الصحافي عثمان ميرغني يشرع في تأسيس حزب سياسي

اقترح ان يكون اسم الحزب :حزب وحدة وادي النيل

التمويل من مصر واهم اجندة الحزب هو خدمة المصالح المصريه في السودان والسعي الجاد لوحدة السودان مع مصر..

يا عصمان العب غيرها وخليك في مهنتك صحفي مخستك,,

مائة يوم،، 181 يوم،،، 31 سنة و10 أيام بلة الغائب،،

الحكاية شنو؟؟

الناس كتاباتك ما رضيانة عنها عايز تقنعها بى ياتو افكار ولا مبادئ ..و الله الا تشوف الكيزان اصحابك القفزوا اخيرا و قلوبهم لسا مع الاسلاميين

إضافة لأحزاب الفكة الله يفكنا منكم كلكم نحن ناقصين؟ ؟.؟

هههه هانت والله

المصيبة تشيل قروشهم وتعمل بيها الحزب وتاكلها زى ما اكلت قروش الناس الناس الادوك عملت الحريدة وبعدين زغت منهم. انتو يا الكيزان ما بتغلبكم حاجة.

هات الاجابه الصحيحه واحصل على جائزه عباره عن الحصول على عضويه في حزب عثمان ميرغنى مجانــــا مدى الحياة!!
1/عايره وادوها صوت ؟!!.
2/ هانت الزلابيه ؟!!.
3/ الأعور في بلد العمايه ملك ؟!!.
4/ كان غلبك تسدها قدها ؟!!.

تاني السيد علي مات..
عارفين مهمتك يا عصمان وهمتك إنك تفركش الأحزاب المعارضه للكيزان.. بس ما تتعب نفسك مافيش أحزاب معارضة..كلهم دخلوا في عباية الكيزان إلا من رحم ربي وما أقلهم..ما تتور نفسك في الفارغة…

إذا كنت جادي – وعارفك ما جادي- أعلنها صراحة أن لا علاقة لك بالكيزان من قريب أو بعيد…
ساعتها سنتقاطر إليك زرافات ووحدانا..من كل حدب وصوب..

لم تكن المرة الاولى فقد سبق ان اعلن عثمان ميرغني عن قيام كيان سياسي لم يكتب الله له الحياة فمات في المهد فما الجديد ؟؟؟؟؟؟؟؟؟؟

مبروك مقدما بس مايكون تبع 7 زايد 7 وبقي 8 زايد 786

فعلا أصابنا الهوان حتي أتي لنا هذا الكوز عقيد الامن في الانغاذ يريد ان يعمل حزب. قبلك يا شاطر عملها غازي ستظل انت كوز وغازي كوز يبدو ان الغيرة من حسن اسماعيل أصابتك في مقتل

مبروك عليك حزب الفكه مقدما عسي ان تنعم بوزاره في كاب الجداد

اتمني ان بكون حزب قومي سوداني بعيدا عن الموروثات القديمة الجهوية والقبلية ونحن معكم ونشد من ازركم.

يا عصمان ألم ترى كيف وقف الأحرار فقط من أبناء هذا الشعب لما أخدت علقه على رأسك من جهاز أمن البشير…ياخى إذا لم تملك الشجاعه إنت وصحفى الغفله الذين يتدارون بمواضيع هايفه من الوقوف بكلمه حق ومؤازره مع زميلكم وليد الحسين فعلى أي أساس عايز تعمل حزب وانت تخلوا من أبسط قيم الرجوله…ياعصمان إنت لو فيك فائده كان لقاها منك مديرك السابق بالسعوديه الكوز الرمه عبدالله العالم.

نسأل الله أن يوفق الميرغني للمسارعة بتأسيس حزبه .. فالحركة الإسلامية ولادة كخضراء الدمن من الفئران التي ترتع في وحل القاذورات .. فقد سمعنا بنشوء المؤتمر الشعبي (حزب الترابي) وبحزب غازي صلاح الدين .. واليوم نسمع بحزب عثمان ميرغني .. وما عارفين الحكاية ديه ماشة تقيف وين .. يمكن بالإنتفاضة الشعبية والرجوع للجحور وترك الوطن للشعب السوداني الفضل .. “تحسبهم جميعاً وقلوبهم شتى” ..

