في مطبعة الكيزأن …وهو ورق ليس لديه قيمة … والرجأء طلب مبلغ كبير… وهم سيدفوا وارجلهم فوق راسهم
في مهزلة الانتخابات المفبركة السابقة صرح ملانا بانه استقبل استقبال لم ييينله مسئول في المؤتمر الواطي اوغيره عند زيارته لشرق السودان وبعد فرز نتائج التصويت في مسرحية الانتخابات السابقة لم يصوت له احد فسال مستغربا اين ذهبت الجمهاهير التي هبت بالالف لاستقباله الم يتجرا واحد منهم للتصويت لليسد(اما يكفي بالموت واعظايا ايها الناس)
ابوهاشم استلم من المستعمر الكاش متعو
طيب معناهو شنو ؟
مراقبة ساكت ولا شنو ؟
هل المؤتمر الوطني عنده خبر بكلامكم ده؟
ام هنالك اذن من المؤتمر الوطني لاخراج هذا السيناريو؟
طيب لو ما حتشاركوا تاعبين مولانا في شنو؟
فتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتة حامضه
بقتو زى بنى كوز
كمان جابت ليها كضب ومكابرة
لله درك يا وطن
ما الجدوي من التعيين أصلا اذا كان الحزب الأتحادي مقاطع الأنتخابات …ده ذاته شكل من أشكال المشاركة يا مولانا . ياخي أحترمو عقولنا شوية بس
ياريت لو الحصل ماحصل من السيد الحسن ومن على السيد ومن بوق وعُولآق المؤتمر الوطني الأصم – الأطرش – طبعاً هو ماصدق بِقَ رئيس مفوضية
أما حزبناالذي يفتقد ضوابط إدارة تحريرالخطابات فهوغير مؤهل لخوض الإنتخابات
ونحن والله العظيم قنِعنا من حزب إسمه الإتحادي الديمقراطي وربنا يجعل البركة في هيئة شؤون الختمية – كان تفِشَنا شوية ومايجينا طوحال ؟!
ورانا شغل كتير يا أخوان
يعني غير الكيزان
برضو في تيران
عاملين لينا فيها آل نهيان
بتاعين السودان
ده شنو ده كمان
و لماذا ترسلوا مندوباً للحزب ليشارك في اعتماد القوائم وغيرها من الأمور ذات الصلة اذا لم تكونوا مشاركين فى الانتخابات؟
أولا قرار المشاركة من عدمه بيد مولانا الميرغنى و لا أحد غيره و بالطبع مولانا سيقرر بعد قبض المعلوم و شكلو قاعد يفاوض فى الرقم و المشاركة مؤكدة لا ريب فيها.
حزبكم مملوك لآل الميرغنى كما أن حزب الأمة مملوك لآل المهدى و لا يمكن اقناع أحد بغير ذلك و لا ينط لى واحد من الحزب الاتحادى أو حزب الأمة و يقول عندنا مؤسسات و هى التى تقرر وو الخ.
كيف يكون زعيم الحزب خالدين فيها حتى موته؟ ألم تنجب حواء الحزب غيره؟
أنظروا الى الأحزاب الحقيقية فى الغرب و كيف تعمل و زعامة الحزب مربوط بمدة زمنية لا يمكن تجاوزها مهما كانت الأسباب
قال مولانا قال!!دا انابشوفو زول مستعمر ساكت
لو حولت اسمي من ميرغني الي قشري ما احسن و لا رايكم شنو بالحساب فقط تبع الختمية لكن مثل هذه المغالطات منزوعة الكرامة و تلفظات المهدي المريبة و الفاشلة تجبرنا علي التعجيل لوضع حد للسفاح و الختمية و الانصارية
يا علي السيد انت ما قدر مولانا إذا قرر مولانا مشاركة الحزب في الانتخابات فسوف يشارك الحزب شاء من شاء وأبي من أبي وصاحب القرار الأول والأخير هو مولانا ونصيحه لك لوجه الله اعرف قدرك داخل هذا الحزب ان أبناء السيد هم الحزب والحزب هو أبناء السيد وأغلبية رجال الحزب خلف مولانا ولا حزب بدون مولانا وعاش أبو هاشم.
هل سمعت في وجود مولانا هتاف غير عاش أبو هاشم وين عاش الحزب الاتحادي ووين عاش كفاح الشعب السوداني هذه أشياء اكل عليها الدهر وشرب.
