ده السامعنوا ما شايفنوا..!!

مستثمرين..
كان العشم..
يستثمرون فيك يابلد..
مستبشرين..
بى الفيك ..يا أرض السعد..
يتوافدون..
جيئة وذهاب..
كان يلقوا رد..
يتأبطون..
مشروع فى ملف..
حيازات فى ورق..
مساحات من سراب..
هم يحلمون..
بفلاحة الأرض اليباب..
الخير وفير..
مرحب حباب..
الجوة بلدنا..أهلا..
جيرانا والأغراب..
ليكم فتحنا الباب..
تعالوا يا أصحاب..
هيا يا أحباب..
لينا سنين..
سامعين جعجعة..
ما شفنا أى طحين..
مستثمر يجى..
واحد يفوت..
مشاريع ضخمة مروية..
سياحية..
صناعية..
حا نعمل ..حا نسوى..
ده السامعنوا ما شايفنوا..
الليلة وفود ..
بكرة حشود..
الليلة هنا..
بكرة هناك..
وزيرنا ذاتو ما موجود..
جانا الليلة..قال..
بلدنا حقيقة مأزومة..
بنيات تَحتية معدومة..
كم من مشاريع ..
ما قدرنا نحصيها..
مليانة نزاع أراضيها..

بلا أقنعة…
صحيفة الجريدة…
[email][email protected][/email]