هؤلاء الناس لم يكن يجمعهم في الماضي إلا ظنهم المتواتر أن تعاضدهم كإسلاميين سوف يقودهم حتماً إلى مراتع الثروة والغني من خلال نهب أموال السودان .. ونرى اليوم السبل تتفرق بهم “ولبئس ما شروا به أنفسهم لو كانوا يعلمون” ..

يعني لو كتبت ليك مقالة تطلب فيها تسجيل الحزب الجمهوري وتندد بمسجل الاحزاب لتواطئه ومماطلته او تطلب الحرية ل (الوليد) لكنت عملت فايدة في صالح الشعار (الحرية لنا ولسوانا) . بدلا من البهدلة دي . يا عثمان انتهي امرك ولن تنجح في توفيق اوضاعك بتخصيص عمودك لشرح ايات مثل (الم نشرح لك صدرك) . الاخوان تقسموا الي مجموعات اقتصادية فان اردت الحاق بهم فامل ليك شركة وابدا من (تحت خالص).

هههه بس ما تكون جاي تطبق لينا الفلسفة والكلام الفارغ البتكتبو فى الجرائد
نحنا ماناقصين متفلسفين .
بعدين عايزين واحد عندو ثقة فى نفسوا ومايدخل فى مقارنات مع الدول ويحسس الناس
بالدونية . والمثل بقول واثق الخطوة يمشي ملكا.
نحنا ناقصنا حاجة واحدة بس محاربة الفساد اذا صلحت هذه كل شي تلقائيا حيتعدل.

هذه فى الأصل فكرة حسين خوجلى ولكن النمرود حسين شاطر ما بقع بالساهل واستفاد من غلطة اخونا غازى صلاح الدين فقام ورط وش البهدلة المتسلق عثمان الكذاب وأكيد قناة ام درمان ستتولى الدعاية والاعلان وهلمجرا ….

ابشرك حزب فاشل طالما فيه بعض قيادات الاحزاب الاخرى . الاحزاب الاخرى معروفه وقباداتها تحسبهم على اصابع اليد لمدة 30 عام للخلف يعنى عملت ايه

معك حق !!!!… ما هو واحد صحفي معارض أصبح وزير للبيع … الحكاية دي ألهبت طموحات الصحفيين… سيروا إلى الأمام وطموحاتكم الشخصية تدفعكم… حزب إيه الأنت جايي تقول عليه … قلم حر خير من ألف حزب منفعين.

يا أستاذ عثمان ، انت معاهم ؟ ، أم مع التانين ؟ .
انت مع أحزاب المعارضة ، أم مع أحزاب الحكومة ؟ .

هل انت مصر وعايز تشغل الناس فى الفارغة والهايفة ؟ .
خلاص كملت صندوق إساءاتك وسخريتك لأحزاب المعارضة ؟ .

ماذا أضاف حزب الترابى ، والطيب مصطفى ، وغازى صلاح الدين ، وبقية الأحزاب المستنسخة فى معامل الانقاذ، من مصلحة وفائدة لشعب السودان؟.

بالله ما الذى لا يعجبك فى حزب البشير ، وحزب الترابى ، وحزب الطيب ، وحزب غازى ، لتفكر فى تأسيس حزب جديد ليضاف الى المائة حزب سودانى فاشل ؟ .

هل كفرتم بحزب الإخوان المسلمين داخليآ وخارجيآ بحق وحقيقة ، أم هو نوع من أنواع فقه التقية ؟ .

السودان ليس فى حاجة الى حزب جديد ، السودان فى حاجة ماسة لشطب وإلغاء 90% من الأحزاب المسجلة لدى مسجل الأحزاب .