أخونا علي السيد تحرككم من اليسار للوسط لم يكن موفق،كان من الأصوب ان تكون الحركة من اقصي اليسار الي اقصي اليمين اكثر فايده لكم أمثال الرفقاء أمين حسن عمر وغيره من أهل اليسار. عسي و لعلي.
الأستاذ علي السيد السيد يعرف وانت يجب ان تعرف وتعلم بان أمثالك من المحترمين لا إمكانية لهم من خوض انتخابات حقيقيه (وين وفي ياتو دائره ).،،،،
ننصحكم بالصمت ربما يكون لكم نصيب وعطف من مولانا إذا مأتم اتفاق بين مولانا الحسن ابن السيد محمد عثمان والحكومة في بعض مقاعد البرلمان ،اما إذا فكرت في وزاره فعليك بتفصيل جلابيه باللياقة الختمية وأخيرا نقول بارك الله في من عرف قدر نفسه.
بركات لقاء البشير- السيسي والبشير يعلم ان بلف الاتحادي في مصر* هذه بروفة وتمهيد لمشاركة الاتحادين في الانتخابات *الايام القادمة سيفتعل هذا الحزب مشكلة مع المعارضة لتبرير المشاركة.
الناس السمان ديل جو من وين كمان قالو نحنا سودانين اول ارجو منكم ان تقيرو الثوب المابشبه جلابيتنا والقريبه هم شائقين عيوبهم ولكن مامدركين حصلة وين الله يستر كان حكمو السودان يبقي مملكة الي يوم الدين
والله اغفن من الختمية ديل لا الكيزان نعلة الله عليهم اجمعين
الختمية مثل الشيعة في ايران
كدى واحد فيهم يعتب والله يصرح يقول نحنا حنشارك فى انتخابات والله غيرو
حشوفو شوف يا اولاد الميرغنى لو ده بالجد حصل منكم ……………
يا علي السيد انت ما قدر مولانا إذا قرر مولانا مشاركة الحزب في الانتخابات فسوف يشارك الحزب شاء من شاء وأبي من أبي وصاحب القرار الأول والأخير هو مولانا ونصيحه لك لوجه الله اعرف قدرك داخل هذا الحزب ان أبناء السيد هم الحزب والحزب هو أبناء السيد وأغلبية رجال الحزب خلف مولانا ولا حزب بدون مولانا وعاش أبو هاشم.
هل سمعت في وجود مولانا هتاف غير عاش أبو هاشم وين عاش الحزب الاتحادي ووين عاش كفاح الشعب السوداني هذه أشياء اكل عليها الدهر وشرب.
أخونا علي السيد تحرككم من اليسار للوسط لم يكن موفق،كان من الأصوب ان تكون الحركة من اقصي اليسار الي اقصي اليمين اكثر فايده لكم أمثال الرفقاء أمين حسن عمر وغيره من أهل اليسار. عسي و لعلي.
الأستاذ علي السيد السيد يعرف وانت يجب ان تعرف وتعلم بان أمثالك من المحترمين لا إمكانية لهم من خوض انتخابات حقيقيه (وين وفي ياتو دائره ).،،،،
ننصحكم بالصمت ربما يكون لكم نصيب وعطف من مولانا إذا مأتم اتفاق بين مولانا الحسن ابن السيد محمد عثمان والحكومة في بعض مقاعد البرلمان ،اما إذا فكرت في وزاره فعليك بتفصيل جلابيه باللياقة الختمية وأخيرا نقول بارك الله في من عرف قدر نفسه.
لعب بي عقول الناس وبي طريق بايخة انت م حتشارك في الانتخابات معناه م معترف بيها طيب المندوب دا …… اااااخ
انت يا على السيد ما عارف داير تعمل شنو وما بتقدر تقول انو ده قرار جماعى لانو كلام المرغنى ما بتكسر
اذا اصلا لم تشاركوا لماذا تضيعوا وقتكم بتسمية مندوب بالمفوضية
عشان يعمل شنو؟
الله يخيبكم يا ناس الفته الله يخيبكم بكبيركم الذي علمكم السحر ناس ماعندها مبدا وعقول
وسخانة مستوي ضحل شئ تحير انتو اصلا مشاركين وابوك الكبير هو صاحب القرار انتو تسكتو ياجمهور الميرغني لغاية ماسيدك يقرر وتمشوا وراهو بلايخمكم ويخم سيدكم الميرغني
والله العجايز خرفوا مرة يطلع الصادق يقول ولده شارك براه فى الحكومة واسع يطلع المرغنى يقول كمان الحزب ماله دخل نحن كانو بنتفرج فى الليق ياحليل الليق