السودان فى حاجة ماسة لصحفى يكتب بصدق وأمانة ولا يخاف فى قول كلمة الحق ، لومة لائم ، حتى ولو ضربوه ضرب غرائب الإبل فى مكتبه ، أو منعوا عن صحيفته الإعلانات الحكومية ، أو ….. ! .

جننتونا يا أستاذ عثمان ميرغنى بتاع التيار ، وليس بتاع الشرق الأوسط .

فكرة حزب جديد Smart Party وفيما يلي بعض الافكار الهامة حول الحزب الجديد:

اولاً أن يقوم على القانون والعدل وتداول الرئاسة وان يعقد مؤتمره العام كل عام ويتم تداول الرئاسة وكامل اعضاء اللجنة التفنيذيه بأكمله سنوياً كما يتم تداول وتغيير كل اللجان الفرعية والمركزية سنوياً وان يكون مبنى على القانون والإلتزام الصارم بقانون اخلاقي..

ثانياً ان يقوم الحزب على المستقلين من الشخصيات القومية وأن لايدخل فيه عقائدياً واحد وعليك البعد من الأخوان المسلمين فهؤلاء تشربوا الظلم منذ نعومة اظافرهم وختم الله على قلوبهم ولا يعرفون العدل ويعتبرون الآخرين غنائم بالنسبة لهم.

ثالثاً عليكم في الحزب الجديد بالبعد عن الاخوان المسلمين ومن مال اليهم إلا الذين تابوا وأصلحوا منهم مثل د/ الأفندي والمحبوب عبد السلام ومثل الكودة فإنهم تابوا واعترفوا بذنبهم.

رابعاً عليكم بالبعد كل من يقول او يصف نفسه بأنه (إسلامي) فإن مجرد الصاق الشخص بأسمه كلمة إسلامي فهذا يعنى أنه يريد ان يمتن على الآخرين بإسلاميته ويسبغ على نفسه صفة القداسة وبالتالي يصف الآخرين بأنهم غير اسلاميين..

خامساً أن يقوم الحزب على الوطنية بغض النظر والوحدة فقد فقدعمل سيدنا هارون على وحدة بني اسرائيل رغم عبادته العجل في سبيل الوحدة وقد وافقه ضمنياً سيدنا موسى عليه السلام يقول الله تعالى في سورة طه يوضح هذا المشهد )قال يا هارون ما منعك إذ رأيتهم ضلوا ( 92 ) ألا تتبعن أفعصيت أمري ( 93 ) قال يا ابن أم لا تأخذ بلحيتي ولا برأسي إني خشيت أن تقول فرقت بين بني إسرائيل ولم ترقب قولي ) والشاهد هو قول هارون عليه السلام ان خشيت ان تقول فرقت بين بني أسرئيل..

سادساً: طالما أن حزب المؤتمر الوطني موجود فإن هذا الحزب لن يقوم ابدأً لأن المؤتمر الوطني مهمته تكسير الأحزاب الاخرى وتشتيت شملها ووضع العراقيل امامها ومن خلفها والتأمر ضد كلما هو وطني وان يعمل ضد وحدة اي شخصين ناهيك عن حزب يقوم على العدل والمساواة ونبذ الظلم فإن مثل هذا الحزب سيكون الهدف الاول للمؤتمر الوطني وللأخوان المسلمين.

شاعرنا الكبير محمد ود بادي قال عند تكريمه انه اذا اراد الانضمام الي حزب فان لديه شرطين يجب توفرهما فية وهي :
1- ان لا يحجر الراي الاخر
2- ان نزيها وشفافا ( ما بياكلوا حرام )

دحين يا عصمان حزبكم ده كيفنو

اىىىى ما نحن ناقصين احزاب

يا عثمان ميرغنى
العالم الحر يضج هذه الايام بقضية وليد .. الى الان لم نسمع لك رايا او قولا ..
انها جينات الكيزان .. جينات مضادة ومعاكسة للانسانيه ولا تنمو وتتكاثر الا فى الظلام . وهكذا سيكون حال حزبك الذى تريد ان تنشئه فى ظل الدوله الظلاميه .

الصيحة ماقادين الصصيحة فى وجوه زوجاتكم

و الله ما ناقصانا أحزاب .. أبداً ..
و لا تخلقوا أذرعاً جديدة للجبهة الاسلامية ..

اقترح ان يكون اسم المولود الموتمربالنص واعزم خوجلي والمشاطيب من الموتمريين ..
اعمل امينه المراة شاش او القلعه مافي وجوه اعلاميه احلي من كده ..واعمل قناة فضائية خليط فن نسواني .وسياسة ناعمة ومعارضة ناعمة ..

ههههههههههها هههها .. اكبر مستهبل وفاسد يعمل حزب ،، عثمان ميرغني دا راجل دجال ،، لامن جا ياسسالتيار اتصل بعدد من الراسمالية والمثقفاتية للمساهمة معه من بينهم مامون حميده وكبيدة بتاع المدارس وحسن برقو والمهندس عادل وخلافهم ودفعو له في الزمن داك ما يفوق ال800 مليون بالقديم وبعد ثلاثة سنوات من نجاح الصحيفة سالوهو عن مصير اسهمهم ،، عارفين الراجل قال ليهم انتو دينتوني قروش بس لاكن ما مساهمين وحلف مصحف في المحكمة بالزور وما زالت القضية مستمرة ،،، اعملو حسابكم بكرة بنكركم حطب ،، اصلو متعودة ،، سوال هويدا سرالختم بعدين بعد التكوين حتظهر وتكون ست المال في الحزب

وجدتها يا عثمان؟

حلاوة حزب والله ياودمرغني عملتوا افرش وتخين
ياخ هي ناقصة حزب خليك في جرايدك دي ولوا اكلت معاك ابقي ذي حسن اسماعيل

سموهو حزب الله والدعم جاهز من ايران ،، نكاية في الكيزان
بعدين ألجوك من الأحزاب الآخري لو فيهم عمار كان خلو احزابهم؟؟
الأحزاب المخستكة ما قدرت تعمل حاجة 26 سنة تعملوها انتو؟؟
عابرة وادوها سوط،،، ومسجل الأحزاب ما يسجلكن لو ما كنتو موالين

والله مصيبة السودان كبيره طالما هذه افكار ما يسمى مثقفيه واريد ان أسأل الأسئله الاتيه:-
1- ما هو التعريف الحديث لكلمة حزب سياسى؟
2- هل مواصفات الحزب السياسى تنطبق على كل الاحزاب السودانيه المسجله والمتعارف عليها بأحزاب الفكه؟
3- هل هنالك حوجه فى السودان لقيام حزب جديد حيث هنالك اكثر من حزب مسجل؟
4- ما هى الايدلوجيه والفكره الجديده التى ارتكز عليها عليها تكوين هذا الحزب الكرتونى الجديد؟
5- ما هى معايير تسجيل اى حزب جديد او قديم لدى مسجل الاحزاب؟
6- هل معايير تسجيل الاحزاب السودانيه مطابقه للمعايير العلميه والعالميه؟
7- هل هنالك حوجه لوضع معايير علميه حديثه مثل:
أ- الحد الادنى لعددية الحزب كأن يكون الحد الادنى لعضوية الحزب تكون 500,000 (نصف مليون عضو) ب- لوائح التاسيس ج- الفكره العامه د- ايدلوجية الحزب السياسى س- رؤية الحزب لكيفية ادارة الدولة ص- علاقة الدين بالدوله ه- نظرة الحزب للدستور الدائم للسودان ……. وهلمجرا
8- هنالك حوجه لتقليص تلك الاحزاب بوضع المعايير ودمج كل احزاب الفكه التى صنعها المؤتمر الوطنى فيه وعددها سته وثمانون حزب معروفه باسم احزاب الرقشه اى عدد اعضاء اى حزب يمكن ان تحملهم فى رقشة واحده.

سميهو التيار الوطني أو التيار الشعبي ولا أقولك سميه التيار الجديد أب صقعاً شديد والله يا أستاذ عثمان فكرة، علي الأقل تطبق المثل السوداني البقول بلاد ابوك كان خربت شيل ليك منها وزارة أكيد ما ممكن تكون بتفكر بالفوز علي المؤتمر الوطني في الإنتخابات والجماعة طبعاً واصلك إنو ما بسلموها إلا عزرائيل بس بيني وبينك الأحزاب إستثمار كويس مافي خسارة بس المهم تكوين الفريق يكون كويس مهاجم خطير و راس حربة يهاجم ويدافع والباقين كفاية يشتتو الكورة بالتوفيق يا أستاذ

هههههه وطبعا مقعدك جاهز في حوار الوثبه جمب الطيب مصطفى العب غيرها ياعصمااان

كل واحد عايز.يغني من دافع الضرائب السوداني المسكينً
..التور.وقع.كتيرو السكاكين. كل واحد يعمل حيلة اشان ياخد كومو.وزيادة كمان.
هو ومجموعتة وجدو حل لكل مشاكل البلد.
سبحان الله

يا عثمان مرغنى .. الى الان لم يفتح الله عليك بكلمة فى حق الصحفى وليد ؟؟ اليس كذلك ؟؟؟

يالله يا عصمان سريع جيب لينا الشخصيات القومية والكشف جااااهز اخذه من سكرتارية سبعة زايد ضبعة
الجزولي دفع الله .. سارة أبو .. ابوصالح .. حسين خوجلي ههههههه

كل كوز لفظ من العصابه عمل ليهو سبيل .. هو فى مويه ..!!

أنا معاه من الليلة قلبا وغالبا

مبروك لك حدوث أول أنشقاق من أول اسبوع علي نهج الاصلاح 1- والاصلاح 2-….يا خي ناس الأمن جاهزين يكونو من قيادات هذا الحزب وبسهولة يعملوا ليك الانقسامات… والله الظاهر شهرة الصحافة مش كافية ، عايز شهرة زعامة أكبر ..والله أكبر..

السيد/عثمان ميرغني انشأ في البداية منبر السودان ايام عمله في جريدة السوداني وعمل هيصة كبيرة وجمع الناس في ميدان المولد بالخرطوم وتحدث عن مايشبه الثورة البرتقالية في شرق اوروبا وانه الناس تمشي شارع القصر وبعدها حول منبر السودان الى حزب سياسي واعلن ذلك في جريدة السوداني ويبدو ان طيب الذكر الاستاذ/ الحاج وراق كان بعيد النظر وحصيفا حينما كتب مقالة يومها بعنوان منبر السودان ولامنبر عثمان لخص هذه الحالة بأنها نوع من النرجسية وحب الظهور وان الصحفي يجب ان يلتزم بدوره ولا يتحول الى سياسي فلا داعي لتجريب المجرب

وهل نحن في حاجة إلى حزب جديد لجماعة إسلام سياسي ؟ أنتم، والسلطة في أيديكم فشلتم في بناء حزب إسلامي موحد ذو رؤية وفكر وبرنامج يفيد الوطن والمواطن فكيف تتفقون على إدارة حزب منشطر شأنه وشأن المنشطرين الآخرين الذين كونوا أحزاباً بلا عضوية فاعلة.

ياعثمان ميرغني لقد راودت حسين خوجلي نفس الفكرة ولكن يبدو أنه تراجع لاستشعاره بغبائها. يا أخي لاتستهينوا بالشعب السوداني وتستغبوه لهذه الدرجة فقد عرف الشعب السوداني جيداً معنى أن تكون إسلامياً سياسياً وتدعوا في نفس الوقت الناس لعضوية حزب أنتم على رأسه. هذا إستقطاب ضيزى ولن ينجح اللهم إلا أنك تريد لملمة بقية إخوانك الغاضبين في حزبك المقترح وسيكون بلا عضوية كبيرة لأن الفيكم إتعرفت للقاصي والداني … وأصحى ياعثمان وخليك في صحافتك واكتب بمهنية عسى ولعل أن تساهم في التغيير أو قليل منه فهذا أفضل لك.

والله البباريك إنت … أخير ليهو يبارى غنماية جربانة و عرجاء.

وانا ادعو لانشاء حزب سياسى ليبرالى يتخذ من العلمانية السياسية مبدأ له اى فصل الدين عن الصراع السياسى وليست العلمانية التى تحارب الدين لان محاربة الدين الحنيف لا تخلق استقرارا يعنى مثل بريطانيا والهند وغيرهم من الدول الديمقراطية هذا اذا اردتم ان تبنوا وطن سودانى قوى متحد لا فروق عرقية او دينية او جهوية او قبلية فيه والدين لله والوطن للجميع وتتنافس الاحزاب فيه على خدمة الوطن والشعب وتترك العهر والدعارة السياسية باسم الدين او العرق هذا او الطوفان وحتى لا نصير مثل مصر وسوريا والعراق واليمن وليبيا وهلم جرا !!!!
كسرة:اصلا الذى الحق الضرر بالسودان هو تقليدنا للانظمة القومجية واليسارية الديكتاتورية والعسكرية واخيرا الاسلام السياسى ما عندنا تجارب الهند وبريطانيا نقعد نبارى الكرور والعفن بتاع الانقلابات العسكرية والعقائدية واخيرا الاسلام السياسى التى اورثت دولها وشعوبها الحروب والتمزق واللجوء والهجرة باسم القومية واخيرا الطائفية المذهبية الدينية؟؟؟

اذا كان الاخ عثمان ميرغني يعتقد ان السيد عبد الرحمن الخضر هو الوالي (الذي لايظلم عنده احد)…

فهذا بكل تاكيد اعطى الجميع مؤشراً ( لتوجهات الحزب الذي ينوي تاسيسه )….

الانتخابات الاخيرة ياميرغني فيها الرد الكافي والوافي لامكانية نجاح حزب (جاء من رحم الانقاذ )…

لا يعقل ان يقبل السودانيين بمن كانوا سببا في مأساتهم ومعاناتهم مهماتبدلت جلولدهم ونعوتهم …..

فانت يا اخي عثمان ( سليل ) هذا التردي والتخبط والتخلف ….

انت ممن ساهموا في ( تمكين ) الطوب حول رقابنا …

فكيف بك ان تكون سببا في الحل والانفراج …

والله يا عثمان زدت طربا لكلمات الراحل حسن خليفة العطبراوي وهو يشدو ب ( ياغريب يلا لبلدك ) لان هذا الوصف العبقري ينطبق عليك وعلى رفاقك ….

وحتى لا يفهم ما ارمي اليه في غير محله ( فالغرابة ) التي استشعرها هنا هي في سلوككم وتصرفاتكم وموت ضمير وانسانية الكثيرمنكم ، والتي لا تشبهنا كسودانيين ….

اسألكم بالله ( ان كنتم حقا تؤمنون به) ان تحلو عنا وان تبحثوا لكم عن ميدان آخر لاوهامكم وتجاربكم …. ودعونا نحن جموع السودانيين ( نضمد جراحناعسانا نعود لحالنا قبل مجيئكم ) ….

الله احفظ السودان واهله من اوهام بعض بنيه ….

اللهم ارحم السودان والله بلد ماعندها وجيع

شاورت حسين خوجلى عشان يخش معانا

لا حول ولا قوة الا بالله
يا جماعة الباشمهندس بيتكلم جد. المقرعة لزومها شنو؟ يا موافقين ، يا رافضين؟ اسلوب غريب في النقاش. عاجبكم حال البلد وحالكم ده؟

اقترح ان يكون اسمه( حزب الضمير الخالف)…!!!!!!
هذا السودان اصبح يوميا وهمه زايد وهم

دا الزول بتاع منبر السلام زمان تانى جاى يفتش الماضى .. الماضى ولى زمان